رايي انك تتصل على استشاري في مثل هالامور وتقوله كل شي ,, مشكله بينك وبين الوالد او احد من اهل بيتك لاتجاهر فيه عند الناس
والله يحفظه ويخليه لك ويطول بعمره
بأذن الله راح أتصل عليهم
وصدقني أخوي ماكان ودي انزل الموضوع لي سنتين وأنا على هالوضع .!
الله يعينك وانا اخوك
والله يهدي ابوك الاسلوب هذا الي يتعامل فيه ماهو بالاسلوب الصحيح
لو انه يجيك بالكلمه الطيبه والاسلوب اللين افضل بكثير .. العصبيه والسب ماهي التربيه الصحيحه ابد .. لو منت انسان عاقل والحمد لله كان انحرفت او سلكت طريق غلط وماشيت اصدقاء السوء وزدت الطين بالله .
نصيحتي لك كمل بالمعهد ولا تعصي الوالده الله يخليها لك ولا ابوك حتى عشان ربك يرضى عليك ورضى الله من رضى والديك.
والطيبين وفاعلين الخير واجد هنا وبكل مكان وبإذن الله في احد يقدر يساعدك .
محزن جداً أخي سعود ما ذكرته ..
لـ علك تكون أكثر تفاؤلاً في أن اباك يريد لك خيراً .. لـ عله خانه الأسلوب ولـ علك تُحسن به الضن ..
ربما هناك أخطاء تقوم بها ولا تدرك انت تلك الأخطاء ..
ربما ارى ولعلك تعذرني في ذلك أنك لا تعلم ماذا تريد ؟ ماذا تهوى وتبدع فيه ؟
تواصل معي على الخاص , ربما نجد لك فرصة عمل وفيها تطوير ..
على أن لا يكون هذا طموحك النهائي وعلى أن يكون لديك أهداف و أن تعلم ماذا تريد !
:
لـ علك تركز على نفسك .. مهاراتك ..
ماذا تحب أن تكون ؟ ..
ماذا تريد أن تكون مستقبلاً ..
ودعك من أبيك فـ هو يريد لك كل خير ..
وصدقني أنا أب , والأب حتى لو خانه الأسلوب فـ نواياه دائماً في كل خير لك ..
:
بارك الله فيك وانا قلبك ..
ورزقك نية صادقة و همماً عالية ..
:
ماتقصر يالغالي على كلامك الحلو الي يدل على طيبة قلبك
** ** اما صاحب الموضوع : والدك الله يخليه لك لاتلومه على ردود فعله من خوفه عليك طبيعي يبغاك أفضل من اللي بعمرك ,, انا لما أشوف أخوي يهمل يضيق صدري واكلمه , فما بالك الأب والأم ,, لان الوالدين يتمنون عيالهم يكونوا أفضل منهم ,,
** ** أما الفلوس صدقني مايذلك على الفلوس بس يبغاك تحس بقيمة المبلغ اللي ينعطى لك مافي أب ولا أم بالدنيا يذل ولده ,,
إنت روق المنجا وحاول ماتدقق مره لان اوقات تصير معاي لما أمي تعطيني مبلغ تعاتبني إذا صرفته بـ شغلات تكون بالنسبة لها مو مهمه ,,
** **
المعهد ماأدري إنت تقصد كمبيوتر وكذا إذا ايوه كمل فيه خلاص إنت دفعت ماأظن بترجع لك الفلوس ,, تحدى نفسك وكمل المشوار ,, وتقدر بنفس الوقت تشتغل دوام واحد ,, بالبداية بتحس إن طلع من رأسك نخلة لأنك مو متعود بس بعدها بتتأقلم لأني جربت الوضع والحمد لله تمام ,,
** ** وفي شي بـ أقوله بس لاياكلوني الأعضاء : موضوع روحه الملعب ماأعرف كم تدفع للتذكره بس معليش إنت أولى بالمبلغ وبحاجته ,, لو صار وأهلك ماأعطوك لاتلومهم ,, ممكن يدوب كتغير جو المباريات المصيرية بس ,,
** **
حاول ترسل سيرتك لـ كذا شركة في موضوع هنا يخص الوظائف شوفه ,,
والله يوفقك ويوفق كل من يتمنى الوظيفة ,,
ههههههههههههههههههههه الله يسعدك أختي على كلامك الطيب
و أن شاء الله أستمر على نصيحتك والوظيفه المؤقته جايه على الطريق
الرسالة الأصلية كتبت بواسطة !. مجنون في زمن العُقلاء .!
تبي نصيحتي ولا تزعل من كلامي إن واضح إنك بعيد كل البعد عن الميل لمواصلة تعليمك وبالتالي ماراح تقدم لنفسك أي شي لو إستمريت بالمعهد والعسكريه مافيها أي شي سيئ وكأنك بتدخل لمكان كله شر العسكريه مصدر رزق لنصف الشعب كل العالم داخلين العسكريه ولا يكاد يخلو بيت الا وفيه عسكري بأي رتبه كانت نصيحتي ادخل في قطاع عسكري كويس
يعني راتبه زين ولا فيه كرف << أهم شي الكرف وأمك اقنعها برغبتك وأن شاء الله بتقتنع وبالتوفيق لك
يمكن يكون كلامك صحيح !!
و بصراحه أكره شي أسمه عسكريه ولا لبس البدله الي تضيق الخلق
في حياتي كلها لم اقول كلمة (ابوي ) ولا مرة .. أحيانا أتذكر اني لم أعش هذه الكلمة و معناها ولو لثانية واحدة و يتغشاني الالم بالنقص ... لكن ما أن أشاهد أباء يتفننون بتحطيم أبناهم على توافه الدنيا الا و ترتاح نفسي و تهداء ألأمي.....
أنا رأي من رأي مجنون بزمن العقلاء ... أنت كمل معهد و قدم عسكريه وبعد ما تنقبل ناقش والدتك و استخير ... لكن لا تترك المعهد على امل العسكرية و يمكن تخسر الاثنين معأ...
لا تكلم مستشار ولا شيء.. أنا شفت أطباء نفسيين وشفت طلاب علم نفس ( من كلية الآداب وفي طريقهم يصبحوا نفسيين..!! ) وبصراحة بعد ما تناقشت معهم أنصح الجميع أنهم ما يروحون عند أي طبيب نفسي وقد أعذر من أنذر..
ما في عندك إلا تطبق كلام الفاضلة ( الضحى ) وكلامها جداً منطقي وراح ترتاح في النهاية بدون المستشارين النفسيين اللي راح تعذب نفسك وياهم إلا إذا ذهبت إلى د. ميسرة طاهر فهو الوحيد الفاهم
لبى قلبه بسس 
يهمل يضيق صدري واكلمه , فما بالك الأب والأم 
وكمل المشوار ,, وتقدر بنفس الوقت تشتغل دوام واحد ,,
الوضع العادي
