بسم الله الرحمن الرحيم ..

من القهر اللي فيه مدري وش أقول وربي .. والله خسارة كل ريال دفع للاعبين ..

فرحونا قبل صفقنا لهم .. زعلونا بنصفق لهم لاكن بعد مايلعبون ولايقصرون ..

يعني مستوى الاعبين اللي شفته البارح بإستثناء الشلهوب فقط فقط .. غريب جداً

لا روح ولاتقدير للحضور .. أن أجزم بإن لو نادي آخر يملك لاعبين أقل بكثير من لاعبيننا .. ويحضر هالجمهور والله يحفرون الملعب حفر ..

لاكن اللي شفته لامبالاه وبروووووووود واستسلام ولا كأنها نصف نهائي الابطال ..

لاتلموني بس واللي شي يقهر ..


.. شبية الريح ..

قُبلة على جبينك قدمت كل مايمكن تقديم وماقصرت أبد .. لاكن الاعبين خذلووووووك
وأتمنى منكـ الاستمرآآآآآآر .

.. جيرتس ..

فرحتنا العام الماضي وصفقنا لك ..لاكن من يوم ماوقعت للمغرب وأنت بارد ولامبالي .

ومن الاعبين تحية خاصة للشهلوب لاني بصراحه حسيت هو اللي يلعب للفانيلة وليس للمآل أو الاستعراض ( لان فيه من ريحة الثنيان وسامي ) ..


.. سامي ..

رمز للوفاء والاخلاص وقدم وأجتهد وتعب وأنا متأكد من هالشي ..
وكان بودي أشوف هالمفاجأة .. لاكن حصل خير


وأخيراً الجمهور ..

أحلى تحية ومعليش تتعوض .. وبخصوص الديربي الجاي

صدقوني لو مايحضر شخص يكون أفضل وهذي وجهت نظري .. عشان يحسوا بالمسؤلية ويقدرون الجمهور .. وأنا متأكد لو مايكون فيه جمهور المباراة الجاية بيلعبون بتركيز ومراجعت أنفسهم ( ولاخوف عليهم في المباراة )..

وفي النهآآآآآآآآآية ماوقفت الدنيا عند هالمباراة ..

ودعوآتكم للوصل بالسلامة .. محرك الآن من الرياض ( طيرآن ).

ومع السلامة

بالتوفيق لك
وبااذن الله يعوضها الزعيم السنة الجاية

عاشق الغشيان ..

تسلم على الاطلاله ... وكل الشكر لكـ

..

هم صحيح لم يقدمون ولا حتى عشر مستواهم

وش الاسباب الله العلم

لكن برضه ماراح ننسى كل اللي عملوه لنا لحد الان بسبب خساره

وعشان ماتزداد الامور سو علينا الوقوف مع الكيان والاعب المخلص والمخلص فقط

اما الاعب لغير المبالي علينا الصمت لما يستلمالكوره عشان يحس ان الهلال كاكيان عندنا اهم

توصل بالسلامه يارب وبالطبع لاعبين لا يحترمون الشعار ما عدا محمد الشلهوب اما الباقين ما فيهم ذرة رحمة للجمهور والله لو لعبوا وقدموا مستوى وانهزموا 2 ما قلنا شي قلنا الله يعطيهم العافية لعبوا وما قصروا بس ما يستاهلون من يحضر لهم ولو ما حضر الجمهور قالوا كله بسبت الجماهير ما وقفت معنا ولا ساندتنا واذا وقفت معهم الجماهير قابلوهم بالسوء وش الحل يعني خلوني اطلع حرتي لعل وعسى انسى ما حدث

رادوي اللاعب المقآتل بصرآحة كان حاضر و السلام على البقية الباقية