][ترتيب سرعة النت عندنا بالنسبة لدول العالم// تقريـــر// كيف تقيس سرعة اتصالك][// - نادي الهلال السعودي - شبكة الزعيم

لبيه وش ذا الحكي · #1 26/08/2010, 10:08 PM

السلام عليكم ورحمة الله وبركاته

مساااكم الله بالخير جميعا..

اولا,, كل عام وانتم بخير,,
رمضان كريم.. و اعاده الله علينا وعليكم باليمن والبركات !!
وجعلنا الله وإياكم من صوامه وقيامه !!

طبعا.. اعتذر قبل كل شي اني راح أضيق صدوركم بـ التقرير اللي راح اقدمه لكم عن سرعة الاتصال على مستوى العالم !! حيث اني عن نفسي كنت اعتقد ان الاتصال عندنا سيء لكن ما توقعت انه بالسوء اللي لدرجة ان الفلبين ومنغوليا افضل منا من ناحية اتصال النت !!

عموما ما ودي احرق عليكم الموضوع.. راح نبدأ بالموضوع حبة حبة << ياكلك

طبعا التقرير ينقسم الى شقين,,
الاول: كيف تقيس سرعة اتصالك
الثاني: سرعة الاتصال عندنا في السعودية !!!!! ومقارنته بسرعة اتصال دول العالم ! <

][ كيف تقيس سرعة الاتصال عندك ][

في البداية.. راح أعتمد في المعلومات اللي راح اسوقها لكم على موقع عالمي ومعروف في قياس سرعة اتصال الانترنت سواء من ناحية الداونلود او الابلود !!
وهذا رابط الموقع..

http://www.speedtest.net/

وسبب اعتمادي عليه هو مصداقية قياس الانترنت في هذا الموقع ومن واقع تجربة,,
بمعنى.. سرعة الاتصال عندي مثلا لما احس انه ضعيف او فيه مشكلة.. ادخل الموقع وبالفعل اكتشف ان السرعة ضعيفة والعكس,,
حتى انه في احد المرات جاء الفني "بتاع شركة الانفصالات" وقاس سرعة الاتصال عندي عن طريق جهاز معاه,, واكتشفت انها مقاربة بشكل كبيير للسرعة اللي قاسها الموقع !!

المهم.. ما لكم بالطويلة

لما تدخل الموقع,, راح تجيك الواجهة بالشكل هذا..

اضغط على Begin Test عشان تختبر سرعة النت عندك,,
ولازم تغلق البرامج اللي تعتمد على اتصال النت كالبالتوك والمسن وغيرهن..
وراح تظهر النتيجة بالشكل التالي..

مثل ما نشوف في الصورة:

1 : سرعة الداونلود
2 : سرعة الأبلود
3 : الوقت المتوقع لتحميل ملف MP3 بحجم 5 ميقا, ومقطع فيديو بحجم 20 ميقا, وفلم بحجم 800 ميقا
4 : نسبة السرعة اللي عندك الى نسبة السرعة الكلية لموفر الخدمة
5 : تقييم مزود الخدمة 3/5 !!
6 : مقارنة اختبارك للاختبارات السابقة.. وبجنبها Your Summary ملخص اختبار السرعة اللي سويته.. مثل ما نشوفهن بالصورتين..

7 : تقييم سرعة الاتصال على مستوى العالم !!

][ انترنتنا وانترنتهم ][

في هذا التقرير راح اعتمد على نفس الموقع السابق وموقع آخر..
نواصل من حيث انتهينا في موقعنا السابق ونضغط على خانة رقم 7 من الصورة السابقة اللي هي World Results راح تظهر عندنا كالتالي..

يعرض لك هنا ترتيب سرعة التحميل على مستوى القارات..
حيث تتصدر قارة اوروبا القائمة بمتوسط سرعة تحميل 8.77 ميقا/ثانية

يليها امريكا الشمالية ثم آسيا ...

