إقتباس الرسالة الأصلية كتبت بواسطة لا تلوموني بالأزرق اخوي انا مدخن واغلب مباريات الهلال احظرها بالملعب .. اذا منعوا التدخين ما راح اقدر اروح للملب لاني لازم ادخن والحمد لله ماني مراهق واتوقع اني اكبر منك. وانا اخوك في درجه اول وفي ممتازه وفي منصه الحضور فيها اقل من الدرجه الثانيه. لا تنسى ان الملعب مجمع شباب ولابد يكون في مدخنين بكثره. قد صارت معي وقالي واحد ياخي لا تدخن قلتله طيب وش تبيني ازين؟؟؟ ما عنده اي رد. وانا اخوك هذه حريه شخصيه. تحياتي

طيب ياخوي دخن برى وارجع ..

اذا مو قادر على 45 دقيقه .. اجل انت كيف تصوم ؟!

إقتباس .. كأنه مالقى فرصه إنّه يدخّن بعيد عن اهله إلا في الملعب ..

ههه صدقت والله , يعني مشكلة اذا هو ماخذ الدخان على انه زاحف وكأنه يقول للناس شوفوني انا رجل
ياخي استح على وجهك , انا يقهرني الي ماخذ الدخان على انه زحف
وصراحة انا معك بكل الكلام


اما الي يقول هذي حرية شخصية انه يدخن بداخل الملعب فهذا فيه بلى او مرض نفسي محدد
يعني لهالدرجة وصل الغباء في بعض الناس انه يكتم خلق الله بدخانه ويقول حرية شخصية !!
تراك واعي وتدرك وش اضرار الدخان
وصراحة انا لو انا مسؤول الملعب او مديره كان امنع الدخان منع بآآآآت , ترا ذا ملعب بتشجع مو تدخن

وفي النهاية اتوقع انه ظاهرة الاحتباس الحراري اغلبها من هالدخان الله لايوفقهم
مشكور ع الموضوع واضيف انه لايظن كل واحد مدخن انه يفعل شي صواب وانه حر بتدخين هذه الملعونة في كل مكان .

قسم بالله انك صادق

ياخي المدخنين بلششه ياخي تبي تدخن انقلع برا الملعب ودخن على كيفك موب تكتم غيرك !!

الف شكر لك واتمنى انها توقف ذي العاده السيئه

الله يفكنا من هالسم قسم اني مااحظر كله عشان هالدخان واذا حضرت ارجع للبيت الحساسيه والربو ذابحتني
واذا قلت للواحد يالحبيب الله لايهينك لاتدخن حقد عليك وطيز لك كنك انت الغلطان وهو الصح ... الله يهدينا ويهديهم ..

اتمنى رفع هذا الموضوع لحد ايجاد حل

كلام جدا حلو ومنطقى اخوى الغالى ,,,,

انا اشووف ان الحل بما ان العسكر مهمتهم التفتيش وسحب الاعلام ... لو يتكرمون الله يجزاهم خير ويعينهم بسحب اى بكت دخان

من اى مشجع واتلافه واذا حاول انه يرفض المشجع خلاص يمنع من الدخول داخل الملعب وتنتهى المشكله ,,,,

بس والله فيه مشكله ثانيه لو منعو العساكر دخول الدخان الى الملاعب من حق اى مشجع بيقول ... ليه خبيلان مدرى نعيجان امام

الملا وقدام الشاشات يدخن ,,,, وهذى نقطه اشوفها محرجه ......

الى باصل له طال عمرك ,,,,,,

المفروض قرار يصدر بشكل رسمى من الرئاسه العامه لرعايه الشباب بمنع دخول الدخان من اى شخص سواء مسئول او مشجع

عادى ......

واللهم اعصم كل مدخن واعنه على تركه ,,,,,,

شكرا لك اخووى

أنا ما عندي إلا شي واحد أقوله ..
حسبي الله عليهم , ناس ما تقدر إنه فيه صغار يحضرون , مرضى ربو أو حساسية بالصدر يحضرون , هذا غير على إنه محرم شرعاً ..
بس الشرهة مو عليهم .. الشرهة على إدارات الملاعب اللي تسمح بدخول " بكت " الدخان بدون ولاعة !!
طيب واحد مدخل معه بكت دخان ليش ؟ مب عشان يدخن .. ياخي امنع الدخان بكبرهـ مب تمنع الولاعة بس !!
هذا وهو طالع قرار بمنع التدخين في الأماكن العامة والدوائر الحكومية .. ولكن لا حياة لمن تنادي !
حسبي الله عليهم ..

ظااااااهرة سيئة جدا
كنا نقول الله يهديهم الله يهديهم وتعبنا ولا حد حس فينا الحين اقول الله يقلعهم خصوصا الي مايقدر مره مرتين مو بكت كامل
هاذي قلت ادب وعدم تربية الي مايقدرنا وهو على الغلط مانقدره لايحضر واصلا تحصلة طول المباراة يقزقز في البزارين مو يم المباراه

تعبنا وحنا ننصح في المدرجات ولافيه فايده وتحصل نصهم بزران

احسن حل

تبلغ العسكر انكبه معه ولاعه

بعدين حتى التفتيش على البوابه مال امه داعي يحصل العسكري الدخان والولاعه الدخان يدخل والولاعه لا اجل ويش يبي بالدخان المفروض كلها تمنع
سوري على الاسلوب لكن والله من القهر

والله كلام رائع وسليم التدخين عااه على المجتمع
وبأذن الله له حل وبتوفيق لك اخوي على طرحك للموضوع
وتقبلو تحياتي