التحويل من STC الى موبايلي .. - نادي الهلال السعودي - شبكة الزعيم

Legendary guy · #1 05/10/2010, 10:59 PM

انا عجزت وانا أحاول يمكن حاولت ٣ مرات وكلها فشلت صفيت حسابي وزودت القيمة وصرت استقبل فقط وحذفت كل الخدمات ونفس السالفة قعدت اسبوع ولاحاولوني ،، وصراحة ماني فاضي وجع رأس وشكاوى ،، انا الان عند الـ stc ويأست صراحة من التحويل ولاني فاضي لهم كل يوم اراجع شركات الاتصالات ، عندي اشغال ومعتمد على هالرقم بشكل كبير والرقم مميز جدا فصعبه اطلع جديد من موبايلي ،،

ودي احول لموبايلي واشترك في باقة "الموج الأزرق" اليوم قبل بوكره ،، بس الله يقلع stc وحقارتهم ،، ياجعلهم يفلسون

القناص2004 · #2 06/10/2010, 12:44 PM

إقتباس

الرسالة الأصلية كتبت بواسطة Legendary guy


	ودي احول لموبايلي واشترك في باقة "الموج الأزرق" اليوم قبل بوكره ،، بس الله يقلع stc وحقارتهم ،، ياجعلهم يفلسون

أتوقع كل هلالي مخلص وده يسوي الشي هذا لكن STC قاعد تعرقلهم وعشان كذا اقولها للجميع طلع رقم جديد وريح نفسك واستفد من النقاط حقت موبايلي ...

إقتباس

الرسالة الأصلية كتبت بواسطة Legendary guy


	عندي اشغال ومعتمد على هالرقم بشكل كبير والرقم مميز جدا فصعبه اطلع جديد من موبايلي

طبعا هذا استثناء من الكلام اللي فوق ... وهم قله لأن فيه ناس فعلاً شغلهم كل عن طريق الجوال وقد يكون مصدر الرزق الوحيد له عن طريق الجوال ... هذا طبعا هو اللي يحاول ويزعج الاتصالات لين يحوولونه ...

أما البقية مع أحترامي للجميع اللي يقولون ما أقدر أغير الرقم ياأخي راس مالها رسالة لجميع اللي تعرفهم وكتب هذا رقمي الجديد وانحلت المشكلة ...

وأنا أول من طبق هذا الشي فألغيت جيمع أرقامي مع الاتصالات وطلعت ثلاثة أرقام جديدة لموبايلي ... وأزيدكم من الشعر بيت أنا ألغيت الثابت وطلعت موبايلي بروباند ((( واي ماكس)) يعني طلقت الاتصالات بالثلاث ...

هذا اللي يحب أن يدعم أما الظاهرة الصوتية فهذا الكلام ليس موجه لهم .... مع احترامي ...