شطحـاتي قبـل العيـد ( شطحه تنطح شطحه ) ..!! - نادي الهلال السعودي - شبكة الزعيم

شوق الكويت · #1 07/09/2010, 06:40 AM

السلام عليكم ورحمة الله وبركاته

كيفكم ان شاءالله طيبين

يايه اليوم بأكثر من شطحه قبل العيد

وان شاءاالله تتقبلونها بصدر رحب

مره ابوي كان بالدوانيه ومافي الا عمامي وعيالهم ودخل عليهم ابو بيت جيرانه
يقول قعد يسوولف شووي ولا يقوول شلون بناتك ويقول اسامينه

ابووي يقول لو ماتعوذت من الشيطان قمت دفنته في واحد يقول اسامي بنات داخل
الديوانيه !! ..قاله عيب تقول اسامي بنات بالدوانيه

انت في ديوانيه محترمه

المهم انه هزأه على خفيف

في بعض الشباب يزعل لو قلتله شلون امك ؟ يقوول عالاقل قول شلون الوالده مع اني ماعرف
شنو الفرق بينهم

تخيل واحد يسألك شلون امك او خواتك شنو بيكون موقفك !!

يعني ممكن لو هو حريص بزياده على حالكم يقول اخبار الاهل وبس كافي ليش يحدد يعني !!

اقوولكم مثال ثاني لنفسه بيت جيرانه اللي ابوي يمووت فيه

ابوي يقول من يدخل الدوانيه يسولف بصوت عالي ويقول اسم بناته وزوجته عااادي والحياة
بسيطه عنده

اوكي ممكن اقرب اصحابك بيعرف اسامي اهلك بالصدفه او بدون صدفه
ممكن انت تقووله لكن ليش بصووت عالي والكل يعرف !!

شرايكم باللي يسولف بصوت عالي باسامي اهله ؟!!

انا مااقول حرام احد يعرف اسم خواتك او امك عادي مو حرام لكن فكرة انك تسولف عنهم بصوت
عالي !! اكيد اغلب الشباب مايقولون اسامي اهلهم بصووت عالي لكن في فئه من الناس يقولون .

انا مو ضد فكرة ان مثلا بيت جيرانه عيالهم يعرفون اسامينه او اي كان الموضوع عن التكلم

باسامي البنات بالمجالس بصوت عالي !!

بمجتمعاتنه الخليجيه في تحفظ شديد على اسم الام واسم الاخت وتكوون مصيبه لو احد عرف باساميهم !!
تشوفه يدخل المستشفى ولا الجوازات ولا اي مكان وهو مغطي اسم امه او اخته وكأنه حرام

مع ان الرسول عليه الصلاة والسلام كان يتفاخر باسماء زوجاته وبناته

عليه الصلاة والسلام خير قدوة لنا

الدين الاسلامي دين الوسطيه لاتكوون متحرر بزياده ولا متشدد بزياده

لاتقول اسامي اهلك بصووت عالي لكن لو احد عرف مافي مشكله

( العرب قديماً وحديثاً لا يأنفون من ذكر اسم المرأة فالله عزَّ وجلَّ ذكر مريم عليها السلام باسمها والرسول
صلى الله عليه وسلم ذكر أسماء نسائه ودونت في الكتب أسماء بناته وكانوا يخاطبوهن بأسمائهن ).

البعض من الرجال تعود على ان ينادي زوجته بألقاب (الأهل)، أو (الجماعة)، أو (أم العيال) .!!

لدررجه انه يتعود حتى داخل البيت يناديها بأم فلان !!

رأيكم بهذه الحاله بمجتماعتنا ؟!

سببها ؟! وهل تؤيدها او تعارضها ؟!

