معقولة !! نادي القرن الآسيوي ماعنده رابطة ؟؟ افا يابو فيصل - نادي الهلال السعودي - شبكة الزعيم

F.C.H · #1 21/08/2010, 07:22 AM

السلام عليكم ورحمة الله وبركاته
اسـعد الله صباحكم / مسائكم .. بكل خير

اسمحوا لي راح ادخل بالموضوع على طول واسمحوا لي اوصل لكم وجهة نظري بالعامية.

كلامي موجه لـ رئيس النادي واعضاء الشرف ولكل عاشق لهذا الكيان

اسألكم بالله يرضيكم حالنا .. نادي القرن واصحاب اكبر قاعدة جماهيره في المملكة
ماعندها رابطة تقود جماهيرها ؟؟

لا وابشركم بعد
لا رابطة ولا مجلس الجمهور
طبعا في فرق بينهم ولكل واحد فيهم عمل ومجهود يشكر عليه
الرابطة هم الي يحمسون الجماهير بالاهازيج وغيره
اما مجلس الجمهور فهم الي يقومون بعمل الحركات الأوروبية من اعلام كبيرة
او المدرج الازرق والمدرج الابيض وحركة الزلزال وغيره ..

هالسنه لا في رابطة ولا مجلس الجمهور
معقولة يابو فيصل ماتحاول انك تعطي لو جزء بسييط ويسير من وقتك
لـ جماهير ناديك ؟
معقولة يا اعضاء الشرف ماعندكم وقت لنا ؟

الهلال والجماهير مكملين لبعضهم
العام الماضي مافي ملعب في المملكة إلا وأمتلى بجماهير الزعيم

رغم ان الرابطه توجه لها انتقادات ولكن مايمنع هالشي احنا كـ جماهير نطالب بالأفضل لزعيمنا.

معروف عن جماهير اندية المملكة كلها ما تتحرك ولا تشجع فريقها الا بقيادة رابطة
اتحدى في نادي يشجع بدون رابطة

لازم يوصل هالموضوع للمسؤلين في النادي لازم يحسون فينا
او عاجبهم وضع الجماهير بدون رابطه في مباراة التعاون والحزم وبعدها الفيصلي وباقي مباريات الدوري .

كيف بيكون حالنا في مباراة الغرافه طيب في الاسيويه ؟
راح يمتلي بإذن الله استاد الملك فهد هل ترضون يكون صامت ؟؟
او تبونه مثل مباراة بنديكور الاوزبكي ؟

احترم كثير الاخوان في الرابطة وفي مجلس الجمهور لكن لازم يعرفون
بأن المشاكل بينهم راح تضر الهلال وجماهيره ياليت نتناقش وندور الحلول أفضل .

الي حريص على جمالية الجماهير من حضور وتفاعل يشاركنا في الموضوع
ويتفاعل معنا لازم نطالب بالرابطة ونحاول نطورها .

وتحياتي لكم

F.C.H · #2 21/08/2010, 08:41 AM

مشكورين على رفع الموضوع

.........................

ω α ŋ Ŧ Є Đ · #3 21/08/2010, 08:43 AM

مدري آتوووقع عشآنه أول مبآرآتين ،

ومآتحتآج لذآك الإهتمآإم ..

بس لآزم الإستعدآدآت تكوون قبل بدآية الموسسم ..

مشكور على طررحك ..

يحيى 1 · #4 21/08/2010, 08:51 AM

والله شي يغبن للاسف الاندية الصغيرة لها روابط ولها صوت
وحنا للاسف الجمهور ماله اي حس ..

الفريدي وبس15 · #5 21/08/2010, 08:56 AM

والله كذا اصرف من الرابطة
تقل ممركز صيفي والله
نبي تفاعل او على الاقل يشوفون لهم حل ويريحونا على الاقل نبي نتفاعل يالربع

اسيا جت ونبي حمااااس تكفوون

**مجنون الموج** · #6 21/08/2010, 09:08 AM

والله حاجه تقهر يعني جمهور صامت مايصيير

حاتم · #7 21/08/2010, 09:12 AM

الله يعطيك العافيهـ
شبيه الريح هو من امنع الرابطه وذلك بسبب شهر الخير وسوف ترون الرابطه بعد رمضان

alhilal-2010 · #8 21/08/2010, 09:22 AM

اذا حظر جمهور الهلال و عبا الملعب ماراح نحتاج الى رابطة
لكن جمهور مايحظر و نبغى رابطة بس عشان تغطي النقص <<< مشكلة

F.C.H · #9 21/08/2010, 09:33 AM

إقتباس

الرسالة الأصلية كتبت بواسطة alhilal-2010


	اذا حظر جمهور الهلال و عبا الملعب ماراح نحتاج الى رابطة لكن جمهور مايحظر و نبغى رابطة بس عشان تغطي النقص <<< مشكلة

كيف اذا عبى الملعب الجمهور ما نحتاج للرابطه ؟؟
ياخي الرابطه شي اساسي عندنا بالسعوديه هي الي تقود الجماهير
لاتقنعني بان الجمهور من نفسه بيشجع اقص ايدي اذا صارت .
--------

شاكر للجميع المشاركه والتفاعل

جني مدلع · #10 21/08/2010, 09:37 AM

مــــشــــكـــور عــلـــى الـــمــــوضـــوع
وان شــاء الله الادراه ما رح تقصر

قلـ الزعيم ـب النابض · #11 21/08/2010, 09:40 AM

الحين رابطه مو ذاك الزود وتتغلىآ ..!

ياليت تجيب رابطه جديده وتشتغل الاداره ..

لانها فيه فايده للاعبين .. وتصير فايده بالملعب ,

يعطيك الف عافية يالغالي ,