السسسسسسسسسسسسسسسسسسسسسسسسلام عليكم معشر الاعضااااااااااااااااااااااااااء
رجالا كنتم اااااااااااااااااااااااااااااااااااااام نسااااااااااااااااااااااااااااااااااااااااااااااااااااااااااااااااااء
شيوخا اااااااااااااااااااااااااااااااااااااااااااام بسطاااااااااااااااااااااااااااااااااااااااااااااااااااااااااااااااء
شيونا كنتم ااااااااااااااااااااااااااااااااااااااام امرااااااااااااااااااااااااااااااااااااااااااااااااااااااااااااااااء
مهسترين كنتم اااااااااااااااااااااااااااااااااام شعرااااااااااااااااااااااااااااااااااااااااااااااااااااااااااااااء
معيدين كنتم ااااااااااااااااااااااااااااااااااااام ما تعيدتو (هذي مالقيت لها همزه في الاخير)
المهم
وحشتووووووووووووووووووني يالزرقاااااااااااااااااء
واحد معلق على الهمزه
المهم مرتن ثانية
اللي ماراح معنا لمخيم المنتدى فاته نص عمررررررررررررررررره
مخيم ميه ميه++ بقياده سهل الثمنيه ++ولا في النيه++ يكون هالمخيم بهالجهنميه++والانبساطيه

×× سهل 888 مدير عام المخيم والمفتش العام ..ولو انه اقلقنا شوي بقراراته الصارمه وعقوباته الخنفشاريه
×× صمت العيون صاحب اكبر بسطة حلويات ومكسرات بالمخيم يبيع التوكس بريالين والجالكسي بريالين ونص وما عنده ترجيع باقي وغالبية زباينه من معشر البنات بالمخيم
×× الكنز نواف صاحب اكبر مشاريع المسابقات الثقافيه ومسوي فيها جورج قرداحي حق المخيم وجوائزه كلها متقضيها من ابو ريالين
×× خربووط على اسمه صاحب اكبر مهرب ومروج للشروخه والصواريخ بالمخيم ويبيع صواريخ سكه يعني بانه يقضي مكاسبه في الشروخه على الجوال نص يومه يضيع في كتابه رسايل جوال والنصف الثاني يقضيه في الشروخه (ماينوم ابد)
×× ابو الذهب جايك والببغاء على كتفه مسوي فيها الببغاء حقه يتكلم اوردو جايبه من بنغلادش مسوي فيها سلفر بس حق بنقلادش
×× ابو روان امام وخطيب حرم المخيم الشريف بس لا احد يدقق عليه اويقول وينه في صلاة الفجر
×× ابو ساره دارديفل صاحب اكبر بسطة بليله بالمخيم يحط فيها سلطه وخل بس على كيف كيفك مافيه زيها ضرب السوق
×× وعندك المخبل الاثنين تيمون وبومبا قرقاص ويزيد 9 .يموتون في شي اسمه مشوار بالسياره حتى لو قلنا لهم روحو الرياض وجيبو شراريب العائله راحوا ورجعو ماعندهم مانع ..تصدقون ..لو تحسبون جلوسهم بالمخيم وجلوسهم بالسياره ومشاويرها كان صارت جلوسهم بالسياره صار اكثر ..مدمنين سوواقه
×× ال بو تمساحوه اكبر حريف في الكيرم يسمونه كنق الكيرم في حارتهم ما يرتاح ولا يهدا باله الا لما يطبب الخمسين ومعها ثلاث طباقات (طالع طرزان)
×× البارق طباخ المخيم وللاسف الشديد مع ان سهل 888 قايلنا من قبل ان هالادمي ما له في الطبخ والنفخ بس ما صدقناه ...تصدقون يوم من الايام حط ابو الذهب الببغاء عنده قام هالبارق ذبحه وشال ريشه وطبخه مع الدجاج ..وقاعد يقول لابو الذهب ..تصدق ان طعم لحمه نفس طعم الدجاج ..ابو الذهب ماصدق خبر قام عليه ولزخه وشوته اليييييييييييييييييين عض الارض وعقبها حرررررررررم البارق يطبخ
*** ياجماعه تصدقون هالمخيم كوووم وملعب الطائره كوم ثاني جايبين شبكه وعمدان وكوره طائره دوليه وملعب دولي على كيف كيفك بس اللعيبه الله لا يوريك يسفاب (حسافه) الكوره والملعب عليهم ..ما عندك احد داااااجين قلبناها مخبز تميس
×× العرفج الله لايوريكم اياه وهو نايم انوووووووواع السعابيل على المخده (وانا اقول من يخلص جوالين الماء صار اهو)
×× احمد 15 باختصار حطني تلقاني يعني انواع العجز وانواع الركود وانواع اللا مبالاة يعني ماكنه طالع معنا ابد اذا تكلم صفقوله اللي في المخيم ويقولون احمد معنا زين تكلم
×× الجنرال فيصل انواع الشروخه والصواريخ معه يمووت فيها ما ربح خربوط الا هو قضت ثلاث ارباع قروشه في الشروخه والمشكله ان نصها ما يشبها هو اللي يشبها عزوز يطاق هو وياه ويسرق منه الشروخه ويروح بعيد ويشبها
×× اما احمد 351(كنه تحويله مكتب ) فحطه عند النار ووكل الله ماتجي بعد ساعه الا السمر قاضي
×× ولا جنتلمان.فحط عنده حليب بوني وجرايد حتى لو كانت قبل شهر او شهرين مايقطه الا الصلاة
×× اما سليمان فهو ارهب واحد راح للمخيم وهو صايم ورجع وهو صايم يقول ودي اخلص الست بدري واعيد على باله بيسوي العيد عيدين (عنده شهر شوال كله بس وش تقول كلن بعقله راضي) بس اهم شي انه قاط (والله لو اني مكانه لاحضر كل الوجبات الثلاث واي شي يحطونه اكله ولو اني ما احبه من باب ماجاء في تحليل القطة )
×× ولا ننسى ابو شذى الله لايهينه ورقة اللعب ماتفارق مخباته يلعب بلوت اربع وعشرين ساعه ..ذاك اليوم شايفه وهو ناي يحلم ويقول اربع ميه ي خويي
########################نجي بعد كذا لمخيم البنات
×× فعندك العنووود مسويه فيها شويعره وقاعده تتحد الممكله وترد عليها في الشعر ومسوين شعر مراد وسجال بينهم وصفين من هنا ومن هناك وانواع الاهازيج والشعر المكسر
×× وعندك شهد مسويه فيها انها شقرديه وطباخه وهي ما تدري انها حدها دلوعه وكل يوم ترسلنا مع بعلها (صمت) كيك مدير وش يبي ويقولها هالمخفه ..الله والله كيكك يجنن ويهبل ..وحنا في هناك نعطيه للخرفان
×× الماسه ماخذه المركز الاول في مسابقه اطول علكه تبقى في الفم ويمكن تدخل كتاب قنس للارقام القياسيه في مضغ العلوك
×× اسيرة الزعيم فيوم شاركت في مسابقه من سيربح المليون في رمضان سوت فيها جورج قرداحي حق الحريم جايبه مسابقات وجوائز من نفس المحل اللي خذ منه الكنز جوائزه
×× اما هذي اللي اسمها الهلاليه للابد..فما تصدق خبر من يوم نحط الددسن حق جوالين المويه تقول اللله لايهينكم خلو المفتاح عليه لو احتجنا نقدم السياره او نرجعها ...وعينك ماتشوف الا غبار هالددسن من يوم ننزل الجوالين الا وهي ما خذتن الددسن وتقول ابروح اطعس وانواع التغاريز يروح نص وقتها في دف الددسن والا حفر الكفرات واخرتها تدق بالجوال وتقول تعالو غرز الددسن مدري وش فيه قابلني ضب وخفت اصدمه فهديت وغرزت ..وكل يوم على هالحاله ..كل يوم يصادفها ضب المشكله ما عندها في البر الا ضب طيب قولي اسد ولا ذيب ولا نمر ..ماتعرف الاضب
×× ام اللي اسمها اضواء الهلال فتبون الجد المفروض ان اهلها مايسمونها اضواء المفروض يسمونها اطفاء لانها ماتقوم في المخيم الا في الليل وتصقع ذال الكاس اللي كبر سماعات الكمبيوتر اللي عندي (عاد انتم تخيلوا السماعات اللي عندي وش كبرها) وتبهذل البنات اللي في المخيم وتجمعهم وتغصبهم انه يلعبون اونو معه الين طلع السفر
×× عاد نجي لنجمة الابداع هي اللي ماسكه امامة المسجد حق الحريم(واحد دلخ مايدري وش السالفه)

