وها نحن نرجع لكم الفجر والمنتدى فاضي والبيبان ((جمع باب)) مدلوقه وما فيه الا كم نفر....

إقتباس ×× سهل 888 مدير عام المخيم والمفتش العام ..ولو انه اقلقنا شوي بقراراته الصارمه وعقوباته الخنفشاريه

صدقت صارم وما عنده الا نظام ....لكن ما تمشي علي ((القطه معي ))

إقتباس ×× صمت العيون صاحب اكبر بسطة حلويات ومكسرات بالمخيم يبيع التوكس بريالين والجالكسي بريالين ونص وما عنده ترجيع باقي وغالبية زباينه من معشر البنات بالمخيم

وان شاء الله السنه الجايه باوسع نشاطي....باجيب زيت زيتون وعلوك وتخبرون برد وتبهذلتوا هالسنه ان شاء الله السنه الجايه اجيب لكم فازلين على شان ((المشق)) .....
الا اقول يا مديري الحين ايقالك ناكبني بالبسطه وطلعت مساعدني فيها دراهم واجده ...

إقتباس ×× الكنز نواف صاحب اكبر مشاريع المسابقات الثقافيه ومسوي فيها جورج قرداحي حق المخيم وجوائزه كلها متقضيها من ابو ريالين

انا شاركت مع كنز قرداحي فزت بقطمة رز مع دبة غاز بس قهر الفرن فاز فيه واحد غيري ولا ننسى احلى هديه شباصه لونها فسفوري.....

إقتباس ×× ابو الذهب جايك والببغاء على كتفه مسوي فيها الببغاء حقه يتكلم اوردو جايبه من بنغلادش مسوي فيها سلفر بس حق بنقلادش

الله يرحم ايام اول سلفستر وجزيرة الاحلام

إقتباس ×× البارق طباخ المخيم وللاسف الشديد مع ان سهل 888 قايلنا من قبل ان هالادمي ما له في الطبخ والنفخ بس ما صدقناه ...تصدقون يوم من الايام حط ابو الذهب الببغاء عنده قام هالبارق ذبحه وشال ريشه وطبخه مع الدجاج ..وقاعد يقول لابو الذهب ..تصدق ان طعم لحمه نفس طعم الدجاج ..ابو الذهب ماصدق خبر قام عليه ولزخه وشوته اليييييييييييييييييين عض الارض وعقبها حرررررررررم البارق يطبخ

تصدقون ان الطلعه ماش هالمره كل اكلنا خانس((مافيه ملح))...بس احلى ما فيه الطلعه دجاج بالبر

إقتباس ×× وعندك المخبل الاثنين تيمون وبومبا قرقاص ويزيد 9 .يموتون في شي اسمه مشوار بالسياره حتى لو قلنا لهم روحو الرياض وجيبو شراريب العائله راحوا ورجعو ماعندهم مانع ..تصدقون ..لو تحسبون جلوسهم بالمخيم وجلوسهم بالسياره ومشاويرها كان صارت جلوسهم بالسياره صار اكثر ..مدمنين سوواقه

الله يهديهم قضوا القطه على مشاويرهم....بس ماني تاركهم الين يدفعون البنزين....اللي خلصوه على مشاويرهم

إقتباس ×× وعندك شهد مسويه فيها انها شقرديه وطباخه وهي ما تدري انها حدها دلوعه وكل يوم ترسلنا مع بعلها (صمت) كيك مدير وش يبي ويقولها هالمخفه ..الله والله كيكك يجنن ويهبل ..وحنا في هناك نعطيه للخرفان

ايه اهم شي انكم تتمنون تزين لكم اقل شي كبسه وهي رافضه ...على شان المره الثنيه تخلون البارق يطبخ لكم...

