13/12/2002, 04:23 AM
|
| مشرف سابق في منتدى المجلس العام | | تاريخ التسجيل: 17/12/2000
مشاركات: 8,956
| |
تخيل ان المنتدى العام مجلس ابو حمدان !!
[c]هذاي =========> بوه
جيت
وش هالخرابيط
ايس فيه
وراكم نايمين
وش العلم مواضيع بايخه وكيفكم ووشلونكم وفاز الهلال خير ياطير
<== شكله بيجيب العيد
تصور لو خلت هالديره قصدي تخيل على وزن تجمل
ان المنتدى العام مجلس ابو حمدان على وزن سنان ===> تذكرونه
وتلقوني جالس اسولف عليكم مثل كذا هالحين وطبعآ كل ابوكم وامكم جالسين تسمعون
اشوي الا وتسمع هاك النشيط ( عضو نشيط ) راد عليك ( باضافة رد ) همانا نتخيل انا حنا بمجلس
واضافة الرد جمبك على المنتكى ( المسنده ) للشباب الهاي ؟ ( والخداده ) للصبايا !
وذاك ( المحرر ) اللي لهف من كثر ما ينقل ردود واخذه الزمن وعتق ويقولك ( اسلم ) طبعآ زي ما قلت تخيلوا انها ( بأضافة رد على موضوع )
<==== وش في امك انت شايفنا اغبياء
=====> وش في امكم انتم شايفيني ذكي
ما يعرف يرد ؟؟؟؟؟؟؟
وذا العضو اللي جايك مسفح ( توه جديد ) قصدي ضيف توك متعرف عليه وكمخه وماسك خط مع سالفتك
اشوي الا ناقز لك مشكوووووووووور ( اشغله ربي ) حنا بسواليف وعلوم رجال وينقز تقل فؤاد مشكووووور !! ( ودك تقوم تصطره ) مهوب تتمردغ به يالقروي ( مايقصد صمت )
وذا وذا وذاك وذيك وذالكوما وذولاكو وهولاكو .. كلهم يردون وانا اسولف وهم يردون
على السالفه ( الموضوع المتخيل )
بس حلى بس انا اللي يبي يسولف ( حاشا ومعزا وكلا ولا تزعلون )
صحيح ما تنعطون وجه !!!!!!!!!!!!؟؟؟؟؟؟؟؟؟؟؟؟!!!!!!!!؟!؟!!!!!!!!؟؟!؟!؟!؟؟؟؟؟؟؟؟!؟؟!؟؟!؟!؟!
كل استفهامات المملكه حظرناها ( وين صار عمل ذا )
بس بتقسيم سهولي ( اللي هو انا بس هذا اسم الدلع )
شوفوا ؟؟!؟!!!!!!!!!!!!؟!؟!؟؟؟؟؟؟؟؟!؟؟؟؟؟؟؟؟؟؟!!!!!!!!!؟؟!؟!!!!!
سوو كذا وتخيلو انكم تعزفون على قانون ( ربابه لغير الفاهمين )
طبعآ انا اتخيل المجلس صفحة المنتدى العام وبما ان انا اللي هو سهولي اللي يسولف
اذا تخيلو ان موضوعي مثبت اكيد دامكم تردردون ( تردون )
شوفو عاد انتم مجلس الزعماء كم فيه من واحد ( يعني بيضرب الموضوع ضربته )
يعني اللي متحمسين مع السالفه اللي انا قاعد اسولفها عليكم ( عشر ردود ) <== اموت على الطموح والطروح ( ولد عم الخيار ) بس الخيار مولود برا ومتربي صح
طبعأ مجلس ابو سليمان وابو البوراق وحبي وبعد حيي وميتي تيماوي فيه اللي داخل وطالع
وناره شابه ؟؟؟؟؟؟؟؟؟ بس كني لمحت ( بارق ) يبي يسولف وياخذ علوم الرجال
( يعني يبي يكتب موضوع )
الا هذاك ( العضو) اللي مجنن ابو امه البارق وناشبن بحلقه يوم درا ان البارق يبي يسولف ( يكتب موضوع ) قام من المجلس وقال سوري ياشباب انا جاني مكالمه بالموبايل بتاعي ( اموت انا ) شوي وراجع ,,
وانا لقيتها فرصه اسولف مع اللي بجنبي ( مابقى الا البارق اسمع سواليفه )
قصدي اقراء مواضيعه ( الا هن وينهن ) مع وينهن حقت تيماوي وابو سليمان
