هذا الموضوع حلّ من حلول البطالة ، أتمنى لو أن السميّة ( بطلة ) تنشره عبر
القروبات الشهيرة - قروب أبو نواف كمثال - حتى تعم الفائدة
موضوع متعوب عليه ، ألف شكر يا بطلة
وعليكم السلام ورحمه الله وبركاته
يعافيك ربي بطلهـ
موضوع مرتب
الله يوفق الجميع في مقابلاتهم الشخصية
إن شاء الله يستفيدون من كل كلمه كتبتيها
جعلهـ الله في موازين حسناتكـ
ما شاء الله عليك يا أختي، تفوقتِ حتى صرتِ العضوة الأميز في المجلس بدون منازع.. ومثل هذا الكلام لا ينقص من غيرك، ولكن يدل على شيء من التعاون، فلولا أن جعل الله التعاون هنا لما كان أيضا وصولك لمثل هذا التفوق الإبداعي.
...
أقرأ موضوعًا مفصلاً في قضايا لا تتضمنها المناهج الدراسية العربية، وبالكاد تذكرها الدراسة الجامعية، والقليل من جرائدنا وبرامجنا التلفزيونية وإعلامنا يهتم بمثل هذا (ولعلي هنا أستثني قناة الرسالة التي تفوقت بسنوات ضوئية عن غيرها من القنوات في مهمتها في تطوير الفرد العربي وفكره).
ليس أجمل من أن يكون العبد والأمة في عون أخيهما وأختهما، وهل خيرٌ من أن تريهم معالم الطريق؟
بارك الله سعيك ووفقك يا أخيتي وجعل مستقبلك باهرًا سعيدًا
قبل ابدأ ياليت اللي عنده رد وع لـ هالفئة يحتفظ فيه لنفسه ,,
أجـل مع الســلامة
_______
بيض الله وجـهك يابتله < بالانجليزي بصراحة تستحقين ثلاث نجمات ع الكتف ونوط صاعقة ومكافحة ارهاب واقتحامات ________
أكو نصيحة بعد إذنك يا بطلة لأخواننا العاطلين والعاطلات لا تستحقر أي وظيفة تحصل عليها ولا تنتظر كرسي دوار وطاولة , فـ الصبر على الوظائف البسيطة المتعبة هو مفتاحك إلى وظيفة ترضي طموحك والانتقال إلى مستويات معيشية مرتفعة . ______ يعني أنا خوذوني مثال بس بالوظيفة مو بأشياء ثانية من شان ماتتدهورون بعد التخرج اتشحططت سنة كاملة كل مدينة بالممكلة قدمت عليها تخيلوا شباب 42 ملف أخضر وشفاف تم فيها التقديم على مختلف الوظائف ولا ملف واحد من الـ42 أنقبل بس الحمدلله ماجاني احباط بس كتمة شوي وبعدين الحمدلله حصلت وظيفة بالملف رقم 44 والملف رقم 43 كان رايح حق التقنية درجة البكالوريس . وبعد خمس سنوات من العمل بالقطاع الخاص انتهى فيني المطاف مؤخراً بالعمل لدى الحكومة وأخيراً مابغوا بغيت أقلب عليهم بس يحمدون ربهم وظفوني قبل . بس اللي أبي أقوله الصبر الصبر الصبر
السلام عليكم يعطيك العافية بطلة موضوع جبّار وفيه كم معلوماتي مفيد جداً
اول شي أسال الله ان يرزق كل عاطل وعاطلة الوظيفة اللي يتمناها وأخص بالذكر الصيادلة وخريجين الكليات الصحية
بالنسبة لي متخرج من سنتين وكم شهر جلست ثلاث شهور و توفقت بوظيفة ماشي حالها وكثير كانوا يلوموني عليها بحكم ان الوظيفة مالها أي علاقة بمجال تخصصي .. بس الحين كلن حاسدني طبعاً لان سنتين ونص بدون عمل شي متعب جداً جداً !! وهي نصيحة لكل خريج بدال ما تنتظر اشغل نفسك بأي شي صدقني الفايدة لك , و برضو تخفف مصاريف على اهلك يا عالة طبعاً انا نادم شوي وفكرت لو اني خلال هالسنتين مثلاً طلعت برى وأخذت لي كورس لغة بس ان شاء الله تكون خيرة .. لذلك انصح العاطلين في حال ما توفقت بوظيفة شف لك اي بلد برى وخذلك لغة تفيدك صدقني ولو على حسابك الخاص
إقتباس
معلومة تنصح بـ الاهتمام بها بـ السيرة الذاتية ؟
ولو أنهم ما اهتموا بالـ cv المتعوب عليه
بس اهم شي لا تبالغ واجد واكتب الشي اللي تعرفه
و برضو ذكرك للمعلومات لازم يكون دقيق بالذات
المهارات اللي تتقنها .. مثلا لا تكتب شاطر بالحاسب وبس
اكتب الاشياء اللي تتقنها فيه
إقتباس
أجريت مقابلة شخصية من قبل حدثنا عنها !!
