صح نسيت يالغالي ..

الطور كله وجـع راس . و الأكثر وجع راس أنك تبدا من جديد . أفضل لك خـذ نادي مثلنا . لأنك بتعاني كثير ويمكن يبي لك فوق 5 ساعات في اليوم اذا ناوي تبدا من جديد !

خذ لك نادي جاهز مثل برشا ولا ريال ولا اي شي . منها تشوف التغيرات بسرعه ( انتقال تجديد .. الخ ) و ايضا متعه ولعب قوي .

لكن لو بديت من الصفر راح تحتاج يمكن فوق 3 مواسم علشان تبدا تشوف التغيرات تطلع على السطح !

نصيحتي لك خـذ نادي جاهز . لا تبدا من الصفر !

^^^^^

اخوي Nick Name Fives كيف حالك

بما انك من عشاق الماسترليق تعال شرفنا في موضوعنا عن الماسترليق اون لاين


http://vb.alhilal.com/t969557.html

^
^

ايه حـبيبي هـذا شرح لـ طور الماستر ليق اوف لاين [ ليس الاون لاين ]

الفرق بين الاوف لاين + الاون لاين /

الاوف لاين [ تلعب في منافـسات داخليه بينك و بين الكومبيوتر ]

الاون لاين [ تلعب في منافسات خارجيه مع أشخاص آخرين على الانترنت ]

الفروق : الاوف لاين يوجد به خيارات أكثر من ناحية التحكم بالجهاز الفني و تجديد عقود اللاعبين و الاهتمام بالاكاديمية و رفع المستوى اللياقي لـ فريقك . و تدريبهم على مهارات جديده و التوقيع مع شركات راعـيه ... الخ

لـكن الاون لاين إمكانيـاته محدوده بالنسبـه لــ الاوف لاين .. لـكن تبقى مـتعته في شيء واحد [ انك تلعب مع أشخاص و ليس الكومبيوتر ]

أنا ألعب على الحبلين لـكن أشوف الأوف لاين ماخـذ وقـتي و متحمس مــعااه بـقوهـ



يا هلا فيك يالغالي ز بالعكس ما فيه إزعاج ولا شي نفيد و نستفيد

وش دعوة يا Nick Name Fives عطنا وجه ياخي !!

انا كاتب قبل الرجال اللي رديت عليه وبرضه ساحب علينا !!

انا اشوف بعد تجربة ... ان الماسترليق اون لاين افضل بكثير من الاوف لاين لأنه الاون لاين يعتمد على مهارتك وذكائك وجهدك باللعب لأنك تبدأ بفريق عادي وكل المستخدمين يبدأون بفريق عادي ثم الكل يقوم بتقوية فريقه حسب الرصيد المالي وهذا يعتمد على الذكاء والنتائج وحسن اختيار اللاعبين المفيدين للفريق لأنك لن تتعاقد مباشرة مع لاعبين عالميين كجيرارد وسنايدر وايتو ...الخ !! وفيه نقطة ممتازة ان المبتدئين يلعبون مع المبتدئين في البطولات والمباريات السريعة لأنه يوجد خمس اقسام حسب عدد النقاط والنتائج وهذا اهم شئ !!
سوف تحرص كل مرة حسب رصيدك المالي بتسريح لاعبين والتعاقد مع لاعبين غير معروفين من بين 5000 لاعب لكي يفيدون فريقك للافضل وهذي اهم نقطة وهي متعة الاون لاين !! برضه اللعب جدي يعني تحرص على الفوز بكل مباراة لأن الفوز يعطيك فلوس اكثر وكلما سجلت اهداف اكثر تربح اموال اكثر .
الاوف لاين متعته محدودة احلى مافيه الاكاديمية فقط !!! لانك بالنهاية تواجه الكومبيوتر ومافيه احد يشاركك الماسترليق ومعروفة طريقة لعب الكومبيوتر وبامكانك تغيير مستوى صعوبة الكومبيوتر او حتى جعل المدرب يلعب عنك واعطائك النتيجة مباشرة !! لكن الاون لاين لا حسب خصمك وراح تتعاقد مع لاعبين كل مرة حتى ترفع اداء الفريق .

حضاري انت مسوي دعايه هع قلت بأسير عليكم بعدين لكن الرجال عنده إستفسار في موضوعي لازم نفيده

والله يالغالي انا ما جربـت الاون لاين ماستر لحد الآن . كلمني عزوز عـنه و اللي سمعته و قريته تبين لي أنه حـماسي جـدا .

لـكن أنا قدمت شرح للطور اللي أدمنت عليه .. و الطور الجديد مع الاون لاين يعتبر شي جـديد و أبي أدخل له وأنا فاهــمه 100%

شكل الطور حلو جدا .. إن شاء الله راح أسير على موضوعكم إذا دخـلت لـ الاون لاين ماسـتر .

و لا تزعل يا بعدي والله جيت على وجهـي

لك ودي و إحترامي

...

