|
لاتذهبوا بعلم رومانيا بعد اليوم بسم الله الرحمن الرحيم أحبتي عشاق الزعيم ، تحية وتقدير لكم وألف مبروك استمرار أداء ونتائج الفريق ومواصلة الطريق لتحقيق اللقب الآسيوي بإذن الله تعالى . لعل أحد أهم العقبات لقاؤنا بذوب هان أصفهان الإيراني وعلى أرضهم حيث أن الفرق جداً عنيد ويحتاج لاستعداد كبير كون ظروف اللعب في إيران صعبة على أي فريق والكل يعلم مالذي تنتهجه جماهير إيران لإرباك الخصوم بالإضافة إلى أداء الفريق الإيراني الكبير . من هنا سعت الإدارة مشكورة بقيادة سمو الأمير عبدالرحمن بن مساعد لتوفير أقصى ما يمكن لتحقيق نتيجة إيجابية وقد قدمت طلب تأجيل لقاء الإتحاد وتحقق بحمد من الله ، كما أن المحاولات كانت كبيرة وعلى مستوى رفيع للسماح بإشراك رادوي في اللقاء ومن ثم الذهاب سفره إلى فرنسا بطائرة خاصة بعد المواجهة مباشرة . تنتظر رومانيا مواجهة قوية دون شك ، ولكن بتوفير هذه التسهيلات بالإمكان أن يلعب مع الهلال دون أن يتأثر سلبيا بذلك وهو لاعب محترف يتمتع بلياقة عالية . كثيرا ما قام الجمهور الهلالي برفع أعلام رومانيا لأسباب متعددة من ضمنها كوزمين طبعا وحاليا رادوي .. يا أحبتي فنلدعم نجومنا أنفسهم ولا نحمل أي علم لدولة أخرى فرفضهم دليل أن عملهم معنا رسمي للغاية ، فلنبتعد عن عاطفتنا تجاههم فتحفيز رادوي يكون بترديد اسمه وتشجيعه كما الحال لبقية النجوم الآخرين . مرة أخرى كان بإمكان الإتحاد الروماني أن يوافق على طلب الهلال خصوصا وأن اللاعب محترف وبمبلغ مالي ليس سهل والهلال بأمس الحاجة لخدماته في هذا اللقاء . على كل حال هذا لا يلغي تخبط الإتحاد الآسيوي في تحديد هذه المواجهة إلا أن الأمر حدث والهلال سيكون حاضراً بنجومه . كل التوفيق للهلال في مواجهته القادمة وهذا درس بسيط جداً يجب أن نتعلم منه الكثير . وشكراً |
يعني بالعقل يآبوي ؟! تبيه مآيخدم ديرته عشآنك اتوقع في آجحآف ب حق رآدوي |
ياخي وش هالعقليه زي ماانت تشوف اسياء مهمه هم يشوفون امم اوربا اهم لاتصير تفكر بنفسك وبس اتوقع هذا شي صار فوق استطاعة ادارتنا ولاتحاد الروماني اجابوا علينا بكل ادب واحترام ,, الشغله مو امش زي ما ابي ولا عاديني؟!! ترا الدنيا ماهي كذا خلك واقعي اخوي انا ضد كلامك يكفي ان اللاعب كان وده يخدم فريقه وحاول بكل الطرق ومدربهم كان متعاطف واتحادهم كان متعاطف ماعندهم بديل البديل مصاب وقالوا لو مباراه مع منتخب اقل من فرنسا كنا مااخذناه خلاص الكل حاول ماظبطت الامور شكرا لك |
يعطيك العافية أخوي أنا أنصحك تروح تقراا الخطاب اللي أرسله الإتحاد الروماني و إقراه كااامل مو بس المترجم الإتحاد الروماني رفض لأن المباراة مع فريق قوي (فرنسا) و ليست مباراة ودية وبعدين هذي غلطة الإتحاد الآسيوي في جدولة المباريااات وفي الأخير ... مصلحة بلده أولى !!! :) يسلموو يارب |
بالعكس رادوي ماقصر وكلم زرافان لوسيسكو " مدرب المنتخب " وطلب منه انه يبقى مع الهلال ل بعد مباراة ذوب آهان بس المدرب رفض والجمهور مايرفع علم رومانيا عشان رومانيا هذا تحفيز للاعب ! اهم شي الحضور ومؤازرة الفريق وطبيعي انو منتخب بلاده اولى من فريقه :) والخطا كله من الاتحاد الاسيوي الي لاعزاء له .. بس الشكوى لله وتفاءلوا بالخير يعني نقول ان شآالله غيابه وغياب نيفيز خيره لنا وقريتيس مايخيب ظننا مشكور ع الموضوع :smilie47: |
