إقتباس الرسالة الأصلية كتبت بواسطة PUYOL Carles ياعممي اوليغر كان من صغار النادي :S لا لا جد .. بالتوفيق له .. ومومعناتها بخروجه يعني هو الشي .. النكست بيق ثنق .. ميريدا طلع قبل كم سنة .. والحين في اتلتكو مدريد وموواضح وضعه هل هو اساسي او لا! بس الكلام اذا احنا قربنا من لاعب .. صارت طرارة وقلة حيا ومادري ايش .. واذا الغير .. عادي .. وحرام علينا حلال عليكم ومادري ايش! ولا عاد الصحافه هي سبب كره الناس للبارسا! .. وكأنه صحافة الغريم او صحافة انجلترا او ايطاليا .. تمتلك من الحرفية والمصداقيه والشفافية الشئ الكثير .. ياعم ما اخس من المربوط الا المفتلت -- يالبريطاني .. تصدق من كثر ماودي امدحك او شي من هالقبيل .. ضايعه مني الكلمات .. فلذلك تقبل مني السب من يوم ورايح :P سلام

ياخي عيب عليك .. في الطالعة والنازلة تسب في اوليغير على الاقل احترم الزمالة بينك وبينه في الفريق لسنوات وانجازات حققتوها مع بعض

بـ صراحه من عرفت ان اللاعب رغبته يلعب في انجلترا هانت الخبريه في خاطري لاني توقعتها من خبر اليوم الصباح انها بـ نفس السيناريو ولكن بـ هالشكل لا عادي ولا اعتقد انه راح يكون بـ يوم من الايام مثل فابريجاس ولا كان مستحيل يفرطون فيه بـ هالسهوله

حسين المسبه منك مدح

أفلاجيه
الله يجزاك خير .. واتشرف فيك وانا خوك

L.messi.10

الله يعافي قلبك وشرفتني بـ اسئلتك وتعقيبك

إقتباس أخي عبدالله بن عبدالرحمن أستمتعت كثيرا ً في قراءة تلك الإعترافات وتلك الأجوبة التي تفضلت بها أتشرف بك كثيرا ً كونك عضو مشارك فعال في الرابطة وانا متابع لك وللجميع دون أستثناء بالرغم من قلة التواجد ها هنا إلا أن الأعضاء [ الكتلان ] يعدوّن الأبرز في الطــــرح والموضوعية في قسم الرياضــة العالمية ناهيـك عن الإحترام المتبادل بين الأعضاء كما هو حال جمهور الزعيم الجمهور الواعي الراقي الذي جمع ما بين الخلق والأدب والزعامه , اتمنى لك التوفيق والسعادة في دراستك وفي حياتك الزوجية في قادم الأيام والله يتمم فرحتك على خير ويوفقك في حياتك العلمية ومن ثم العملية إنه على ذلك قدير , شكرا ً للجميع

الله يشرف مقدارك .. وانا اتشرف فيك وفي اطراءك اللي بلا شك يعني لي الكثير والحمد لله اللي خلاني اقابل اشخاص مثل اللي هنا ويعلم الله انهم عزيزين على قلبي رغم اني ما قابلت شخصيا اي احد فيهم ولكن ان شاء الله نتقابل مستقبلا

بصراحه اطراءك ما ترك لي كلمات ودعواتك اسأل الله ان يتقبلها وان يجعلها عامة لي ولك ولكل من يشاركنا هذا المكان المميز

بس تصدقوون اخذنا دوري الابطال وهو معنا الحسنة الوحيدة له انه رفض يلعب لسبانيا لانه كتلوني متعصب , واكثر شي قهررني طردة ضد ريال مدريد في احد الكلاسيكوهاات << امووت انا

اتفقك مع الاخ عبدالله عبدالرحمن مستحيل يفرطون باللاعب بهذي السهوله اكيد في شي , لان لو به خير ماعاافه الطير
واتمنى ان ماتتكرر نفس قصة فابري معااهـ .

