|
جمهور ( اجلسوا ,, اجلسوا ) وش الحل معاهم !! السلام عليكم ورحمة الله وبركاته ,, مبروووك الفووز ياشباب وعقبال النهائي ان شاء الله ,, الموهم ياشباب ,, انا ولله الحمد اغلب مباريات الهلال في الرياض احضرها ,, بس فيه شيء يكرهني في الحضور للملعب من جمهور الهلال نفسه ,, انت تجي واقف وتشجع ومتحمس في النهاية 10 وراك يقولون اجلسوا اجلسوا :mad: يآ ولد التفت لهم اقول ترانا حاضرين مباراة مو مسرحية ونبي نشجع عـ كيفنا ,, وفي النهاية اللي يميني ويساري يجلسون وانا مصيري مثلهم اجلس وانا :ranting: بالله ماهو شيء يقهر الصراحة ,, الهلال متقدم 3-0 وهم يقولون اجلس ,, متى نوقف ونشجع عآد !! وش الحلول برأيكم ؟؟ :rose: |
السلام عليكم يشرفني ان ارد عليك اول واحد والله هذي عقده نعاني منها |
انا الي قهرني بالمباره حقت الغرافه الي وراي نصراوين كل ما جاب الهلال هدف يضيقون ويبلشوننا اقعدوووا اقعدوا وهم ما يشفون المباره اساسا !!! |
ههههههههههههه والله انك صادق الواحد يبطل يحضر المبارهـ بالملعب |
هههههههههه ولله صادق بس ماعليك فيهم خليك واقف وشجع لين ماتنتهي المباراه وبعدين اجلس |
اممممممممممممم شي يقهر وربي >> صح انو انا بنت ومو مجربه بس وربي شي يقهر:wub: يعني انت جآآآي تجلس !!؟ :mad: آنت في ملعب وجآي تشجع وتسآند الهلآل :cry: لو آنآ مكآنك آقول مو جآلس بكيفي .. عندك مآنع !! :s3s: |
هذه الحالة في جميع ملاعب المملكة انت تبغى تشجع وهم جايين يبغون يجلسون والله حالة مضحكة جدا |
الله يعطيك الف الف الف عافيه على الموضوع الرائع هههههههههههههههههههههههههههههههه هذي طبيعه السسعودييين تحياتي لك |
لا وتلقاه كاتمك بالدخان :d شين وقوي عين |
مشكور آآخووووي يعــــطيكـ العافيه تقبل تحيااتي |
صح لسااااااااااااانك هاذا الي صاير معنا بس وش نسوي |
والله كلام صحيح احنا جايين نشجع وهم جايين يتفرجون !! ياخي تفرجوو في بيتكم .. الملعب للتشجيع |
هههههههههههههه اجلس اجلس خير تراك بمباراة |
والله يالغالي انا مع وضد .. لاجت هجمة وقفت وتحمست جوك هالباردين واجلس .. مدري يعني لاتأكدت انه حطها فالشبك اقوم يعني ؟؟ والألعن من كذا العكس .. الحارس بيشوت مرمى وقدامك واقفين ولانتب اللي قادر تشوف << والله غثووني بالغرافة صغيرين واقفين قدامي طول المباراة وع الكراسي عشانهم مايطولون اخرتها بغيت اتلهم بملابسهم |
ولا بعد قاعد يمزمز الدخان وكاتمكـ صيو |
لو اني مكانك وقالي اجلس كان قلتله جمهور الهلال يشجع مايتفرج مثلك وشرواك < تلقااء فقرااوي وماله خلق يشجع بس جاء يوسع صدره ويشوف النتايج اللي تسعد موب ..... لاهنت عالطرح .. |
مشكلة ملاعبنا كذا اذا وقفت انت بتخرب ع اللي وراك والا بالملاعب العالميه ان شاء الله توقف ع الكرسي اللي وراك ماراح يتأثر ومو معقوله الجمهور يشجع طوال التسعين دقيقه لازم فيه فترة أسترخاء يعني لاتلوم اللي وراك هم بعد يبي يشوف المباراه وانت غطيت عليه مجال الرؤيه .. سي يو |
صدقت اخوي هذي عاده دائماً اشوفها لا حظرت حتى والهلال جايب هدف تلاقيهم اجلسوا اجلسوا ملينا من الجلوس واذا الواحد مو معطي المباراه حقها بالملعب، متى اعطيها برى الملعب |
الله يعطيك الف الف الف عافيه على الموضوع الرائع هههههههههههههههههههههههههههههههه هذي طبيعه السسعودييين تحياتي لك |
من جد المفروض من " جماهير آجلسو " يجلسون تحت بـ اول الكراسي |
