حدثت هذه القصة في ضواحي منفوحة بجنب بوفية سعيد اللي كل قسم منفوحة يفطرون عنده

من خلف المسامير والبراغى , وتحت انقاض الشكامين والبواجي في بيئة الخردة وسوق الحديد

كان يعيش فرج ابو البراطم مع اخوه جبرتى اللى اخذ زعامة الحارة بعد جولة دامية في مبارة عكوس

وكان جبرتى اقشر مايتفاهم الا بمفتاح 14 وكان دكتاتوري كل شوي له قانون بها الحارة ومن اهم قوانيية منع بيع

الحمام الا اذا كانت الحمامة عقيم مع احضار صوره للأشعة وتقرير مصدق من ثلاث اطباء ،،،واخر قرار اصدرة السماح

بالترقيم بس تكون نيتك تعرس ( يصير خير ان شاء الله )

وفى ذالك الوقت كان فرج ابو البراطم غارق لشوشتة مع الفتيات وكان يردد كل البنات بتحبك كل البنات حلوين

وفى يوم من الايام وصل خبر لجبرتى ان اخو زوجته شليويح يسعسع فى ضواحي منفوحة بدباب خرينق طبعا شليوح

اطلق واحد بغبيرة يتفخ كفر السيكل بفمه والله يعين اللي بيسوي له تنفس صناعي

طبعا جبرتى قفلت معه وراح يدورعلي شليوح فى ربوع منفوحة وهو يقطع في الحكي يعنى لو يطب عليه

اربعة باكستانين جلدهم وبعد ماتقطع عصب رجوله وهو يدور عليه لقي دباب شليوح برا وشليوح داخل عند واحد من

ربعه،،،، قم وقربع بدبابه فوق الرصيف شوى الا وطلع شليوح يوم شاف جبرتى حايس ام دبابة قال له

خير يابو الشباب وراك على دبابي جعل عيونك تفقع،،، ردعليه جبرتى اقول اعقل لاامحطبك بعسيب هالنخله انت

وخشتك اللى كأنها ضب ابوة مدعوس ولا جاء اسعاف يشيله والاسعاف يقول مهوب شغلنا هذا شغل سياره البلدية

( نعنبو بليسك ذي سالفة مهيب ذبه )،،، رد عليه شليوح الظاهر تبينى افقع خشتك بهالعجرا افتح لك شارع مرصف

ومنور والشباب يفحطون فيه والمرور يتفرج عليهم ولا يسوى شي ؟؟؟ ( قسم بالله انك امصل من

خويك ) قال جبرتى هههههههه ضحكتني يالزلابة وانا مليش نفس،،، شليوح فى هاللحظة ماعاد تفرق معه ينجلد او

ينجلد وقال كلمته المشهورة خذها لابارك الله فيك وهبدة بالعجرا يحلفون بالله انه وصل جميع الخدمات بجبهت جبرتى

وبعدها سقط جبرتى وهو فاق كشرتة وشليوح واقف مثل الاسد بس طاقته ام الركب والظاهر ان جبرتى فنقش يعنى

مات،،، شليوح مهوب مصدق وقعد يسوى له تنفس صناعي واثنا ماهو قاعد يسوي له تنفس صناعي انفقع صدر

جبرتى وطلعت كليته محل خدوده يعنى تبى تسوى اشعه لكليته صور خدوده،،، قام شلويح ووقف على رجل وحده وهذى

الحركة مايسويها الا اذا كأن فيه مصيبة وقال ويح قلبي شكله مات من جد (هههه ماجبت شي جديد)

وفى هاللحظة عض ثوبه شليوح واطلق عصاقيله للريح ولا رده الا اهلة يوم شاف ابوه قال له وش اللي صار،،، فرد

عليه ابوه : لقد وهقتنا ياابني لسوف نتوهق توهيقتن كبيره،،، فقال شليوح لاعليك ياابى لسوف نصرفها هذه المره

وفى هذى اللحظة وصل الخبر لابو البراطم فلم يصدق ماحدث وبدا يناقز من شده الحزن وقامت براطمه تصافق كانه بعير

موقف بسجن الملز لانه ماسدد الاقساط والأماره تقول مهوب شغلنا موضوعك عند اللجنه والحقوق المدنيه تقول سدد

ولا خس بالسجن وانت ماعالم بحالك الا الله ( اقول ابو الذهب ترا مصختها ) وبعد ماناقز له شوى قرر انه يبلغ بنت