شطحه ثانيه

هذا اخر رمضان اصوومه وانا ببيتي هذا اللي انولدت فيه وتربيت فيه وعشت فيه كل مراحل عمرري

كل يووم احس وانا قاعده على الفطوور بغصه بس ماابينها لاهلي

واحس عيني بتدمع

كل يووم لما نقووم من على الفطوور اقولهم بقى اسبوعين , اسبووع , 3 ايام , يومين

اسوأ احساس بالدنيا تترك مكان لك فيه ذكرياات مو ذكريات يوم ولا يوومين لا ذكريات عمرر

الله يصبررني بس

مرات افكر افكار مالها داعي اقول معروف دايما اللي يغير بيته اما تنقلب حياته للأحسن او للأسوأ واخاف
تنقلب حيانتا للأسوأ مع انه تفكير غلط وخطرر افكر جذي كل شي بيد الله لكن شسوي الشيطان يلعب براسي

ماودي اترك هالبيت وذاك اليووم قلت حق امي اللي شرا بيتنا ماعندهم ولد
كبير يبي يتزووج

ياخذني وارجع اعيش معاه بهالبيت

الله يجعله منزل خير وبركه وعسى الله يطرد هذه الافكار الشيطانيه من راسي

آخر شطحه

رمضان هذه السنه انجزت انجااز بيني وبين ربي ماابي اقووله لكن كل سنه احاول اسوويه
ولا اقدر اتعيجز واتكاسل ولا اقدر اسويه وكل سنه اقول رمضان السنه اليايه بسوويه !!

لكن هذه السنه لله الحمد سويته واحس اني انجززت اللهم لك الحمد

كلنا نحزن على فراق رمضان لكن اللي يفارقه بتعب العباده والقيام والسهر يحس باحساس
غير لانه انجز شي لربه وآخرته

اللي ماقدر يسوي شي رمضان هذه السنه ينوي من الحين لرمضان السنه القادمه ويدعي
ربه يعينه على عبادته والله بيوفقه ان شاءالله المهم النيَه والله بيوفقك لهذا الامر ان شاءالله

وعساه ينعاد عليكم بصحه وعافيه يارب وعيدكم مباارك

اختكم شوق الكويت

مـوت ومـيـلآد ! · #2 07/09/2010, 06:48 AM

محجووووووووووووووووووز ! لآ أحد يدف !

رجعنآإ

!

هلآ هلآ أرحبوووووووووووآإ

!

كل عآإم وانتي بخير

!
وعسسسآكم من عوآده

!

بالنسبه للشطحه الأولى

!

هو لآ هو عيب ولآ حرآإم

!
بس خلآص تعودنآ على هالشي

! من يوم جد جد جد جد جد ...الخ

!

وزي مآقلتي عآدي لو يذكر اهله بلقب او اي شي

!
بس انه يعلي صصصوته وينآدي على اسمآء بنآته وزوجته قدآم الرربع

!
لآ والله احسسسهآ قوووويه

!
وفي بعضهم أبد مآيبي يبين لهم شي او يذكر اهله قدآم احد

!

زي أخوي

إذآ دقيت عليه وهو جآلس بالأسسترآحه

! يكلمني على اسآس اني ولد

!
مآيبي يبين انه يكلم اخته

!
ههههههههههههههههههههههه

! امآ إذآ صآر بعيد عنهم

! ششوفي يالكلآم الذرب

!
عكس اخوي المفهي الثآني

أللي حتى بآلسسسوق ينآديني بأسسمي

!

ألششطحه آلثآنيه

!

إن ششآءالله هالتغير فيه خير

[ وعسى إن تكرهوآ ششيئآ وهو خيرآ لكم

] !
والله يكفيكم شششره ويعطيكم خيره يآإرب

!
هي صعبه والله انك تنسسسين هالبيت اللي تربيتي فيه واكلتي فيه وعشتي فيه عالحلوه والمره

!
بس لآبد عالانسسسآن انه يغير

! وهذي حآل الدنيآ

!
إن شششآءالله تكون حيآتكم كلهآإ تسسسآهيل بأذن الله

!

آلشششششطحه آلثآلثه

!

