والله العظيم ان جماهير النصر اثبتت انها جماهير واعيه ومحترمه
وهذولا الجماهير اللي فعلا يمثلون النصر
لاتغركم جماهير النت المتعصبه , ومالفت انتباهي في مباراه الهلال وجود بعض الجماهير النصراويه العاقله . صراحه يعجز لساني بالتعبير للحب والوفاء والشكر لهذه الجماهير اللي تعنت المسافه وحضرت وشجعت وساندت من اجل الوطن

ومن هالمنطلق اعلن اني سأكون اول المشجعين لنادي النصر بالاسيويه وجميع البطولات الخارجيه
( صراحه انا تأثرت من تعصب الجماهير بالنت واحس اني بالاونه الاخيره صرت مثلهم . واحيانا اسب النادي الفلاني واغلط عشان هو غلط على الهلال . لكن الجماهير هذي علمتني وش معنى الوفاء للوطن اولا ثم للنادي ثانيا )

احيانا اسأل نفسي سؤال . واقول ليش حنا شعب سلبي
( ونشوف سلبيات الاشخاص قبل ايجابياتهم ) وسلبياتهم نعممها على الجميع , والايجابيات نحصرها

وهذا ينطبق على الجماهير ايضا . ليش الهلالي لاشاف نصراوي حاقد على الهلال يعمم على الجماهير النصراويه كلها . والعكس صحيح
وفينا تعصب مخزي . وياليت نمحيه بحملات توعويه
واعتقد اللي جرفنا لهالشي هم بصراحه ( بزارين النت ) يجيك واحد عمره 16 وينزل موضوع يسب الهلال ولا يسب النصر ولا الاتحاد . ويجون الكبار يتحمسون وينجرفون ورى هالاشياء الطفوليه

. ويمكن انا صرت في ايام كثيره من اللي انجرفوا لبزارين النت ,,

لكن علمتني بعض الجماهير النصراويه والاتحاديه حب الوطن والوفاء .
( بغض النظر عن بعض الجماهير الاخرى الي مثل ماقلت عنهم بزارين نت )

وانا اعلن هنا عدم سلبيتي . يعني مااشوف سلبيات جماهير النصر اقصد جماهير النت المتعصبه .




اشكرك ياسلمان الجريسي نيابه عن الجماهير الهلاليه , وبإذن الله الجمهور الهلالي بيساندكم بالاسيويه المقبله وسنكون يدا واحده

صحيح نتنافس داخليا وبعنف . لكن نحن خارجيا نمثل الوطن وعلى قلب واحد



صح عليك . حنا اخوان . لكن بعض القنوات الخليجيه تحاول تفتن بينا على حساب ان برامجاها تنجح

شكرا على هاللافته الرائعه



شكرا ياشباب النصر الواعيه والعاقله . واعتقد انكم اكبر مثال جميل لجمهور عالمي



.

ختاما .
لحد يجي ويغلط ويسب النصر . لأن رده مايشرف موضوعي وبعتبره من بزارين النت المتعصبه

حنا على قلب واحد واخوان . واقسم بالله ثم اقسم بالله اني اقول هالكلام من قلبي
وبإذن الله سأقف مع نادي النصر بالاسيويه وان شاء الله يشرفنا . ويرجع نصرنا الاول



رجاءا لاتكونون شعب سلبي ينظر لجميع الامور بسلبيه ولا يرى ايجابياتها ويحصرها كما قلت .

جمهورالنصر كبير . وفيه منهم ناس واعين وعاقلين . وانا بهالموضوع اشكر الواعين والعاقلين . واتمنى من المتعصبين يغيرون من انفسهم مثلي لآني كنت متعصبه واكره شي اسمه نصر واتحاد وو الخ ومااحب الا الهلال . لكن اقسم بالله الصور هذي علمتني الشيء الكثير


ملاحظه

نادي انتر ميلان الايطالي صام 45 سنه عن بطولة دوري ابطال اوربا . لكن مع ذلك كان يعتبر فريق عالمي ووقوي وله عشاق وجماهير وصبروا حتى اتت البطوله المستعصيه الى خزائنهم

تقريبا كان نفس حالة الهلال . يبدع محليا ويتعثر خارجيا .

واقولكم البطوله جايه جايه اجلا ام عاجلا بإذن الله .