كل عام وانتم بصحه وسلامه
وان شاء الله الجميع يصوم ويفطر على خير
المهم
في البدايه اللي عاجبه الموضوع يرد بكل ادب واللي ماعجبه الموضوع محد يغلط على احد ويدخل ويطلع ويعتبر نفسه مادخل واسفه اني ضيعت وقته
الهلال مع اللاسف نادي المجاملات والدليل واكبر دليل (ياسر القحطاني _افضل لاعب في اسيا 2007) للاسف من بعد 2007 وهو في مستوى منخفض يعني بالله في بطولة دوليه ماسجل ولاهدف والمفروض لاعب مستواه منخفض مايسجل ضربة جزاء العام الدور الاول الكل اعتقد يتذكر فرصته امام الاتحاد الباب فاضي وهو تفلسف شوي وضيع الهدف اللي كان ممكن تنتهي 6 _0
ياجماعه الهلال لاعبين كثار ومواهب انحرمت من اللعب بسبب المجاملات
عيسى /هداف الوحده_كل موسم كان ينافس عالهداف_حتى فاولات كان يلعبها ويسجلها _سجل بالراس والرجل والكعب وكل شي وانحرم من اللعب اساسي على حساب ياسر المنخفض مستواه ويلعب اساسي والكل لاحظ على عيسى لما لعب اساسي ايش سوى قدم اجمل مستوى
الفريدي اول موسم لما صعد من الشباب قدم اجمل مستوى ولكن للاسف بعد مااخذ الثقه الكامله انه من اهم العناصر الاساسيه للفريق بدا يتعامل بالبرود والعصبيه الزائده وتذبذب في المستوى
نواف العابد لاعب ممتاز ولكن مثل الفريدي بعد مااخذ الثقه الكامله بدا مستواه يتذبذب
الشلهوب المفروض مايلعب غير اساسي اذا لعب اساسي قدم اروع مستوى واذا لعب احتياط لاتعليق
عبدالعزيز الدوسري انحرم من الاساسي بسبب الفريدي وهوامهر بكثير من الفريدي
بندر العنزي اه واه على بندر هذا اللاعب اللي عشقه الهلال انحرم من اللعب حتى مع الاولمبي انحرم واتمنى عدم التفريط فيه لانه فناااااااااان بس الله يرحم ايام مكتشف المواهب كوزمين
نامي للاسف مكانك ليش الهلال
فيصل الجمعان_وليد الجيزاني_يحي الكعبي(لاعبين الخوف مصيرهم من مصير عيسى دكة الاحتياط او عدم اللعب)
للاسف الهلال ماسوى زي النصر والاهلي والشباب والاتحاد انه الى الان مااخذ لاعب من درجه الشباب وضمه للاول او الاولمبي ولو فعلا يوجد لاعب من الشباب يستحق الفريق الاول او الاولمبي كان مااحتجنا عيسى والكعبي وغيرهم
الحراسه(اه ثم اه ثم اه ثم اه )عالحراسه من بعد الدعيع
للاسف فهد الشمري مظلوم بسبب العتيبي وشراحيلي بالذات الشمري في الكرات الثابته وضربات الجزاء بارع جدا ومعقول الفقر(اقصد النصر)لاعب عمره 20 سنه يلعب اساسي مع الاول والهلال ماعنده ولاحارس شاب

اعتقد واضح انه اصبح الهلال نادي المجاملات لاعبين يلعبو على حساب لاعبين اخرين
وسبحان الله اذا خسرنا بطولة بسبب نجم قلنا فداك البطولة واذا خسرناها بسبب لاعب عادي قلبنا الدنيا عليه وقلنا مايستحق الشعار


اتمنى الاداره تعيد النظر في هذي النقطه المجاملات ابعدوها لمصلحه النادي
وصدقوني اذا استمر على هذا الحال النادي انسو اسيا والبطولات الباقيه معاها
فمان الله

اتمنى الكل مايعتبرني اني باهجم اللاعبين وادارته
انا بس من القهر وصدقوني اذا ظل الحال كما هو لا اسيا ماراح تجينا ولا يمكن نطلع ببطولة هالموسم

إقتباس الرسالة الأصلية كتبت بواسطة مجنونة القحطاني اتمنى الكل مايعتبرني اني باهجم اللاعبين وادارته انا بس من القهر وصدقوني اذا ظل الحال كما هو لا اسيا ماراح تجينا ولا يمكن نطلع ببطولة هالموسم

ولييييش ان شااء الله

الهلال ما ملى عيينك؟؟؟!

المشكله في المندسسسين

أتفق معك في بعض النقاط مو كلها ..أتفق بخصوص عدم لعب المحياني اساسي مع الفريق ..

مين اللي يجامل اللاعبين ... قريتس مستحيل .... ابن مساعد مستحيل


يعني لاتتوهمين مافية مجاملات صدقيني ..