اخالفك الرأي عزيزي الامر محسوم وهو من ابسط حقوق الرومان ظم المقاتل المشكله هي في تخبطات الاتحاد الاسيوي وتوقيتها للمباراة في ايام الفيفا وهذا ماأساء الاتحاد الروماني ووضع عليه علامات استفهام. اعتقد احضار العلم الروماني للملعب ماهو الا تحفيز لنجمنا رادوي:ba: وليس لعيون الرومان اتمنى وصلت الفكره وشكرا على موضوعك النهرين:alzaeem: |
أخطأت ياخوي وش ذنبهم اذا كان الاتحاد الاسوي متخبط في توقيت مبارياته ؟؟ وحتى هم يتسآلون نفس الشيء ومستغربين لآبعد درجة !! ولانهم ما وافقوا نترك الجميل منهم وننسى كل شيء ! لا تكونون عاطفيين لهدرجة ’’ فـ رفع الاعلام من اجمل الافكار والتي انتشرت ومصدرها " الجمهور الهلالي " وبإذن الله تكون خيرة للهلال :smilie47: ( ولن يصيبكم الا ما كتبه الله لكم ) |
ابشركم الاتحاد الروماني وافق على رادوي البقاء موفق يالزعيم |
إقتباس:
ولكن إن وجدت الاستطاعه لخدمة الطرفين لكان أولى . للعلم اخوي ياسر من دون شك أن رادوي يرغب في خدمة الزعيم ومنتخب بلاده أيضاً إلا أن الرفض جاء من إتحاد الكرة الروماني . |
إقتباس:
توهم ارسلوا خطاب رسمي ورافضيين تضحك على مين انت؟!! |
لا كلامك غير صحيح رادوي لاعب مقاتل في الهلال وقدم للهلال الشي الكثير لكن بلده اهم وهذي حقيقه لازم نعترف بها اهم شي ماننسي وش قدم للهلال منذ قدومه ,, وبعد يكفي انه هو بنفسه طلب من مدربه ان يشارك في مباراه الهلال امام الفريق الايراني .. |
اهـــم شيء اننا نحقق الاسيوية وغياب رادوي راح يزيد من قوة الفريق الهلالي وحماس واثبات للوجود |
إقتباس:
الخبر مثبت على الشبكه بأن الرد النهائي اتى بعدم موافقة الاتحاد الروماني لطلب الاداره الهلاليه..... أرجوا التحقق من الاخبار قبل نشرها:ranting: معذره ياصاحب الموضوع.... اردت الرد قبل ان يحصل اي تلابس بالأمر |
انت الحين تزرع الفتنه وتفتح باب مصكوك ليتك سكت افضل لك وللفريق اذا التخطيط سيء من الاتحاد الاسيوي موب ذنب الاتحاد الروماني |
إقتباس:
من حق الإتحاد الروماني أن يرفض ولا يختلف إثنان على ذلك الأمر حيث أن الخطأ الأكبر من الإتحاد الآسيوي . لكن الذي أتحدث عنه أنه بإمكانهم الموافقة بعد الجهود التي بذلها سمو الأمير عبدالرحمن بن مساعد . مرة أخرى مصلحة رومانيا لاشك أنها أولى فيما لو كان الفرق بين المواجهتين يوم فقط . |
رادوي ماله ذنب بس وش فيكم كلتو الرجال !! من حبه للزعيم نزل ها الموضوع ع العموم من حق المنتخب الروماني يرفض ومن حق الهلال الي يدفع لرادوي لرادوي مليون ونص دولار سنويآ كـ راتب انه يلعب معنا ماجبناه يروح مع المنتخب ودي لك |
ياخوك ماعليكم مالهم دخل كل ذا من الاتحاد الاسيوي ذي بلده الاعب اكيد يفضل وطنه لو كنت مكانه وش تسوي؟؟ ولا الهلال لاتخافون عليه بنفوز في ايران لو العتيبي محور تدرون ليه؟؟ لانكم ايها الجماهير معها |