والله حاله قاعد يشفط الله لا يبلانا ويقول اجلس اجلس سلاماات يالحبيب وربي انه حااله ههههههه صدق حاله يرثى لها جاي من بيتهم يجلس |
ماعليك اذا قالولك اجلس ..اجلس .ثانيه وارجع وقف وهكذا وبعدها لاتنسى تخبرنا النتيجه.. منها لعبه نملة شجره ومنها رياضه ومنها تسوي حركة موج هههههههههههههههههههههههه |
ايه صح الواحد ينقهر ييجي ومتحمس للمباراة ويقول اجلس !! ياليت يكو ن فيه مكان مخصص للمتفرجييييين !! ومكان مخصص ايضآ للمددخنين !! ونرتاح منهم صرآحة |
يارجال انت ما عليك ’’ شجع وهم من الحماس والقهر راح يوقفون’’ |
والله الصراحه انا ملاحظ هالشيء وانا كنت ساكت والله ياليت نلقى حل لهالمشكله |
أسوأ ما في المدرجات هو التدخين . |
الحل تسحب عليهم وتشجع انت جاي مباراه الي يبي الهدوء ويناظر زين البيت عنده |
كلامك ممتاز بس انا الاحظ قادمي 3 طول المباره قايم وش اسووي اقووم اشجع وش تبي اسووي ابتل واقف ليه حاطين الكراسي اقووم بس اقعد خلنا نناظر بحماس ذا تبي تقووم كل الوقت رح لم الرابطه علشانن ما احد يزعجك بس الله يعطيك الف عافيه |
هههههههههههههه والله مشكلة ..! شف انا اقول اوقف وشجع وماعليك واللي يصير يصير .. |
يارجال فله واستانس .. تبغاني اقعد وقدامي الزعيم . |
الحل رئيس الرابطة يجلس الّي واقفين |
إقتباس:
صصح لسسآنك~:d ....و يعطيك الف عافيه اخوي على الموضوع الي نعآني كلنآ منه جآي تشجع وهذولآ جلوووس جلووووس:mad: بالتوفيق لهلآلنآإ:alzaeem:s13s |
ربعك مع الاسف يسمعون بالتشجيع واليل يقهر انه جاي كاشخ غتره وثوب تقل رايح لـ زواج ياخي الملعب يبي له تكميله وتشيجع مايبي له ترزز وساكت والا يجلس في البيت مارحنا للملعب الا نشجع لا ويدخنون ويكتمك بالدخان حتى يصير راسك بلونه :) |
اللي يشجع ويتحمس لازم يوقف وهذا شي طبيعي ولا أحد من حقه يجلسه لكن مو معقولة تكون واقف 90 دقيقة لأن فيه ناس وراك ما تبي تكون واقفة طول المباراة والحل هو المعتاد عليه (قيام - جلوس) اذا جت هجمة واذا انتهت الهجمة بس اهم شي ما تكون واقف طول الوقت سلام s102s |
بصراحه اخوي هالشي مضايقني وخاصة في مباراة الغرافة... اذا الواحد ماهو واقف ومشجع زي الناس يتابعها في مقهى احسن له... |
قوله روح بيتك وشوف المباراه ! الجمهور ماحضر للملعب الا للتشجيع والمسانده مو للمشاهده فقط فـ ماعليك يالغالي شجع وساند الزعيم :smilie47: |
والله ياخوك اللي يبي يجي الملعب ويجلس ليته ما يتعب نفسه ويجلس في بيته :ranting: الملعب للتشجيع والمؤازره ماهو للجلسه والفصفص s13s للو انا بمكانك بقول له ضف وجهك :mad: يعطيك العافيه |
إقتباس:
|
ولاقالو اجلس ليش تجلس قل لهم وقفو وقفو عادي ترا والا قل الجلوس هناك الجهه الثانيه ذي جهة الواقفين |
صآدق اخوي المفروض مايحضرون ويشوفنها بالاستراحات يعطيك الف عافيه على الموضوع |
اجلس عند الرابطه وماراح احد يقولك اجلس اجلس ... |
عطه كم كلمه تلجمه d: فعلا الملعب للتشجيع تبي تتابع بروقان اقرب كوفي ولا بيتك الله لا يهينك |
بكل بساطة لا تجلس .. واصرخ بأعلى صوتك للهلال فمن كان ضمن الموج الازرق لن يهدأ له بال حتى تهدأ الأمواج وتنتهي المباراة |
ايه والله انك صاآأدق ياخوي الواحد جاي متحمس ويبي يشجعs13s ومزعجينا اجلسوا والله شي يقهر:ranting: الحين وانا بالبيت مااقعد ومع كل هجم صراخ اجي للملعب عشان اقعد :rose: |
ليش توقف ماهو لازم توقف شجع وانت جالس |
الي يبي يقعد يغير مكانه حاضرين عشان نشجع مو فصفص وجالسين نسولف بعدين الي يقروشك خلك ذيب وقروشه |