مآآشششآءالله عليك

! الله يتمم هالأنجآزآإت كلهآإ بكل رمضآإن

!
والله يجعله من موآزين حسسنآتك

!

ششو ششو

! !
مششكوره يالغلآإ عالشششطحآت الحلوه مثلك

!

HILALYA ]~ · #3 07/09/2010, 06:54 AM

^^

مع ايطاليه لي وشسمه ض1 ..

,,,

وعليكم السلام ورحمة الله وبركاته ق1 ..
نحمدوو .. وانتي ازيك ق1 ..

إقتباس


	بمجتمعاتنه الخليجيه في تحفظ شديد على اسم الام واسم الاخت وتكوون مصيبه لو احد عرف باساميهم !! تشوفه يدخل المستشفى ولا الجوازات ولا اي مكان وهو مغطي اسم امه او اخته وكأنه حرام

قوليله هلاليه تسلم عليك ض1 .. بيقولك اسم شجره عايلتهم بالغلط ض1 ..

إقتباس


	رأيكم بهذه الحاله بمجتماعتنا ؟! سببها ؟! وهل تؤيدها او تعارضها ؟!

فيه انسان مفهي هونا ض1 ..

إقتباس


	شطحه ثانيه

منزل مبارك .. والله يجعله خير وبركه ق1 ..
< هو تراهم يقولون ان اليوم فيني شي ض1 ..
يعني لا تستغربين اي تعليق ض1 ..

الوشسمه الاخير ..

ماشاء الله عليك عندك عزيمه وصرار ق1 ..
الله يثبتك يارب ق1 .. وشسمه يحقق اللي تبين $ ..
بس تبين الصدق ودي اعرف وشو < بنت لا تشرهين ض1 ..

إقتباس


	وعساه ينعاد عليكم بصحه وعافيه يارب وعيدكم مباارك

اللهم امين ق1 ق1 ..
ياربيه لا فيني شي اليوم ض1 ..
الحين اللي يقول عيددكم مبارك وش نرد عليه ض1 ..

كل يوم وشسمه ض1 .. سوي شطح كثير ض1 ..

I B R A H E M · #4 07/09/2010, 06:54 AM

إقتباس

الرسالة الأصلية كتبت بواسطة شوق الكويت


	شرايكم باللي يسولف بصوت عالي باسامي اهله ؟!! انا مااقول حرام احد يعرف اسم خواتك او امك عادي مو حرام لكن فكرة انك تسولف عنهم بصوت عالي !! اكيد اغلب الشباب مايقولون اسامي اهلهم بصووت عالي لكن في فئه من الناس يقولون .

يمكن بناته معنسات و الأخ يبي الفكه منهم و قاعد يروج لهم بالديوانية

إقتباس

الرسالة الأصلية كتبت بواسطة شوق الكويت


	هذا اخر رمضان اصوومه وانا ببيتي هذا اللي انولدت فيه وتربيت فيه وعشت فيه كل مراحل عمرري اسوأ احساس بالدنيا تترك مكان لك فيه ذكرياات مو ذكريات يوم لا يوومين لا ذكريات عمرر الله يصبررني بس

على كلامك بيتكم له أكثر من عشرين سنه يعني قديم مرة و يمكن أصغر لأن العايلة كانت صغيرة

و إذا على الذكرى كلها شهر و تشوفين الراحة و الوناسة بالبيت الجديد و تسحبين على ذكريات الحلوة

سيناتور هلالي · #5 07/09/2010, 07:02 AM

اهلا اهلا بشوق الكويت..

سبحان الله كنت افكر قبل امس كيفك وكيف صحتك بعد الحادث..

الحمد لله انك بخير..

عندي آراء كثيرة لماطرحتيه لكني سألتزم الصمت حيال ذلك وأستمتع بما يقوله الأعضاء الكرام..

قد تكون لي عودة ان اردتي ذلك..

بالتوفيق..