************اخيرا
"" تنبيه """" اللي ماذكرت اسمائهم فوق وهم كانو في المخيم ما قطوا.......يعني الله لايهينهم يجيبون القطه بعدين نكتبهم ونذكر اعمالهم ومجهوداتهم في التقرير الثاني المعدل

####### ما يستفاد من الحديث(من جد):
×× اللي يروح للبر وقبل كل مايستقر في مكان لا بد ان تقرا ايه الكرسي والمعوذات والادعيه المذكوره
×× يجب المحافظه على الصلوات وصلاة الجماعه وخصوصا في اوقاتها قدر الامكان
×× يجب ان تضع نصب عينيك انك ذاهب للتسليه بالدرجه الاولى ولا بد لك من التجاوز قدر الامكان عن عثرات اصدقائك في الرحله
×× وجود المبيعات والمشتريات (البسطه)في المخيم ليس للربح ابدا ابدا انما من باب التنافس واعطاء جو من البهجه والحماس والدليل على ذلك ان الاخوان اللي باعو وبسطو بضاعتهم ثلاث ارباعها فرقوها بالمجان او بالجوائز وقت المخيم والربط الباقي لطش وسرقه
×× من اجمل مايكون في المخيم ان اصحاب المخيم على مدى ايامه المتتابعهلم يكونو يتمنون ان ينركوه و كانو يثنون على بعضهم وينصحون لبعضهم في بوتقه من الاخوة (وش رايكم في كلمة بوتقه ,متعوب عليها صح) حتى انهم تعاهدو جميعا على اعادة وتكرار مثل هذا المخيم
×× لا بد على البنات والنساء ان ياخذن في تنزههن على اقدامهن الغطوه(الجلال) لان وبصراحه في هذه الايام كثر المستخدمين للدرابيل وعدسات كميرات الفيديو واللي الزووم فيها احيانا افضل من الدرابيل نفسها واسالو مجرب (واحد فضح عمره).((تكفون ي بناتنا اذا فاتكم الغطاء فلا يفوتكم الحياء)).
×× ليست مشكله ان تستخدم البنت السياره في البر للترفيه والتنزه ولكن مهم ان يكون معها رجل يهتم ويحرص عليها
×× واخيرا شموخ ليس ملتزما مع انه يتمنى ان يكون ذلك في يوم من الايام ولكن غيرته وافتتانه جعله يقول مثل هذا الكلام لاحبته مثلكم... وسامحوني اذا غلطت على احد منكم .