حـالـة ( الطقـس ) يوم نـزال (الإربعاء ) 20/10 ربكم ستر + رسالــه للروابط المشاركه وخاصه ( الشباب ) - نادي الهلال السعودي - شبكة الزعيم

حنظل · #1 15/10/2010, 05:07 PM

السلام عليكم ورحمة الله وبركاته ..

43200 ثانيـه ’ هي الوقت المتبقي على معركة يوم20/10

نعم حاسبها بالثواني وكل ثانيه أحسها دهر

لكن الله لا يخيب تعبنا ويكون نجوم الهلال على قدر المسؤوليه ورجال مثل ما عودونا ..

حالي مثل حال اي زعيم لا شي يشغل بآلي هـ الايام إلا مباراة ذوب اهن حتى انها صارت تاكل وتشرب

معاي وإستحوذت على كل افكاري .

اليوم تقمصت لكم دور مقدم الاحوال الجويـه حسن كراني بس إذا جيتوا للجد ما ادري أقول حسن كراني

رحمة الله عليه ولا هو باقي حي

لإن عهدي بالقناة السعوديـه يوم كانت بعز حماس المباراة وهجمه

مرتده( والمتش ) كر وفر .

ويطلع لك المذيع وبكل برود مردد على مسمعك عبارة

( نلفت عناية الساده المشاهدين انهم بإمكانهم مشاهدة ما تبقى من المباراة على القناة الثانيه )

المهم ما علينا بما ان الرحمه جايزه على الحي والميت الله يرحمك يا حسن كراني حي ميت ..

المهم قبل اسبوع شهدت المملكه بعض الامطار جعلها الله امطار سقيى رحمه وبركه يارب ..

وصدقوني اول مره يجينا مطر ما افرح فيه مره لإني كنت خايف تستمر الامطار وتقلب الجو ليوم

الأربعاء الحاسم خاصه وان الامطار اللي جتنا بالشمال امطار الحمد لله طيبه

ومن ذاك الاسبوع وأنا حاط ايدي على قلبي وخايف لإن بنزول المطر بيوم المبارة راح يخلي الكرات

الارضيه والتمريرات القصيره وهي سلاحنا صعبه شوي فكنت كل يوم ادخل على موقع الارصاد وحماية

البيئه اتأكد ولا اخفيكم اني خلال الاسبوع هذا دخلت على الموقع المذكور آنفاً اكثر من شبكتنا الغاليه

لكن واجهتني مشكله إن الموقع ما يعطيك التوقع لإحوال الطقس إلا كل 5 ايام ..

يعني تبغى تعرف حالة الطقس يوم الاربعاء تجي يوم الجمعه وهلما جرآ

ومن زود الحماس عاد أول ما صحيت اليوم حطيت موقعنا الحبيب وأبشركم طلعت الاحوال الجويـه مستقره

يوم النزال ..

ما باقي إلا عاد الهمه من اللعيبه أولاً ومن جن الملاعب ثانيا
والله لا يضيع تعبك يا شبيه الريح

وهذي صوره من الموقع المذكور أخذتها اليوم الجمعة 15/10

تبين ان الجو عآل العال والضروف كلها مهيئه لينثر الزعيم ابداعاته على المستطيل الأخضر

رابطة الشباب
أول شي يعطيكم العافيه وما قصرتوا والله يبيض وجيهكم ومشكورين على الوطنيه اللي عندكم على الاقل

مو مثل بعض الناس ما يعرف من الوطنيه غير اسمه .

وحبيت اهديكم يا جمهور الشباب بيت شعر كنت حافظه من ايام المتوسطه وكنت مخبيه لليوم الاسود

( تعيرنا انا قليل عديدنا ... فقلت لها ان الكرام قليلُ )

صدق والله ينطبق عليكم البيت هذا بكل ما فيه من معنا وأرجع وأكرر شكري لكم للمره المليون

لكن يأخوان اذا جينا للحق ترا اسلوب وطريقة رابطة الشباب ما يناسب جمهور محتشد مثل جمهورالهلال

يفوق 60 الف متفرج

أسلوب رابطة الشباب يعتمد على الطيران والمزامير اولاً ، وإبراز حنجرة رئيس الرابطه ثانياً

وهذا يهمش دور الجمهور المتعطش للتفاعل فالملاحظ اذا إستلمت رابطة الشباب القياده يبدأ الخمول يخيم على الجماهير عدا بعض الجماهير القريبه من الجلسـه قصدي الرابطه

ويبدا قائد الرابطه بممارسة هواية الغناء متجاهلاً االـ 60
وهناا فيه فرق بين الغناء والتشجيع والموئازره..