هذا ماهو معناته اننا مانرفع علم رومانيا لأنهم يرفضون صحيح من حق الهلال ان يشارك رادوي لكن ايضا من حق الاتحاد الروماني الرفض لأن رادوي لاعب مهم بالمنتخب الروماني وعندهم تصفيات لبطولة اوروبا وامام منتخب كبير ومثل ما قال احد الاخوان مثل ما احنا نشوف اسيا مهمه هم برضوا يشوفون اوروبا مهمه يعني لاينقلب الموضوع حرب |
إقتباس:
ودعواتنا جميعاً أن لايؤثر الغياب سلباً على الفريق . شكرا لمرورك |
لا يا أخي لا اوافقك الرأي لعدة اسباب اولا : رادوي لايمسه من العيب ذرّه وهو مخلص للهلال وجميع اللاعبين الاجانب ولله الحمد ( وهذا مانحسد عليه ) ثانا : من حق منتخب بلاده ضمه وقد شرحوا الظروف لكي يتأقلم مع منتخبه ( وهذا حق مشروع لهم ) ثالثا : مهما كانت الظروف فأن هذا بلده ونحن فريقه المحترف فـ بالعكس المفروض مؤازرته لان له فواضل كثيره لفريقنا العريق . رابعا : تراهم بيلعبون مع فرنسا ياخوي ماهم لاعبين مع فريق ايراني واذا انت تبي تتأهل للنهائي هم بعد يبون يتأهلون لكأس منتخبات اوروبا فلابد منا التقدير والاحترام لظروفهم ورفضهم اخوك : هلالــــــــــي |
يارجال خلها ع ربك بس ...... |
ما عليش ياخوي كلامك غير منطقي وعطفي بعد هذا من ابسط حقوق الاتحادر الروماني بسحب لعيبة منتخبه من الاندية ... وهذا نظام يمشي على الكل مو على رادوي بس . المشكلة في جدولة الاتحاد الاسيوي اللى حدد المباريات في هذا التوقيت ... عموما ان شاءالله الهلال قادر على تعويض رادوي بالبديل الناجح ... |
اهـــم شيء اننا نحقق الاسيوية وغياب رادوي راح يزيد من قوة الفريق الهلالي وحماس واثبات للوجود |
إقتباس:
السبب الوحيد إن اللاعب لابد ينضم لمعسكر المنتخب قبل المباراة بخمسة أيام على الأقل !!! و الإتحااد الآسيوي كالعااادة لخبط الدنياااا !! |
والله مشكلة بعض الناس تكتب مواضيع بايخه, ولا لها اي علاقة بهلالنا, والطامة الكبرى ان العقليه محدوده جداً .. |
إقتباس:
من حقنا كجماهير للزعيم طرح مانراه مناسباً وشخصيا كنت أكن الكثير لمنتخب رومانيا أما في الوقت الراهن وبكل أمانة مهتم فقط بنجمنا رادوي . أكررها من حق الإتحاد الروماني أن يرفض ولكن من حقنا أن نضع حداً لتعاطفنا معهم فيما لو وافقوا أو رفضوا ! هنا الفرق لأن بإمكانهم الموافقة خصوصا مع رغبة رادوي نفسه بالمشاركة في اللقائين رغم وجود مخاطرة بسيطة فضلوا عدم التعاون مع الهلال خوفاً من إحتمالية تأثره بذلك . لن أرد على مداخلتك بالمثل كون بها بعض التجريح أرفع نفسي عنه وأكرم القراء بما فيهم أنت عما به ! . |
ياحبيبي حنآآ لما نرفع علم رومانيآ قصدنآ تحفيز وتشجيع اللاعب الي قاعد يحرث الملعب علشان الفانيله الزرقــآء مانرفعها تشجيع للآتحاد الروماني لآنه بالآساس ماقدم لنا شي وبالنسبه للرفض هاذا شي طبيعي ومتوقع منتخبه يلعب تصفيات امم اوروبآآ وقدآم فرنســآآ .. بالتوفيق للهلال |
أنا من وجهة نظري الجمهور إذا حضر بعلم رومانيا يقصد اللاعب وليس الدوله. ومنتخب بلاده أولى من الهلال فيه. إن شاءالله برادوي ولا غيره بأذن الله منصورين بحول الله. |
الخطأ خطأ آسيا وطريقة الجدوله وليس خطأ الاتحاد الروماني ورادوي،،، اجل بطوله آسيا في موسمين هذي بحد ذاتها مضحكه على العموم المحاولات جاريه من اللاعب نفسه المقاتل الروماني لإقناع اتحاد بلادهـ ،،، إن شاء الله رادوي يلعب ،،، وبالتوفيق للزعيم إن شاء الله |
