|| رابطة عشاق برشلونة ][ 2010-2011 || ابطـال اسبـانيا واوروبـا || - صفحة رقم 52 - نادي الهلال السعودي - شبكة الزعيم

P.Guardiola · #766 15/08/2010, 12:32 AM

والله مع الظروف اعتقد ممتازة 3-1 ..

والنتيجة راح يتحملها بيب على الإستدعاء اللي مثل وجهه ..
الحين فيا مالعب ضد المكسيك ولا تدخله ..

لكن بإذن واحد أحد متفائل خير بالكامب نو .. ومع عودة الأبطال ..
وراح نقلب عليهم الطاولة ..

PUYOL Carles · #767 15/08/2010, 12:32 AM

هي مو ناخذها على اننا خسرنا من اشبيليه ..

اصلا اشبيليه اذا مافاز اليوم متى بيفوز ؟

اصلا عيب عليهم مايفوزو

هارد لك

---

انس ..

في ذمتك ؟ ياخذ لعيبة كاس العالم ؟

اصلا من العبط انهم لعبوا مع اسبانيا .. فكيف يلعبو مع برشلونه

اللعيبه مامروا على اي تدريب يسبق الموسم والمباريات .. واشراكهم بالوقت الحالي مخاطرة بوضع اصاباتهم

---

مباراة اليوم .. ماشفت الشوط الأول ..

بس الشوط الثاني نتيجته منطقيه .. بغض النظر عن اي شي .. خبرة لعيبة اشبيليه تفرق .. فريق سبق برشلونه بفترة من ناحية فترة الاعداد للموسم ..

من اول ماشفت كانوتيه قلت راحت

.. صعبه على سيرجيو قوميز يتابع فابيانو لحاله .. شحال هالطويله

رب ضارة نافعه .. يمكن اللحين تتغير اشياء في راس بيب .. لأني صراحه انا ماادري وش في راسه علشان اقدر اقول خلاص هالشي راح يصير وهالشي ماراح يصير

..

الله كريم .. والاياب ان شاء الله نضبطها

"أجمل الذكريات" · #768 15/08/2010, 12:43 AM

هاردلك يا شباب
ان شاء الله نحسمها في الكامب نو بعودة الأبطال

محب الذئب9 · #769 15/08/2010, 12:53 AM

إقتباس

الرسالة الأصلية كتبت بواسطة PUYOL Carles


	انس .. في ذمتك ؟ ياخذ لعيبة كاس العالم ؟ اصلا من العبط انهم لعبوا مع اسبانيا .. فكيف يلعبو مع برشلونه اللعيبه مامروا على اي تدريب يسبق الموسم والمباريات .. واشراكهم بالوقت الحالي مخاطرة بوضع اصاباتهم

حبيبي حسين

.. اللاعبين راحو مع المنتخب ولعبو .. صح انهم مرهقين
وكذا مع ظروف السفر .. بس هذا سوبر عادي يضغطون انفسهم شويات
ويريحون بعدها الى بداية الدوري حتى كاس غامبر يلعب بيب بتشكيلتة هذى
في لاعبين لعبو مع اسبانيا تقدر تلعبهم لو شوط واحد ..

بعدين شسمة فالديز كان يقدر يخلية اساسي دام بينتو اصيب .. مع ان حارسنا
الى اليوم يقولون انه بطل بس وجود فالديز يعطي حافز لخط الدفاع

في الريال اكس لعب كاسياس والونسو وراموس .. هذا ومباراتهم
امس مو اليوم ومباراتهم ودية واحنا سوبر ..

يعني عادي يقدرون يلعبون ما عليهم خلاف ..

ان شاء الله معوضة ع الكامب نو ..

abu_malek88 · #770 15/08/2010, 12:55 AM

أحس إنكم تستأنسون إذا انهزمتوا !!

تحسون إنكم زي الروابط الثانية نقاشات وذب عالمدرب و على الحارس و أنت ماشي

..
مهب بس تفوزون وتصير الرابطة نووووم بس تباركون

لبعض وتمشون ..

رد سلبي بس إجازة >> طيب رح شف لك شغلة بلا عطالة

V.valdés · #771 15/08/2010, 12:58 AM

هارد لكم

صراحه نتيجه عاديه كنت متوقع انهم بيفوزون.. تقريبا البرسا ولا واحد اساسي الا 3 يمكن ابرا الفيس بويان بس

لكن ان شاء الله في الاياب نعوضها ونقدر ان شاء الله بالكاامب نو

الاياب راح يكون كلام ثاني

كل الاساسيين ان شاء الله..

شباب بيب ماينلام وربي لو لعب بالاساسيين وجت واحد اصابه قسم ان نعض اصابع الندم..

