7/10/1423هـ عصراً الجمهور الهلالي أين سيكون؟..[ سؤال محرج للبعـض] - نادي الهلال السعودي - شبكة الزعيم

الهلالي2008 · #1 07/12/2002, 08:49 PM

السلام عليكم ورحمة الله وبركاته،،

كل عام وشبكة الزعيم من تقدم إلى تقدم،،

هلا بالجمهور الهلالي الكبير طبعاً الرئيس وجابوه الرجاجيل وباقي المدرب وكلها كم يوم وبيجي وباقي حضوركم وركزوا على كلمة حضوركم لأن المباريات القادمة قوية

السؤال الجمهور الهلالي هل سيكون في البر او في الاستراحات او المقاهي او خلف الشاشات أو في ملعب المز؟

لازم نكون يوم 7/10/1423هـ في ملعب الملز الساعة 3 العصر ونشجع ونعيد على بعضنا وباذن الله بيكون الفوز حليفنا

الهلال لعب 7 مباريات أربع منها في الرياض للأسف الحضور الجماهيري كان سيئاً للغاية عكس هلاليين حائل وهلاليين الدمام وهلاليين عنيزة ألي حضروا بشكل ملفت للانتباه وما قصروا الحقيقة.

أتمنى محد يقول اني قاسي على جمهور الرياض لكن بصراحة الصور تثبت ذلك وبعدين انا على اني ادرس في الدمام الا اني حضرت مبارة الدمام ومبارة من الاربع الي في الرياض وناوي احضر المبارة الثالثة لي مع الاتفاق اتمنى منكم تملون ملعب الملز.

هذا الجمهور الهلالي الي حضر لمبارة الشعلة !!!!؟؟!!

وهذا الجمهور الهلالي الي حضر لمبارة الشباب هذا وهي بين فريقين من الرياض !؟؟؟!!

وهذا الجمهور الهلالي الي حضر لمبارة الطائي !!!؟؟؟!!!

وهذا الجمهور الهلالي الي حضر لمبارة الرائد!!!؟؟؟!!!

أتمنى يرجع الجمهور الهلالي مثل ما كان جمهور مو يعبي وبس الملعب كان من كثرتهم ما يضفهم يوقفون على الدرج عشان يشوفون المبارة تذكروا مبارة العربي الكويتي عام 1406هـ يوم المطر يوم الملعب فل ليش يطلق عليكم لقب جمهور الاستراحات والمقهاي والنهائيات؟؟؟
أتمنى يكون ردكم في الملعب ونشوفكم مثل ذولي:-

-----------------------------------------------------------------------------------------

برق الزعيم · #2 07/12/2002, 10:25 PM

اتوقع اخوي ان المباراة راح تكون في الليل00

وان شالله راح نكون متواجدين00

ويعطيك العافيه00

The_end · #3 07/12/2002, 10:31 PM

انا اول واحد بيكون في الملعب
انشاء الله

المتعصب · #4 07/12/2002, 10:36 PM

السلام عليكم

ياليتني من سكان المملكه ماكنت اترك مباراه للزعيم مااحضرها..

اتمنى ان يتواجد جمهور الزعيم الذي نعرف عنه حبه وعشقه الجنوني للهلال..

حضوركم تكريم ودعم للرئيس الجديد الامير عبدالله بن مساعد ولاخوانه اعضاء المجلس..

ان شاء الله الفوز للزعيم..

المتعصب يرحب بكم

albattar · #5 07/12/2002, 11:12 PM

بإذن الله الجميع يبي يكون في ملعب الملز ، وسوف نعيد ذكرى الجماهير الهلاليه التي حضرت رغم الامطار الغزيره النهائي الشهير بين العربي الكويتي والزعيم في بطولة الاندية الخليجية ، والتي فاز فيها الزعيم بهدف رأسي من اللاعب القدير سعد مبارك .

تحياتي

ابوتركي الهلالي · #6 07/12/2002, 11:16 PM

انا راح اكون انشاء الله في الملعب العصر او بالليل او الفجر رايح رايح الملعب الله لايعوق بشر
وراح اشجع اشجع اشجع قولوا ليش لاني احس بواجبي للنادي وصراحة منقهر من جمهور الاتحاد
خلونا انصير احسن منهم تكفون ياشباب ترا الدور علينا مانبي نصير كذا

اوخلونا نصير

العجوز المعرعره · #7 08/12/2002, 12:26 AM

ياوليدي اتعرف زوجي المعرعر الله لايوفتزه مستخسر يدفع 20ريال علشان يحضر المباراه
مايدري ان الهلال يستاهل اكثر من تسذا

واالله ياوليدي لو انى قادره امشى انتسان رحت

اتمنى بحق وحقيق ان نرى الجمهور الهلالي بكثافة في الملعب عاد ياهل الرياض الناس

الحين ابعطله يعني ياويلكم لو ماتحضرون المباراة باتسر لأموصلكم بذي الخيزرانه اللي معي

والمباراه بتقام في ستاد الأمير فيصل يعني قريب ماهوب بعيد في آخر الدنيا

RAID2001 · #8 08/12/2002, 01:34 AM

اجل انت زيي يالهلالي

انا ما حظرت الى مبارات القادسية ( في الدمام )

لاني ادرس في الجبيل

وانشالله الله يسهل لي حظور مبارات الاربعاء

بس هل اكيد انها العصر

THEwold · #9 08/12/2002, 02:07 AM

اتوقع اخوي ان المباراة راح تكون في الليل00

وان شالله راح نكون متواجدين00

ويعطيك العافيه00

falcon1515 · #10 08/12/2002, 02:19 AM

اذا كان اللي بيجي عشرة من المنتدى طيب وين الباقين من الـ23 الف ؟؟؟؟؟؟

M i L @ N i · #11 08/12/2002, 03:32 AM

انا عن نفسي ابكون محضر بالملعب وابعزم كم واحد من الشباب معي .

المفهي · #12 08/12/2002, 03:41 AM

المباراة في اليل اتوقع
بس نبي الملعب يمتلي تكفوون من العصر

يووووووووه من زمان ماحضرت مبارااااة يلعب الهلال فيها زين

هزار ولد أبو نزار · #13 08/12/2002, 04:43 AM

والله عن نفسي أعتذر ما أقدر أحضر المباراه
لأن يوم الأربعاء عندنا أشغال كثيره
لكن أنا معكم قلبا وقالبا
وإن شاء الله راح أهديكم قصيده للهلال في حال فوزه بهذه المباراه
تكريما لسمو الأمير عبدالله بن مساعد
وللاعبين ولجماهير الزعيم الغفيره

إبراهيم 11 · #14 08/12/2002, 06:27 AM

أنا تخصيي مباريات عنيوة وان كان حصل اللي ببريدة أما الباقي فلو يحصلي حضرت

الهلالي2008 · #15 08/12/2002, 07:46 AM

شكــلـه الكـلام كـله حـبر عـلى ورق
كـل مبـاراة تقولون سنحـــضر وفي النهـاية يجي كـم واحــد..!!!!!