السلام عليكم ورحمة الله وبركــــــــــاته....fficeffice" />

من هنــــــا احب اقول لعاشقه الوطن ... ازحفيــلي موبس انتي تكتبين قصص حتى انا



ســاره ::طالــبه مجتــهده تعشق الثــناء والمديح من معلماتها ..كل يوم تذهــب بسرعه لوالدتها لتخبـــرها بما قيل في حقها ولكِ (تحــر ) اخوتها
هيـله 27سنه صاحبه الرقم القيــاسي في الرسوب والحاصله على جائزه قينس في اكثر طالبه تقيم بالمتوسط لمده 10 سنين
واختها الاخرى حصـــــه 35المتذمره الكبرى من وقت الدراسه مما دعاها لتحويل للمحو الاميه وذلك بسبب الوقت 3ونص العصر وهي ضد الذهاب للمدرسه على جوع وترى ان الفطور مجرد نــقنــقه وتفضــل بعد الغدى اقلها الواحد ضارب بالخمس ودامج الدجاج مع البصل مع الرز وكم حبة جرجير ..ومعطره الافم قبل تروح وتجتمع بصديقاتها

فكــانت الســوري .. دائمــا ماتحمل الدرجــات العليــا رغم صغر سنــها 14 عاما وكــانت امها دائما تفــاخر بها امام الكل
مهمــله بذلك اخوتها الهــلي والحــصي
وكانت دائما ماتقول لو ابوتس حي تسان كتب فيتس قصيده مدح وقلب على اخياتس بالهجــاء
( نظــــــــرا لان ابيها كان شاعر كبير كما هو الاحطيئه وشيكسبير وكان دائما مايحمد ربه انه توفته المنيه قبل خروج بعض قصائد هذا اليوم بدايه بناقتي ياناقتي ونتهــــــائا بقصيدة ماشربش الشاي اشرب ازوزه انا )
كان لهؤلاء البنـــــــــــات ابنــــــاء عمومه او بالاصح عم وهو الوصي الوحيد على البنــات
سليــــــــمان : صاحب البنيه الجسمانيه والذكـاء الخارق فكــان ابنــاء حارته يطلقون عليه (( سليمــان مــان – على وزن سبيدرمــان).. دائمــا مايحلم بأن يكون صــاحب عقــارات يتــلاعب بأسعـار الاراضي والعمــارات وينــهب من البشــر الضعفــاء الا الله ..الاموال الطــائلات..سليمــان يبلغ من العمر 20 سنه خريج معهد التجــاره

وله اخ اكبر منه متزوج بأمرأه ((قولي قسم )) اسمه عبدالرحمن ويطلق عليه ابو علي وذلك لوجه الشبه الكبير بينه وبيبن الفنــان علي المدفع ..ومايتميز به ابو علي من أعرس وهو محدن يشوفه تقل مرته عاملتن له عمل


(بعد ماتعرفتوا على العائله وترتيبها نجي نكمل القصه )
الهــلي ::جالسه فوق طاولة المطبخ وجالاسه تدودل رجــولها ... الحصــي وش بتطبخين لنــا عشى اليــوم...؟ احــسني مشتهيه مصقــعه تقولين اتوحم ..
الحصــي :: ماعندنــا طمــاط انتي خابرته ارتفع سعره لو نرهنتس ماجبتي سعر طمــاطتين .. الا كانتس تبين ازينــها لتس بمــوز
الهــلي: الله يحوم تسبدتس .. الله يكرم النعمه ياخيتي ذا موب مصقعه ذا استفراغ بزر ماكل جرايد
الحصــي : ناويتن ازين بيض مسلــوق كود ننحف انا وياتس ونعرس ترى السوري كبرت وشكلها بتأكل الجو علينــا ياخيتي
وهي تعرس وانا وانتي نقشر بصل
وانتـي خابرتن امي ماتجيب طارينا لحدن ابد ولكن احنـا بناتها
وماغير ترزز السوري معهـا بكل عرس وبكل نفـاس تسنها طوفريه حلاو ماخذينه من باتشي..
والله يااخيتي من حر مااونس اني ادعي عليها انها ماتعرس قبلي

