#1  
قديم 14/02/2001, 02:39 AM
زعيــم متواصــل
تاريخ التسجيل: 10/02/2001
المكان: بيت ابوي
مشاركات: 103
سامي عبد الله الجابر

لهذا الرجل كاريزماخاصة(كاريزما:شخصية مميزة وتعطي للشخص طابع مميز) قليل ماتلقاها في اي شخص...

ولاحظوا اني ماقلت في اي لاعب....

قلت في اي شخص ....

وهذ النوع من الكاريزما الساحرة ...هي اللي تخليه واحد من اكثر الاشخاص اللي كثر الحكي عليهم في هذي الديرة...

عنده ميزة التحدي ... دايم تلقى سامي يتحدى نفسه اولا قبل غيره.... يتحدى نفسه بانه غالبا مايسجل الا الاهداف اللي عليها الكلام ...

يتحدى نفسه بانه مع كل هالبلاوي اللي صارت ضده من بداية مشواره الرياضي وحتى الان لايزال افضل لاعب انجبته الملاعب السعودية ...

سامي يتحدى كل اللي منقهرين منه(وياكثرهم) وكل ما سبوه رد عليهم في الملعب .. (وبط تسبودهم زود )...

سامي عنده ميزة الشجاعة وميزة المبادرة ....مع انه مافيه لاعب سعودي مركزة عليه العيون مثل سامي .... ينتظرون منه اي غلط عشان ينفسون عن

احقادهم ...ولو مالقوا شي الفوا عليه بس عشان يقدرون ينامون في الليل ...

عنده ميزة الذكاء وهي والله اهم ميزة تحصلها في اي شخص ناجح... يعني ما راح احكي عن الذكاء في اللعب لانه مو هذا موضوعي

انا راح احكي عن الذكاء بشكل عام ....الذكاء في التصريحات .. الذكاء في القرارت اللي يتخذها داخل وخارج الملعب

يعني شوف سامي اليوم .... تلقاه... اكثر لاعب محطوطة عليه العين ومع انه ما توفق في البلنتي اللي راح، الا انه وبكل شجاعة وبكل تحدي

تقدم للبلنتي... وما كن عليه من احد، ولاكن قلوب هالسملق تطامر يبغونه يضيعها.... بس انه قهرهم وفقع مرارتهم

واعطى نفسه دفعة معنوية في هالمباراة وقدم مستوى كان رد صريح على اعداء النجاح

سامي اليوم ...قال لهم انتم تقولون ما يقدر يسجل في منتخبات ضعيفة مثل ذي ولعب اليوم عن فريق بحاله

ولاتتوقعون ان اكثر من انقهر اليوم هم الفيتناميين ...لأ اللي انقهروا اليوم للاسف هم من هالديرة

سامي قلب عليهم الطاولة .... وخذ لقب هداف التصفيات من مباراة وحدة ....

وان متاكد انهم يقولون ان هذي المباراة هي حد سامي .... والله مشكلة ان ما سجل قلتوا هالمنتخبات ولا سجل فيها اجل متى بيسجل؟؟؟

وان سجل قلتوا هذا اقصى طموحه .....(ماقلتلكم عنده كاريزما ساحرة)......

ايه والله مثل ماقال واحد منهم (حرام كفاية ياسامي) تكفى يابو عبدالله ... ارحمهم شوي

@@@@@@@@@@@@@@ احسن شي وجيه شلة المركاز .... ارحم يالذيب .....

@@@@@@@@@لاحظوا اني ماتكلمت عن اللي سواه سامي في مباراة اليوم لان اللي سواه اليوم مابعد وصلت اني اقدر احكي عنه......

واسفين على الاطالة.....







[عدلت بواسطة مرتاح احبك التاريخ:14-02-2001 الساعة: 09:33 AM]
  #2  
قديم 14/02/2001, 04:13 AM
زعيــم متواصــل
تاريخ التسجيل: 06/01/2001
المكان: المملكة العربية السعودية - الرياض
مشاركات: 126
Thumbs up

اشكرك حبيبي على هالكلام الحلو

بس بقولك شي واحد

و الله لو تتكلم للسنه الجايه

ما راح يسكتون

لان القهر مستمر و الذيب لازال يكويهم و يحرقهم بفنه

الشي الثاني

لو سامي احترف في الانتر ما راح يسكتون

راح يقولون معطين الانتر فلوس

ههههههههههههههههههههههههههههههههههههههه مساكين الله يرحم حالهم

تحياتي
[عدلت بواسطة عاشق البحر التاريخ:14-02-2001 الساعة: 04:18 AM]
  #3  
قديم 14/02/2001, 09:31 AM
زعيــم متواصــل
تاريخ التسجيل: 10/02/2001
المكان: بيت ابوي
مشاركات: 103
اخوي عاشق البحر: العفو والذيب والله يستاهل اكثر
بس انا على فكرة ماكتبت المقال ذا ابيهم يسكتون
لانهم ما راح يسكتون انا كتبته بس اعرض وجهة نظري في انه ليش
سامي بالذات؟؟؟؟ ويعطيك الف عافية
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:17 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2021, Jelsoft Enterprises Ltd

Google Plus   Facebook  twitter  youtube