مساكم/ صبحكم الله بالخير
انا وكثير من الجمهور الهلالي الكبير مثلي نعاني من الرابطة والي بصراحة مدري وش تبي في بعض الاوقات ودك تنزل وتتهاوش مع اقرب واحد منهم لان محنا فاهمين ومحنا سامعين شي اذا سمعنا الاغنية تكون غريبة وغير محفوظة بتاتا اغاني جديدة ويجربونها في اهم الاوقات كالمباريات المفصلية والنهائية والديربيات
فكرتي بسيطة جدا انا ركبت مع واحد اتحادي بالصدفة ولقيت معاه اشرطة لرابطة الاتحاد بالطبلة والصفقة اشرطة مسجلة في افضل الاستديوهات وبكل صراحة انطربت لابعد حد مع القرني لان صوته واضح وكل شي واضح جدا من الصفقة لطلعة الجمهور معاه بكل التفاصيل الصغيرة والكبيرة للاهزوجة
والي لاحظته الان في الفترة الاخيرة خلال مباراة الفيصل يوم يشيلون الموج الازرق
جاكم الموج الازرق والجمهور يشيلها شيلة خرافية انطربت معاها
فليه مايكون في اصدارات رسمية لرابطة الهلال تكون فيها الاغاني الجديد
بدل مايفغر الجمهور مايدري وش السالفة يكون حافظها من البداية وتكون احلى شيلة
او تكون فيه استراحة يكون فيها تجمع اسبوعي معروف والي بيجي حياه الله من الجمهور وتنطرح اجدد الاهازيج ويكون التفاعل موجود
انا ماكتبت الموضوع هذا الا لاني اشوف رابطتنا في وادي واحنا في وادي وانا الي احضر جميع مباريات الزعيم في الرياض بعض الاوقات احس الرابطة تبي تجيب لنا الهم لمن تشيل لنا شيلات ماندري وشهي ومايقولون لنا وش نسوي الا في لحظتها
وفي الاخير اتمنى ما اكون طولت عليكم واني اكون طرحت موضوع يفيد الموج الازرق

اتمنى من الادارة الرفع وفكني من هالتقييم الى متى؟؟؟؟؟

إقتباس الرسالة الأصلية كتبت بواسطة خسران حبه اتمنى من الادارة الرفع وفكني من هالتقييم الى متى؟؟؟؟؟

اي والله احنا من سجلنا نكتب مواضيع ماشفنا ولا موضع رفعوه

يلعن أبو هالتقييم

الف شكر على رفع الموضـــــوع

صورتك
تشبه للبكيري حق النشره الوافده ؟؟

إقتباس الرسالة الأصلية كتبت بواسطة الليل الأزرق صورتك تشبه للبكيري حق النشره الوافده ؟؟

مالقيت غيره منيه مناك

إقتباس الرسالة الأصلية كتبت بواسطة الليل الأزرق صورتك تشبه للبكيري حق النشره الوافده ؟؟

هههههههه يعني دققت ع الصورة ولا دققت ع الموضوع ,,

===

اخوي بالنسبة للموضوع كلامك واقعي ,,

لكن اتمنى بدال فكرة الاستراحه ,,

يكون هنا قسم خاص لمجلس الجمهور الهلالي و الرابطه

وكل مايخص الجماهير ..,.

إقتباس الرسالة الأصلية كتبت بواسطة قوس وسهم الا هو على ما اضن البكيري ياني ضحكت ههههههههههههههههههههههه

الله يديم هالضحكة قول امين


بس انتبه لحد ينتبه واروح انا فيها تقوم علي حرب يقولون البكيري معانا

إقتباس الرسالة الأصلية كتبت بواسطة abodi al hilaly هههههههه يعني دققت ع الصورة ولا دققت ع الموضوع ,, === اخوي بالنسبة للموضوع كلامك واقعي ,, لكن اتمنى بدال فكرة الاستراحه ,, يكون هنا قسم خاص لمجلس الجمهور الهلالي و الرابطه وكل مايخص الجماهير ..,.

وانا معاك يكون القسم هنا بالمنتدى ويكون تسجيل الشيلات mp3

وماعليكم انا اوزع ابوها الي جابها للجمهور الهلالي وتنتشر

وتصير الشيلات على الاقل معروفة مو مجهولة

صحيح ، والله اخوووووي ، انا دايم اقول حنا متى نصير مثل نادي الاتحـــــــااد < من حيث ااهازيج الجماااهير فققققط ، ولا اشكااال ماش اشكاال ( اتهاد ) هههههه ..

لككككن ، وربي انه اهازيجهم تطرب .. وأقترااااحك صراحة راائع جدا وياليت يسوون مثل ما قلت يالغالي ..

وشاكر لك طرح هـ الموضوع .

رآبطة آلآتحآد مو طموحنآ ..

طموحنآإ آكبر من رآبطة آلآتحـآد ..

لآكنْ ينقصْ رآبطتنآ آلقليل من آلآهتمآم وآلتنظيم ..

صااااا\ق اخوووي

دايم نطالب بهذا الشئ


ولها فؤائد كثثييييييير


منها حتى بعد الفوز والجمهور طالع من الملعب ممكن يشغلها بدون موسيقى



الف شكر

والله بطوا شبدنا هالرابطة

ماعرفناهم والصوت ما ينسمع لا في الملعب وولا التلفزيون

اشكر الجمع على المرور والتفاعل

والله صادق اخوي نبي اهازيج حلوه نبي طرب