الهــلي: ياشيخه أي عرس واي رجيم ذا ...والله محدن طالن بوجيهنا انا وياتس
انتي وجهتس من كبره كنه مقلاة بيض
وانا وجهي وذا الحفر الي فيه تقولين ارض بها فقع

الحصــي تطبخ وهي ساكته وجالسه تفكر بفشلها
الهلــي : قامت ادندن بينها وبين نفسها
حظي تردى ياليت الحـــــــظ يــــتبدل... وابيع حظي لغيري واشتري غيره
صابر وبصبر ولـــــو ما للقــضيه حــــل... والأمـر كايد وعند الله تـــدبــيره


في هاللحظه بيت االعم ابو عبدالرحمن

العم جــدا مريض وطايح ع الفــراش واذا بغى يصلي ماغير يرمش بعيــونه
سليمــان كان جالس جنبــه ابوي ياجعل عيني تفداك قم اشرب هالشوربــه مروحتها لك مرت عمي
العم: لا ياابوك يالله اقوى ابلع ريقي
سليمان: ياابوي لو مااشربت صحتك مابتتحسن.. ياابوي ترى فيه بيتين محتاجينك لاتنسى بنات عمي مالهم الا انت
ياابوي ساعدني وقوي نفسك وخذ لك كم ملعقه
العم: والله شوربه ام الحصـي ماتنرد الله لايضرها ازين من طبــخ امك الله يرحمها الظاهر ماموت اخوي الا زين طبخهــا ذبحه هالكلسترول لين مات اجل امك الله يذكرها بالخير والله ياوك على طبخها 30سنه وانا اكل طبخها تسني مرقد بالشيمسي
عطني اشرب منه وانا ابوك ..وقبل لا اشرب اخوك هالقــاطع وين دياره من اعرس وانا مانيب اشوفه
تسـني مسويله خروج نهــائي
لايقول ابوي مريض ولا اخوي من زمــان عنه .. مير تسنه مالن من خششنا


ام الحصـــي بأعلى صوتهـــــــا...
الســـــــوري يأأمي ألبسي ازين ملابستس..واكحلي عيونتس ولاتنسين تكوين شعرتس
بنسير على ام سالم واختها ناويتن تخطب لولدها خليها تشوفتس
وهاه عاد مااوصيتس وانا امتس بالسنــع
ولاتنسيــن علقي عليتس بطـاقة الشكر الي عطتس اياها ابلة التدبير

ســاره:: مامــي مررررا مافيني اتزوج الحين اناا ابغاا اخلس ثانوي اول
الام: موب لازم تعرسين الحين اهم شي يحجزونتس ..خلي كود هالقرود الي وراتس تمشي حظوظهم عقبتس
ســاره:: مــامي انا لسى صغيرا الحين ثالث متوسط ولســى مابلغت
الام : وشو بلغتي!!!!!!!!! وراه ان شاءالله وش تحترين تشاوريني مثلا
اخلسي بس علي ان شاءالله من يجي عمرتس 16 وانتي في بيت رجلتس
ســاره: ماما خلاس انا مبروح معاكي
الام: شيطانن يطوبتس الظاهر انكم بتصفون عندي تسنكم طقم مداخن


الهلي .. والحصــي
فارشين لهم فرشه فالسطح ..وحاطين مركى بالنص وفوقه الكيرم
وماتسمع الا صوت طقطقة المضــراب
والبــودرة تطــاير بخششهم طالعتن وجيهم تنســـها خبز تميــس مابعد دخلوه الفــرن
وهم جالسات يلعبن مادرو الا التلفون يرن ..تررررررررررررررررررررررن
الهلي حصوص انزلي ردي تكفين لا ينقطع الخط
حصــه: الحين صرت حصوص قومي انتي انا اكبرمنتس
تنقز هيله للتليفون
ألو مين؟
انا سليمان ولد عمتس عندي شغل وابغاا اطلع ومااقدر اخلي ابوي لحاله فالبيت
اذا ماعليكم كلافه كان تنزلون عنده شوي
هيله: والله ودنا لكن مشغولين الدوري حامي والخمسين مابعد خذاها احد
سليمان: وش قلتي مافهمت
هيله: هاه مدري بقول لامي خلاس ازهلها
سليمان: الله يعافيتس
::::::
هيلــه .....يومـــــــــــــــــــــــــــــــــــــا .. يـــــــــــــــــــــــــــــوهـ
وجع يوجع الي مهب عندنــا<<(دعوه امي انا صدز)
سليمان ولد عمي يقول انه ظاهر عنده شغل ويبي احد يقابل ابوه روحي عنده
الام: هاااااااااااااااو يالي ماتستحين تبين أقابل عمتس والله ان يطلع ابوتس من قبره ويلسطني بذاك العقل الي يخلي مانقصني الا صيخ واطلع كباب
هيله: والله انا والحصي مشغولين خلي دلوعتس تنزل عنده