بالنسبة لي الوظيفة اللي جتني كانت بدون مقابلة
شخصيةوكانت عن طريق مؤهلاتي و الـ cv
الخطير اللي سويته
الله يجزاك خير بطلة .. موضوع قيّم
الشكر موصول للي عاونوك .. ما قصرتوا
ماشاء الله تبارك الرحمن
حقيقةً لا أملك ما أضيفه فقد رأيت موسعه متكامله في كُل شيء.
جزاك الله خير الجزاء و جعلها في موازين حسناتك.
\\
كما قال أحد الإخوان, هذا المجهود حبذا لو نُشر عن طريق أحد القروبات و لكِ الأجر إن شاء الله. .
بالتوفيق
ماشاء الله عليك .. الله يعطيك العافيه .. كفيتي ووفيتي والله ولا قصرتي يابطله .. كتابه جميله .. ولا موضوع لك مافيه فايده .. كل وآحد اكثثر اهميه من الثاني .. ماشاء الله .. ليه مآتسوين دورات تدريبيه ض1 الله يعين كل عاطل ويلقى له باقرب فرصه وظيفه على قد حاله يارب . . والجميع .. تسلمين وبارك الله فيك . . مواضيعك اغلبها تثبيت تستاهل والله . .
ماشاء الله بطلة مجلسنا موجودة بموضوع مهم زي كل مواضيعها..!!
الصراحة اني من زمان عن مواضيعك انتي بالذات والسبب هو قلة تواجدي في المجلس في الفترة الماضية..
بس الصراحة ماراح أتكلم عن موضوعك لأنه من أهميته وضرورته كحاجة ملحة لايمكن لأي شخص - في رأيي - أن يتجرأ على نقده كموضوع وبالتالي لن يتجرأ أحد على نقد ماجاء فيه من أفكار وخطوات جميلة..
بس فيه عندي سؤال لبطلتنا .. إذا ممكن طبعا..
احم ممكن .. طيب أبتفضل وبقوله..:
ايش سبب الفصلة في أول موضوعك..؟!! والله العظيم قعدت أضحك من كل قلبي على كلامك عن الناس الي شغلتها تحطيم..!!
قولي آمين: الله يسعدك مثل ما أسعدتينا وأنا أخوك..
- للأمانة: بطلة من خلال متابعتي لمواضيعها وردودها وآرائها لاحظت انها تحب فعلا أن تضيف البسمة على وجوه الأعضاء بلا استثناء.. ومن أراد التأكد من كلامي فليرجع إلى اخبار المجلس العام التي تقوم بتنزيلها ( بطلة ) ولينظر إلى الكم الهائل من النصائح والحب والأخوة المبثوثة عبر موضوعها سواء آيات قرآنية أو أبيات شعرية أو حكمة أو مقطع صوتي يبعث على التفاؤل والأمل أو تذكير بأمر نبيل كقراءة سورة البقرة في يوم الجمعة.. إلخ
يجي منك يا بنت..ما شاءالله عليك كتبتي فابدعتي
صح الخلفيه وعه ونوع الخط معفن ولا يهون اللون بس ع قولتهم المهم المضمون..
نجي للموضوع..