الوعد بالاياب ان شاء الله

Q.N.S · #772 15/08/2010, 01:05 AM

رغم اني ماشفت المباراه

لاكن قريتها من ردودكم

3-1 حلوه الهدف هذا راح يفيدنا بالكامب نو

وكمان لاتنسون ان العيال كلهم بيلعبون مافي مبزرة قوارديولا

اتمنى يلعب بالتشكيله الاساسيه الي هي

فالديز

بيول بيكيه دانيال ابيدال

شافي

اينيستا ادريانو

ابرا

فيا

ميسي

لو بيلعب بهالتشكيله بتصل الخمسه بالدقايق الـ60

وبعدين يدخل البزارين يطقطون شوي

على العموم هارد لكم

هلآلي مخربهآ · #773 15/08/2010, 01:09 AM

هارد لكم الخسآره يازعلانين ,, خخخخخ

عآدي جداً , وربي مافرقت معي هالبطوله ابداً , وبعدين ظروف الدوري الأسباني هالسنه أحسها مستقصده البرشآإ بكل السٌبـل , مباريات قوية وضغط غير طبيعي , وفوق هذا يستدعون لعيبه البرشا لمباراة أقل مايُقال عنها عاديه ,,

هاردكم والعوض بأذن الله بالكامب نو معقل البرشآإ

PUYOL Carles · #774 15/08/2010, 01:27 AM

اناناس

مبدئيا .. فريقنا يعتبر هالصيفيه ماسوى اعداد قبل الموسم .. لعيبه كثار منه كانوا في المربع الذهبي .. هالشي اخّر لعيبه .. والا في النهائي متاخرين خالص .. اعداد ماقبل الموسم هذا كان تقييم للبزارين .. الا حتى البزارين كانوا ناقصين

.. ماكان متوفر لبيب كل البزارين سواء الحين او في الجوله الاسيويه

اسبانيا لعبت مباراة المكسيك .. لكن مستواها ترى داج .. وكان برضو حتى المكسيك فيه نقص

تقول لي الريال .. امس لعب الريال بكم لاعب من لعيبة كاس العالم .. انا ماشفتها كامله .. لكن وش الدقايق الا لعبوها ؟ .. وكم عدد التبديلات الممكنه في المباراه ؟ ..

مباراة السوبر رسمية .. تدخل بتشكيله بتحط في بالك مابتغير الا ثلاثه .. اي شئ يصير لا سمح الله .. مو بس راح يأثر على هالمباراه .. راح يأثر على بداية الموسم كله .. الدوري قريب يبدأ !

بيب يبغا هالمباراه للتجريب والتقييم الفاصل ..

افهم انها بطولة .. بس اذا هالمباراه ممكن يستفيد منها بيب في شئ حول الميركاتو .. انا افضل انه يشرك اي لاعب من الصغار .. لأنها في النهايه مو بطولة خلاص غير شكل .. سوبر اسباني .. بطولة ماتفرق كثير اياي .. جت بفرح .. ماجت ماتعتبر تقييم لشي .. لأنه عادة الأندية في هالمرحله (يعني بعدهم مالعبوا مباريات رسميه وبعدهم مااخذوا فترة لعب مستمرة) ما تقدر تلعب بكل طاقتها .. عادة الفرق (حتى وهي منسجمه ونفس التشكيله والمدرب وو) ماتدخل في فورمتها الا بعد 3 - 5 اسابيع من بداية الدوري .. شحال هالمباراه ؟!

اشبيليه بدأ استعداداته من فترة قبل برشلونه .. وعنده اظن مباريات تصفيات التشامبيونز ليغ .. يعني الفريق مهتم يضبط روحه بشكل اقوى من برشلونه بهالفتره لأنه طموحاته انه يوصل للتشامبيونز .. فمابالك وهو يلعب مع فريق كأنه علبة شوكولاته .. شئ صغير وشئ كبير ولون يفرق عن لون ووو

..

والله بالعكس .. ابغا الحين تطلع الأشياء السلبيه .. ابغا بيب يستوعب بشكل نهائي انه ابيدال افضل شئ له ظهير يسار .. وسيرجيو غوميز يحتاج تمرس اكثر على هالمستوى العالي من اللعب ..

فايدة هالمباراه .. وممكن الا بعدها .. ممكن تكون افضل من بطولة ماتعتبر هدف رئيسي لنا

النتيجه الطبيعيه .. وبدون اخطاء بعد .. فوز اشبيليه لفارق النوعيه

.. لو فزنا احنا .. فالشي يعتبر غير جيد بحق الدوري الاسباني تماما

===

تغييرات بيب احيانا ماافهمها .. لكن دائما تطلع بعدها اخبار اصابات :S .. اتمنى ابرا مومصاب

أحــب الـشـلـ 10ـهـوب · #775 15/08/2010, 01:36 AM

بيب يحط عنده علامات استفهام .!!؟؟؟؟؟

تغير ابرا وخروج كان مفصل المباراة

نعوضها ان شاء الله بعودة ابطال العالم ان شاء الله السبت الجاي

policehilaly · #776 15/08/2010, 01:39 AM

حراااااام 3/1 ليش حرام مالعب فيا ؟؟؟؟؟؟؟؟؟

فيا مالعب المكسيك ليش مايلعب ؟؟؟؟؟؟؟؟؟؟؟؟؟؟؟؟؟؟؟؟؟

اهم شي نتجهز للاياب

شكرا

......................................................