لما تضغط على Your Location مرة واحدة,, راح يوضح الدول العشرة الأوائل من حيث سرعة التحميل في نفس القارة اللي انت فيها.. يعني مثلا

خخخخخخ ماد خلنا ولا ضمن قائمة افضل عشرة دول,, والمضحك المبكي ان الفلبين ومنغوليا ضمن القائمة وحنا يحلموووون << لا يزعلون بعض الناس

ولما نضغط على Your Location مرة ثانية راح يوضح العشرة الاوائل من حيث سرعة التحميل في دولتك.. مثل ما نشوف

منطقة مكة المكرمة تحتل المركز الاول عندنا من ناحية سرعة الاتصال يليها الرياض,,
ومن حيث الشركات والافراد,, الافضل انك تضغط على احد النقاط الصفراء الموجودة داخل خريطة المملكة,, حيث انها تشير الى مدن الرياض والظهران وجدة,,

مثلا لو شفنا الرياض "النقطة الصفراء اللي بالوسط"

راح نشوف ان "المركز السعودي لمعلومات الشبكة" يحتل المركز الاول,, يليه مدينة الملك عبدالعزيز للعلوم والتقنية.. وبقية القائمة

ولما تنزل تحت..
راح يجيك تقييم سرعة التحميل على حسب الدول مثل ما نشوف..

وهنا يتضح التطور الكبير اللي تشهده الـ STC عندنا بإحرازها المركز الـ 71 على مستوى العالم,, والمركز الـ 113 اذا استثنينا سرعة المدارس والمنظمات << امحق ترتيب !!

ومثل ما نشوف لما تخلي مؤشر الماوس يظهر لك عدد مرات اختبار السرعة في تلك الدولة,,
مثلا عندنا,, عدد مرات فحص السرعة بلغ تقريبا 8 مليون و750 الف مرة !!
و تقريبا تم الاختبار لمليون IP مختلف !!

بينما تحتل كوريا صدارة القائمة يليها لاتفيا ثم مالدوفا ثم ليتوانيا وهولندا.... و و !!

طيب وبالنهاية !!

الي قاهرني بالموضوع انه ياليت الوضع ان النت عندنا سيء مقارنة بالعالم !!
لكنه جامع بين سوء الاتصال و"غلاء" الخدمة << شين وقوي عين !!

وسويت بحث في النت بخصوص تكلفة النت على مستوى العالم,, فحصلت موقع منظمة The Information Technology & Innovation Fundation او اختصاره ITIF وهذا موقعه:

http://www.itif.org/

هذا الموقع برضوا مسوي تصنيف اخر,, لسرعة الاتصال
النتايج تختلف نوعا ما عن نتائج موقعنا الاول,, لكن المهم في هذا التصنيف انه قارن سرعة الاتصال بسعر الخدمة في الدول,, مثل ما نشوف بالصورة

لو اخذنا مثلا اليابان صاحبة المركز الاول,, راح نشوف متوسط السرعة عندهم 61 ميقا بالثانية,, وسعر الخدمة عندهم مثل ما نشوف 0.27 دولار لـ1MBPS أي لسرعة 1 ميقا بالثانية/ شهر,,
يعني بالريال تقريبا ريال واحد للميقا/شهر !!

بينما..

شركة الاتصالات الموقرة عندنا تاخذ على سرعة الميقا الواحد بالشهر تقريبا 210 ريال !!!

طبعا ما صدقت في البداية ورحت ابحث في النت عن اسعار النت هناك,, فوجدت تقرير للـ BBC عام 2007 عن اسعار النت وبالفعل تكلفة النت هناك 0.22 دولار لسرعة الواحد ميقا !! يعني تقريبا ريال واحد!!
طبعا التقرير هذا عام 2007,, يعني منطقيا النت أقل عندهم الحين !!

http://news.bbc.co.uk/2/hi/technology/6900697.stm

بصراحة الفرق خرافي,, وإن صدق هذا التقرير فهي كااارثة, يعني لا خدمة زينة ولا سعر كويس !!

لا لا امزح معكم انتم اطلق احد << خايف يغلونه زود

وبالنهاية.. ما نقول الا حسبنا الله ونعم الوكيل !!

وتقبلوا تحياتي