كتبت قبل عشــر سنوات .. تفضــــلوا - نادي الهلال السعودي - شبكة الزعيم

عاشقة حب الهلال · #1 23/09/2010, 10:37 PM

السلام عليكم

ذكريات البطوله الاسيويه .. ذكريات الابداع الاسيوي .. وذكريات نجوم الزعيم الاسيويين
ابدعوا وحققوا بطوله غاليه اسعدت قلوب الجماهير الهلاليه

فكتبت عن تلك البطوله كلمات لا اعلم من اين اتت مفرداتها وهل هي كافيه بوصف فرحه لتحقيق بطوله للزعيم

لا اجيد الانتقاء .. فقد تركت العنان لقلمي المتواضع لوصف اصداء واحداث وذكريات تلك المباريات في البطوله الاسيويه

اتمنى منكم قبول كتاباتي القديمه بدون اي تعديل لتبقى ذكرى مع العلم ان لها مايقارب العشر سنوات ..

كتبت :

" لقد خاض نادي الهلال مباراته الاسيويه الاولى امام فريق سامسونج الكوري وانتهت النتيجه هلاليه بهدف للهلال من قدم المحترف البرازيلي سيرجيو
دون مقابل لسامسونج

الف مبروك فوز الهلال وتأهله للمباراه النهائيه امام فريق جوبيليو الياباني مع تمنياتنا بكل التوفيق لممثلنا الهلال السعودي

للمره المليون بقولها واهتفوا.. ان الهلال ابداع من رسم فنان ..
ماقلتها ياعرب لجل تتلفتوا .. ماهيب المؤازره فقط بالاعيان ..
بندر بن محمد طلبكم فأفزعوا .. واحرقوا باقي الفرق بالنيران ..
شيلوا الطبول وامشوا واقرعوا.. الدوخي لعب وقدامه الشلهوب والثنيان ..

وزود عليهم الجابر وسيرجيو.. ولا بغا التمياط ينزل بدال الجمعان..
يانجوم الازرق تفضلوا والعبوا .. وتأكدوا ان الجميع من فنكم زعلان ..
ولاجابوا البطوله وللجماهير قدموا .. قالت باقي الفرق حنا للهلال جيران ..
وينهم اول بالنكران مااعترفوا .. ان الهلال ابداع من رسم فنان..
يوم اتعبوا الكوريين عند اقدام الابطال ارتموا .. وقالوا هالهلال على جميع الفرق سلطان..
الله على الجماهير في الملعب لااصرخوا .. قلنا هذا اكيد بينزل الملعب الثنيان..
الفضل بعد الله لبندر ثم القدير يوردانيسكو.. والبركه بباقي النجوم الشجعان..
لا نزلوا الملعب كالعاده يصمدوا .. ويخلوا الفرحان فرحان والزعلان زعلان..
لا بدت كأس السوبر يلله انقذوا .. ممثلنا العالمي الكسبان ..
بس هم نجوم الهلال اللي يسعدوا .. لاتقولوا لي حمزه ولامحيسن ولا الشيحان..
من باع نفسه لاي فريق ترى الهلاليين مايبوا.. مثل سواة لاعبنا الغشيان..
والحين لاتقولون لي سامسونج ولا جوبيليو.. هذا الهلال مايقبل الخسران..
هذا قصيدي كتبته عشان تعرفوا .. ان الهلال فن في لوحة فنان..

وسلامتكم

للمعلوميه : كتبت هذه القصيده بعد مباراة الهلال وسامسونج اي قبل مباراة الهلال مع خصمه جوبيليو الياباني

اتمنى ان تحوز على رضاكم

* في حالة التفاعل والقبول .. عندي ذكريات قديمه وكتابات رائعه عن الهلال والاسيويه وبطولة المؤسس رحمه الله ..
متى ماراقت لكم كتاباتي ودعمتوها .. ساطرحها بشبكة الزعيم الراقيه ..

م ل ك 0001 · #2 23/09/2010, 11:07 PM

صح لسانكـ

كلمات رائعه .. و قلم ~ أروع ...

و بأذن الله سوف يحقق الزعيم الكأس و تبقى ايضا ذكرى لنا معها ..

جيل بعد جيل يشيلك يالزعيم ..

ذكرى جميله منك ..

بأنتظار المزيد ..

نزيه المشاعر · #3 23/09/2010, 11:10 PM

الله يالذكريات ويازين ذيك الايام

ان شاء الله تتكرر

لايهمك حكيهم ياياسر · #4 23/09/2010, 11:12 PM

الله يع ـافيك ع الطرح,,

صح لسسانك,,

وان ششاء الله ترجع الافراح بقيادة جيريتس وسامي..

كريم المشاعر · #5 23/09/2010, 11:12 PM

الله الله يازمان اول
ايام الثنيان الله يسقي زمانه

عاااشق زعيم · #6 23/09/2010, 11:19 PM

تسلم يمينك
وتقبلي مروري ........

نايف قسمان · #7 23/09/2010, 11:21 PM

والله انك موهوب وانا احييك على هالقصيد

$$رادوي$$ · #8 23/09/2010, 11:21 PM

مشكوررررررررررررررررررررررررررره

ali al qahtani · #9 23/09/2010, 11:28 PM

الله يالذكريات ويازين ذيك الايام

ان شاء الله تتكرر
اضافة رد مع اقتباس

مجرد رأي · #10 23/09/2010, 11:30 PM

أهنيك وكلام حلو وكبير وذكرياااات تقطع القلب فديت سامي أيام عزه وكل نجوم الهلال فريق رعب من جد.

وأتمنى يارب أنك تكتب قصيده بالبطوله الجديده .

شــاهــيــن · #11 23/09/2010, 11:37 PM

أولا يعطيك ألف عافيه وصح لسانك

صراحه ذكريات حلوه عشناها مع الجيل الذهبي في الآسيوية
وأجمل ما في الموضوع هو انك ما نقحتي الكلمات ونقلتيها مثل ما هي من عشر سنوات , وتبقى هذي الكلمات إرث خاص لك وللجمهور اللي عاش ذيك الفتره على وجه العموم .. اللي كنا نسطّر فيها الحروف إلى درجة الهذيان من كثر الوناسه