وترى معرفتنا انك بخير حال هي بمثابة فرحتنا بالعيد وأنا اخوك..

تحياتي

Hilaly Madridi · #6 07/09/2010, 07:04 AM

أشيك وأجي ..

....................

^^

وعليكم السلام ورحمهـ اللهـ وبركاتهـ ..

الحمد لله بخير..

إقتباس


	شرايكم باللي يسولف بصوت عالي باسامي اهله ؟!!

يعني يجلس بالمجلس قصدي بالديوانيه ..

ويتكلم عن اهله قدام الناس..
أتوقع مافيه أحد كذا ..
الي يبي يتكلم راح يتكلم هو وواحد معه او اثنين يعني مايحتاج يرفع صوته

ومو آي واحد او اثنين ..

إقتباس


	بمجتمعاتنه الخليجيه في تحفظ شديد على اسم الام واسم الاخت وتكوون مصيبه لو احد عرف باساميهم !! تشوفه يدخل المستشفى ولا الجوازات ولا اي مكان وهو مغطي اسم امه او اخته وكأنه حرام

تخلف..

إقتباس


	الدين الاسلامي دين الوسطيه لاتكوون متحرر بزياده ولا متشدد بزياده لاتقول اسامي اهلك بصووت عالي لكن لو احد عرف مافي مشكله

هذا الي نبحث عنهـ ..

خلك وسطي تعيش مبسوطي

إقتباس


	هذا اخر رمضان اصوومه وانا ببيتي هذا اللي انولدت فيه وتربيت فيه وعشت فيه كل مراحل عمرري

يمكن يكون البيت الثاني أفضل..

تفاءلي بالخير تجديهـ ..

إقتباس


	رمضان هذه السنه انجزت انجااز بيني وبين ربي ماابي اقووله لكن كل سنه احاول اسوويه ولا اقدر اتعيجز واتكاسل ولا اقدر اسويه وكل سنه اقول رمضان السنه اليايه بسوويه !!

الله يتقبل منا ومنكـ ..

وكل عام وأنتي بخير..

الحمد لله ع السلامهـ بعد الزحمهـ

Hilalih 4ever · #7 07/09/2010, 07:05 AM

أهلا شوق

واهلا بعالم الشطحات خلينا نبدا بالاولى صراحة ذكرتيني بحلقة طاش ][ام منيره

][

حكمه وطبقها في حياتك الاعتدال والوسطيه بكل شى وتمشي امورك ان شاء الله صح ][لاضرر ولا ضرار][

يعني حكاية ان الواحد يقول اسم امه ولايستحي انا اقول لكل مكان مقام يعني تفرق لما تقولينها عند جمعة شباب والثانيه عند مستشفى ...!!

أما بنسبه لبيتكم لاتخافين انا نقلنا تقريبا من 9سنين بالعكس صار البيت هذا يربطني بذكريات اكثر من الاول صدقيني مسألة وقت وبتروح : )

وكل عام وانتي بألـــــــف خير وتقبل الله منا ومنك صالح الاعمال

ام متعب التميمي · #8 07/09/2010, 07:14 AM

شوقه يا لبى هالروح يابنت كل عام وانتي بصحه وسلامه

الشطحه الاولى............ اعتبرها تخلف في جميع الذكور الخليجين

يعني مره يكون الرجل الي مافيه منه متمسكه بدينه وبعض الاحيان يرمي ام الدين ويتبع التقاليد

الحمددلله اني مرأه

:::::::::::::::::::::::::

الشطحه الثـانيه ...............

ان شاءالله بيتكم الجديد احسن واريح وبتلقين فيه السعاده

اهم شي صوري البيت القديم وصوري كل زاويه فيه

عشان تتذكرينه

::::::::::::::::::::::::

الشطحه الاخيره..............

الله يقبل منك طاعته وعبادته.... الله لا يحرمنا الاجر

تحياتي

THE-SMART · #9 07/09/2010, 07:18 AM

قبل مآ أدخل , الموضوع المشاهدات 1 والردود 0 / : )

ويوم دخلت لقيت كل الي فوق موجودين >_< . .

