تياقو نيفيز بلا أنانيه ترى انت في السعودية - نادي الهلال السعودي - شبكة الزعيم

الـوافي · #1 07/08/2010, 01:18 AM

بسم الله الرحمن الرحيم

السلام عليكم ورحمة الله وبركاته

اخواني الزعماء

هاردلك على هذي البطولة وان شاء الله نجيب غيرها

انا توقفت طويلاً عن الكتابة في هذا الصرح الرائع وكنت على المدرج اتفرج واستمتع

ولكن اليوم استفزني كثيراً تياقو نيفيز من عدم اعطاء الفرصة للاعب الخلوق / محمد الشلهوب

بأن يلعب الخطأ الثاني من برى منطقة ال 18 وقد يصيب وقد يخيب بس الرجال طلبك والخطأ له وانا مع

اللي يقول ان هذي توجيهات المدرب بس الشلهوب ايضاً يمتلك رجل قويه وسجل من هذي المنطقة اكثر من مره

وفي الاخير يطلبك يا تياقو نيفيز مرتين وتضحك ولا تسلمه الكره هذي شيء يستفز اللاعب والمشاهد وانا دعيت

ربي انه مايجيبه لأنه أناني ومحمد الشلهوب يستاهل كل خير ومفروض انك تحترم خويك وتخليه يلعب الفاول اذا

انت تعرف مقدرته في مثل هذي المواقف واذا كانت ضحكتك استهزاء او استصغار فراح اقولك :

اترك الأنانيه يا تياقو نيفيز . وشكراً

اخوكم الوافي

Delo · #2 07/08/2010, 01:21 AM

’,

بالعكس اشوف ان نيفيز مبدع هذي المباراة ويبشر بالخير مرة وحده اللى مامرها للشلهوب لاتخليه لاعب اناني,,

Go Go TiaGo!!,,

’,

تابط سرا · #3 07/08/2010, 01:26 AM

إقتباس

الرسالة الأصلية كتبت بواسطة Delo


	’, بالعكس اشوف ان نيفيز مبدع هذي المباراة ويبشر بالخير مرة وحده اللى مامرها للشلهوب لاتخليه لاعب اناني,, Go Go TiaGo!!,, ’,

اضم صوتي لصوتك.
شكرا لكما.

L.M.D.8 · #4 07/08/2010, 03:43 AM

إقتباس

الرسالة الأصلية كتبت بواسطة Delo


	’, بالعكس اشوف ان نيفيز مبدع هذي المباراة ويبشر بالخير مرة وحده اللى مامرها للشلهوب لاتخليه لاعب اناني,, Go Go TiaGo!!,, ’,

اضم صووتي لصووتك

......

مجنونكـ ياهلال · #5 07/08/2010, 11:41 PM

إقتباس

الرسالة الأصلية كتبت بواسطة Delo


	’, بالعكس اشوف ان نيفيز مبدع هذي المباراة ويبشر بالخير مرة وحده اللى مامرها للشلهوب لاتخليه لاعب اناني,, Go Go TiaGo!!,, ’,

عجبني ردك ع الموضوع
وانا مثلك اشوف انها اول مره يقوله لا انا ابي اشوتها وقبل كذا شفنا الشلهوب يطلبه ويعطيه
لكن اتمنى من صاحب الموضوع عدم اخذها بهذا الشكل لان تياقوا متغير كثير عن اول والكل لاحظ بعد ماارتاح وش سوى بالبطوله هذي (اقصد من ناحية التسديدات) ماشاء الله صاير افضل بكثير ودايم تسديداته فالباب وممكن عشان هو تعبان على نفسه من هالناحيه وتلاقيه يتدرب عليها ليل نهار ووده يعكس هالشي لنا

بس انت اخذتها بحساسيه شوي

زعـ ينبع يـم · #6 07/08/2010, 01:22 AM

محمد الشلهوب يتقن الكورات الثابته لكن ضربته خفيفه تفرق عن تياغو
ورادوي انا تمنيت رادوي ينفذ الضربه

شكرا اخوي على طرحك

أمورة الزعيم · #7 07/08/2010, 01:23 AM

حرااااااام عليك يارجل
نفيز افضل لاعب اليوم
لكن الحظ وقف ضده ..

نصيحتي لك · #8 07/08/2010, 01:24 AM

نيفيز افضل لاعب في المباراه

نيفيز افضل من الشلهوب في الفاولات

الشلهوب شوته ضعيف
نيفيز شوته قووووووووي < والدليل شف العارضه تشبخة

.
.
.
.

هاردلك للجميع على الخساره

هلاالي 20 · #9 07/08/2010, 01:24 AM

أفضل لاعب هلاالي في هذه المباراة هو نيفيز
ماا قصر .. لكن الحظ حالفه

ياليت تكون حيادي شوي .. وتتكلم عن الي في صورتك
الي ضيع عليناا البطولة
با استعراضاته وثقته الزايده !!

بالتوفيق !!

زعـ ينبع يـم · #10 07/08/2010, 01:31 AM

إقتباس

الرسالة الأصلية كتبت بواسطة هلاالي 20


	أفضل لاعب هلاالي في هذه المباراة هو نيفيز ماا قصر .. لكن الحظ حالفه ياليت تكون حيادي شوي .. وتتكلم عن الي في صورتك الي ضيع عليناا البطولة با استعراضاته وثقته الزايده !! بالتوفيق !!

صح عليك اعجبني كلامك

الغرور وثقته ازايده ضيعتنا

أحِ‘ـَآسّيسْ هلآليـﮧ ≈ · #11 07/08/2010, 01:24 AM

الحين تدعي ان نيفيز مايجيبه عششان مااعطااه للشلهوووب
والله العقل نعمه
وكماان تسديدات نيفيز اقوى واخطر من الششلهوب
واذا مااعطااه الشلهوب مو لدرجة انك تدعي ان مايجيبه
وش ضحكة استهزااء وسخريه هذي الحركاات مو بين لاعبينااا
استغفرالله بس

؛!!"البلياتشو"!!؛ · #12 07/08/2010, 01:24 AM

نفيز اليوم كان نجم المبارة

وهذه كوجهة نظر خاصه بك نتقبلها

وانا راح اطرح عليك هذا لسؤال لو الفوال اتى منه هدف من قبل نفيز هل سوف تقول نفس الكلام ؟؟؟
نفس الحال ينطبق ع الشلهوب

والاهم مصلحه الفريق

fajr-7 · #13 07/08/2010, 01:25 AM

معلش اخِوي هذي مآتعتبر انآنِيه
وزِي مآقلت هو يجِيد الضربآت
ومن توجِيهات المدررب ,,
يعِطيك الف عافيه اخوِي
وبالتوفيق لزعيمنآ

حاتم · #14 07/08/2010, 01:27 AM

الله يستر عليك اليوم نفيز نجم يكل شي
الا حركتـهـ مع شلهوب { ان شاء الله ما يكررها }

زلزال اسيا · #15 07/08/2010, 01:27 AM

أقول ليتك كملت وقوفك عن الكتابه

مع إحترامي لك نيفيز هو نجم المباراة