النفسيه الخايسه التي تكون لدى الشخص العاطل الباطل..مو بسبب عطالته بس
السبب الاكبر هو من لقافة الناس او اسئلتهم الكثيره اللي مال امها داعي
يقابلك شخص اليوم..فلان بشر.. توظفت ؟
-لا والله للحين ..اقدم اوراقي في اكثر من جهه وعسى الله يرزقنا
الله يوفقك ويرزقك ..ترا فيه تقديم في الشركه %$^%$ والشركه &%$#
-الله يجزاك خير ابقدم عليها ان شاءالله
بعدها بأسبوع قابلك نفس الشخص
هلا والله فلان..كيف حالك واخبارك..للحين ما حصلت وظيفه؟(ينعن شكلك قبل اسبوع كنت معك)
-لا ما حصلت ..قبل اسبوع قابلتك وقلت لك
ايه والله انك صادق ..وقلت لك تقدم ع الشركه&^%$ وشركة&^%$..صح؟..قدمت عليها؟
-ايه قدمت
هذا واحد فقط قابلته..كيف لما ترد ع تلفون البيت؟
او تروح للمسجد تصلي؟
والا تطلع تجيك امك وتقول خالتك والا جدتك تسلم عليك..يا عمري عليها شايله هم وظيفتك
طبعا الناس اللي تسأل هو عن حسن نيه غالبا وتتمنى لك التوفيق..بس يبثرون اهلك
بكل مره تقابلهم بنفس هالسالفه ما كأن فيه سالفه يفتحها معك..الا سالفة عطالتك
هو انا لو حصلت وظيفه ..بأخبي عليكم مثلاً؟..لا والله بأعلم لكم..
بداية عطالتي السابقه..كنت مستفل امها ومبسوط فيها..
لكن مثل ما قال الشاعر..هما كذا الناس ما خلوا لاحد حالوه <---الشاعر هااه؟
بالاخير اللهم لك الحمد ..حصل اللي كنت متيقن منه منذ تخرجي
اني بأتوظف ..وهذا اليقين هو اللي خلاني افل امها مع البطاله في البدايه لين ابثروا اهلي خليقة الله..
قريت كلامي اللي فوق ..مااستنتجت منه الا استنتاج واحد<--زين طلعنا بواحد..
ان اغلب الضغط النفسي اللي يكون على العاطل..هو بسبب بثارة الناس.<---الله ..صفقوا للشاطر..
طبعا بعد الوظيفه..جاء موال جديد اقلقوني فيه..متى الزواح..؟؟
________________________
المقابله الشخصيه
انا اجريت 4 مقابلات شخصيه ..عديت بـ 2 وجبت العيد بـ 2
طبعا اول مقابله جبت فيها عيد اليم ..والسبب فهاوتي..
طبعا كانت مقابلة واختبار انقلش
كانت بشركه اعرف مقرها زين الزين..ولما جاء وقت الاختبار ما ادري ايش اللي اعمى بصيرتي..وضيعتها..
ولا وصلت الشركه إلا متأخر ووقتها كان اختبار الانقلش بدا ..يالله لحقت ع كم سؤال وانتهى الوقت
طبعا اختبار الاستماع ..ما لحقت منه شيء فطبيعي جدا ان يكرشوني ولا انقبل..خيره..!
المقابله الثانيه
كانوا 4 اللي اجروا لي المقابله ..حشروني في مواد التخصص ...ما خلوا ماده ما سألوني عنها ..والاكيد اني فهيت واجد عندهم..
طلعت من هالمقابلتين بفوائد خلتني اعدي المقابلتين اللي بعدها وانقبل
-بداية اي متخرج بتكون عنده رهبة المقابلات وصعب انها تروح الا بعد ما تجري اكثر من مقابله
بس فيه امور تخفف من الرهبه
-الحضور المبكر والتعود ع المكان اللي انت فيه..وكمان عشان اذا ضيعت المكان يكون معك وقت تدور ع راحتك..
-الاستعداد ووضع كافة الاحتمالات للمقابله
بمعنى تراجع كتبك مواد تخصصك والمواد عامه..واهمها الانقلش
-وحط ببالك ان هالمقابله مو اخر مقابله..بما ان ذولا اتصلوا اكيد غيرهم بيتصلوا
في المقابله
-حاول تكون بشوش قد ما تقدر..لا تفلها معهم مره..ولا تخلي وجهك بدون تعابير..
-لا تتردد في الاجابه ..خلاص راي طلع منك اثبت عليه
-قد ما حالوا ينرفزوك..حاول تسلك وتخلي فيسك كذا
-اي صعوبات يقولون انها موجوده في وظيفتك..دق صدرك وقل انا لها انا لها..
وحاول تقنعهم انك قدها وقدود.. لاتجلس تحك راسك وتسوي الوضع مو عاجبك
. 
,,
بس بالوظيفة مو بأشياء ثانية من شان ماتتدهورون 
!!
الوضع العادي