موضوع رائع كــروعة كاتبه <<قلب شاعر


موضوعك ياولد ديرتي حلو وذكرن بالماضي الجميل القريب

اول شي انا من عشاق الطور ويمكن خرجت اجيال في هذا الطور من كثر عشقي له

واول بدايه لي كانت الدوري الياباني 3 وبعدها طاحوا عيال خوالي بالماستر وبدا كل واحد معاه التخزينه وفيها فريقه الى درجة اني يوم كنت بالمدرسه اقعد اضبط تشكيله لفريقي وتدري وش كنا نسمي الماستر ليج ع ايام سوني 1 و2 نسميه دوري الشري ههههههههههه الله ايام حلوة واذكر وصلت 15 موسم الى ان الشريط قام يعلق قال خلاص ياخوي تراك فقعت اوم مرارتي الله يرجع ذيك الايام واقوم انا الحسه وامسحه فاين واشغله

شف ياخوي نك نيم اللي يبغى يحس متعه حقيقية يلعب بفريق كديش مثل النصر وشوي شوي ويبدا من دوري المظاليم والله تحس متعه حقيقية ولاتنسى كل موسم تصلح لك طقم للفريق اذا خلص وانا اخر تجربة لي بالماستر ليج كان 2010 عشان الاون لاين كان سيئ والا 2011 الماستر الاون لاين غطى عليه وايضا مافيه وقت مثل اول .

والله لايهينك ع الموضوع المنتاز

يالغالي انا عندي استفسار فيه عندي لعيبه
ابغى اطلعهم سنه بس اعاره
لكن العرض يجي من الفرق الثانيه اكثر من سنه
كيف اخليه سنه وحده مع العلم اني مااقدر اغير عدد السنوات بالعرض

احييك على موضوعك الرائع وارسنال مايعلى عليه صراحه لاعبيه كلهم صغار بالسن


بالنسبه لي انا

فريقي توتنهام الإنجليزي

طبعا لعبت الموسم الأول وحققت الدوري الأنجليزي ودوري أبطال أوروبا
وكأس الرابطه الانجليزيه

هداف الدوري عندي بيتر كراوتش >>ياطوله طولاهـ ههههههههه

في فتره الانتقالات اللي في منتصف الموسم اشتريت بوفون - مايكل اوين - ماسكيرانو

بعدها انهيت الموسم بالثلاثيــه

افضل لاعب كان لموسم 2011 كان حارس المرمى بوفوون


وبعدها نهايه الموسم بنجااااااااح

جات فتره الانتقالات واشتريت

كاكا - ميلتو - فورلان -جرفينيو - نستا

والميزانيه لعبت فيني لعب واضطريت انسق عدد كبير من اللاعبين كله لعيون كآكآ

وبديت الموسم الجديد وفزت بكأس السوبر امام مانشستر سيتي بثلاث اهداف نظيفه ولعبت 6 مرات كلها انتصارات ومازال توتنهام بالصداره


وشكـرا

واسف ع الاطاله

صراحة ما توقعت ان pes 2011 فيه كل هذي الخيارات
اقصد التفاوض مع اللاعبين جلب مدرب ومدرب لياقة ومدرب حراس !!
واعارة اللاعبين !!

هو عندي الشريط بس ما اعرف الا العب اون لاين واختار برشلونة
لكن عندي سؤال يالغالي بما انك ماشاء الله عليك متبحر وخبير في هذه اللعبة
ليه حركة اللاعبين بطيئة ؟؟ هذا اكثر شيء كرهني في اللعبة !!

والله الموضوع حلو اخوي


انا الحين العب بالبرشا الدوري الاسباني بالموسم الثاني الموسم الاول حققت

1- الدوري الاسباني
2- كأس الملك الاسباني
3-دوري أبطال اوروبا
4-كأس السوبر الاوربيه

في الانتقالات منتصف العام جبت ( رونالدينيو , دروجبا , خوليو سيزاز )

وطبعاَ المستوى ( توب بلاير )

ميزانية النادي ( 126.642.100 )

وانا الان متصدر الدوري الاسباني بفارق نقطتين عن ريال مدريد

ومتصدر مجموعتي في دوري ابطال اوروبا بــ 6 نقاط

وهذا ملخص بسيط <<< معين البساطه هع

امممم وشكرا هع

انا

عندي استفسار

فيه 3 خيارات في الانتقالات

high
normal
low

ايش هو الخيار الي يخلي السوق شغال تمام وفيه

يعني تلقى الاندية تطلب منك

وتوافقلك اذا جيت تطلب

إقتباس الرسالة الأصلية كتبت بواسطة N9 KooM انا عندي استفسار فيه 3 خيارات في الانتقالات high normal low ايش هو الخيار الي يخلي السوق شغال تمام وفيه يعني تلقى الاندية تطلب منك وتوافقلك اذا جيت تطلب

خيار عالي high يعني السوق نشيط من عروض وانتقالات . .. الخ ..

لكن نصيحة انتبه ترى اذا انهيت نص الموسم ونص الدوري وبالفترة الشتوية تحديدا يبي يجيك خيارات التجديد مع اللاعبين NEW خاصة النجوم ... انت اعمل للاعب اللي تبيه تجديد ولا ترى يبي يروح عليك بعد انتهاء الموسم

ياشباب ابي حل للاصابات .... عندي رونالدو كل مباراة يلعبها لازم يصاب وش سالفته .. فيه شي اقدر اسويه !!

انا عندي استفسار انا لما العب مباراة في بطولة فيها انديه برازيلية القى كرنثيانس والقا معهم روبيرتو كارلوس ورونالدو ولما ادخل ماسترليج او دوري الشري ابيهم ما القاهم يقول الاسم غير موجود هل فيه طريقة القاهم لاني صراحة احب روبيرتو كارلوس وابيه معي غصب مو برضاه