الام الشكوى لله بنزل انا والسوري
::::::::::::::
في بيت العم
السوري: عمي ترا انا وامي قاعدين فالصاله اذا احتجت شي نادني
العم: لا وانا عمتس مانيب محتاجكم انا دايخن شوي وشكلي برقد
السوري : اطفي النور ولا خليها والعه
العـم: خخخخخخخ(شخير موب ضحك مسخره )
الســوري: وش ذا دباب موب شخير
الام:السوري تسني دايخه شوي بغفي على هالكنبه اذا سمعتي الســلمي جا قوميني نطلع فوق
الســوري: ان شاءالله
جلست السوري تقرى روايه وداخله جو مع هالروايه ماحست بدخول سليمــان
الي جلــس يطــالع في بنت عمــه لحد ماهي تحركت بتسكر الكتــاب الا هو انتبه انها خلست
وقام تنحنح ...(رجــال خبيث يقدر القزقزه)
ساره :يؤيؤيؤ وتاخذ الخداديه حقت الكنب وتغطي وجها وتغطي امها
سـاره: ماعليش سليمان تطلع عشان نقدر نلبس ونطلع ببيتنا
سليــمان: انتي ساره؟
ســاره : ايه
سليمــان: مشاءالله كبرتي وصرتي عروسه...ساره هذا رقم جوالي لو احتجتوا شي كلميني لاتستحون ترا انا ولد عمكم
وخبرتس عارفه ابوي مريض وماعاد يقدر يساعدكم
ساره : الله يعافيك ممكن تطلع
سليمــان: تامرين امر بنت عمي
ساره تقوم امها وتقول سمعت حس سليمان يالله نطلع فوق
::::::::::::::::::::
ســاره طلعت غرفتها وجلســت تفكر ..سليمــان كأنه يغازلني مايدري اني ماأكن له أي شعور واعتبره اخوي حااله حاله هيله وحصه

بعديومين::::
دق تليفون البيت الا العم داق يحجز ســاره لسليمــان ويقول للام اني خايف اموت وملقى ولي لكم
اذا جمعنا بينهم بتلقون من ياقف معكم
وخبرتس عارفه الدحمي مناب نشوفه من اعرس
الام: وهي طايره من الفرحه ابد انت تخيط وانحن نلبس ..وساره لوها ذبيحه ماعشتكم
العم اجل علميها وخلينا نعلنه رسمي عشان محد يخطبها عقب سليمان
لحد مايتوظف وهي تخلس دراستها
الام: ابشر الله يطول بعمرك وتزوجهم

بعد مادرت ســاره جلست تفكــر وتفكــر...ياربي ماابغى سليمان وماابغى اكسر بفرحة امي
ولو قلت لا من بيعولنا لو زعل سليمان عشاني رفضته

