حمدلله على كل حال وهاردلك ،، ان شاء الله نعوض بالاياب ،، ماهي صعبه علينا
بيب ضيع المباراه على نفسه بخروج فيا ودخول كيتا كانت نقطة تحول المباراه بعد هالتبديل ارسنال استلم المباراه
وتبديل انييستا باخر الدقاااايق !!!!!!!!!!!!!!!!!!!!!!!!!!!!!!!!! عجزت القاله تبرير يعني ادريانو وش بيضيف ؟؟؟
ماادري شقول صراحه ،، يعني محتاج هدف باخر الدقايق تطلع وسط وتدخل دفاع !!!!!!!!!!
الفيس هجومياً ابدع لكن دفاعياً سيء ،،،، فالديز مايتحمل اي هدف بالعكس واحد من نجوم المباراه من طرفنا
لعبنا شوط اول حلو وبداية الشوط الثاني بعد لكن من الدقيقه 65 بدأت تضيع المباراه ،، ارسنال قدم مباراه جيده
ويستاهل الفوز لكن الوعد بالاياب
حمدلله على كل حال ،، متفائل بالكامب نو ان شاء الله ،،
ضاعت منّا .. اللعيبة بغوها كذا .. تعاملوا في بداية الشوط الثاني تعامل جيد مع هجمات القنرز .
حسسني الفريق بتبلد كبير .. بليد في الشوط الثاني , مدري هو ضمن الفوز وإلا ايش , غير كذا نقطة ذكرتها في ردي السابق .. مين يغطي مراكز المتقدمين خصوصاً المتقدمين أصلاً تقدمهم مهوب عبث , يعني نحتاج من يكون مصحصح وبقوة بالذات بالنظر إلى سرعة لعيبتهم وسرعة حركتهم .
فريقهم خطير , سرعة كبيرة عندهم , هم كرروا اللي عملناه بالشوط الأول بتتابع الهجمات والفرص بشكل سريع وكبير سواءً قبل أو بعد الهدف اللي وضحت فيها هجمات خصمنا , لكن هالشيء الفريق ما كمله بدأ ينام تدريجيًا إلى أن ملّ !
غير كذا , التمريرات لِـ ميسي اللي نزل مستواه بالشوط الثاني كانت كثير منها غلط , علاوة على ان بعد هدفهم الثاني ليه نشوف هجمات لهم وخوف من هدف ثالث ؟! وين حماس الفريق , حتى وهي على آخر الدقايق ! من متى يصيبنا هالبرود , أوكي فاهمين حماسهم كبير وجمهورهم ما شاء الله تبارك الله .. لكن ولو مهوب شيء جديد , أهقى ما في مثل جمهور السان ماميس .
كان بالإمكان نحسم قبل أو نضغطهم بشكل أكبر , لكن سبق وقلت ضيّعناها بيدنا .
غبنة غبنة كبيرة من لعيبة قدموا أقل من مستواهم أو بالأحرى تذبذب مستواهم في وقت المباراة , أبلع كبوة فالديس وإن كانت عظيمة , لكن نومة بيدرو وتتابع أخطاء أندريس توجّع وربي
بيب .. ردّة فعله في " الرغبة بالتصحيح " موجودة بدون شكّ , لكن مبهمة عندنا الوكاد أحد لمحها
بيكي زاد الطين بلّة ويبي يغيب بالإياب , يعني برضو نفس دفاع الليلة باستثناء عودة الكابيتانو .
الفريق ما كان سيء عشان يستحق الخسارة , بلعكس قدم حاجات طيبة خاصة من ناحية قطع الكرات بالمقارنة مع حجم صعوبتها , لكن بما انه ما قدم ما اعتاد عليه دائماً , خسر .. وهم أكيد يستاهلون الفوز لأنهم قدموا ما اعتادو عليه , على الأقل لعيون جمهورهم اللي انتظروا هالفوز كثير .
على كلٍ , هاردلك الخسارة , و يمدينا نصحح ونتأهل بإذن الله , على ما بعد اسبوعين بإذن الله بنعوض وبنصحح حاجات كثيرة بعودة الكابيتانو , ووقتها إن شاء الله يكون وضعنا أفضل بكثير من الليلة , ولكل حادثٍ حديث .