مااالهم حل ياخي اذا انتي جاي تجلس تابع بالبيت |
والله نفس الشيء صار لي حضرت من الشرقية للرياض عشان أجلس والمشكلة أنهم شباب لكن ما حبيت أسوي مشاكل أخيــــراً يا لبا جمهور الهلال بالشرقية:rose: جمهور لا يعرف الجلوس :smilie47:<<<:cb: |
إقتباس:
حيآك يالغالي ,, صادق صعبة اكون واقف 90 دقيقة ,, بس المشكلة اذا قال لك اجلس بعد هدف ولا بعد هجمة خطيرة ,, المفروض نحمس اللعيبة ونآزرهم وهذا يقول لك اجلس !! إقتباس:
إقتباس:
وانت جالس ما تقدر تشجع زي النآس وانت وآقف فلله وتطلع كل صوتك ,, وبعدين للجمهور هيبة اذا هم واقفين ,, عكس ماهم جالسين ,, :rose: |
اسمحلي انت غلظان وبعض الردود غلطانين انا جاي اتابع واشجع الفريق اما نظام طول المباراة واقف ولا يدري كم النتيجه هذا يروح يجلس عند الرابطه الله لا يهينه حنا حاضرين نبغى نتابع المباراة ونستمتع مو يجيك واحد كل الوقت واقف ويناقز وهو سبهلل ما يدري كم النتيجه فيه ناس هجمه ضد فريقك وواقف يرقص !!!! لابد يكون فيه توازن بالتشجيع وجهت نظري اتمنى تتقبلوها والله يعطيك العافيه عالموضوع تقبل مروري |
إقتباس:
حيآك يالغالي ,, اولا اشكرك على ردك ,, وبخصوص اللي تقول يناقز وهو ما يعرف النتيجة هذي ما اتوقع تحصل ابدا !! اما التوازن بالتشجيع هذا اشوف الجمهور الهلالي يطبقه بشكل ممتاز ,, تحصل اذا الكورة مع لعيبتنا يشجعون واذا الكرة مع الفريق الخصم تحصلهم يقولون ( اوووووو ) بشكل جماعي ويرعب الخصم وتحصل اللي معه الكرة يرتبك وحتى اذا جا فاول لهم تحصل الجمهور يقول نفس الصوت وشفنا اكبر دليل فاولات جونينيو كلها ماهي اللي اعتدناها منه بسبب الجمهور !! وانا يالغالي ما اقول خلك واقف طول المباارة لا تقعد مرة ,, لا المشكلة اللي يقهرك الهلال يجيب هدف الحين ونناقز ونفرح وعلى طول يقولون اجلسوا اجلسو !! هذا بالله عليك وقت جلوس !! اتمنى الفكرة وصلت ,, :rose: |
أقول مــــــــــــــــــــــــــــــا عليك منهم لا تجلس الملعب للتشجيع مهوب للتفرج |
ايييه والله من جد اجلسو اجلسوو تبي تننااظر ترى بتنعااد اكثر من مرره الملعب للتشجيييع فقط :) |
الحل انكـ تلتفت عليه وتقوول له وقف وقف |
هههههههههههههههههههههههههههههههههههههههههههههههههههه صراحة انا مع وضد اذا جت هجمة للهلال نوقف ما عندي مشكلة ... بس لايجي واحد ويقول لي اجلس ويقلقني ولا اللي قدامي يوقفون على الكرسي !!!!! هذا الغبي اللي يوفقف على الكرسي لازم كل اللي وراه يوقفون مثله !! مدري وش بيتغير يعني !! بالتوفيق للزرق ... سواء وقفنا او جلسنا |
طيب قله لو سمحت انا ماني جالس بوقف وبس بكذا بيسكت مو راد عليك سيو |
والله مشكلة مالها حل افضل شي نقول اللي بيحضر ويشجع ويلبس زي هلالي مو ثوب وشماغ ولا قميص نوم واذا بدأت المباراة كلنا وقوف ومانجلس الا بين الشوطين واللي بيجلس وبيصجنا بالجلوس يجلس في بيت اهله ولا استراحتة ومعه براد شاهي احسن |
قل لهم روحوا خلف المرمي ارفعوا شعار (جماهير اجلسوا ..اجلسوا خلف المرمي انتم اجلسوا ) الواجهه للمشجعين والهتيفه ابطال ال90 دقيق |
والله انكم معكم حق ..................! |
هههههههههههههههههههههههههه والله صادق ياخي مالها داعي حاضر مباراه وجالس قم وحرك دمك بس اظنهم من حقين الوجبات السريعه تقبل مروري وشكراااااااااااا |
| الوقت المعتمد في المنتدى بتوقيت جرينتش +3.
الوقت الان » 11:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd