نشوف كم وآحد بيأكد حضوره من الموقع + إقتراح لرابطه +التدخين ... إلخ حياكم .. - نادي الهلال السعودي - شبكة الزعيم

Y o u s e f · #1 18/10/2010, 01:21 AM

السلام عليكم ورحمة الله وبركاته ..

أخبار زعمآء القآرة ؟

إن شاء الله بخير

خطرة في بالي فكرة نوعاً ما عادية << يحطم نفسه الغبي

الفكرة أنه كل وآحد بيحضر المباراة يرد ويقول أنا رآح أحضر المباراة ..
ونشوف كم الردود تكون

الشئ الثاني .. فيه إقترآح لرابطة العظيمة

بالنسبة لتلوين المدرج ، فـ أعتقد لو يكون المدرج
العلوي كله أبيض والمدرج السفلي كله أزرق رآح يكون
منظر آل خنفشاري

أو العكس ..

وبالنسبة للأهازيج .. أنا أشوف أنه بعد ما يسجل الهلال هدف
بإذن الله بإذن الله الجمهور مع كل لمسه لكل لاعب يقول : [ هلال ]
ومع كل لمسه للاعبين الخصم يرفعون أصواتهم بالإستهجان ..

.. شباب .. تكفون الله يجزاكم ألف ألف ألف ألف خير
لاتدخنون بالمدرجات .. والله الريحه تكتم .. يعني فيه جمهور
مايجي للملعب بسبتكم الله يهديكم .. قبل التشجيع وقبل الهلال كله
ليه الوآحد ما يفكر يتركه .. لله بس ..

بالنهاية حاب أقول أن الهلال رآح يفوز بتوفيق الله ثم بدعمكم ياجمهور ..
كلنا شفنا مباراة الهلال والغرافة والهلال والسد بقطر والهلال ومس كرمان
وغيرهم من المباريات .. جُل لاعبين الفرق هذي كانوا مرتبكين من الجمهور ..

بعدين الحين أنا ودي أعرف .. الجماهير اللي تحضر المباراة ولا تشجع ليه !!؟
مباراة الغرافة بالرياض قسم بآيات الله أنا عن نفسي أقول أني تحطمت .. يعني
الرابطة قاعدة تشتغل وتبذل قصارى جهدها وأصواتهم تروح وحنا قاعدين نتفرج ..
والله عيب ..

بالتوفيق للهلال أولاً وأخيراً .
وبإذن الله أنا متفآئل بالفوز وبنتيجه ثقيلة

مشكورين مقدماً يا إدارة على رفع الموضوع