اللاعب اخذ اكبر من حجمة بكل امانه والسبب مايعود له , السبب ان ارسنال اخذووه لو اي نادي اخذه ممكن الوضع عاادي , بس الكل خاف ان راح تتكرر نفسس قصة فابري .

إقتباس الرسالة الأصلية كتبت بواسطة برشلوني مخلص رسميا ً ! تشافي سيغب لمده 7 الى 10 أيام بسبب الإصابه !! أجرى تشافي للفحص بالموجات فوق صوتيه و بالتصوير بالرنين المغناطيسي صباح هذا اليوم وتبين بان تشافي يعاني من تمزق في عرش ساقه اليسرى ! كما أكدت الفحوصات الطبيه بأن مده غياب الاعب هي من 7 الى 10 أيام ! وبذلك فإن الاعب سيغيب عن لقاء كل من مايوركا و فالنسيا ! * ليصبح تشافي الغائب الخامس عن مباراه مايوركا مع كل من : " بويول و جفرين وفالديز ( للإصابه ) , و داني ألفيس ( لـ عقوبه الإيقاف بسبب تراكم البطاقات ) " .. Xavi, baixa de 7 a 10 dies || FCBarcelona.CAT

ما ادري ليش احسس ان الاصاباات بهذا الوقت خيره للفريق << هل هو احسااس او امنيه او اضحك على نفسي ..؟؟
لان لو نفووز على مايوركا بدون الاساامي هذي تقريبا راح يكون حال الفريق افضل خاصة لمباراة فالنسيا و ارسنال .

إقتباس تشافي سيغب لمده 7 الى 10 أيام بسبب الإصابه !!

آفــــآآآآآآآآآ ...
مو وقتهـــآ آبـــد ..
بس ان شاء الله ربي يوفق البرـــشـآ

βαƦ¢α 4 ξνξƦ
الله يبــآركـ فيكــ بس كــآن عطنــآ آسبوووع <<<
يعطيك الع ــآفية يـآبطـل على جهودكــ

<<<

ياعالم انا أحس ان هالاصابات خيره للفريق , لأنهم كلهم يرجعون متحمسين وغير مرهقين من المشاركات ...

بس ان شاء الله يفوز الفريق كل المباريات الجاية ...

طيب .. أوكي يا اخوان .. حنا حبايب واخوان وكل شي .. لكن توصل انكم تجيبون طاري الصلبي أوليقير لا هنا نوقف ونقبلها مذبحه ياشيخ .. والله بقلب عليكم ترا



عبدالله .. كرسي جميل جدا واستمتعت فيه بطبيعة الحال .. الكرسي الماضي قلت انك بتملك وهذا قلت انك بتتزوج والجاي ان شاء الله بتقول انك تنتظر المولود ان شاء الله
بس لو يرجع بك الماضي كان ماذكرت اسم ألقوير صح ؟ قل صح


عموما مباراة مايوركا بتحصل غيابات تنسييييم لا وبيكيه جايب العيد له فتره وشاكيرا عافستن جوه أنواع الرضع بالليل ولاهنا نوم ولاهم يحزنون .. لكن الشباب بإذن الله فيهم الخير والبركة .. أبيدال أتوقع بيبدع آخر ابداع ان شاء الله لكن اتمنى يكون يوم ميسي واتمنى فيا يهدْف .. قوارديولا ما أتوقع انه راح يسوي تغيير كبير بالتشكيلة لكن المحاور هم اللي راح يكون عليها تغيير كبير .. على الأقل راح يأمن المحاور.

