الى مجلس الجمهور الهلالي , والى المشجع الهلالي .. ( هآآم ) - نادي الهلال السعودي - شبكة الزعيم

ahmed-usa · #1 16/10/2010, 09:20 AM

السـلام عليكـم ورحمه اللـه

الى الجمهور الهلالـي الكبير ...

أتمنى من كل قلبي عدم الإعتماد على بعض في الحضور , الكل لاحظ الحملات الجماهيرية
من داخل المملكه و خارجها و مع ذلك الملعب لم يمتلئ بسبب الإتكالية في الحضور من بعض الجمهور ..

أتمنى من مجلس الجمهور الهلالي ..

1- إنشاء حملات في شوارع الرياض تذكير و تحميس للجمهور الهلالي .
2- أتمنى من كل قلبي أشوف تشجيع أوروبي لفريقنا , تشجيع الهدف منه
( رفع الروح المعنويه لللاعبيــــن ) مانبي نطرب المشاهد
مانبي نطرب المعلق , الهدف من التشجيع مؤازره اللاعبين ومساعدتهم في أجواءالمباره .

مثلا الأهازيج اللي طفشنا منها واللي مأخذوه من الأفرقه الثانيه زي :
( ياكلك , المواويل < ما أدري وش تبي ف الملعب , ألخ )

دور قائد الرابطه في البدايه فقط ويتركب الباقي ع الجمهور يكمل الأهزوجه
, ماهوب ماسك المايك ومزعجنا وحن خلف الشاشات ..

مثلا : المفروض مجلس الجمهور الهلالي يبدى يوعي الجمهور في حال هجمه على الفريق الهلالي
كل المدرج بصوت واحد ( أوووووووه ) كذا حن أربكنا الفريق المقابل و ساعدنا فريقنا .
( والكل يتذكر مباراه المنتخب السعودي ضد منتخب أندونيسيا في بطوله آسيا ) وكيف كان المنتخب مرتبك
لولا رفعت البحري ورأسيه ياسر القحطاني ..

3- أتمنى إنشاء حمله قويه جدا جدا وهدفها كل مشجع يحضر بالزي الهلالي , نبي الملعب لونه أزرق
نبي ملعب كوره قدم , مانبي نشوف ثياب و غتر في المدرجات , نبي الشكل يكون أزرق بأزرق .
مانبي حملات هنا ع المنتدى , نبي أفكار جديده , توصل الفكره لأكبر عدد من الجمهور الهلالي .

طبعا بمجلس الجمهور الحالي ما أتوقع شي جديد لأن التشجيع و الأفكار الاوروبه يبيلها جهد
ويبيلها تدخل و دعم من إداره النادي ويبيلها شباب متحفز ويعطى له صلاحيه كامله .

سامحوني الموضوع ماهوب مرتب لكن الافكار واضحه ..

أتمنى التوفيق في المباره القادمه و إن شاء الله نفرح كجمهور بالتأهل لبطوله أنديه العالم ..

أحمد - أمريكا