هاردلك ... وان شاء الله العوض في الاياب
ومع اننا لا نحب الكلام في الحكم ... الا ان قراراته غيرت في مجرا المباراة
هدف ملغي لميسي ... ضربه جزء لصالح بيدرو ... ضربه جزاء بسبب لمس ارشافين للكوره بيده
يعني اتوقع لو ان هذه القرارات اخذت من الحكم لخرجنا بثلاث اهداف على الاقل
ولكن الحمد لله على كل حال ... والعبره في الخواتيم.
اخي ماجد كلامك سليم البرشا ماكان سئ ابدا الا في اخر ربع ساعه بس نقول كان بالامكان افضل مما كان ، مشكلتنا اليوم ماقتلنا المباراة بهدف ثاني يعني جلسوا الاعبين يتبدلون التمريرات ولسه باقي على الوقت الكثير يمكن فوق 20 دقيقه !!
انا واثق من فريقنا بيتاهل باذن الله بس لابد من بيب يتعلم من الاخطاء الي تصير له
يا شباب
الارسنال معروف بأنه خطير جداً في الهجمات المرتدة ، أتذكره من ايام هنري وهم كذا، يبنون الهجمة المرتدة بطريقة خيالية، وهذا اللي صار في المباراة هجمتين مرتدة جت منها الأهداف، وهالشيء لا يعني أن البارسا كان سيء إطلاقاً. في اعتقادي المباراة مستواها مقبول من البارسا حتى النتيجة تعتبر مقبولة.
الحكم سبب من أسباب الخسارة ولا نستطيع إنكار هذا الشيء. لأنه حرمنا من حق من حقوق الفريق، اوكي نقول الأخطاء جزء من اللعبة، بس مو معناة هالشيء ان احنا ننسى بأن فريقنا فعلاً احرز هدف ثاني، المقصد بأن البارسا وصل لمرمى الارسنال مرتين.
وماننسى أننا نلعب على ملعبهم.
نتيجة رائعة جداً. صح كنت اتمناها انتهت تعادل ايجابي لكن الحمد لله على كل حال
مع احترامي للجميع في اعتقادي ميسي كان نجم من نجوم المباراة، المفروض جوارديولا أبقى على فيا وأخرج بيدرو لأنه هو اللي بصراحة كان نايم؟!!
إقتباس
الرسالة الأصلية كتبت بواسطة THEO WALCOTT
هاردلك يا شباب
اعتذر لكم على الرد اللي صار .. الشخص لا ينتمي لرابطتنا
الكوره فوز و خساره .. و البرشا مرعب بلمعبه
أهنيكم على فريقم .. و هاردلك مره ثانيه
حبيبي انت والله مبروووك لكم وتستاهلون والله وأنا من أشد المعجبين بالارسنال.
من أمتع المبآريآت اللي شفتهآ هالموسم و تقلبآت كثيره في المآتش ! برشلونه كآن يستحق أكثر من هالنتيجه لكن الحظ مآ وقف معآه أبد أبد أبد ميسي اليوم مووووش مضبوط الظاهر مآ تروش قبل لآ يلعب من الأشيآء الأسآسيه في كرة القدم و هذآ شي وآقعي و حآصل في جميع المبآريآت , الفريق اللي مآ يسجل يسجل فيه وشفنآه اليوم بالقمه برشلونه ضيع الفوز بيديه كآن يقدر ينهيهآ بكل سهوله بالشوط الأول ؛ و الشوط الثآني إمتلآك خرآفي للكره أرسنآل لعبهآ صح و لعب على أخطآء المدآفعين و الهجمآت المرتده و أثمرت عن هدفين كآنت كفيله بإنهآء المبآرآة لولآ تغآضي حكم اللقآء عن لمسة يد وآضحه على أرشآفين في الدقيقه الأولى المضآفه من حكم اللقآء مع لمسة يد أيضاً وآضحه على ديجورو في الشوط الأول ! مآ أحط التحكيم شمآعه أبداً لكن الحق حق ؛ لي عتب بسيط على قوآرديولآ اليوم ! طلعت مهآجم و دخلت لآعب وسط يقدر يمسك لك كوره بوسط الملعب و تدوير الكره بين تشآفي و بوسكيتس و إنييستآ ؛ طيب تهآجم ليه ؟ صرآحه من أول مآ شفت كيتآ تطمنت على المبآرآة بحيث إن الفريق بيستحوذ على الكره بالشكل الصحيح ! لكن شفت عكس هالشي في العشرين دقيقة الأخيره حسيت انه يلعب ضد ملقآ ! هذآ العيب الوحيد في بيب ؛ و كلفه المبآرآة اللي كآنت محسومه في الربع الأخير من اللقآء