إقتباس بـ صراحه من عرفت ان اللاعب رغبته يلعب في انجلترا هانت الخبريه في خاطري لاني توقعتها من خبر اليوم الصباح انها بـ نفس السيناريو ولكن بـ هالشكل لا عادي ولا اعتقد انه راح يكون بـ يوم من الايام مثل فابريجاس ولا كان مستحيل يفرطون فيه بـ هالسهوله

هي عادية السالفه .. ثغرة في نظام الاحتراف الاسباني والناس الثانيين يستغلو الشي .. بس لما يسوو الشي كأنه فينغر جا لبرشلونه بنفسه وصور روسيل في منظر خالع بعدين اخذ اللاعب .. هنا تحس بشعور .. انه وش تقول لهالناس ؟ .. مافيه اي ردة فعل مناسبة لردودهم

لأنه المسألة مو في اللاعب .. بس لما يقول لك ترى فينغر سرق اللاعب وبعدين بتجو تطرو مننا !

هنا تحسسك هالناس انه عندها انفصام في الشخصيه ولا هي عارفه ترسي على بر .. هم يركز ع الاخلاق .. لو على القيم .. لو ع الكورة .. لو لو .. المهم يبغوا يطلعو بصورة احنا اكلناكم

إقتباس Arsenal was also hoping to sign 16-year-old Sergi Samper from Barcelona before Toral, but the player decided to remain with the Spanish champions.

\\ قطر تطلب رسمياً شراء ستاد كامب نو من برشلونة \\ ‏




عاد زودتها ومصختها قطر .. جوارديولا والحين ملعب الكامب نو
الله يستر بعد اسبوع لا يجنسون ميسي ,,, آعتقد مستحيل تحويله او بيعه
وآتمنى من روسيل ان لا يوافق ولا يقربون الكامب نوو ,, قطر مصختها
بواجد ,,

قفله //

آغلب توآقيع الاعضاء طالعه صوره غريبه على شكل ضفدع اصفر
في زجاجه مدري هي طالعه عندكم ولا عندي بس .. خخخ

إقتباس الرسالة الأصلية كتبت بواسطة S U L A I M A N طيب .. أوكي يا اخوان .. حنا حبايب واخوان وكل شي .. لكن توصل انكم تجيبون طاري الصلبي أوليقير لا هنا نوقف ونقبلها مذبحه ياشيخ .. والله بقلب عليكم ترا عبدالله .. كرسي جميل جدا واستمتعت فيه بطبيعة الحال .. الكرسي الماضي قلت انك بتملك وهذا قلت انك بتتزوج والجاي ان شاء الله بتقول انك تنتظر المولود ان شاء الله بس لو يرجع بك الماضي كان ماذكرت اسم ألقوير صح ؟ قل صح عموما مباراة مايوركا بتحصل غيابات تنسييييم لا وبيكيه جايب العيد له فتره وشاكيرا عافستن جوه أنواع الرضع بالليل ولاهنا نوم ولاهم يحزنون .. لكن الشباب بإذن الله فيهم الخير والبركة .. أبيدال أتوقع بيبدع آخر ابداع ان شاء الله لكن اتمنى يكون يوم ميسي واتمنى فيا يهدْف .. قوارديولا ما أتوقع انه راح يسوي تغيير كبير بالتشكيلة لكن المحاور هم اللي راح يكون عليها تغيير كبير .. على الأقل راح يأمن المحاور.

اهلا هلابك يا بعد كل من لي .. بصراحه ما اسمح لك تغلط على اوليقير ولازم تكتب اسمه صح لانك لما تقول القوير تتعمد تشويه سمعة اللاعب الكبير اداءا وعطاءا لفانيلة برشلونه واللي كان المخلص الوحيد لكتلونيا لما رفض يلعب لمنتخب اسبانيا حتى لو انهم ما فكروا يستدعونه

هذيك الفتره كانت تساعد الانجازات اللي يحققها فريق ريكارد وخصوصا كنا مستمتعين بـ سحر رونالدينهو وروعة اداء ديكو وقوة ايتو التهديفيه وكذلك لمسات تشابي مع رزانة الدفاع بقيادة بويول وماركيز فـ امثال اوليقير استفادوا كـ رصيد انجازات مع المستفيدين حتى لو كان الحلقه الاضعف ولا ننسى ان الفريق كان يضم برونكهورست اللي حتى في البلايستيشن كنت اطلعه واحط سيلفينهو مكانه

