شباب اوزيل لمسات ممتازه بس تعال في الاحتكاك سالب صفر

يعنى وش يسوي قدام القوة البدنيه امام اي لاعب في الليقا او دوري الابطال

اتوقع شفتوه في كاس على ادنى احتكاك يتعثر

إقتباس الرسالة الأصلية كتبت بواسطة ṂᾳḡṛọỌọ7 َ مانشستر يونايتد يخسر سباق ضم مسعود اوزيل والبارسا هو الفائز مبرووووووووووووووووك ! http://www.thesun.co.uk/sol/homepage...esut-Ozil.html http://www.telegraph.co.uk/sport/foo...esut-Ozil.html

كيف يعني ~
أوزيل برشلوني مثلآ
ولآ إشآعه كـ العآده ~

إقتباس الرسالة الأصلية كتبت بواسطة ṂᾳḡṛọỌọ7 َ صراحه شدني خبر تعاقد البرسا مع اوزيل اصبح قريب ؟ طيب وش الفايده منه انا اشوف ان خلاص ماعاد نبي اوزيل اولاً لـ ضعف الجسم و ماله مكان !! يعني حرام نظلم لاعب موهوب مثله ونخليه على الدكه وان شاء الله مايجي .. نفكر في المحور احسن لنا ، ومن الممكن ناخذ واحد قلب دفاع او مونييسا يلعب مع الفريق الاول .. ويكون خلاص كذا تمام الفريق ، جبنا محور وصعدنا من الشباب قلب دفاع ممتاز ياسلام

الاتفاق مع اوزيل تم بشكل شفهي .. والى الان الاداره تنتظر موافقة بيب

قوراديولا يقول انه يفضل منح الفرصه لنجوم اللامسيا على جلب لاعب

اللامسيا .... اللامسيا .... اللامسيا

ترا ازعجونا فيها .. البرسا فريق ينافس على الالقاب .. ومكانه الاول

وهذا الشي يحتاج لاعبين جاهزين .. ويعطونك وقت الحاجه .. موب فريق انتاج مواهب .. وبيع لاعبين.

انه ما اقول نغفل جانب مدرسة النادي .. بس موب تكون كل شي .. ولا تكون الامداد الوحيد للنادي.

بصراحه .. لا جونثان و لا تياقو ولا فونتاس ولا غيرهم من اللي شاركو في الجوله الاسيويه .. اشوفهم يقدرون يعطونك في دوري الابطال لو احتجت لهم .. ولا حتى في الدوري الاسباني وقت الحاجه امام فرق كبيره .. مثل الريال وفلنسيا و اشبيليه.

فل نفرض يصاب تشافي والفريق محتاجه في مباراه مهمه .. تفضل اشراك جونثان او اوزيل ؟؟

فيه فرق كبيره بين ان يكون احتياط الفريق جايين من دوري الدرجه الثالثه .. او يكون جايين من كاس العالم.

بيب .. لو سمحت انسى لي اللامسيا شوي .. وركز على وضع الفريق الحالي.

انا اشوف مدرسة النادي تخرج لاعب كل خمس او اربع سنوات يكون على مستوى عالي .. افضل من تخريج لاعبين او ثلاثه كل موسم مستواهم متوسط.

كلنا شفنا الفريق كيف كان يصبر على تصيعد اللاعبين .. ويطلع مواهب فذه .. تشافي وبويول .. بعدهم بفتره يمكن خمس مواسم خرج لنا انيستا وميسي .. وصبر ثلاث سنوات ثم خرج لنا بويان .. وبعد بيدرو و بوسكيتس.

----------------

اتمنى فعلا التعاقد مع اوزيل .. ولاعب في خط الارتكاز .. واذا فيه لاعب يستحق التصعيد .. هو مونياس .. عشانه يشبه بويول بس .. وله موسمين وهو بين الاول والرديف.