لبى البطن اللي جآبك يآ شيخ أعطيه أفضل لآعب في المبآرآة بلآ منآزع مآ عندي كلمآت توصف اللي شفته منه اليوم ! البرشآ بدونه يختلف مثل مآ يختلف بعدم وجود تشآفي و ميسي مجتمعين ! اليوم سوّآ شغل صرآحه أرفع له القبعه
للأسف برشلونة أضاع الفرص بشكل كبيييير ولا إستغلها وخصوصاً في الشوط الأول ,, أقل شىء المفروض نطلع بـ 3 أهداف (( غير الهدف الملغي طبعاً !! )) ,, والأرسنال أضاع كذلك , في الشوط الثاني واضح الأرسنال حاول قدر المستطاع إستغلال آي فرصه تسنح له امام برشلونة , خروج فيـآ وتراجع برشلونة زاد من الضغط الهجومي على برشلونة ,, وطبيعي على إلي يقدمه الأرسنال انه يسجل وكنت متوقع آنهم يسجلون !! ؛ كور خطييره تطلع من منطقه الجزاء !! مره من أبيدال يطلعها ومره من بيكي .. ! عموما الأسنال إستغل الفرص وسجل عكس فريقنا وفاز ,,
بإضافه الى ان التحكيم الي غير مجريات المباراه لمصلحه الأرسنال :..
1/ هدف صحيح لـ ميسي تم إلغائه .. 2/ ضربه جزاء لبرشلونة في الدقائق الأخيره بيد ارشافين لم يحتسبه ..
+
بـ النسبه لي أشوف أن سونق يستحق الكرت الثاني وينطرد بـ( الأحمر ) دخل تقريبا 5 دخلات عنيفه بعد تلقيه للكرت الاصفر والحكم ماغير يمشي !! ..
ابغى اعرف ليييش مباراة الذهاب عندك دائما تحصيل حاصل
من السنة اللي راحت و اعتمادنا على المباراة الثانية على ارضنا
شتوتغارت و الارسنال و الانتر و اليوم الارسنال
كاننا ما نحتاج نتيجة في الذهاب
لو حصل اصابات لا قدر الله قبل الاياب كيف بتفوز
لعب بارد فالشوط الثاني و كانها ودية
البرسا خسر المباراه من نفسه ,, انت متقدم بهدف من لاعب يقدم مستوى جيد ,,
وتطلعه حوالي الدقايق 65 وتلعب وسط بداله اكيد الفريق الثاني راح يهاجم ,, لكن
خروج فيا اعتبره خطآ ,, ميسي قدم متش طيب لكن الفرص اللي ضاعت منه
غريبه والله ,, الا بسآلكم في اخر 3 دقايق وش هو له تلعب لاعب جناح ادريانو
كان من المفروض تلعب بوجان على الاقل يسوي شي في دفاعهم ,, لكن الحمدلله
على كل حال ,, الشوط الاول ممتاز وكنا مستحوذين ,, شوط ثاني سيئ جداً اداء
الاعبيين مو طبيعي ,, بوسكيتس هو اللي احس انه لعب صح ولا يهون الباقيين
,, 2 - 1 نتيجة موب شينه ,, هالهدف يعطي افضليه للبرسا بالاياب بآذن الله ,
وآعتقد البرسا بآذن الله سيفوز بالكامب نو اهم شي الفوز ,, والهدف بالكامب نو
يآهل البرسا للدور المقبل ,, التعادل من صالح الارسنال ,, لكن بآذن الله راح
نسجل اكثير من هدفيين بالاياب ..
والبرسا يمرض لكن لا يمووت ,,
ننسى اللي حصل ونركز على المباراه القادمه امام فريق قوي وعنيد
اتليتكو بلباو الحمدلله ان المباراه ع الكامب نو ,, لان الفريق لعب في
اسبوع واحد مبارتيين خارج ارضه ,, واتمنى ان لا تآثر الخساره
على الاعبيين في المباراه القادمه وبالتوفيق لـ برشلونه
والله انا استغربت مره من الفيس في لقطة الهدف ما أدري فاهي هو يعني ولا وش وضعه يعني قاعد يتمشى بدل ما يغطي ارشافين؟ يعني هو أساساً كان موجود متراج لكنه ماغطى زي الاوادم