اخوي الغالي من الصعب جداً ان نفعل ما تريد حق من حقوقهم لو اننا وضعنا في مكانهم لفعلنا ما فعلو لك كل الود |
اشكر جميع الذين ردوووو على الموضوع كفووووو ووفوووووو بالعكس لو اني محل الرومانيييين رفضت المشاركه لأن المبارات مهمة والعقل زين وربي بيفوز الهلال انشالله برادووووي ولا بدوووونه رجال الهلال مايخيبوووون الأمل |
بالعكس أخوي اخالفك الرأي :yes: أكثر لاعب مفروض يرفع علم بلاده هو رادوي :smilie47: سامي الجابر في مداخلته قبل قليل في المرمى .. قال الخطاب وصلنا وقفلنا الموضع من جهتنا لاكن رادوي لايزال يجري اتصالاته محاولاً إقناع المسؤلين في المنتخب :cry: موذنب رادوي ولاذنب الاتحاد الروماني أنك تملك أتحاد اسيوي مخبط مايعرف قوانين الفيفا وموعد مبارياتهم :ranting: رومانيا مباراتها مهمه أما حياه او موت وامام منتخب صعب جداً فرنسا .. ومن الظلم وسابع المستحيلات أن يتخلون عن رادوي لعيون الهلال ويتركون أسم وطن كامل .. تحيااتي لك :rose: |
يالحبيب اللوم ماهو على الاتحاد الروماني اللوم على الاتحاد الاسيوي ومع احترامي الشديد لك لكن طلبك مثل اللي يقول ابي اللعب ولا اخرب النظام معهم والمنطق معهم ولو كان الهلال مكانهم كان طلب نفس الشء وكل شخص يبحث عن مصلحتة بالنظام والجماعة معهم مباراة قدام فرنسا وفي ارض فرنسا يعني الهلال طلب تاجيل مباراتة مع الاتحاد عشان ما تزيد عليه الاصابات قبل مباراة ايران وهم بحثوا عن نفس الامر اللاعب يبونه مرتاح وينسجم مع المجموعة فتقولي هو محترف يخلص من هنا ويروح هناك في النهاية هو بشر تحياتي لك |
والله رادوي قدم للهلال الكثير زي ماقدم له الهلال برضوا وهذي بلده يعني شي واقعي جدا والهلال قوي برادوي وبدونه |
إقتباس:
اما فيما يتعلق بالاساءه فلا اعتقد اني غلطت على شخصك الكريم في شيء او جرحتك فقط واجبي كمشجع هلالي انتقاد اي موضوع مخالف للواقع وارجع لموضوعك فستجد فيه من السلبيات اكثر من مجرد طرحه والتسليه به تحياتي |
اهـــم شيء اننا نحقق الاسيوية وغياب رادوي راح يزيد من قوة الفريق الهلالي وحماس واثبات للوجود |
آولآ مثل مآآقآآلوآآ آللي قبلي من حق آلآتحآآد آلرومآآني طلب خدمآآت آللآعب ثآآنيآآ: رفع آعلآم رومآآنيآآ دعم وتحفيز لرآآدوي مو منآآصره لدولة رومآآنيآآ.. وبآلعكس آنآآ آشوف آنو يجب آن يرفع آكثر لآن رآآدوي مآقصر وحآآول بكل آلسبل آنه يلعب مع آلهلآل.. ع آلعموم الله يوفق آلزعيم وين مآآحل |
أشكر كل من شارك وأبدى وجهة نظره وإن اختلفت عما طرح . نقطة أود إيضاحها للجميع .. : لا ألوم رادوي ولو 1% ، كما أن للإتحاد الروماني الحق في الرفض والخطأ الأكبر من تحديد موعد هذه المواجهة من قبل الإتحاد الآسيوي . ولكن وجهة نظري بأن مصلحتهم أهم عليهم من أي شي آخر وهذا حق مشروع لهم بالطبع .. حتى وإن كان بإمكانهم التعاون مع الإدارة الهلالية بذات الخصوص . رادوي لاعب مقاتل ويعشق الزعيم وجماهيره دون أدنى شك .. كما أنه يرغب في اللعب مع الهلال هذه المواجهة كونه يؤمن بأهميتها .. إلا أن تشجيعنا له يستمر وهذا المطلوب بترديد اسمه كما الحال مع جميع النجوم . وجهة نظري تكمن في أن الإتحاد الروماني لم يتجاوب مع الطلب الهلالي رغم أن بإمكانه ذلك مع وجود التسهيلات فهمهم مصالحهم الشخصية فقط وهذا حق مشروع لهم . إلا أننا يجب أن نعي ذلك جيداً وهذا هو السبب الرئيسي لطلبي . |