الكرسي تشرف بمرورك يا بعدهم .. وانا بعد تشرفت فيك

اما بيكيه وسالفة شاكيرا .. اتوقع راح تأثر على مسيرته الكرويه .. واللي من اولها كانت ناجحه بـ كل المقاييس خصوصا وهو يحقق الدوري الانجليزي مع دوري الابطال وبعدها بسنه يحقق الابطال وخمس بطولات اخرى وهو سجل لم يحصل عليه الا قلة من لاعبي كرة القدم في التاريخ

حسين

الثغره لا بد لـ برشلونه من عمل شي بـ خصوصها لمنع رحيل النجوم الصغار وتقريبا نفس اللي عملوه مع ميسي حينما منعوا خروجه وهو الذي كان ايضا قاب قوسين او ادنى من الخروج من برشلونه بسبب عدم وجود عقود رسميه لاستمراره مع الفريق وكثرة المراقبين لحالة اللاعب وهذا حسب ما قرأته في الحلقات الماضيه من كتاب ميسي

إقتباس لأنه المسألة مو في اللاعب .. بس لما يقول لك ترى فينغر سرق اللاعب وبعدين بتجو تطرو مننا ! هنا تحسسك هالناس انه عندها انفصام في الشخصيه ولا هي عارفه ترسي على بر .. هم يركز ع الاخلاق .. لو على القيم .. لو ع الكورة .. لو لو .. المهم يبغوا يطلعو بصورة احنا اكلناكم

اما بالنسبه للي اشرت لهم فـ مثل ما تفضلت طال عمرك .. نوع من الغباء المستشري في خلايا المخ وسببه ليس مرض عضوي ولا حتى جينات وراثيه نقلتها ولكن السبب هو اخر كلامك يعني حنا ضحكنا عليكم او غلبناكم فـ عشان كذا تلاقيه يناقضون انفسهم بـ اسلوب مزري يجعلك تضحك ثم تكتب حرفين لاذعه وفي الاخير يطلع لك واحد يقول ليش شايفين انفسكم

إقتباس عبدالله عبدالرحمن حقيقة أستمتعت بالإجابات على الأسئلة .. وانصح بأكثر الأعضاء بقرأتها لأنها ستفيدك كثير في حياتك المستقبلية

منصب يستاهلك .. وان شاء الله تبدع فيه مع يوسف ونشوف ثمرة عملكم في المرحلة القادمة وشرفتني باسئلتك ومتابعتك ..

بالنسبة للغلافات والكاريكاتيرات اتمنى تنزل بس في الرابطه وسجلوا تحتوها للترجمه او حتى الاخبار بالنسبة للي ما يكون عنده وقت عشان اقرب واحد يترجم وينزله والاهم هو تنزيله حسب التنسيق المطلوب

إقتباس استمتعنا بالاجابات الصريحه والوافيه بصراحه منك ياعبدالله .. والله يجعل كل ايامك الجايه سعاده ونجاح وطاعه باذن الله .. واحب اشكرك شخصيا على توهجك وتواجدك الدائم بالرابطة بكل شي تقدر عليه ..

بالعكس انا ما سويت شي .. وتشرفت باسئلتك وحضورك والله يجزاك خير على الدعوه الطيبه والله لا يحرمك اجرها ولا الاخوان جميعا هنا

إقتباس عبدالله .. كرسي جميل جدا واستمتعت فيه بطبيعة الحال .. الكرسي الماضي قلت انك بتملك وهذا قلت انك بتتزوج والجاي ان شاء الله بتقول انك تنتظر المولود ان شاء الله

سليمان تلمح لـ شي معين يوم تقول كذا تصدق خطوة الزواج كانت في حكم المجهول الا في لحظة اخيره صارت واقع لابد منه بس تعال انت ما تجرأت وسويت مثلي .. اخاف انك متزوج ومستحي تقول