^^

هو ازعجونا فيها .. مومشكله وياك فيها .. بس فيه سبب لهالشي .. لأنه فيه بزارين تستاهل .. وفي النهاية لو انت بادي في شغله وطنشت نتائجها (اللي حاليا هي ايجابية) بتكون انت موعارف وش تسوي ..

مستوى المدرسة تختلف من وقت لوقت ومن سنه لسنة .. علشان كذا مودائما نطلع لاعبين لهم مستوى مميز .. جيل بويول وتشافي وصل الدرجة الثانيه .. وبعدها وصلو الفريق الأول .. موبمكرمة من احد كثر ماانهم يستاهلو .. ولكن برضو لو مافان خال اهتم بالشي ماشفناهم .. حتى جيل فابري وبيكي ماقدر يعمل الا عملوه جيل بويول وتشافي .. لانه وضع النادي اثر عليهم وادارة النادي ماوفرت عمل صحيح للفئات السنية ..

الحين بعد كم سنة ؟ .. الفريق الرديف وصل الدرجة الثانية من جديد ! .. فرق 11 سنة اظن عن اخر صعود .. رايك مايستحقو اهتمام هاللاعبين ؟

ممكن الفلسفة نفس الشي .. بس الحين النوعية اكبر .. لانه الاهتمام بهم زاد .. وصار النادي يهتم بجلب المواهب من كل محل .. شيل عنك مدرسة البارسا عن حساب الا في الرياض مادري وين .. بس بشكل عام .. اذا النادي حاط في باله من زمان يشتغل على الكانتيرا ويضبطها .. ولاعبين الكانتيرا بالفعل كانوا طيبين .. بيكون من الاجحاف بحقهم تعطي مكانهم لاحد ثاني .. وفي نفس الوقت بيكون سوء تخطيط اداري .. لأنه فيه فلوس تندفع على هالصغار .. من ناحية تعليم ومسكن واحيانا تضبيط وتسنيع امور الأهالي

ماودي انزل من موهبة اوزيل .. بس فيه فرق بين لما تلعب في بريمن وتلقى الفرصه فيه .. عن لما تكون في فريق الرديف للبارسا ويكون ماخد مكانك انييستا وتشافي .. اللعيبة الصغار الا اذا بنتكلم عن موهبة .. فهم يمتلكوها بمختلف الامكانيات والنوعية .. البعض ممرر للكرات بشكل ممتاز والبعض انيق ومهاري (تياغو وجوناثان) .. لكن متى بيوصول للنضج ؟ لما يحتكو بالفرق الأول ويلعبو مباريات .. اذا ماعطيناهم فرصة لا بيلعبو ولا شي ولا بنستفيد منهم .. اوزيل انضج منهم لانه انعطى الفرصة قبل وفي فريق كانت له مساحه وحريه فيه .. ولكن من ناحية العمر نفس الشي .. تياغو 19 - جونا 20 - اوزيل 21 .. مااعتقد انه وصل لدرجة الدكتوراه اوزيل بفرق هالسنة او السنتين

بوسيكتس وش النضج الا يمتلكه يعني ؟ .. مازال يتعلم .. بيدرو ؟ مازال يتعلم .. بس الموهبه تفرض نفسها .. فيه نسبة اخطاء ايه .. لكن اذا ماتم اعطاءهم الفرصه بيجي فيرق وبيضبط اموره بهم في النهايه

لكن .. الشي الا ممكن يضيفه اوزيل .. هو امكانية لعبه على الاطراف والاجاده في اللعب للخارج والداخل لما يراوغ على الاجنحه ..

---

معاك يمشعل في سالفة فابري .. وانا كنت معارض لقدومه .. بس في نفس الوقت ..

الاخبار الا تنقال غريبه .. يعني وش كل الاخبار متفقين على انه بيب ينتظر منه الموافقة

يعني ايش ؟ .. مومفهومة بالنسبة ليي .. او مومقتنع بها .. مثلا ! روزيل يبغا يعوض فشله في صفقة فابري ويجيب اوزيل ويحطه فوق راس بيب غصب ؟

كلنا ندري انه الرؤساء ترتفع اسهمهم بالصفقات قبل اي شي ثاني .. وروسيل للحين في موقف محرج ..

