مبروك الفوز والثلاث نقاط

مبروك المستوى الحلو في الشوط الثاني واللعب بمهاجمين ومحور واحد

مبروك هاتريك النجم الكبير وهنيا له بما يلقاه من محبه

مبروك كل شي وانتم تستاهلون اكثر واكثر يا بنو هلال
لكن

الأخطاء موجوده وشفناها كللنا والفريق لازال في البدايه اتمنى ما يجي واحد ويقول هذا هو الهلال ولانبي الا كذا
ولو فاز الهلال على الوحده مثلا بواحد صفر يطلع يقول لك الهلال ماسوا شي ولا لعبو صح وفلان سوا وفلتان ما سوا

يعني لا احد يطير بالعجه على الفوز بالخمسه على الفيصلي المجتهد لان المطلوب جهد اكثر وعمل اكبر ودعم اقوى

الجمهور لازم يدعم اكثر ويترك الانتقاد على جنب فهناك مدير فني نثق فيه واداره نثق فيها ولاعبين متأكدين من حرصهم على البطولات

فلانكون جلادين ولا مبالغين وخلونا بس نحب الهلال ونشجعه ونحضر له وكفى

وفقكم الله ياوقود البطولات