وذا وذا وذاك وذيك وذالكوما وذولاكو وهولاكو ( نفس اللي قبل شوي ) قامو تناقزوا كل له شغله
وسواليفه وابو البوراق مواصل بهالسواليف اللي مابهن ملح ( يمكن ردين ) وبطحاء بعد وبمعنى اخر كنكري
مسكين يالبارق مالك شعبيه مثلي ( والمشكله انه جالس حول صدر المجلس )
يعني مثبت موضوعه الهيس بس بأخر المواضيع المثبته ( من قل ردوده ) محد عطاه وجه
حتى مشكووووووووووووووووووووووور ما عطاه وجه
والله صدر المجلس ( المواضيع المثبته ) مليان من السواليف وكل له مستمعينه ( ردوده )
وفيه اللي يسولفون بعيد وماخذ له ( حزب ) توه ماتعرف على الكل ولا يمون واجد او يستحي
يبي من يكتشفه ويبداء يمون ويقرب لصدر المجلس ( وهكذا هي )
بتلقون بالمجلس ناس طالعين داخلين وصياح برا ( في الخارج ) وريح شلوطه
لاقي له ردوده ( جاج ابو الدجاج ) يكوي بخلق الله بمحميه مجلسنا ( والا يكفشونه على طول )
وفيه اللي زابنين حول قرصاصوه ؟ ما غير يجدع عليهم من هالصور
( لاقي له من يرد عليه مهوب مثل البارق )
طبعآ احمد السويلم وش ذا احمد السويلم ووش هو حشيشه ( قصدي الاعصار ) له دخلاته بالمجلس
وحنا متكين يشطح واحد من هالربع يالله حييهم بسالفه مدري كيف ( موضوع يخالف سياسة المنتدى )
ماتدري الا الاعصار داخلن علينا واحنا في الفصل ( من مسرحيته مدرسة العاقلين )
طبعآ هو صغير تووه ولد عشرين بس كبير في كلمته ومكانته وا تلقاه يرد رد نهائي على هاالعضو
والا بقية الاعضاء عارفين جلستنا ومجلسنا وبالعكس يحرجون الاعصار اذا جى يستهبل ويشيك علينا يعنني مشتاق لكم وهو جاي يشوف لا يكون انحرفنا مع تيار النت
ومن كثر ماتخيلت اميرنا المحبوب / بندر بن ثامر
مكانه بصدر المجلس محفوظ ,, وودنا يشرفنا لو بالتخيلات ( قصدي بالموضوع )
( بالله ياشباب قوموا بهالموضوع مشكله ) واحد غبي علشان بس يجي ابو فهد ويحلها
ونشوفه وهذا هو الهدف وهذي عوايد ابو فهد على مشاغله مايخلينا ولا ينسانا معنا بحضوره ومكالماته
وفيه وفيه ,, بس ماودي اطول عليكم والا اليوزرات ( على وزن الكشخات ) من حبايب مجلسنا
كثاااااار وودي استلمهم واحد واحد . بس زي ما قلت لكم هما انا بصدر المجلس ( اقول اهجد )
طيب
فا لوذالك وحيثوما ما امون على الكل !! ناشبين بحلقي اللي حولي كل ما دخلت للمونتدت ( المنتدى )
لزوا جنبي ,, ما يعطونن فرصه ..
نعطي فرصه ( للي وده ) يتخيل مجلسنا ووش يسوون فيه الاعضاء
والبنات بمجلسنا كثيرات بس ( منعت الاحتلاط حتى بالتخيولات )
يبن يتخيلن لحالهن بكيفهن ( فرصه نفقش علومهن ) بس هنا !
طبعآ ما حطيت وجوه تعبيريه بالموضوع ( قصدي بالسالفه )
لانه ولله الحمد وجهنا واحد
<== الا خايف يقولك مصختها الوجيه التعبيريه اللي استخدمتها من يوم جلست معنا بهالمجلس واجد وتروح سالفتك فاشوش ويضيع الموضوع ( قد صارت له )
بقلم / محترف سهلات ( وسهود ومهود )
[/c] |
الوضع العادي