لكن ربك كريم

إقتباس الرسالة الأصلية كتبت بواسطة الأطخـــــــم مين اللي يجامل اللاعبين ... قريتس مستحيل .... ابن مساعد مستحيل يعني لاتتوهمين مافية مجاملات صدقيني .. لكن ربك كريم

^^^^^

انا معك بكل حرف قلته

مو معقوله فيه احد في نادي الهلال مجامل على حساب الثاني

انا معكـ في بعض النقااط

واتمنى مشاركت اللاعبين الي محرومين في دكت الاحتيااط

مشكلتنا نتكلم في أشياء ما هي لنا أبداً لأن مثل هذه الأشياء لها ناس أفهم فيها

احترامي لرأيك بالرغم اني ما اوافقك

( عندك أخطاء إملائيه ليييييييش )

اول شي قبل ماتكتبي مواضيع كذا شوفي المباريات اللي مايلعب فيها ياسرر مع الهلال أساسي وكيف يكون مستوى الفريق الهجوومي .
صدقيني مافي اي مستوى ابد من ناحية الهجوم ، وبعدين لاتنسي ان عيسى لعب في بطولة النخبه الماضيه أول مباراة للهلال اساسي ويمكن شفتي كيف كان أداء الفريق هجوميا ، مافي اي كوره من عيسى شكلت خطوره الا من كوره وحده اعتقد ارتدت من العارضه فقط لاغيرر .
هذا مايعني اني ضد عيسى المحياني ولا شي ، بالعكس تماما عيسى لاعب كبير وأي مدرب يتمناه يلعب معه ، بس بوجود ياسر وطريقة المدرب اللي تحتاج لمهاجم وحيد تم ركنه على دكة الاحتياط .
ويمكن لاحظتوا من المدرب اي تغيير هجوومي يكوون ابو محياني اول لاعب يلعب من لاعبي الهجووم .
وبعدين ياسرر يوم يلعب اساسي يسوي ربكه للمهاجمين وغير كذا انه يصنع كور للعبي الوسط المهاجمين يعني يقوم بادوار خفيه مطلوبه من المدرب .
وموو يعني انه ضيع كم كوره خلاص قلنا مايصلح ولازم يجلس احتياط ، لا ثم لا ثم لا .
وبعدين بوجود شبيه الريح ووجه السعد نواف والاستاذ سامي الجابر والسيد ايريك جيرتس ، ماظن ان هناك مجامله لأي من اللاعبين على حساب آخرين ، كل لاعب ياخذ فرصته كامله .


وجهة نظري ، تقبليها

ودمتي بزعــــــــــــــــــامهـ ،،،

إقتباس الرسالة الأصلية كتبت بواسطة سعدالفوزان أشكرك أختى الكريمة .. وتأكدي ان الاختلاف لايفسد للود قضية من وجهة نظري .. أن الهلال ليس هناك مكان للمجاملات ويكفينا ماتحقق العام الماضي من أنجآزات كبيره ويندر من يفعل مثلهآ يآسر قدم مستويآت رآئعه وبما آنه مهاجم ليس صحيحآ أن يسجل فآنظروآ الى الآدوار التي يقوم بها والتي ينفذها بالمطلوب من المدرب وهي بالغالب سحب دفاع المنافس وأعطاء حرية التنقل لويلهامسون ونيفيز لذلك نلاحظ آن آكثر آهداف الهلال لهالآثنين وأتمنى أن لانعطي دورة النخبه آكبر من حجمها وفرص يآسر الضائعه فيها أقول آنتظر يآسر بقآدم الايآم وستثبت لنا الايآم والدوسري يآعزيزتي الاصابات هي من حرمته وليس العابد أو الفريدي الفريدي والعابد لاعبين مميزين يحتآجون للوقت فقط لآثبات أنفسهم لآنهم هم من سيكون قلب الهلال بالسنوات القادمه والعنزي لم نرى له تلك البصمة بنآدي الهلال لآجل أن نقول هو لاعب مميز .. بل أعتبر خطوة أعارته آكثر من ناجحه وهي تحسب للآداره حراسة الهلال بخير وبألف خير حسن العتيبي وشراحيلي آكثر من رآئعيين ولاننسى كذلك الشمري وقد تكون هناك وجهات نظر مدربين في أختيار الحارس وهي تعود لمتابعتهم المستمره لهؤلاء الحراس نامي لاعب مجتهد ويحاول تقديم كل مالديه للهلال وبقاءه بالهلال أمر مهم .. لاسمح الله لحدوث ظرف أواصايه لآظهرة الهلال فأعتقد أنه اللاعب المناسب بالمكان المناسب .. والجمعان والكعبي والجيزاني .. لازالوا ببداية طريقهم وهي فرصة عمرهم لأجل أثبات أنفسهم وتأكدي ان من سيثبت نفسه سيكون هو الآساسي باللعب ... فالهلال تخطى مرحلة المجاملات كثيرآ عذرآ أختي الكريمه على الاطاله .. ولكن هي وجهة نظري الخاصه وأختلافنا لايفسد للود قضية آخيرآ عزيزتي أنا وأنتي وجماهير الزعيم دعواتنا واحده وهي التوفيق للهلال أن شاء الله والشهر عليكم مبارك وكل عام وأنت بخير

النك وين والنقد وين


الله يوفق الهلال وبس

اولا اشكرك على موضوعك بس اتفق معك باشياء واختلاف باشياء الاي اتفق معك هو في بعض المجاملات بالنسبه للفريدي
واختلاف معك انو بالعكس ياسر له قيمته بالملعب مو زي عيسى مع احترامي لعيسى ياسر يصنع يسجل يربك الدفاع مهارت ويكون مصدر خوف للمدافعين
تظل هاذي وجهت نظري