ماشاء الله علييييييييهم ,,

هذا يدل على شعبية الكويتيه الجارفه : ) ..

آمآ بالنسسسبه للأهل , فأنا تقريبا معهم ^_^ , يعني عند الزملاء , أقول الأهل يبون هيك وهيك ,, مآجيب طآري الأسامي : ) الا أختي الصغيره < مآعندي الا هي ^^ , لابأس نصرّح بأسمها قدام الي نمون عليهم : ) .

ولكن الأفضل أن نقول الأهل , أو أخواتي , أو الوالدة ,, أما أقول الاسماء أحس مالها لزوووووووم .. : ) ..

وجهة نظر ! .

سلام

مستر حمص · #10 07/09/2010, 07:47 AM

إقتباس


	الشطحه الاولى............ اعتبرها تخلف في جميع الذكور الخليجين

اوكي
علمينا اسمك كامل ممكن نتقدم بسببك

إقتباس


	ودخل عليهم ابو بيت جيرانه

وش ذا يا بنت الكويت

ودي أفهم ودي أفهم بس عججججججزت

وبخصوص شطحتك الثانية

تنسي مع الأيام

تحياتي

محب الجنه الخرج · #11 07/09/2010, 07:52 AM

والله بخصوص عدم ذكر اسماء خواتي واهلي عند العالم والناس

فالحمدلله هـ العادة تخلصت منها عقب ماتغيروا بعض اخوياي

ولا من اول اتذكر اوووم الوسوسة لاجلست اسولف مع اخوياي ادقق بكلامي كلمة كلمة اخاف انطق اسم اختي او احد اهلي بالخطا وتصير المصيبة وحنا بغنى عنها

بس حاليا واحد من العيال اخته درست مع اختي من اول ومدري كيف البنت عرفت اني خوي اخوها وعلمته عن اسماء خواتي واميمتي

وانا عرفت اسماء اهله ولاحظت مع الايام انها مافيها شيء لو احد عرف اسامي اهلك تكفى عاااد

ومع الايام غير تفكيري 200% خويي الكويتي

ويوم نوى يحجز اختي له وكلم اهله عنها واهلي صرت اعتبر مسألة اختي فلانة واختي فلانة ذي ماهي شي وخير ياطير واذا عرفوا وش بيصير

اوماا المسالة الثانية فعادي يااختي شوووق وش المشكلة لاغيرتوا البيت ممكن البيت الجديد يكون اريح واحلى ومدررررري ايش

انا بشهر 6 من هالسنة انتقلنا لبيتنا الجديد وباول شهرين ماارتحت فيه بما انه جديد ومالي به ذكريات بس الحمدلله الحين مستانس ولي غرفة الحالي وافتكيت من اخوي الصغنون

اوماا الشطحة الثالثة فيا حظك انا صراحة بهالرمضان ماسويت شي يذكر ماغير سربتة بالشوارع ولهيئة تسربت ورانا ومعسل للفجر

WOLF SAMI · #12 07/09/2010, 09:02 AM

الملك عبدالعزيز يقول انا اخو نورة وقبله النبي صلى الله عليه وسلم كلنا نعرف بناته وزوجاته وقد روى ابن رزين في مجموع الصحاح عن النبي صلى الله عليه و سلم أنه قال
( كمل من الرجال كثير ولم يكمل من النساء إلا أربع مريم بنت عمران وآسيا امرأة فرعون وخديجة بنت خويلد وفاطمة بنت محمد وفضل عائشة على النساء كفضل الثريد على سائر الطعام )

هذا يدل على أن نبينا صلى الله عليه وسلم يفتخر بأهله ..

