بسم الله الرحمن الرحيم

السلام عليكم ورحمة الله وبركاته

أسعد الله أوقاتكم بكل خير زعماء آسيا

والله يوفق زعيمنا يوم الأربعاء ونفرح بالتأهل والكاس يارب

موضوعي يتكلم عن ظاهرة في جميع ملاعبنا في السعودية

ظاهرة حجز الكراسي!!!

تجي للملعب الساعة 5 العصر ماتلقى مكان في الواجهة بكبرها

تجي تشوف وش السالفة تلقى هذا حاجز له 10 كراسي!!

والثاني حاجز 15 وتوصل بعض الأحيان لـ20 كرسي!

عسى ماشر؟

الظاهر الملعب مسجلينه باساميهم وحنا ماندري

بصراحة ظاهرة تدل على تخلف من يفعلها

وأتمنى نشوف لها حل ومانبي نشوفها في المباراة الجاية

بالنسبة لي أقترح يكون فيه تنسيق مع مجلس الجمهور الهلالي وأمن الملعب

مايسمحون لأي شخص يحجز كراسي أكثر من 3 كحد أعلى يعني نراعي ظروف اللي يحجز لاخوياه اللي طالعين

يصلون أو زي كذا

أتمنى نتناقش في هالموضوع ونطلع بحل لهالمشكلة اللي نشوفها بكثرة في ملاعبنا

وعافاكم الله

واعذروني على الأسلوب اللي يمشي الحال