اذا كان يبغا يكسب ود الجماهير باوزيل مومشكله .. بس اذا كان بيب مومقتنع في احد جديد من الناحية الهجوميه .. لا يغصبه .. لأنه بعدين بينحط في موقف شبيه بالمواقف السابقه .. حقت تشيغري وهليب وكاسيريس .. وراح يتم التشكيك فيه حولهم

اذا كان فيه شئ المفروض الادارة تبغا ترضي به الجماهير .. فـ المفروض شراء لاعب محور يفيد الفريق ويفيد بوسكيتس .. واوزيل او فابري المفروض مايعتبرو اولوية ..

اذا جا اوزيل مومشكلة .. على الاقل سعره رخيص .. وبالنسبة ليي وجوده افضل بمراحل من وجود سيسك لاسباب نفسية فقط .. بس في النهايه فرص نجاحه مو لازم تكون كبيرة .. اولا الماني .. كم الماني طلع من البوندز ليغا ونجح ؟ .. ثانيا فكرة انه صانع لعب منتخب المانيا وبهالعمر .. مولازم تفيده في برشلونه .. كل شي مختلف .. وجربناها في لاعبين كثار صراحه .. ثالثا عارفين انه بيب عنده من تفكير افلاطون شوي خخخخ .. انا اتوقعه يسال اي لاعب يجي الفريق .. يافلان .. نعم .. تحبني والا تحب الدراهم ؟ .. ويعتمد على الاجابة .. اذا سقط في الاختبار راحت عليه ونظف كراسي الاحتياط

حسون

ابد ماخرجت عن فلك تفكيري بعيد .. الفرق انت تنظر الى مدى بعيد .. بس انا ابي البعيد والقريب سوا .. يعني جلب اوزيل راح يضمن يكون عندك لاعب تعتمد عليه في الاحتياط الموسم هذا.

تياقو و جونثان .. مستقبل البرسا بشكل كبير .. بس بدري يطلع الحين وتحطه تحت ضغط ممكن مايتحمله .. مثل اللي صار مع جيوفاني ( على طول خليفة رونالدينهو من المدرب والجماهير ).

تياقو وجونثان .. في الدرجة الثانيه واشراكهم في بعض مباريات الكأس والدوري .. ينضج بشكل تدريجي .. وتجنبه الضغط الكبير .. وتقتدر تعمد عليه الموسم المقبل او اللي بعد .. راح تكون فرصه اكثر.

الجانب الهجومي الفريق يحتاجه او لا ؟؟ .. بالعكس انت لو تشوف الاحتياط .. ماراح تحصل اي بديل قادر على مجاراة الاساسيين من الناحيه الفنيه .. اكيد محتاج لاعب من هالنوعيه في الاحتياط .. ويعطيك اكثر حلول في التغيير.

حالياً اهم نقطه هي المحور .. الظاهر بيب يركز على بعض الاسماء .. اذا تجي اوكي .. اذا ماراح تجي بلاش من غيرها .. والشي هذا مع مسكيرانو العام والسنه هذي .. متى ماكان متاح نبيه .. واذا موب متاح مانبي غيره .. الحين اسمه ماسكيرانو .. طلع على السطح .. بعد ماتخلى الانتر عن فكرة التعاقد معه .. اتوقع بيب بيرجع يطالب فيه في مركز المحور.


ارجع اشدد على هذي النقطه .. الفريق طلع منه ثلاث لاعبين كان يعتمد عليهم بشكل كبير .. وللحين مافكر يسد الفراغ اللي تركوه .. عشان كذا انا مستعجل على جلب بدائل جاهزه .. وترك الاعداد تصعيد اللاعبين لوقت تكون مستقر فيه اكثر.