السلام عليكم يازعماء وهاردلنا الخروج من الاسيوية وان شاء الله نعوض الموسم المقبل..........

طبعا فريقنا كان سيئ ولا يستحق التأهل الى النهائي ولكن بغض النظر انا لاحظت شي موطبيعي قاعد يصير للهلال منذ تولي عبدالرحمن بن مساعد الرئاسة ..طبعا اميرنا شبيه الريح قام بعمل جبار لبناء فريق لا يقهر ولا احد يقدر ينكر هالشئ واصبح من الصعب هزيمته داخل الملعب وياليت تركزون على (داخل الملعب) ... قبل سنتين تم طرد كوزمين بطريقة غريبة جدا وبعدها او قبلها كانت قضية لاعبنا الجماهيري المعروفة والسنة هذي موضوع جيرتس وتعاقده مع المنتخب المغربي وتم التوقيع معه والهلال يصارع بالاسيوية !!! يعني الاتحاد المغربي مالقى الا جيريتس بهالعالم الوسييييع وغير كذا يتعاقد مع مدرب ملتزم بعقد مع فريق !!! والكل يعرف ان عقد جيرتس مع الاتحاد المغربي اقل من عقده مع فريقنا بأكثر من 30 %!!! بصراحة شي غريب ومحير .. هالنقاط اللي ذكرتها والله اعلم تدل على ان عبدالرحمن بن مساعد والهلال تتم محاربتهم خارجيا يعني خارج الملعب ماقدروا علينا في الملعب فسعوا الى تدميرنا خارج الملعب .. انا ما ابرر الهزيمة والخروج من الاسيوية لأن كان هناك اسباب كثيرة لكن من رأي ان عدم الاستقرار خاصة بموضوع جيريتس كان له تأثير سلبي على الفريق .. ما ادري اذا هالكلام اللي قلته تتفقون معي على صحته ولا لا ..لكن كان بخاطري اقوله وبالاخير اختلاف الرأي لا يفسد للود قضية ... همتكم يازعماء يوم الاحد .. وان شاء الله يعود الهلال بطل لا يشق له غبار والاسيوية لن تفرط منا الموسم القادم بأذن الله ... تحياتي للجميع وجمعه مباركة..

اخوي نظريه المؤامره مو حلو
يعني سالفه جريتس
مثلا احد قال للأداره لاتشتكونه هو الاتحاد المغربي عند الفيفا
محد قالهم لا تشتكون
الخطا من الاداره من بدايه الموسم الهلال ماقدم مستوى
واخر مباراه حلو للهلال كانت مباراه ينيوديكور
ومن بعدها جت سالفه المدرب
وهو اللي حاس الفريق واستقرار الفريق
يدور عن الملايين من يدفع لي اكثر اجي يمه

المشششكلـه









باللأعبين بسسس

اخي الكريم (وجد الزعيم) كلامك على عيني وراسي... لكن بهالزمن كل شي ممكن يصير ... وموضوع المدرب اكيد زي ماقلت انه يبحث عن الملايين لكن الغريب ان عقده مع الهلال اكثر ماليا من عقده مع المنتخب المغربي وعبدالرحمن بن مساعد جازف لمن تمسك بجيريتس حتى الانتهاء من الاسيوية وهو عارف انه وقع مع المغرب لكن بنفس الوقت ما الومه لأنه بتكون برضو مجازفه اذا تعاقد مع مدرب جديد قبل الاسيوية بأسابيع قليلة ,, وجهة نظر وتشرفت بمرورك

.. همتكم يازعماء يوم الاحد ..

تكفوووون نبي حضور لعيون شبيه الريح

احس انها مؤامررررره . طييط

كلامك سليم جدا
؛
اتمنى ان الجمهور يحضر عشان شبيه الريح
لازم نقف معه
ومع هلالنا
؛
والوعد الدرة يا زعماء


/