موضوعي وبدون مقدمات يحتاج مناقشة وبدون مجاملات ولازم نحصل الحل !!

انا بتكلم عن رابطة الجمهور الهلالي والجمهور الهلالي نفسه لانه الاعب رقم واحد وهو الدافع الحقيقي لفوز الزعيم وتحقيق الانتصارات . انا احس ان رابطة الجمهور الهلالي لو كانت منظمة وفعالة كان اعطت الفايدة الي دايم ننشدها ونطلبها ،،
فيه ناس تقول ان الجمهور الهلالي دايم يحضر ولكن ساكت وما يتفاعل وانا اقول خلونا واقعيين الـسبعين الف اللي بيحضرون المباراة ما راح كلهم يشجعوون ،،فيه ناس بتجلس صامته وتتفرج ومركزة على المبارة لان طبيعتها كذا ما تقدر تغيرها في يوم وليلة ،انا اقول عادي مهوب مشكله مو غصب نخليهم يشجعون ويتكلمون يعني اهم شي انهم حضرو وساندو الفريق والله يجزاهم خير على الحضور .

بمعنى اخر الجمهور منقسم قسمين :جمهور يحب يكون ساكت وهذولي ياليت
يكنون بعيدين عن الرابطة والجمهور الثاني يحب يتفاعل وذولي ياليت يكونون قريب من الرابطة .

ولكن المشكة مهوب هينا المشكلة ان الرابطة الهلالية غير فعالة قياسا بالسنوات الماضيه ، ما ادري ليه ؟ احنا شفنا لما حضرت الرابطة البحرينيه في مباراة بونديكيور الاوزبكي اللي في الرياض كيف تفاعل الجمهور الهلالي وكيف هز الملعب هز ، وكان روعه في التشجيع وحماسي ، يعني المشكلة مو في الجمهور المشكلة في الرابطة نفسها ما تعرف تشيل الشيلات ولا تعرف تخلي الجمهور يتفاعل معها.
قصدي من هالكلام لو فيه رابطة صح وتغني صح ومنظمة بيكون وراهم جمهور متشوق ويردد العبارات ، وهم الجمهور اللي يحب يكون قريب من الرابطة وعلى فكره تراهم كثيرين ويأدون الغرض واكثر ،بيكون صوتهم قووي ومسموع ومؤثر . ويحمس اللاعبين ، بس وين الرابطة الصح ؟؟!! ..

ناخذ مثال جمهور الاتحاد .ولااحد يزعل علي رابطتهم مره منظمة وتعرف تخلي الجمهور يردد الاهزوجات وراهم ،وتحس انهم يتفاعلون مع الرابطة حتى لو الفريق مهزوم ، وهذا ما ينقصنا , مشكلتنا ان الرابطة سيئة وما تعرف تقود الجمهور . اعذروني على هالكلام احنا لازم نكون واقعيين وصريحين مع بعضنا ونحط ايدينا على الجرح ونعرف مكان الخلل عشان نعالجه ، لان في الاخير ندور المصلحة للفريق اللي نحبة ونشجعه .

انا صراحه سمعت عن الرابطة البحرينه انها بتحضر المباراة ، وشكرا جزيلاً للي تكفل بحضور الرابطة البحرينيه والله يجزاه خير، اللي اتمناه من الجمهور الهلالي اللي يحب يشجع وحماسي يكون قريب من هالرابطة . وياليت احد يعلمنا موقعها في الملعب .
في الختام تقبلو خالص تحياتي وبالتوفيق لزعيمنا ....

الله يعطيكـ العافيه


و الله يوفق الهلال يا رب

يعطيك العافيه

وان شاء الله الفوز هلالي

شكرا لرفع الموضووووع

عوافي

الله يوفق الهلال زعيم اسيا ياااااااااارب

مشكور آآخوووووووووي
يع ــطيكـ العااافيه
ع الطرح المميز
تقبل تحياااتي

المشكله من الراابطه نفسهاااا

هي الي تحرك الجمهووور

أولا أشكرك على طرح الموضوع

ثانيا راح يكون موقع رابطة الهلال و بعض الروابط في الواجهة

و الباقين إن شاء الله يتوزعون على أنحاء الملعب

و نعم راح تحضر رابطة البحرين و اللي متكفل بها عضو الشرف حسن الناقور

و راح تحضر أيضا رابطة القادسية الكويتي

و إن شاء الله الملعب راح يمتلي بـ 70 ألف مشجع ...

و إن شاء الله ما راح تقصر رابطة الهلال بقيادة صلاح البطاطي في مباراة الغرافة

و بالتوفيق للزعيم ...

عوووووووافي يالغالي
ابداعت واروعت
يسلمووو

مشكووووووووووووووووووووووووووووووووووور

إقتباس الرسالة الأصلية كتبت بواسطة sa2007ad اولا لاتقارن بين الجماهير الوافدة من افريقيا اللي تحب الطار و الرقص بجماهير الزعيم و ثانيا كل الروابط الجماهيرية في الاندية نفس الاهازيج ونفس الاغاني يعني ما فيه ابداع جديد ما فيه ابيات شعر مثلا خاصة للهلال يحفظها جمهوره و يرددها في كل مباراة مثل ليفربول و الاندية التركية و البرازيلية يعني ذولي يعرفون الشعر احسن منا و للهلال اكبر قاعدة من الشعراء و بعدين لازم نغير شووي يعني ما فيه الا الرابطة هي اللي تسوي كل شي ليش ما نجيب حركات تشجيعية جديدة على الملاعب وانا اقول شاهدوا الجماهير التركية لا رابطة ولا يحزنون و كل الجمهور متكاتف و يغني اغنية وحدة هذا ما عندي و الله يعطيك العافية

كيف ما اقارن ؟؟!!
الان الكل يطالب ان الجمهور يتفاعل ويشجع ،،
السؤال هنا كيف تبيه يتفاعل وما فيه احد يقودة ويحركة ويعطيه الحماس !!؟؟ يعني تبي كل واحد يشجع لحاله !!
لازم يكون فيه رابطة صح ، الرابطة هي اللي تحرك الجمهور ، والجمهور بدون رابطة وتنظيم راح يفقد فاعليته ويكون حضورهم زي عدمهم ويكون كل شي ملخبط ومرتبك ، ولا تقولي افارقه وما افارقة هذا كله ماله دخل ابد ، انت شخص متحمس لفريقك وجاي للملعب ليه ؟!! اكيد جاي تشجع وتأزر فريقك بكل احترام وبالطرق المسموحة وما هو عيب ابد بالعكس انت تدعم فريقك وما فيه شي لو غنيت ورقصت لفريقك ، ونذكر جمهور الهلال يوم جت الرابطة الفعالة حقت المحرق البحريني في مباراتنا الاسيويه الاخيرة تفاعل معها وشجع , بكل رقي واحترام .
- اما مسالة ان السبعين الف تبيهم كلهم يشجعون صعبه شوي احنا ما بعد وصلنا لثقافة التشجيع الاوربيه . بدري شوي علينا . ويبي لنا فترة عشان نصير مثلهم .
احنا الان نبي رابطة صح وصدقني بيكون وراهم جمهور يشجع صح ويحمس الاعبين .

بالتوفيق للهلال وان شاء الله يكون الفوز حليفنا في المباراتين