اخوة،،، يوم دخل عليها لقاها تبكى وعندها خبر باللى صار وقالت له لقد قتلو ابى ياابو البراطم فرد عليها اقول

اهجدى لااصكك بجنط السيكل خلينى افكر،،، هم يقولون مات بس ماادرى اذا كانه توفى ولا لا ( امحق عم ) فردت عليه

اقول ابوى تراه اخوك ( الحمد لله رب العالمين اجل امة ) فما كان منه الا ان جاوبها بجنط السيكل مما ادى الى ظهور

صعرور هذا كبره،،، وبعد تفكير مرير يعنى تحس من قوى التفكير ان المراره صارت محل اللوز قال بشوف الزكرت

وش يقولون وبعد مباحثات معهم قالو له لزم نجيب جوهر لان عليه خشم من كبره تحس انه باب ملحق طبعا جوهر

اطيب واحد فيهم ويشتغل مروج،،،، راح ابو البراطم لجوهر يبى فزعته لقاه منسدح عند باب بيتهم ومافيه ذبانه الا

وتحوم حول راسه قال ابو البراطم سمعت الخبر رد عليه جوهر بعد مادخلت كم ذبانه بفمة اقول كل عام وانت بخير

قصدى احسن الله عزاك قال ابو البراطم اقول ترانى ناوى شليوح واهله طبعا جوهر لاهى فى هالذبان مهوب يمه وبعد

ما زرط له كم وحده قال له اوكي بس وش الموضوع ؟؟؟ ( يجى خير هذا اللي بيفزع )

رجع ابو البراطم للبيت لقي خاله ينتظره ،،، قال خالة اترك عنك الهبال وخل نحلها ودى رد عليه ابو البراطم ودى ولا

دولى اقول لاتوجع راسي اسئل هالمهبولة وش تبي ،،، فقالت وهى تمسح سعابيلها انا عاوزه بابا حيا،،، قال هاه

سمعت شفت تقول عيزة مدري وشو يعنى تبي ابوها هي وجهها وفى هاللحظة جاوبها ابوالبراطم بقذيفة ثانيه وفى

نفس المكان معلنه عن ولادة صعرور جديد جنب خوية،،، فرد خاله انها الحرب اذا،،، بليززززززززز وقفها لانتوهق

،،،ناظره ابو البارطم وهو يحك ابطة يجيب الله مطر،،، وبعد كلام خاله جلس ابو البراطم يقلب الموضوع براسة يمين

ويقلبه يمين ويجيبه يمين ( وش ذا الراس اللي كله اتجاه واحد ) وبعد هالتفكير لقي حل واحد هو انه يتقابل مع شليوح

راس براس واتفق مع شليوح انهم يتقابلون بعد صلاه الفجر في مقبرة منفوحة ( هههههههه حفارين قبور هاللي

مسنترين من الفجر ) يوم تقابلو طب عليه شليوح قال ابو البراطم انتظر وهو اللي يدنق زى حقين الكراتية

( يعنني نضامي) وما درى الا بركبه في جبهته وبعدهالركبه ابتدت معركة شرسة بينهم

استمرت الي مابعد منتصف الليل ( مدري وش زارطين ) كان ابو البراطم هوالأقرب ليحسم اللقاء لولا تدخل لجنه

الانضباط مطالبة تأجيل الهوشة الىي وقت اخر حتى يتم معالجة شليوح من الأصابات ،،،، بعدها قعد ابو البراطم وخوياه

يغنون ( حبطل السجاير واكون انسان قديد )

في هذه الفترة كانت اخت شليوح توها والد فراح شلويح لاخته وقال لها لابد من اخفاء المولود،،، ردت عليه اختة

وراه وجع يوجعك ؟؟؟ قال لها لكي نوقف هذه الحرب الدامية لقد تفقعت خشتىي ياوخيتي،،، طبعا شليوح قام بتسريب

خبر وفاه المولود( يبى الفكة ) يوم وصل الخبر لابو البراطم ان الولد مات ,ضاق صدره وقعد يبكى الين صب زيت فرامل

من عيونه ،،، وبعد مرور زمن طويل من المعارك كبر الولد وسمته امه كرتون تفاح مثل ماقال لها اخوها شليويح

وفى يوم من الايام حس كرتون هالسكري ان فيه شي غلط وحجر امة في زاوية180 درجه خلها

تعترف بكل شي وان اسمه الحقيقي مناحي ويدلعونة سمير،،،

راح مناحي وهو ناوي يخرب امها مع خاله يوم شاف خاله شليويح بلع العافية وقال له الحين يوم انك تذبح ابوي

