"حمًاد الأيراني !"

حمَاد شخص مكافح فالحياة عربي الجنسية ليس سعودي انما سعودي المولد والمنشئ لاتفرقه عن السعودي لا بالخشه ولا المظهر ولا الكلام.... لدرجة انه مولد في منطقة القصيم في البكيريه
نسميه الأيراني لانه مره أشتغل في محل وجبات سريعه...!! لا يعرف حمًاد في حياته الا هالسعودية والهلال وبس
هالرجال فيه ربشه غريبه ويفرق عن كل اخوانه وهو الوحيد اللي عاني بينهم الا انه ضحوك ودايم قعداته وناسه
ويقول واحد من اخوانه ياخي حماد محظوظ هو الوحيد اللي درس فينا جامعه
صكه عين جاب فيه العيد وولحين حماد بيوصل لل سنتين ما نقل كفالته ومعلق
خطيبته اللي خطبها وهي في دوله عربيه مجاوره لا يقدر يروح ولا يقدر يجيبها بسبب انه الجنسيه حقته عليها تحفظ
ووده يجيب سعيدة الحظ وست الحسن والدلال للرياض اللي غاب عنها بظروف خارجه عن ارادته لكن الشكوى لله
حماد عنده شوي اختلاط جنسيات في راسه احيانا ينسى نفسه ويتعامل على انه سعودي واذا طلعت الاقامه تذكر نفسه
ويتعامل اغلب وقته كسعودي يزعل ويعصب وينقهر على السعوديه كنه سعودي وكأن الجواز الاخضر في مخباه
============================
مره كنت انا وياه في شارع من شوارع الرياض وشكلي عاد شبهه شوي ومن يشوفني اول مره يوجس الخوفه مني
الا طالع ذاك الرجال من جنسيه عربيه شقيقه ناقز في وجهي ومعصب شكلي حديته بالسيارة وانا مدري ولحقني
وقالي يا بدوي
انا عادي يعني تقبلتها بروح رياضيه بما اني مشجع هلالي
التفت على خويي حماد الا ماعاد هو جنبي ناط من السيارة وماسك حلق الرجال
وجينا فكيناه يوم سألته وش عندك الرجال يكلمني انا وغلطان علي انا قال لا ليش يغلط على البدو
وش فيهم يعني البدو مو مسلمين وبشر ولا علشانها مو ديرته يغلط على من هب ودب ....
============================


"وجه الشبه !!"

============================
يستفاد ان حماد ما زال يدافع عن بصيص امل في حياته ويريد ان يعرف مكانه وين من اختلاط الجنسيات التي شتت تركيزه
تكالبت الظروف ضده ويعاني الامرين من الاجواء المحيطه به ومن ظروف الحياة من ناحيه جنسيته ومن ناحيه انتمائه
لا يلقى اهتماما للألقاب انت سعودي وانت.. وانت..
انما يتعايش مع ظروف وقته ان رأى انه يحتاج ان يكون سعودي تعامل بسعوديته الاصليه المكتسبه من انتمائه
وان احتاج ان يكون جنسيته التي هوا عليها ظهرت فيه الاصول الباطنيه في داخله واصوله المتمسك بها ويتعامل بها . . .
يبحث عن تحقيق احلامه وان يحقق امل طالما ناشد وده ويستعصي عليه
لكن مع الصبر وهذا الانتماء وصدق النيه وصفاء قلبه سيصل لما يناشده حتى لو وقف امام تحقيقها بالنووي محمود احمدي نجاد.!!
============================



"نريد للهلال !!!"

============================
ما نريده نحن كهلاليين للهلال ولاعبيه ان يكونوا بعيدا عن الشوشره
وبعيدا عن الاقلام الصفراء التي تبان معادنها في مثل هذه الاوقات
لا نريد مديح واشاده بمستوى واشاده بلاعب او مدرب...
فالهلال انجازاته ولاعبيه و ادارييه على قلب رجل واحد وفي يد امينه لا نفرق منهم احد
يا صحافه ويا اعلام ((ان كان الكلام من فضه فالسكوت من ذهب))!!!
- الهلال يعرف ماذا يريد وماذا يريد جمهوره وصعوبه الموقف الذي يوضع فيه ,,, .
- الهلال لا يريد 11 لاعب هديه من الانديه لكي يساندوه او رأي مدرب او محلل ,,, .
- الهلال لا يريد جمهور لؤازرته فشعب الهلال هو من يقوم بواجبه بدون دعوه ,,, .
جمهورنا زحف لقطر وللامارات وللكويت وللبحرين وليس عاجز ان يزحف لدرة الملاعب قلب العاصمة السعودية
الهلال كفيل بنفسه ولاعبيه كفيلون به وجمهوره كفيل به
الهلال لا يطلب شئ صعب
فقط اتركوا الهلال يسبح ويستجم على أمواجه التي هدأت قليلا لمدة 9 ايام من الان ويأخذ قسط من الراحه
لان امواجه ستهيج في درة الملاعب وكأنكم تنظرون لهلال تسونامي واشد في يوم
2010/10/20
....

...

..

.

ولنا لقاء في درة الملاعب فالموعد هناك !!


الكااااسر20
أحمد بن عبدالعزبز

اللهم وفقنا في مشوارنا الأسيوي وبلغنا النهائي والفوز به
اللهم اكتب بطولة آسياا هذا العااام للهلاااال
اللهم اجعل النصر حليفنا في المباراة القادمة ضد الايرانيين
اللهم وفق الهلال فوق كل ارض وتحت كل سماء
الله ينصر الهلال ياااااااااااارب

والله فرق .. بين حمّاد وبين أخونا

سعود بن عبدالعزيز الأصفهاني