04/10/2010, 02:14 AM
|
| زعيــم مميــز | | تاريخ التسجيل: 22/02/2006 المكان: أرض الله الواسعة ...
مشاركات: 14,947
| |
أول حاجة أقول الله يشفيك ويعافيك يارب ويعافي أخوكـ ..
ثاني حاجة حاب أقول للمدخنين ، ياليت يكون هناك مراعاة لشعور الأشخاص الغير مدخنين .. لأن الغير مدخن والله يتأذى أكثر من المدخن نفسه ..
وكذلك حاب أقول للأخوة اللي يطالب الغير مدخنين بأنهم يجلسون خلف المرمين .. أنا كنت حاضر في مباراة زعيمنا مع الاتفاق في الموسم الماضي في الرياض اللي حصل فيها تكريم الفريق بكأس دوري زين ، وكنت جالس خلف المرمى ، لكي أتحاشى المدخنين لأنو ما أحب أدخل في نقاشات وأمور ما لها داعي ، وخصوصاً أني جاي أستمتع بمشاهدة نجوم الزعيم ، فللأسف أحصل وراي الكثير من المدخنين ، وحاولت أتحشاهم وأروح لمكان ثاني لكن برضه بعد ما جلست جاني برضه أخوة مدخنين .. لكن ما أقول إلا الله يفككم منه ..
أما بالنسبة للأخوة غير المدخنين اللي يقولون يا ليت يجلس المدخنين خلف المرمين ، فما أتوقع أنهم راح يوافقوا لأنو جاي ويبغى يتفرج على المباراة من وسط الملعب علشان يشوف المباراة كويس .. وكذلك الأمر بالنسبة للأخوة الغير مدخنين الشخص جاي للمعلب وحاب يتفرج على المباراة من منتصف الملعب ، فما في حل إلا أنو يكون واجهة الملعب جزء مخصص للمدخنين ( نسأل الله أن يعافيهم ) ، والجزء الآخر لغير المدخنين ..
أما بالنسبة للأخوة اللي بيقولوا أن الهلال ما راح يوقف عليك ، صحيح هالشيء الكيان لا يقف على شخص أو شخصين ، ولكن الشخص أو الشخصين سوف تتضاعف أعدادهم ، ويصولوا لعشرات الألآف ، وبعدها ستجد الملعب مخصص للمدخنين ..
أما بالنسبة للذين يقولون الغير مدخنين يذهبوا للمنصة ، فالغالبية العظمى من الجماهير من الطـلاب ، والموظفين ذوي الدخل المحدود الذين لايستطيعون شـراء قيمة التذكرة ، وخصوصاً ولو كان عدد الأفراد أكثر من شخص ..
آسف جداً للإطالة ، ولكن هذا ما حبيت أن أطرحه ، وهي وجهة نظري الشخصية .. ع العموم أنا والله عشقي للزعيم ليس له حدود ولكن صحتي أهــم .. فأنا مضطر لمتابعة مباريات الزعيم من خلف الشاشة ..
|
الوضع العادي