ولك تحيتي والحمدلله على سلامتك

أبو الوردتين .. جوري وجود · #13 07/09/2010, 09:18 AM

إقتباس

الرسالة الأصلية كتبت بواسطة شوق الكويت


	الدين الاسلامي دين الوسطيه لاتكوون متحرر بزياده ولا متشدد بزياده لاتقول اسامي اهلك بصووت عالي لكن لو احد عرف مافي مشكله رأيكم بهذه الحاله بمجتماعتنا ؟! سببها ؟! وهل تؤيدها او تعارضها ؟!

كنت حئولها .. كنت حئولها ..

رأي مثل رأيك .. لاتقول اسامي اهلك بصووت عالي لكن لو احد عرف مافي مشكله

إقتباس

الرسالة الأصلية كتبت بواسطة شوق الكويت


	شطحه ثانيه ماودي اترك هالبيت وذاك اليووم قلت حق امي اللي شرا بيتنا ماعندهم ولد كبير يبي يتزووج ياخذني وارجع اعيش معاه بهالبيت

..

..

..

أبو الوردتين .. جوري وجود

قرقاص · #14 07/09/2010, 02:31 PM

مرحبا بشوق الكويت

وكل عام وأنت بخير ماعاد بقي شي على العيد

بالنسبة لشطحاتك ترى عادي كل الناس تشطح في رمضان بسبب الجوع والعطش ولخبطة النوم

نجي أول شطحة !

إقتباس


	بمجتمعاتنه الخليجيه في تحفظ شديد على اسم الام واسم الاخت وتكوون مصيبه لو احد عرف باساميهم !! تشوفه يدخل المستشفى ولا الجوازات ولا اي مكان وهو مغطي اسم امه او اخته وكأنه حرام

المشكلة هذي مابدت الا في السنين الأخيره اول الواحد يتفاخر بأمه واخواله ! وحتى حكام الخليج كانوا يفعلون نفس الشي !! أخوان نوره هم الملك عبدالعزيز واخوانه وعندكم بالكويت ال صباح يفتخرون أنهم أخوان مريم !!

هذي عقدة من عقد الجاهلية الأولى داخل العقل الباطني للرجل الخليجي تعني أن المرأة عار

كل هذا كوم ولما يجيك واحد توه متزوج ولا عنده أولاد ويقول عن زوجته عيالي كوم ثاني

وش يحس فيه

الشطحة الثانية بالنسبة لحق بيتكم الجديد زي ماقالوا اللي قبلي كلها أيام في البيت الجديد وتنسيك القديم والله يجعله منزل مبارك

Blue Sun · #15 07/09/2010, 02:46 PM

هلا والله شوق الكويت ..

بداية الحمد لله على السلامة , وما تشوفين شر ان شاء الله ,,

[ الشطحة الاولى ]
هالمشكلة تعتبر دخيلة على المجتمع ولم يكن لها وجود بالسابق ..
ومثلها مثل الكثير من العادات السيئة اللي أسال الله ان يخلص المجتمع منها ..

[ الشطحة الثانية ]
منزل مبارك ان شاء الله .. الله يعطيكم خيره ويكفيكم شره ..

شعور مجرب وعادي ورح تتاقلمين على البيت الجديد بسرعة جدا ..
ورح وتتحسفين على الايام اللي قضيتيها بالبيت القديم ..

ومثله مثل المدرسة لما ننتقل من مرحلة لمرحلة .. في البداية نشتاق للمرحلة السابقة ..
ولكن خلال فترة بسيطة نبدا نكون علاقات وتصبح لنا ذكريات حلوة في المرحلة الجديدة ..

[ الشطحة الثالثة ]
احساس رائع بالنشوة والانتصار على النفس حينما تصل لمرادك وتحقق امرا تعبت كثيرا من اجله ..
وخاصة اذا كان امر ديني ومرتبط بوقت محدد وزمن معين كرمضان ..

اسال الله ان يتقبله خالصا لوجه , ويجزيك عنه خير الجزاء ,,

يعطيك ربي الف عافية .. وكل عام وانتم بخير ,,