أولا أحب من الجميع أنهم يتقبلون رسالتي الأولى المتواضعة. أنا بس كنت أفكر في مطالبة البعض في العفو عن خميس--أنا ما أنكر ان خميس لاعب مهم، وان مركزه نادر (لدرجة ان الهلال استعان بلاعب أجنبي بداله) لكن لا ننسى انه فعلا استحق الشطب النهائي، خصوصا وان اللي سواه كان قد سوى زيه قبل و تم ايقافه ثم العفو عنه! و الحين وش نبي يعني (العفو ثم الإيقاف ثم العفو ثم ثم ثم ثم). بعدين الله أكبر يعني في الهلال لاعبين الواحد فيهم يسوى عشرة! أنا بس ودي اننا ننسى موضوع خميس و نركز بس على اللا عبين الموجودين. كنا نتهم الإتحاد السعودي بعد حله للجنة الحكام عشان عيون النصر، لكن أيضا راح نتهم الإتحاد السعودي إذا انه عفى عن خميس. و بعدين لا ننسى ان ايقاف خميس ليس فقط عقاب له، و لكن أيضا ردعا لمن لم يتحلى بأخلاقنا اللي نعرفها. تقبلوا كل حبي يالهلاليين.