نفس المشكله ياطيب بس انا طلعت رقم جديد من موبايلي

وللحين مع الحراميه والحسابه بتحسب غصب عني اشتكينا بس الشكوي لله

وحنا مواطنين الظاهر انا خلقنا للاستخدام والدفع بالدوله

وبالتوفيق للهلال يارب

إقتباس الرسالة الأصلية كتبت بواسطة شبيه الـــريـــح اخوي لازم يكون عندك صبر و تتحمل اجراءاتهم التعيسه انا مثلا من اول يوم عمل بعد اجازه العيد بتاريخ 18/9/2010 سويت طلب تحويل و من بكره الاتصالات ترد بان الخط خارج الخدمه وعلى العميل مراجعه stc استمريت اسبوع كامل كل يوم اسوي طلب و من بكره هم يلغونه و بعدها باسبوع رحت لهيئة الاتصالات و قالوا لي سوي طلب تحويل جديد قبل الساعه 11 وبعد يومين اذا ما تحول كلمنا وطبعا ما تحول و كلمتهم و قالوا لي سوي طلب جديد و بعد يومين كلمنا و اخرتها اليوم قالوا سوي طلب اليوم جديد وكلمنا ولما كلمتهم قالوا خلاص بنتابع الموضوع و يوم الاربعاء بعد الظهر كلمنا و الموظف اللي في هيئة الاتصالات يقول توك بدري فيه غيرك صار لهم 4 اشهر ما تحول رقمهم تخيل في خلال 20 يوم و صلت طلبات التحويل على رقمي تقريبا 8 طلبات وبدون فايده و موظف هيئة الاتصالات فالح بس يقول احنا بعد 6 ايام من طلبك نغرم stc تخيل دافع لهم مبلغ اكثر من 150 ريال زياده كله عشان افتك منهم ومافيه فايده عشان كذا اذا ما تتحمل اسلوبهم اصدر لك خط جديد وهذا انا بصبر اسبوعين لو ما تحول الرقم بروح لمكتب stc و بالغي رقمي و رقم زوجتي و اخواني و بطلع ارقام جديده على باقة الموج الازرق اصلا لو stc شافت الناس تلغي ارقامهم لما تسوي معهم حركات سخيفه كان تادبت لكن هي لما تلغي التحويل و تشوف العالم تستمر معاها تقول نجحت الخطه و اكيد طفش و الاخ ثنياني وعدنا خير و ان شاء الله ما يقصر معليش اخوي على الاطاله لكن حبيت انقل لك جزء من معاناتي اخوك شبيه الـــريـــح --------------------------- اضافه عقبالك اخوي اليوم الظهر تحول الرقم لكن بصراحه بمجهود من الشباب واحد في الاتصالات و الثاني في موبايلي اللي في موبايلي يفتح طلب تحويل جديد واللي في الاتصالات يسابق الوقت عشان لا يتقفل بشكل تلقائي يعني بالعربي واحد كان يثبت و الثاني يشوت وفي الاخير تم التحويل و كمان ما انسى اهتمام الاخ ثنياني لانه كلمني بعد ما انتهاء التحويل وعقبالك اخوي و بالتوفيق للزعيم و الزعماء اخوك شبيه الــريـــح

يلاا مبرووك يا الغالي
و عقبالي من جد

يعطيكم الف عافيه يآآرب

حبيبي مالك الا ترسل رساله فاكس
بطاقة احوالك وتكتب تحتها الشكوى
على رقم 014618033
هذا رقم الشكاوي الفاكس
واي شي انا بالخدمه راسلني على الخاص

انا اشووف هالمشكله بدت تكثر...بدت تتملل موبايلي هههههه هاذا العشب الهلالي

بس مادري وش الحل

السلام عليكم

تكفووووووووووو ن يا أخوان لي ثلاث أسابيع أرفع طلب ويرفضون وارسلت شكوى

مافي فائدهـ اللي بيخدمني ماله الا الدعاء أن الله يوفقه وين ماكاااان

بس فكوني من الاتصالات