L.messi.10 · #777 15/08/2010, 01:46 AM

هاردلكم ع الخسارهـ ,,

خروج آبرا قرار خاطئ من بيب جوارديولا , رغم اني لم آشاهد
المباراه بوضوح والشاشه صغيره الا ان اشوف ان ابرا هو اللي
محرك الهجوم , المفروض اللي يطلع بوجان مو ابرا , لكن ان
شاء الله نعوضها في الاياب , وهالحارس الصغير لا تلومونه
الدفاع الشوط الاول كويس لكن الشوط الثاني ماش , وع فكره
فرق هدفيين فقط يعني ان شاء الله بالكامب نو والتشكيله الاساسيه
4 - 0

, بالتوفيق للبرشا

Ronldinho - 10 · #778 15/08/2010, 02:12 AM

يا الله حصل خير

الحمدُ لله على كل شيء صار

وهاردلك الهزيمة .. ويارب آخر هزيمة .. ونعوضها بإذن الله

رغم إني ما شفت المباراة ! إلا أني أجزم أن بيب غوارديلا سبب الخسارة

أجل مطلع إبرا .. ومطلع مليتو ومدخل أدريانو !! .. بصراحة ما أدري هل هي تغييرات إصابة أو إضطرارية !

المهم أنا بيب من الموسم الماضي مو عاجبني .. وعليه 60 ألف علامة إستفهام .. وأنس تذكر وش كنت أقول لك عن بيب ؟؟

لازم يا بيب أنت ويا قرعتك اللي تلمع .. تشوف لك محور .. تراك ضيعت يحيى توريه

حرام عليك يا بيب فريق بينافس على 3 بطولات .. وما عندك إلا 3 دفاع أساسيين !

وما عندك إلا محور واحد بوسكتويه .. ومع ذلك فيه قمة من الغباء الزائد هذا اللاعب

الميركاتو قرب يخلص .. والإدارة الكريمة تنظر قرار من بيب عشان يوافق على اللاعبين .. وتجيبهم الإدارة .. يوم يصرح أنه ما يبي أوزيل .. ويوم يصرح أنه مو في حاجة لـ ماسكيرانو !!

المهم جيبوا لنا محوووووووووووررررر يا عالم

طبعاً غياب الأساسيين شيء مؤثر للفريق .. ولكن إنك تكون متقدم 1 صفر .. وتنتهي المباراة 3-1 فهذي قمة الغباء أولاً .. ثم تراخي اللاعبين ثانياً .. وذكرتني بمباراة الإنتر

الله يستر يا بيب .. يقولون لا طاح الجمل .. كثرت سكاكينه .. تراك تعبتني يا بيب .. أفتكينا من غباء ريكارد تجي أنت !!

مرة تنسى التغييرات وما تغير إلا بالوقت الضائع ! مع أنك تكون مهزوم أو بحاجة للفوز ! ومرة تغير تغييرات مالها سنع ! بيب لازم تقعد مع نفسك شوي وتسوي لـ مخك إعادة تهيئة

وكمان أن متحمس أبي أشوف المطش وفي الأخير يقولون الجزيرة ما راح تنقله !! أفا يا جزيرة .. يا ما تنقلين المباريات تبعنا أو تحطين يوسف سيف يعلق على برشلونة وععععع

لكن نقول الله يعين في القادم

وهذي خيره من الله

أعذروني على ما كتبت في الأعلى .. بس أتمنى يتصلح كل شيء في البرسا

لكم

ṂᾳḡṛọỌọ7 · #779 15/08/2010, 02:18 AM

َ

الحمد لله على كل شي ، خساره كانت متوقعه لكن 3-1 وبالنقص اللي عندنا بالعكس زيين ..
صراحه بيب مدري وش يفكر فيه اليوم ؟ يعني الحين يطلع ابرا .. اللي كان محرك المباراة ؟!
طيب نافاس لاعب مباراة المكسيك ولعب اليوم ؟ طيب يعني ليه اقل شي ليه ماياخذ تشافي والا فيا ؟!
والله ماندري عنه ، لكن يمكن نقول انه مخطط عليهم بالاياب وان شاء الله بالنجوم في الاياب مابوه خوف

..
بس صراحه اليوم الاداء مميز من جميع النواحي من الحراسه الى الهجوم .. والحكم للاسف

!
يالله نعوضها بـ 3 في الاياب كـ اقل شي .. وعاد اشبيليه في الكامب نو ، يخاف منه بقوه

والبطوله لن تغااااادرر الكامب نو ، باذن الله .. ويارب توفيييييييييقك

..

P.Guardiola · #780 15/08/2010, 02:19 AM

لاماسيا المتعة ,, لاماسيا الأصل ,,!

شرفونا

..