الموهم مرت الايــام وقربت ســاره تتخرج.. وقالت امها ترى بنحدد العرس

سليمــان ولد عمتس فرش البيت من جديد وزينه وركب غرفه نوم وسفره مطبخ وطاوله طعام
مابقى الا يزفتس
ســــــــــــاره:: يومــا ودي اقولتس شي؟
الام : ان قلتي مابغى اعرس لا انتي بنتي ولا انا امتس
ســاره : لا يوما ..يوما انا مابعد بلغــت؟
الام: !!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟
وش تقولين انتي
ســاره : عاد هذا العلم..كل شي يجي البنات ماجاني حتى جسمي ماتغير بس طلعلي شعر واكثر منهم بعد لكن غيره لا
الام: قومي قومي بسرعه نروح للدختوره
الدكتوره:..بوصي ياامي ساره بنتــك بعد االتحاليل والاشعه بان عندها ان الهرمونات الذكريه اقوى من الهرمونات الانثويه
الام: وشو ساره حامل؟؟
الدكتـــوره::لالالا ياحببتي ماتفهميش غلط.. انا بؤلك اني بنتك ساره محتاقه تغير قــنس
يعني اوضح لك اكتر ..ساره المفــروض تكــون محمد مسلا او سامي او حاق هزي كدا
الام:: يعني بتاخذون ســاره وتعطوني محمد وسامي؟؟
الدكتوره :لا ياماما انتي ليش متنحه كدا...اكيد انتي مصدومه بس دا هو الي حاصل مع بنتك سابقا ولدك حاليا
::::::::::::::::::
بعــد العمليــه........ســاره اصبحت سمــــير
واصبحت هي الوريث لأموال والدها الموجوده عند عمها
الهــلي والحصــي يحمدون الله كثيرا ان ســاره ماعرست وافتكــو منها ومن مقارنه امهم فيها(كلن على همه سرى)
الام: مـــــــات بعد وقع الخبر عليها
سليمـــان : اصبح مريض نفسي ومن عياده الا اخرى ومن مستشفلا الا اخر
العــم : مات من المرض
عبدالرحمن: اخذ ورثه من ابوه وماشفنــا وجهه للحين مع مرته

وبس

بلاهــي وش رايكم مااعرف اكتب قصص احسن واطلق من قمــاشه العليــان

تحـــــــــاتي
ام متعب التمــيمي

الحين هذي قصه ولا بناتك يلعبون حريم هههههههههههههههههههههههههههه

ساره طلعت سمير أجل وسليمان طلع مريض نفسي الي ابي افهمه عبدالرحمن ليه داخل بالقصه
ههههههههههههههههههههههههههههههههههههههههههههه
ما فيه جزء ثاني عشان نشوف من دخل الخمسين ووش صار على هيله وحصه :$
القصه بقد ما هي جميله وحلوه لكن اكثر شي ضحكني حصه ووجها الي كنه مقلاة بيض
المهم اتمنى تكون المره الاولى والاخيره لك في كتابة القصص عشان ما تشكلين خطر على ابو ساره وعلى هلالي الظهران وهاامور البورصه <~~

هلالفلم الهندي يبيله تعليق بس ورآنآ دوآمآت الحمد لله والشكر

لامني رجعت شفت وش السآلفة

اهلا وسهلااااااااااا

ايش هالقصه والحركااااااااااااااااااااااات

ووربي عليييييييييك قصه وتعليق ابداااااااااااااااااااااااااااااااااع

ضحكتيني ^_^

اذا كنت مبتدئه فوااصلي لكن هنااك بعض الاسااسيات اللي تنقص قصتك >>>>اللي يشوفني يقول مدرسه تعبير خخ

واهم الاسااسياات عنصر التشوويق مثل ماقالو الاعضاء اللي قبل


الهــلي: ياشيخه أي عرس واي رجيم ذا ...والله محدن طالن بوجيهنا انا وياتس

إقتباس انتي وجهتس من كبره كنه مقلاة بيض وانا وجهي وذا الحفر الي فيه تقولين ارض بها فقع

ههههههههه عليك تووصيف وتشبيه هه وربي غردت من الضحك

على العموم

يسلموو على القصه

الموضوع فيه كميه تنتيف مو طبيعيه

لا بس صراحه اهنيتس على سبحونتس <<<< تراه للحين مايعرف معناها

يعطيك العافيه ياام متعب قصه روعه واحسن مافيها اللهجه القصيميه والهلي والحصي والسوري

مارحمت الا سليمان مسكين ( طلع من المورد بلا حمص ) جالس عند بوه يداريه واخرتها لا تزوج ولا ورث ومريض نفسي اتمنى المواصله على القصص الحلوه وباللهجه القصيميه احلى

هيـله 27سنه صاحبه الرقم القيــاسي في الرسوب والحاصله على جائزه قينس في اكثر طالبه تقيم بالمتوسط لمده 10 سنين

ام متعب تراهم يوصّون بثاني لفه على ايدك اليمين
تلقين لوحه مكتوب عليها ( مركز المجلس العام " لرعاية الموهوبين" و " إعادة تأهيل صعوبات التعلم " ‏)

أدخليها وصدقيني بتلقين رعايه لحالتينك كلهن