فالتشجيع ان يصرخ 60 الف متفرج صرخه واحده يرتجف منها قلوب الفرق المنافسه

والغناء والطيران بكل صراحـه ليس وقتها بضل تواجد مثل هالجمهور وبوجود فريق إعتاد لاعبيه على

ان يكون صخب الجماهير العاشقه هي الوقود

لتقديم الابداع والامتاع ..

فالمأمول من مجلس الجمهور الهلالي أن يشكر جميع الروابط المشاركه ولكن يكون قيادة الجماهير

هلاليه خالصه ليس لشيء سوا ان هذاالجمهور يريد أن بشجع ولا يريد ان يسمع أغاني

لكم خالص تحياتي

موعدنا الدره

اباتشي الزعيم · #2 15/10/2010, 08:51 PM

رائع موضوعك

كل التوفيق للأزرق يوم الاربعاء

جمجوووم..} · #3 15/10/2010, 08:53 PM

الله يعطيك العافيه

ذكرتني بـ القناة السعودية وحـآلة الطقس

لووووول ..

..

بس الجو هـ الأيام مررررة رـآئع إن شاء الله يسـآعد اللاعبين على أفضل أداء يـقدمووونه .. ويساعد الجماهير على الحضور ..

والله يوفق الهلال

الهــ فديته ــلال · #4 15/10/2010, 08:54 PM

,,

الجو هالايام مرره يجنن : )
بجد اللي ماراح يحضر .. مدري وش يحسس بة بالضبط
تكفون اخر مبآرآة في الرياض في آسيآ 2010
بليز لآ تخيبون املنآ
وبرضو اللآعبين ان شاءالله يآرب يشدون حيلهم ويضغطون على نفسهم

لآن بـجد قهر مآبآقي آلا ماراتين والكآس

اللهم يآرب وفق الهلال واجعل الكآس من نصيبة امين يارب العآلمين
تحيتي لك ـم

,,

هلالي...كذا تربيت · #5 15/10/2010, 08:56 PM

هههههه أجل بالثواني...مشكوووور والله يوفق الهلال

لايهمك حكيهم ياياسر · #6 15/10/2010, 08:59 PM

الحمد الله الاجواء مستقره ’’

وان ششاء الله الزعيم راح يتأهل بحول الله وقوته ’’

وجمهور الشباب مع انه قليل الا انه متعيش مع البطولات مو مثله غيره ’’

ورابطة الشباب صدقت فيها ’’

بالتوفيق للزعيم ’’

هلاليـ50ـبطولة · #7 15/10/2010, 09:01 PM

بالتوفيق لزعيم في اليوم المرتقب

والف شكر على الموضوع الأكثر من رائع ...

hilaly death · #8 15/10/2010, 09:01 PM

الحمدلله ان الطقس يوم الاربعاء مافيه اي شي

وبالنسه لرابطة الشباب انا استانس اذا امسكته لانه تكون بعد رابطة الهلال ونكون تعبانين من التشجيع
لانه اذا جت نريح لنا كم دقيقه على مايستلم البطاطي

جعيثنكو · #9 15/10/2010, 09:03 PM

الله يعطيك الف عافيه ...

والف شكر على الموضوع المميز واالي حنا نحتاجه اكثر من التدخل في التشكيل وعمل المدرب ...

تحياتي

بِنتْ آلهِلآل =$ · #10 15/10/2010, 09:09 PM

~

بِآلثوَآنِي آجَلْ , مآلوُمِكْ
كِلْنَآ بِآلهوَىْ سَوى , مِيرْ آلله يعِيِنْ ويوَفِقْ ,

آلحَمِدْلله طآلَمآْ إنْ آلآجَوْآْء مسْتقِرَهْ هَذآْ شَيْ يِطَمِنْ , وآلبَآقِيْ عَلِيكُمْ يآلرَقْم آلصَعبْ ,
آللهُمْ وِفِقْ زَعِيمَنَآ وآكْتبْ آلآسْيوَيّهْ مِنْ نصيِبًهْ , يَآرب
عآفَآكْ يآلطيّبْ ||