إقتباس ×× اما هذي اللي اسمها الهلاليه للابد..فما تصدق خبر من يوم نحط الددسن حق جوالين المويه تقول اللله لايهينكم خلو المفتاح عليه لو احتجنا نقدم السياره او نرجعها ...وعينك ماتشوف الا غبار هالددسن من يوم ننزل الجوالين الا وهي ما خذتن الددسن وتقول ابروح اطعس وانواع التغاريز يروح نص وقتها في دف الددسن والا حفر الكفرات واخرتها تدق بالجوال وتقول تعالو غرز الددسن مدري وش فيه قابلني ضب وخفت اصدمه فهديت وغرزت ..وكل يوم على هالحاله ..كل يوم يصادفها ضب المشكله ما عندها في البر الا ضب طيب قولي اسد ولا ذيب ولا نمر ..ماتعرف الاضب

يا شين اللي يصرف لام عياله.....وانت الصادق تخبر يوم تقول انها شافت دينصور وقلت لا تعلم احد عن ام عيالي وخربيطها

إقتباس ×× فعندك العنووود مسويه فيها شويعره وقاعده تتحد الممكله وترد عليها في الشعر ومسوين شعر مراد وسجال بينهم وصفين من هنا ومن هناك وانواع الاهازيج والشعر المكسر

اقول وش هالاصوات والمهاوش ذاك اليوم انثر المملكه والعنود يتماعطون الشوش وكل وحده تكوح على الثاني تراب

إقتباس ×× ولا جنتلمان.فحط عنده حليب بوني وجرايد حتى لو كانت قبل شهر او شهرين مايقطه الا الصلاة

ايه تخبر مانجستر يقولون فايز...وهو متابع ;)

إقتباس ×× اما سليمان فهو ارهب واحد راح للمخيم وهو صايم ورجع وهو صايم يقول ودي اخلص الست بدري واعيد على باله بيسوي العيد عيدين (عنده شهر شوال كله بس وش تقول كلن بعقله راضي) بس اهم شي انه قاط (والله لو اني مكانه لاحضر كل الوجبات الثلاث واي شي يحطونه اكله ولو اني ما احبه من باب ماجاء في تحليل القطة )

احس ميزه فيه على شان يبقى من القطه ....

إقتباس ×× ام اللي اسمها اضواء الهلال فتبون الجد المفروض ان اهلها مايسمونها اضواء المفروض يسمونها اطفاء لانها ماتقوم في المخيم الا في الليل وتصقع ذال الكاس اللي كبر سماعات الكمبيوتر اللي عندي (عاد انتم تخيلوا السماعات اللي عندي وش كبرها) وتبهذل البنات اللي في المخيم وتجمعهم وتغصبهم انه يلعبون اونو معه الين طلع السفر

ايه يلعبون اونوا وموهقينا مع ابو شذى بالبلوت

إقتباس ×× ابو ساره دارديفل صاحب اكبر بسطة بليله بالمخيم يحط فيها سلطه وخل بس على كيف كيفك مافيه زيها ضرب السوق

الله يقطع شيطانه....عنده شطه تخليك تشعلل من الحراره

إقتباس ×× ليست مشكله ان تستخدم البنت السياره في البر للترفيه والتنزه ولكن مهم ان يكون معها رجل يهتم ويحرص عليها

نصيحه لا تعطون الحريم السياره واذا عطيتوها الله يعينكم كل شوي معرزه والا تشوف اللي يطير من فوق السيوف وزين اذا رجعت والكلاتش سليم;)

على قولتك برايفت للسلمي

إقتباس هههههه اكيد لانه بدل حق الروحه الى اقرب بقاااااله يعني اجااار المسافه000وطبعا البنااااات يمتن في شيء اسمه شقلاطه مااااتشوف الوحده كل يووووم راايحه للطبيب الاسنان

ايه البنات يحبون اللي تقول ((شقلاطه ))ما تشوف سنون اضواء ناخرها السوس;) ;)

برايفت لكنزووووووووه

إقتباس حدك عاااااااااااااااااد الا بنتي ماتقدر تقول عن طبخها شي !!! أنا مربيها زيييييييييين وطبخها أحلى من طبخ مطاعم الرياض كلهااااااااااااا لاتخليني أنا وصمت وبنتي نجي نتمردغ في بطينك الأجوف

ورحت فيها يا شموخي...