احصائية لأهداف ميسي مع البرسا

..!!

ايييييييييييييييييييه .. مااقول الا انه كان ملعوووبن علينا بحسين وخويه

شف ياحسين المقدمه اللي تفتح النفس وتعلم .. يمكن نخليه تفتح رابطه للبرسا B

الموووهيم .. الف مبروك الرابطه الجديده يا انفصاليين .. شغل يبرد السبد

اخيراً يا يوسف شفت ابهى حُله ..

كل الشكر للشباب اللي بذلو الغالي والنفيس في سبيل اخراج الرابطه بالشكل الخقق ذا .

------------------

اقول للحين مامليتو من اخبار فابري .. موب ملاحظين انه ينزل 10 اخبار في اليوم كلها نفس المعنى .. ليه متعبين نفسكم ومتعبينا معكم ؟؟

وترا محسسيني انه المنقذ للضياع اللي جالس يعيش الفريق .. اقوى خطوط الفريق هو خط الوسط .. سوا الاساسي او الاحتياط .. صح انه فقد شي من قوته بخروج توريه .. وكلام العقل يقول هذي الخانه اللي لازم تعوض.

-----------------

الشي اللي ابي افهمه .. ليش روسيل اول مااستلم الرئاسه على طول جلس يشكك في ميزانية النادي والامور الماليه .. وترك الامور اللي ممكن ترفع اسمهم عند الجماهير .. يعني حتى لو تم اكتشاف ان النادي يعاني من ديون .. راح يظل لابورتا البطل القومي عند الجماهير .. اذا استمر روسيل على هذا المنوال .. قولو على النادي السلام .

-----------------

موب ملاحظين ان الدفاع عندنا مافيه الا لاعبين ونص .. مع احترامي لمليتو بس الاصابه اثرة عليه بشكل كبير .. مافيه الا بويول وبيكي اللي مكروفين بشكل كبير من ثلاث مواسم مااخذو الراحه الكافيه .. شباب اللامسيا الصغار ماراح يسدون الثغره هذي .. نبي لاعب متعود على اللعب في الليقا .. كنت اتمنى بقاء هنريكي في الفريق .. يلعب الكاس وبعض مباريات الليقا السهله عشان يريح بويول وبيكي .. ويساعد مليتو.

ايضاً اتمنى بقاء هليب .. لاعب راضي بالدكه .. ويقدر يلعب في كل مراكز الوسط والاجنحه .. تقتدر تستفيد منه يا بيب في الكاس وتريح بعض اللاعبين في الليقا .. فيه اشياء غريبه قاعده تصير .. اتمنى تكون رؤيتي خاطئه.

إقتباس الرسالة الأصلية كتبت بواسطة PUYOL Carles اظن مر شهر على تولي روسيل مقاليد الحكم وكل الا شفناه للحين فوضى

هلا حسين ... أقول لك مشكلة روسيل ممكن البعض يشوفها على أنها تصفية حسابات بين الاثنين بسبب الخلافات اللي بينهم من وقت استقالة روسيل في عهد لابورتا عام 2005 ... لكن أنا أعتقد ان مشكلة روسيل أنه يحاول بأي طريقة الظهور للضوء والاعلام والخروج من تحت عباءة لابورتا من خلال التركيز على أي سلبيات ممكنة خاصة وانه استلم فريق متكامل وناجح من الجانب الرياضي وهو الأهم عند الجماهير والاعلام وبدأ تركيزه على الجانب الاقتصادي وغيره وخذ عندك من الأمثلة :

- أول ما أعلن ترشيحه للرئاسة كان تركيزه وكلامه في البداية على ثلاث نقاط : رفع دعوى قضائية ضد لابورتا ، سحب لقب الرئيس الفخري من كرويف ، إلغاء الاتفاقية المبرمة مع أوزبكستان على أساس أنها بلد لا تحترم حقوق الانسان مثل ماذكر في تصريحه وقتها وهي كلها محاولة تأكيد على أنها تصرفات خاطئة وسلبيات على لابورتا .