عاملهم بأخلاقك لا بأخلاقهم ....!!! بالعكس هم ماغلطوا خلونا واقعيين مثل مااحنا بحاجته هم بعد بحاجته وبعدين الجمهور حمل العلم علشان رادوي لو علشان رومانيا ماحملوه عوافي... |
رادوي مطلـب مهم مع منتخبـه و ناديـه الزعيم وحتى رادوي الى الان يحاول يقنـع الاتحاد الرومآني ، واذا ماوافقـو اتوقع من حقهـم الشي ذا اولاً واخيراً الذنب يقـع على تخبـط الاتحاد الاسيوي ، ويستاهل رادوي نعبر له بـ علم وشال يحمل صورته وغيره والدعم لـ رادوي شخصيـاً ، مو لـ رومانيـآإ ويعطيك العافيـهَ على غيرتك لـ زعيمَ ، |
خلاص اجل نحرق علم وش رايك ؟؟؟ ياخي انت غريب ،،، |
رودي كما هو حاله في الهلال لاعب مؤثر بشكل كبير ايضا مؤثر وله مكانته في منتخب بلاده .. واي مدرب فاهم لن يفرط فيه حين الحاجه له هذا اولا .. ثانيا لمن يرفع علم رومانيا لا اعتقد بل اكاد اجزم ان من رفعه عرفان وتقدير فقط لكوزمين حينما كان يدرب الهلال وحالياً لاجل عيون رادوي .. وليس لأجل رومانيا كدولة .. يجب ان نرتقي بتفكيرنا وبطرحنا وتقبل مروري بكل ود |
أكيد المنتخب أولى من أي نادي بالعالم ولم تنشأ النوادي إلا لدعم المنتخبات فقط. وما فعله الإتحاد الروماني ليس فيه أي شيء يسيء للهلال. واللهم وفق الهلال في مباراته أمام ذوب هان الإيراني.. وأنا متفائل جداً جداً بإذن الواحد الأحد |
الجمهور رفع العلم لعيون رادوي ولرفع معنويات وتشجييع رادوي واشعار رادوي باهميته للفريق وليس لرومانيا كبلد اوكي وبعديين رادوي سوى الي يقدر عليه مثل ماقال سامي الجابر انه خاطب مدربهم للبقاء للعب مع الهلال ثم الذهاب لرومانيا يعني وش ذنبه رادوي مانرفع له علمه لتشجيعه ياااارب وفق الهلال ياااارب |
رادوي لايزال يجري اتصالاته مع اتحاده :s5s: يمكن يكون خيره مايشارك معنا ,,, والخيره فيما اختاره الله مدري ليش احس بيصير مشكله بينه وبين منتخبه ... سترك يارب اخاف رادوي يتاثر :ranting: لانه يبي يلعب معنا وهم رفضوا ... وخصوصا ادرتنا ماقصرت مع ها رومانيه يالله وفرنا صرفيه على الطياره الخاصه :s3s: ورادوي اتمنى انك تعتزال من منتخبك ... لانه ما يفرق عن منتخبنا :laugh: بما ان رادوي بيدخل 30سنه ونتمنى بقائك معنا اكثر :smilie47: وبنشوف يارمانيا بتفوزين على فرنسا ولا :wub: .. . . . غشاهم :ba:موج |
مع كامل احترامي لك إلا انك شخص احببت رادوي لانك احببت مصلحتك فقط مثل مانقول دائما المنتخب اولا هو بعد عنده تمثيل المنتخب اهم شي وبعدين الإتحاد الروماني مايلام عنده مباراة مهمه ورادوي مهم عنده مثل ماهو مهم عندنا... وحنا يوم رفعنا علم رومانيا علشان حبينا رادوي النجم اللي يحترق داخل الملعب من اول دقيقة لعب فيها معنا من اجلنا وطيب ليه ماتقول منا رافعين علم السعوديه علشان اخذوا تسعه لاعبين منا عام 2006 وخسرنا بسببهم البطوله.... وشكرا ......:smilie47::smilie47: |
إقتباس:
وأنا كذلك أحترمك :) هل رادوي لاعب هاوي ؟ رادوي محترف يتقاضى مرتب عالي ومن الطبيعي أن يقدم أداء كبير يوازي المصروفات لأجله . رغم هذا كل الإحترام والتقدير له وسنستمر بتشجيعه لأنه يستحق ذلك . |
ماقول الا حسبي الله على الاتحاد الاسيوي المتعجرف الفاشل الاسيوي السي يبغون يطورون يعني صدقني يبغون يصيرون زي اوووربا ماقوول الا يحلمووووووووووووون ويبطون عظم يصيرون زي اوروبا الاتحاد الاسيوي نفس فريق الفقر(النصر) فاشل من كل النواحي ويحلموووووووووووووووون |
كلامك خطأ راح نشجعه حتى لو ينقل لنادي ثاني اشكرك بعنف |
اي شي يبي يخلي رادوي يضحكـ وينبسط نبي نرفعه ان شاء الله لو يبي سراويلنا رفعناهن |
إقتباس:
تشجع منتخب رومانيا في حال انتقال رادوي لفريق آخر أم تقصد بأنك تواصل تشجيع رادوي حتى ولو انتقل لفريق آخر . لم أفهم ردك .. ولكن رادوي يستحق التقدير والتشجيع أيضا .. كما أن محبي الهلال سيتعاطفون معه فيما لو انتقل لنادي غير منافس لنا بشكل مباشر . |
انا اخالفك الراي لان العتب موعلى رومانيا العتب على الاتحاد الاسيوي وجدولته التعبانه . . . فالاتحاد الروماني معه حق لان مبااتهم مهم والمنتخب اولى . . . يعطيك االف عاااافية مشكووووووور . . . |
رادوي قدم اللي عليه .. كلم المدرب .. وعلى فكرة المدرب وافق لكن الرفض من رئيس الاتحاد الروماني .. وبعدين فكرة عدم حمل الاعلام بعد الان ماراح تضر بالاتحاد الروماني .. بالعكس تضر برادوي شخصيا يعني وين كانوا اللي يرفعون له الاعلام .. وماهو من عادة جماهير الزعيم التخلي عن لاعب يخدم بلده .. واذا بقينا نهتف لرادوي .. معناه احنا معاه وبالعكس نكبر بعيونه .. |
مشكووووووووووووووور ع الموضوع |
لآ بآلعكسس :d آنآآ آقوول من حقــه يسآند دييرته :d وزي مو آسيآ مهمه هم آمم آوربــآ مهمة عندهم بعد :d آلله يووفقه مع منتخبه وآلهلآل :d:smilie47:.. وآن ششآءآلله يعوضضنـآ بعديين :d:smilie47:.. |
اخوي يالغلا الاتحاد الروماني مو غلطان الاغطان الاتحاد الاسيوي وش لون يحط جدول مباريات مثل كيذا مع الفيفا ما قصرو الاتحاد الروماني |
الشرهه على الاتحاد الاسيوي صراحه اللي ما يعرف ينظم |
يااخوي وش ذنب رادوي اذا الاتحاد الروماني رفض؟؟ ووش ذنبه اذا الاتحاد السعودي مارتب جدوله ؟؟ يعني يقول لهم ماابغى العب معكم يترك منتخب بلاده ويروح للهلال لاتنسى انه كابتن المنتخب وان رومانيا تلعب مباراه مهمه امام فرنسسا يعني ياليت نتجنب هالافكاار |
اسمح لي اخوي الاتحاد الروماني من حقه يطالب بلاعبه وفي مباراه مصيريه لو حنا بدل الاتحاد الروماني لقمنا بالمثل صحيح حنا ودنا برادوي لكن من حق الاتحاد الروماني الرفض وحنا بنقدر رادوي برفع علم بلاده سواء لعب او مالعب الله يهدي رادوي للاسلام الله يوفقه مع منتخبه الله يوفقه مع الهلال الله يوفق الهلال في البطوله الاسيويه يارب العالمين الهلال يفوز يوم الجمعه على الاتفاق |
حبيب قلبي كلامك هذا عشانك زعلان من الاتحاد الروماني وهذا من ابسط حقوقهم بالعكس رفع علم اي دوله من لاعيبه الهلال الاجانب يعطيه دفعه معنويه قويه وكلنا سمعنا تصريح لي يونج |
| الوقت المعتمد في المنتدى بتوقيت جرينتش +3.
الوقت الان » 11:26 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd