نداء خاص للإعصار©® - نادي الهلال السعودي - شبكة الزعيم

Yaser · #1 13/02/2001, 10:52 AM

اول شي اهني نفسي, واهني الهلال بهذا المنتدى العظيم..

ومهما قلت في ها الموقع ما راح اوفيه او اوفيكم..

والصراحة الواحد هنا يزداد فخر بأنه هلالي, وبهذا الموقع يؤكد الهلال على تزعمه للأندية العربية والأسيوية على حد سواء...

والصراحة الفرق شاسع جدا بين الهلال والبقية...

وهذا الموقع هو المصدر الرئيسي لجميع الأخبار الرياضية الي تهمنا كهلاليين, وخصوصا المغتربين(الي زيي)..

وانا من متابعتي للموقع لاحظت نشاط الأخ الإعصار في مجال الصور والملفات الصوتية والمرئية..

وانا يا اخي الإعصار ما استمتعت زي البقيه بهدف ابو يعقوب الأخير في النصر, يعني شفته في شبكة نسيج بس انهم مطرسوة, وبدون صوت بعد..

فإذا كان عندك الهدف(صوت وصورة)أو عند أحد الإخوان, فيعطينا اللنك وله جزيل الشكر..

وشكرا للجميع

الإعصار · #2 13/02/2001, 02:31 PM

أخوي Yaser ،،
هلا والله بيك وأشكرك على كلامك الحلو

بالنسبة للهدف أبشر ان شاء الله تشاهده في أقرب فرصة لأن شريط المباراة أعطيته واحد من الزملاء والى الان ما أخذته منه ... ان شاء الله اذكره اليوم أو أدبر شريط المباراة من سلمان خمس تسعات

وانا في الخدمة اخوي Yaser لك ولكل الشباب وخاصة المغتربين الله يوفقهم ان شاء الله

Yaser · #3 14/02/2001, 12:47 AM

شكرا اخوي الإعصار...

وهذا من طيب اصلك..

وسلام

الإعصار · #4 14/02/2001, 01:08 AM

ومنا إلى سلمان خمس تسعات
( أبي الشريط

)

Yaser · #5 16/02/2001, 07:02 AM

ومنا الي الأخ سلمان...
يا أخي عط الإعصار الشريط... ترانا ندور ريحه هدف لأبو يعقوب هنا ما لقينا... ما فيه الا كرة سلة وبيسبول, والتزلج على الجليد!!!

وشكرا

VIP · #6 16/02/2001, 11:31 AM

ياخي يا كثر طلباتك يا ياسر

بعدين ياخي قالك الرجال بيجيب الشريط خلاص وبتشوف هدف ابوناصر

الا على فكره
تخيل انك يوم صحيت من النوم ورحت للملعب
ويوم رحت للملعب مالقيت احد
مافيه جماهير غيرك

وفيه بالملعب يوسف ومضحي
ومستلمه تمزيع

اختر وحده من الاجابات
1- بترحم مضحي وتقول كفايه ما جاه
2- بتغير مضحي وتنزل الخوجلي او شريفي يمغطهم شوي
3- بتقول ليوسف كل ما خلص مزعه تكفى وحده ثانيه

اختر وحده

الإعصار · #7 20/02/2001, 03:34 PM

أخوي ياسر هذا الهدف

http://www.alzaeem.com/yousef/yousef.rm

وعذراً للتأخير

الشكر مقدم لسلمان ماقصر ضرب مشوار وجاب الشريط ;)

للمعلومية فيه تعليق الاحمد مصاحب للهدف لذلك اصبح حجم الملف كبير شوي 2 ميجا
لذلك ربعنا اللي في السعودية بياخذ معهم وقت أما اللي في أمريكا ما أقول إلا ماشاء الله

Yaser · #8 21/02/2001, 02:16 AM

انت كذا يا شيخ...

ما اقول الا الله يوسع صدرك زي ما وسعت صدري يا شيخ, وطبعا ما ننسى اخوي سلمان...

اخوي VIP... طبعا ابختار رقم 3..

وشكرا لك يالإعصار مره ثانيه

الإعصار · #9 21/02/2001, 12:13 PM

حياك الله
وفي الخدمة دائماً