- نجي لموضوع القرض الكبير بمبلغ 150 مليون يورو وقتها كان الهدف حسب كلام روسيل انه استلم الفريق من ادارة لابورتا وهو يعاني ماديا وخزينة النادي بحاجة الى السيولة وموضوع تسديد رواتب اللاعبين لشهر يونيو اللي ما استلموها ... النادي لما باع توريه وديمتري بمبلغ 39 مليون يورو الكلام هذا كان قبل الحصول على القرض ، وقتها على ما أذكر اضافوا المبلغ الى الـ 50 مليون يورو المخصصة للتعاقدات والميركاتو ... رواتب اللاعبين في برشلونه لمدة شهر لو نحسبها تقريبا نقول مابين 15-20 مليون يورو ، طيب ليش ماسددت الرواتب من قيمة الصفقات وخاصة انك مقدم على قرض كبير وفريقك عنده مشاكل مادية صعبة والموافقة عليه من البنوك غير مضمونة واذا حصلت على القرض ممكن تحول جزء منه لتدعيم مبلغ التعاقدات ، وهذه كانت النقطة اللي تكلم عنها سالا مارتن لما قال كيف فريق يعاني ماديا ويحصل على موافقة على مثل هذا القرض في يومين ... يعني تحس ان الهدف من الشغلة كلها مجرد اثارة صحفية وبلبلة على لابورتا .

- موضوع الديون والعجز والاختلاف في مبالغ الايرادات والمصروفات وقضية ميديا برو والاراضي اللي ناقشناها في الرابطة السابقة ، حتى أمس كان فيه تصريح قوي لمارتن في صحيفة الاس واتهام واضح يقول ان ادارة روسيل قامت بتغيير تواريخ بعض المعاملات لاثبات انها لم تحدث في عهد ادارة لابورتا ... وقضية الديون اربطها بقضية انتقال فابريغاس الى برشلونه ... اذا كان فريقك مديون بـ 77 مليون يورو وروسيل سبق وانه انتقد لابورتا على صفقة فيا حتى انه شكك في المبلغ وقال انه كلف النادي 50 وليس 40 مليون يورو ... طيب ليش انت ياروسيل تجري وراء فابري بمبلغ 45 مليون يورو حتى انه سافر الى جنوب افريقيا والسبب انه لاعب يعتبر مطلب اعلامي وجماهيري في كاتالونيا وفرصة أخيرة له للظهور لأن لابورتا ماترك له شي مدرب ولاعبين جاهزين وصفقات آخرها فيا .

- مبلغ الـ 3000 يورو اللي فرضها شهريا على أعضاء مجلس ادارته يدفعونها حتى نوفمبر 2011 على أنها دعم للنادي واضح انها شغلة اعلامية أكثر من أي شي آخر عن حسن تصرف ادارة روسيل لأنها كلها لو تحسبها تزيد تقريبا عن 3 مليون يورو وش تسوي في ميزانية نادي مثل برشلونه ماتغطي راتب ميسي لحاله أربع شهور .

- آخر مثال لاحظته أمس في الخبر عن تقديم زوبيزاريتا كمدير رياضي للنادي ، الخبر في بعض الصحف مثل الموندو واللافنجارديا أنه العقد لمدة سنة وبعدها يمكن يجدد لمدة سنتين بدون شرط جزائي لفسخ العقد وتلاحظ التركيز على قضية انه روسيل توقيعه يكون مع الموظفين في النادي بدون شرط جزائي ... تحس انها محاولة تلميح واشارة على لابورتا بعد قضية جوان اوليفر ومبلغ الـ 850 الف يورو اللي حصل عليها كشرط جزائي عند فسخ العقد وتصريحات روسيل على انها مثل التلاعب والاختلاس من ادارة لابورتا .

الخلاصة مثل ماقلت لك والظاهر اني طولت بالكلام انه فوضى روسيل بسبب السعي لكسب الاعلام والظهور بأسرع وقت ، يعني ممكن يكون هو المستفيد منها اعلاميا الى جانب الصحافة وخصوم النادي وإلى متى تستمر يبقى جوابه عند روسيل نفسه .

تحيتي ،،،

اقول انت يالكاشخ

جيب 7 بطولات بعدين تعال تكلم

ههههههههه

مشعل .. انت تشوف كيف هالسيسك .. والله لو انه مارادونا ماصار كل هذا ..

مسخرة حال الصحف .. والمسخرة الأكثر حال ادارة الـ wanna be خخخخ

يوم طالع لك بكرويف .. يوم طالع لك بمؤتمر .. يوم رايح جنوب افريقيا .. ويوم ويوم

وماوراه الا الدجه

و ادريانو ماجابه الا علشان برازيلي خخخخ

شكلي بحترم غاسبارت من يوم ورايح .. على الأقل ذاك كان محترم غيره ههههههههههه

بس روسيل .. تجي له يمين تجي له يسار .. سيم سيم هزا سديق

وانا معاك بشكل عام على الفريق مو بس ع الدفاع .. يعني وسط هجوم دفاع كلو كلو الارهاق ممكن يجينا في اي لحظه .. فريقنا يحترق من سنوات واجازات اللاعبين قصيرة مرة ..

التاريخ يقول .. انه كأس العالم يؤثر علينا في الموسم اللي بعده

على الدفاع .. نظرتي انه فونتاس يقدر يغطي الوضع .. وفي نفس الوقت نحتاج للتوفيق والابتعاد عن الاصابات علشان تظل الأمور سليمة .. ميليتو اعتقد مستواه في المباراة ضد الفريق النرويجي ماتعكس شئ .. سوى انه مازال الفريق في مرحلة الاعداد البدني .. ومازلنا ف البداية

---

هلا ابو سلطان

إقتباس - مبلغ الـ 3000 يورو اللي فرضها شهريا على أعضاء مجلس ادارته يدفعونها حتى نوفمبر 2011 على أنها دعم للنادي واضح انها شغلة اعلامية أكثر من أي شي آخر عن حسن تصرف ادارة روسيل لأنها كلها لو تحسبها تزيد تقريبا عن 3 مليون يورو وش تسوي في ميزانية نادي مثل برشلونه ماتغطي راتب ميسي لحاله أربع شهور . - آخر مثال لاحظته أمس في الخبر عن تقديم زوبيزاريتا كمدير رياضي للنادي ، الخبر في بعض الصحف مثل الموندو واللافنجارديا أنه العقد لمدة سنة وبعدها يمكن يجدد لمدة سنتين بدون شرط جزائي لفسخ العقد وتلاحظ التركيز على قضية انه روسيل توقيعه يكون مع الموظفين في النادي بدون شرط جزائي ... تحس انها محاولة تلميح واشارة على لابورتا بعد قضية جوان اوليفر ومبلغ الـ 850 الف يورو اللي حصل عليها كشرط جزائي عند فسخ العقد وتصريحات روسيل على انها مثل التلاعب والاختلاس من ادارة لابورتا .

بالفعل كلامك هنا 100% ... كلامك لمس جوانب عديدة صغيرة .. خصوصا في سالفة فسخ العقود

وتعقيبا على كلامك .. انا برضو مااقول الشي خلاف مباشر .. لكن الا يسويه موفي صالحه ابدا

الا يسويه .. امكانية ضرره منه اكثر من فايدته

حركة كرويف لحالها كارثة

إقتباس الخلاصة مثل ماقلت لك والظاهر اني طولت بالكلام انه فوضى روسيل بسبب السعي لكسب الاعلام والظهور بأسرع وقت ، يعني ممكن يكون هو المستفيد منها اعلاميا الى جانب الصحافة وخصوم النادي وإلى متى تستمر يبقى جوابه عند روسيل نفسه . تحيتي ،،،

بالعكس .. لاتوقف .. روسيل الضرب فيه حلال هههههههه

كلام سالا مارتن في تصريحه الثاني حول حالة النادي الماديه .. ختمه بجملة .. "هل الخلافات القديمة تستاهل انه نخرب صورة برشلونة العالمية والكروية الا وصل لها ؟" ..

الجواب طبعا لأ

بينديتو + فيرير + انخلا ..

لو تم انتخابهم .. كلهم راح يكملو على المشروع بدون مايتعرضو لأحد وبيحاولو يسوو الشي الا يخدم النادي

بس وصفي للي سواه روسيل بكلمة "فوضى" .. لانه الا صار مايخدم النادي .. بالتالي قام او قعد بحركاته الاعلامية .. فهو ماراح يسحب اي حاجه من انجازات لابورتا ولا راح تلمع صورته باي شكل بوجهة نظري

لاتوقف ابو سلطان .. وو لا احد يوقف

إقتباس الرسالة الأصلية كتبت بواسطة ســــــــــهم ^ ^ ^ ^ هلا بك اخوي الكشخة والله يا خوك هذا اللي اسمه سيسك ازعجنا كل ما دشيت موقع ولا صحيفة الا وتكلم عنه ويكررون نفس الاسطوانات بلا اي جديد يذكر. بالنسبة لروسيل فبدايته ما تبشر بخير كل همه الان هو مسح كل مافعله لابورتا فبدأ بطريقة التشكيك في شغل الادارة السابقة وان باقي عليها ديون والتزامات حتى صفقة فابري هو ( اللي هو روسيل ) يريد انهائها فقط ليثبت وجوده رغم ان الفريق ليس محتاج فابري تلك الحاجة. بالنسبة للدفاع فأحترم وجهة نضرك الدفاع مكتمل وميلتو بعد الاصابة عاد وقدم مستوى رائع جدا والدليل ان الادارة جددت عقده على طوول اضافة لأجادة ابيدال اللعب في قلب الدفاع ولا تنسى شقرنسكي ( ابو ابتسامه ساحرة ) بالنسبة لهليب فوجوده خطأ بالفريق لعدم الحاجة له مما سيسبب هبوط بمستواه ولو يعيره النادي ولا يبيعه ويكسب له كم مليون يورو احسن. شاكر لك () ()

تشايغرينسكي طالع من عام ترمس وبعناه لفريقه السابق وانت لحد الان
تفكر به دفاعنا ناقص ونبي نلعب ع المضمون مانبي نلعب على أمل إن
فلان يبدع وفلان ما يصاب

أعتقد الفريق حالياً محتاج ثلاث لاعبين أشوف انهم مهمين جداً

قلب دفاع إحتياطي
ظهير أيمن أحتياطي
لاعب وسط إحتياطي

لو تلاحظون فريقنا كامل بس يحتاج تعزيز لدكة الإحتياط وهي اللي بهذلتنا
الموسم الماضي كانت دكتنا ضعيفه جداً بعكس الموسم اللي يسبقه لكن إن شاءالله
البركه في شباب اللاماسيا لأني ما ارجي من ورى هالدرج روسيل شي

لابو

Forca Barca

إقتباس الرسالة الأصلية كتبت بواسطة 360 تشايغرينسكي طالع من عام ترمس وبعناه لفريقه السابق وانت لحد الان تفكر به دفاعنا ناقص ونبي نلعب ع المضمون مانبي نلعب على أمل إن فلان يبدع وفلان ما يصاب أعتقد الفريق حالياً محتاج ثلاث لاعبين أشوف انهم مهمين جداً قلب دفاع إحتياطي ظهير أيمن أحتياطي لاعب وسط إحتياطي لو تلاحظون فريقنا كامل بس يحتاج تعزيز لدكة الإحتياط وهي اللي بهذلتنا الموسم الماضي كانت دكتنا ضعيفه جداً بعكس الموسم اللي يسبقه لكن إن شاءالله البركه في شباب اللاماسيا لأني ما ارجي من ورى هالدرج روسيل شي لابو Forca Barca

إقتباس قلب دفاع إحتياطي ظهير أيمن أحتياطي لاعب وسط إحتياطي

ليش احس الناس مهمشة ادريانو

بيب قال في مجمل كلامه بحسب الاخبار .. انه كان بالامكان شراء ظهير يمين .. لكن ارتاو انه وجود ادريانو بتعدد استخداماته راح يكون مفيد اكثر .. وادريانو يجيد اللعب بالمركز كما لو انه خلق له خخخخ

يبقى الكلام الباقي .. على حسب تحركات شلة حسب الله .. الا من كانت ترفع في بيب وبتخليه الكل في الكل .. الى انها تخلي بيب يطلع في مؤتمر يقول لما توصل الأمور لظروف مادية صعبة انا مجرد موظف :S

طيب .. المفروض بعد ضياع فرصة تحرير قائد الفيالق الجيشية الغلادييتور سيسك ارخميدس .. يكون فيه فلوس متبقية مخصصة للميركاتو

اقلها .. وابسطها .. جلب لاعب ارتكاز متخصص ..

وعدم جعل اليافع دوس سانتوس يتحمل مثل هذه الأمور

دوس سانتوس ممكن يصير جيد في هالمركز .. لكن الارتكاز مركز حساس .. وحرام نحرق جونا بدري

لاعب ارتكاز .. هو الأولوية .. وقلب الدفاع ممكن التعويل على الكانتيرا .. لكن لو جا احد .. خير وبركة

(مع العلم .. انه البارسا اتليتك ماعمل اي تعاقد .. سوا التوقيع مع {تييو} .. اللي لعب على الطرف اليمين ضد الفريق النرويجي .. واللي كان هو لاعب في مدرسة البارسا بعدين راح اسبانيول بعدين رجعوه النادي .. يعني .. فريق لوتشو انريكي .. مقبل على درجة السغوندا أ .. الصعبة جدا .. وفي نفس الوقت ممكن يخسر ابرز عناصره (تياغو - جونا - فونتاس) .. وهو لم يقم باي تحرك في السوق)

من كلام زوبيزاريتا امس .. انه النادي ماتفاوض مع احد من السوق الفرنسية او اي احد تبع خط الوسط غير محاولاتهم لضم سيسك :S .. يعني الادارة وكأنه مشلول تفكيرها تماما

---

الخبر مو ترجمة ..

مجرد باحط الوصله + بعدي ماتعلمت على حركة الاخبار :$


ماركيز سيتم فسخ عقده بالتراضي اليوم



http://www.fcbarcelona.com/web/castellano/noticies/futbol/temporada10-11/07/31/n100730112219.html

القيصر كان شئ روعه

ماشاء الله عليكم يا مبدعين
ألف مبروك إفتتاح الرابطة الجديدة و إن شاء الله يارب تكون وجه خير علينا وعلى النادي بإذن الله يحقق المزيد من الإنجازات والبطولات

ومشكوريييين

<== متابع دائم

إقتباس الرسالة الأصلية كتبت بواسطة PUYOL Carles الخبر مو ترجمة .. مجرد باحط الوصله + بعدي ماتعلمت على حركة الاخبار :$ ماركيز سيتم فسخ عقده بالتراضي اليوم http://www.fcbarcelona.com/web/castellano/noticies/futbol/temporada10-11/07/31/n100730112219.html القيصر كان شئ روعه

الرحيل صعب / موحش ..

يشعل فينا فتيل الحنين بصمت ،

و يجعلنا نحترق لَ غيابهم . . !

لإعآدة الذكرىآ فقط
الله على أيآمك
................ تتوقعون رآح يجي لآعب مثله