ايه والله انك صادق

انا مره في ملعب واقول لواحد لا تدخن يالغالي حشرتنا يقول ليش حنا في مسجد والله بغيت اصفقه هههههههههههه


على العموم انا حاضر حاضر لكن يارب يمنعون التدخين

ياحليلك على الاقل انت بالملعب حنا بالمدرسة كتمونا الله يهديهم بس ..

اخوي انا مدخن واغلب مباريات الهلال احظرها بالملعب .. اذا منعوا التدخين ما راح اقدر اروح للملب لاني لازم ادخن والحمد لله ماني مراهق واتوقع اني اكبر منك.
وانا اخوك في درجه اول وفي ممتازه وفي منصه الحضور فيها اقل من الدرجه الثانيه.
لا تنسى ان الملعب مجمع شباب ولابد يكون في مدخنين بكثره.
قد صارت معي وقالي واحد ياخي لا تدخن قلتله طيب وش تبيني ازين؟؟؟ ما عنده اي رد.
وانا اخوك هذه حريه شخصيه.
تحياتي

إقتباس الرسالة الأصلية كتبت بواسطة لا تلوموني بالأزرق اخوي انا مدخن واغلب مباريات الهلال احظرها بالملعب .. اذا منعوا التدخين ما راح اقدر اروح للملب لاني لازم ادخن والحمد لله ماني مراهق واتوقع اني اكبر منك. وانا اخوك في درجه اول وفي ممتازه وفي منصه الحضور فيها اقل من الدرجه الثانيه. لا تنسى ان الملعب مجمع شباب ولابد يكون في مدخنين بكثره. قد صارت معي وقالي واحد ياخي لا تدخن قلتله طيب وش تبيني ازين؟؟؟ ما عنده اي رد. وانا اخوك هذه حريه شخصيه. تحياتي

طيب ياخوي دخن برى وارجع ..

اذا مو قادر على 45 دقيقه .. اجل انت كيف تصوم ؟!

والله لو الدخان موب مووجوود كاان كل جمااهير الهلااال حااضرة الملعب

الله يخارجنا منهم

أنا خير شــر ما أروح للملعب لأني دايماً أحط في بالي المضاربات وتكسير السيارات << أكبــر خواف هههههههه

^^ بس مدري موجودين إلين دحين ولا لا؟ ^^

لاتعليق على موضوعك

ومن جد أذيــه للبشريه! عيني عينك:@ !!

أهنيك الصراحهـ عالطرح

تحيتي

فارس كردي

دخان ولاحشيش حاضر للهلال حاضر

والله انك صادق .. انا كنت حاضر مباره من المباريات .. اقول لـ الي جنبي لا تدخن تراك اكتمتناء يقولي تقلع .. شوف الوقاحه ويين وصلت ..

شوف ياحبيبنا .. انا احضر ولا اتضايق من الدخان .
احاول ابتعد عن الاماكن الي فيها مدخنين ..

وترا لا يقل عن 20 في الميه من الي با الملعب مدخنين

تحياتي

أنا ما أدخن .. بس يعجبك كذا أهلن وسهلن .. ما أعجبك بسلامتك لاتجي ..

المجتمع كلّه يدخن وشرطة الملعب يسحبون الولاعات .. بس وش يسوون بـ فصيلة ( بدو )

صعبة إن شعب كامل يوقفون دخّان على شانك إنت وأخوك الـ (صغير)

فـ لهذا السبب إمش على كلامك إللي في عنوان الموضوع ( ما أجي الملعب مثلاًًََُ )

..

وإذا عندك تعقيب على ردي إرسله خاص لأني ماراح أدخل الموضوع ثـاني .. بررررررررررررررررب

اي والله صدقت يالغالي ,

هذا الحاصل وكثير يؤذوننا بهالريحة البايخه ولا يعبرون احد !

ياليت يمنعونه بالملاعب ,

من جدددددد ,يوم مباراة الغرافة اتنفس دخان اعوذ باللله
واذكر بعد ان الولااعه ممنوع تدخلها بس فيه ناس يزبنونها ويشبون للعالم كللله ,والله اني شايف واحد شب اقل شي 11 دخان
وجع يوجعه والله يهديه ^^

انا صراحة كرهت الحضور للملعب عشان الي يدخنون وفيه سبب ثاني الحر +سوء التنظيم مدري متى بيتطوررون ويستخدمون ارقام على الكراسي المشكلة الكراسي مرقمه باقي التنظيم
لاكن الظاهر حلم ابليس بالجنة ومدري متى الخطط المدروسة بنشوفها والله شي يقهر اقوى دوري عربي وبالاخير مافيه تنظيم
مدري متى بينظمون ايام اللعب والله سوء تنظيم يقهر صراحة لو فيه تنظيم وملاعب حلو زي ادول الخليجية راح يتطور الدوري السعودي كثر لاكن مااقول الا الله كريم

.
.

أنتبهوا يا مُدخنين وفكونا منكم عشان نجي ونساند الهلال زيا لناس ,,