ياقليل الحيا ،،،، رد عليه شليوح وخير ان شاء الله،،، والله لو ابوك فاتن حمامة ههههههههههه مهوب صاحي

قال له مناحي عموما الله يسامحك ( لا ياشيخ تعبت عمرك )


مايستفد من هذه القصه :
طبعا ولا شى كلها خرابيط من تأثير الهزيمه امس وخيرها بغيرها

اجل اذا انهزمتوا من النصر الاحد شبتسون
تئلفون روايهـ<<فال الله ولافالي


الحمدلله على كل حال

وانا اشوف من ايجابيات الهزيمه اقلها خلتك تئلف قصه
ونتشرف بكتاباتكـ ونتعرف على الجيل القديم للمجلس
ماغير قرقاص مئذينا عليك

الا منفوحه اين موقعها على خريطة المملكه؟؟

تركي السلماني

إقتباس ههههههههههههههههههه عزن يعزك يافرج و الله يقطعك ياشليويح >>> شليويح و الله شليويح العطاوي ههههههههههههه تحياتي يابو الفضة

هههههههههههههه ومناحى ماله رب




ســـــ SMN2002 ـليمان

إقتباس السلام عليكم ورحمة الله وبركاتة وهلا وغلا والله حي ابوالذهب والله مشتاقين لك وكذلك لرفيق دربك ابوالتماسيح باااوا وش هالتواضع الجم سعر الذهب وصل180 ريال وتجي وتتكرم علينا بموضوع اخبرك بس تغلي علينا وقتها سعر الذهب ماتعدا 35 ريال ابوالذهب هالقصة تبي لها شراب من نوع بنزين مع شوية كاز مع قطع شحم بعلبة زيت قير وياحبذا مع هذا كلة رمان بلي وشوي قطع ربل. وطقم اصلاح فرامل علشان نجاري القصة ابو الذهب تدري ان الهزيمة تخلي الواحد يهذري. علي العموم خيرها بغيرها تحياتي لك يا العزيز والغالي والاخ يابو الذهب وترا ارد عليك من جوال الايفون ماهو مثل ذيك الايام من كيبودر كبر الطاولة وعلشان ماتعب نفسك اذا بغيت ترد علي احد اعمل اقتباس ورد عليه بصفحة لحاله ماهو زي اول تجي وتجمع الردود بصفحة وحده

وعليكم السلام ورحمه الله وبركاته
اجل من نوع بنزين هههههه شكلك بترتفع بتشليح الحاير





ام متعب التميمي

إقتباس هذا الي خذنـــــــاه من ارتفــاع وزن الذهب زاد وزن الذهب وخف العقل

اهم شى لايخف الجيب

إقتباس تسنه راسك

ههههههههههه اجل تسنه راسى ههههههههه ماشفتى راسك اللى تسنه صحن شعيريه

إقتباس ابو الذهب لاعمرك تكتب قصه والهلال منهزم

ابشرى طال عمرك




هامور البورصه

إقتباس هههههههههههههههههههههههههههههههههههههههههههههههه ههههههههههههههههههههههههههههههههههههههههههه قسم بالله ضحكة ضحك غير طبيعي مدري الي فوق ليه ماضحكوا يمكن قروها بعد مباراة الهلال ورب البيت انك مبددددددددع آآه بس من كثر الضحك اوجعني صدري ودي ادخل يدي بحلقي واحكه من جواء أحلى شي بالقصه يوم قام يناقز على رجل وحده هع وقسم بالله انك تحفه الا ما فيه جزء ثاني بس هع أجل عشان الهلال انهزم نزلت الموضوع ماودي اقول ياليت الهلال ينهزم كل يوم عشان اضحك هالضحك هع

هلا وسهلا بهامور وبسم الله عليك وعلى صدرك وانا امك هذى اخره اللى يدوج بالاستراحات ومايلبس ام رقبه





J.A.J

إقتباس لاحول ولاقوة الا بالله ابا النحاس رجعت لك الحالة

على خفيف

إقتباس خلاص جايك اليوم ومعي العدة با اعطيك ( تفلتن قوية ) قصدي كوية قوية مضاعفة على شان خاطرك بس

ههههههههههههههههههههه هو العمر بعزئه

إقتباس مايستفاد من هالقصة اني قريتها عشر مرات ومافهمتها

هههههههه دور لك شيخ يقرا عليك وابو سالم بالخدمه