مساكم الله بالخير جميع

في بداية الأمر هذي أول مشاركة مع اني مسجل منذُ مبطي بس بيني و بينكم تفشلون انتم ما تعطون أحد فرصه كل واحد يقول الزين عندي والله اني استحي اذا بغيت اكتب ماشـــــــــــــــــــاء الله عليكم عيني عليكم بارده غطيتوا كل شي كل ما ابي اكتب في موضوع القاكم كاتبين عنه و مغطينه و اكثر مما اتوقع تضيع علومي بيني و بينكم قررت ابيع الأسم حسافةٍ هالاسم ابي انزل اسمي في الحراج .

ما دفعني اكتب هي ردة الفعل لما يحصل من القناة اللي ما تتسماش
اولاً هذي مو أول مـرة يكون الهجوم من هذي القنـاة على سامي أو ما هو هلالي مالي أرى في وجوهكم كل هذا الاستغراب (والله إني أهبل و انا لغة عربية) أعتقــد اكثر من شخص في هذا المنتدى بيّن أسباب هجوم هذه القناة ما اثارني ان تصل ردة الفعل ان تحاولوا الرد عليهم ما راح يعطونكم وجه هذا مفروغ منه تدرون ان اتصالكم دعم لهم من الناحية الماديه وهذا هم اللي يبون .
اذكر في مقال لي الأخ سلمان أو صاحب المعادلة الصعبة 1+1=2 في مجمل كلامه عن سامي ليش يكون مادة دسمه للجميع ما بين صحافة و قنوات فضائية لأن اللي يمدح يعرف ان له جماهير و راح تتابعه و اللي يسب يعرف ان له جماهير و أعداء للنجاح فراح يتابعونهم يعنــــــي حقين هالقـناة نـــــــــــاسٍ داجين و ما عندهم سالفة و خــسرانين قـالوا ما بدهاش ليش ما نتسلق على كتــــــــوف الرجاجيل و نزيد من اسهمنا و ما لقوا شخص عنده الشعبيه الجماهيريه الجارفه غير ابو عبدالله قالوا ليش ما نحش الرجال حش الله رجولهم و نجيب اسمه لو المبارة بين مفتاح اربع طعش و فتى العشه اهم شي نلقى ناس تتصل و هالمشافيح اللي ما يتسموش هم لقوا احد يسب الهلال و يسب سامي إلا و طرقي على التلفون وعينك ما تشوف إلا التشذيب يا علّهم للمـــــــــاحي قولوا آمـيـــــــن

فيه نقطه مهمه جـــــداً لحظة مثل مالاحظ غيري فيه نـاس يكتبون بإسم الهلال و هم لا هلال و لا هم يحزنون فرجـــــــــــــــاء من الإخوان المشرفين يركزون على هذه النقطه أي كلام فيه تجريح لأي لاعب هلالي أو إساه للنــــادي الكيان حتى و لو كان الضاهر منه النقد اتمنى أن يحذف لابد ان يكون هذا المنتدى دعم لكل ما هو هلالي

و فيه نقطتن أخيره قبل ما أدرعم هل ما يكتب في هذا المنتدى يصل للمسئولين في نـــــــــــــــــــــــــــادي الهلال أتمنى ذلك والله لو ياخذون بربع ما يكتب هنا من اصحاب الأقلام الغيورة كان الهلال بخير بس ما نقول إلا الشكوى لله

وعــــــــذراً على الإطلاله بس بيني و بينكم أنا سوداني بعد هالموضوع بنام اسبوع

نوم العوافي يالسوداني


وألف هلا فيك

هلا بعواكيس والحمد لله على السلامة ...

وهالقناة اللي تقولها ... ماعليك منهم كلها كلام في كلام ...

وملاحظتك بخصوص من يكتب وهو لا ينتمي لنادي الهلال أنا أشاطرك الرأي فيها ...

وأنا بأشتري إسمك ... لكن لازم تغيره من الأحوال ...!!!

ولك تحياتي ...

أخوك / سفر المرزوقي .