السلام عليكم ورحمة الله وبركاته

الف مبروك الفوز والحمدلله ان الله انقذنا من ها الكارثة

وبعد ماشفت النتيجة الكارثية في الشوط الاضافي الاول تذكرت كلام جماهير
الهلال في منتديات الغرافة!

صراحه يا اخوان شي ماينتصدق .. كل الجماهير اللي بمنتدى الغرافة قبل
المباراة طايحين سب في الغرافه وفي لاعبينهم والهلال فاز عليهم ثلاثه
وفي الاياب بيفوز خمسـة!

ويقولون الهلال جاي ( رحلة ) لقطر , عشان يشوف اسعار الفنادق قبل
مونديال كاس العالم!


يا اخوان ترى مو كذا يكون التحدي .. ومو كذا تكون الحرب " النفسية " اذا
كان ذا قصدكم!

كلامكم راح يكون سبب في شحن ( اللاعبين ) وشحن ( الجماهير ) .. يعني لو خسر
الهلال وش بتسوون!

وتـرى اكثر جماهير الغرافة يشجعون الهلال وسكان قطر بشكل عام .. وان سبيتو
فريقهم , راح يخسر الهلال شعبية كبيرة في قطر .. مثل ماخسر النصر جماهيره في
الامارات!


اتمنى تكونون واقعيين اكثر .. واذا بتسجلون في منتدى خليجي بسبب مباريات الهلال
ياليت تمثلون ( الجماهير ) الهلالية خير تمثيل وتتركـون الهياط!

فريقنا بطل ومافيه والله مثله .. وكلنا عارفين وواثقين في الزعيم انه راح يفوز في قطر
بس مايعني هذا اننا نقلل من الغرافة او نتهجم عليهم!

مافيها شي .. لو سجلتو وقلتو , سواء فاز الهلال او الغرافة كلنا عينين في راس , والغرافه
فريق بطل وكبير ومن ها الكلام , حتى لو الغرافة او اي نادي ماهو ند للهلال .. بس التواضع
ينفع النادي ويرفع اسهمه خارجيا!


اتمنى وضحت الفكرة

تحياتي للجميع

صدقت والله!

ولاتنسى مباراة الوحدة الاماراتي !

المشكلة ما اخذو العبرة من ها المباراتين
في مباراة الغرافة كررو نفس الاخطاء ,
وبنفس الاسلوب والاستفزاز اللي صار!

ياليت جماهير الهلال تعرف ان ها الحركات تضر
ناديهم ماتنفعه!

يعطيك العافية

الاثاره ماتكون بها الشكل!

هذا تجني على الخصم واستفزاز لجماهيره

اذا تبي الاثارة المشروعه .. قل الهلال بيفوز عليكم
وهذا تحدي منّـا , بس اذا فزتو بنبارك لكم .. وواثقين
في الهلال ان شاء الله!

فيه فرق يوم تقول كذا .. ويوم تقول ان الهلال رايح سياحة
وبنفوز غصب , والغرافة غير مؤهل ومن ها الكلام!

والله شي يقهر .. ها العينـة تمثل جماهير الهلال!

با التوفيق للازرق .. يعطيك العافية

صادق والله


اللي يستهزي با الناس دائما يكون اقل منهم
قيمه ومقام .!!

وها الشي ماينطبق على الزعيم , الهلال دائما
في القمه .. بس للاسف جماهيره بقدر ماتحبه
بقدر ماهي تسيء له!

ان شاء الله يصحون الاعضاء ويفكونا من
ها الظــاهرة السيئــــة!

يعطيك العافية

يسلمك ربي

وياليت الجماهير تفهم ها المعلومه وان شاء الله ماتتكرر

يعطيك العافية

يا اخي , شوف حال المشجع النصراوي والفريق النصراوي كامل
حاله مايرضي احد.. الله لايبلانا !

وهذا كله من الاستهزاء با الناس , و ( دخولهم ) في الذمم ..
والتشكيك , والبلاوي اللي يقولونها!

شوف بسبايبهم .. كل الخليج يكرهونهم , وبا الاخص
الاماراتيين , عشان دخولهم منتديات ( الوصل ) وسبهم
للاماراتيين في منتدياتهم!


وحنّـا نبي نكون افضل , وهذا مافيه شك .. بس نبي نفتك
من ها السلبيـة اللي مأثره على جماهيرنا!

وللاسف .. اي مباراه للهلال مع نادي خليجي , تحصل الهلاليين
يسجلون عشان فريقهم , والنصراويين يسجلون عشان يسبون
الهلال وجماهيره , ويكتبون مواضيع ان نادي النصر .. له اكبر
قاعده جماهيره وله افضل لاعبين , والهلال والتحكيم !

طيب ياخي وبعدين؟ والله الخليج ياخذون عننا فكره ماهي زينه!

با التوفيق ويعطيك العافية

يرجال والله بعد الهدف الرابع تذكرت كلام جماهير
الهلال بمنتدى الغرافة ..!!

صراحة شي مخجل , ويخوف .. الهلال صحيح انه
فريق بطل وكل الجماهير لها الحق تفاخر فيه وتهايط
به .. بس بحدود المعقول ومانهضم حقوق الاخرين!

با التوفيق ان شاء الله .. يعطيك العافيه