|| رابطة عشاق برشلونة ][ 2010-2011 || ابطـال اسبـانيا واوروبـا || - صفحة رقم 163 - نادي الهلال السعودي - شبكة الزعيم

Abu_Saad · #2431 20/09/2010, 05:49 PM

والله شنيعه ياشباب

الي يشوف هالصوره يكاد يجزم أنها كسر لكن طلعت خفيفة ولله الحمد ..
يرجع بالسلامه وبإذن الله ماتتطول مدة إصابته ويعود في أقرب فرصة فلاعب بحجم ميسي يعتبر نقص كبير لأي فريق يلعب له

مدة الإصابة كما تأكد لنا من الموقع الرسمي مثل ماتفضل بو سلطان إنها 15 يوم وغيابه عن مباراتين في الدوري بإذن الله لن تشكل صعوبة في الحصول على نقاطها .. الأهم تجهيزه تدريجياً وبشكل سليم حتى يعود ويشارك مع الفريق في التشامبيونز

3yes Zamani · #2432 20/09/2010, 06:03 PM

]ياناس خلو اللعب يرتاح شوي خلو ع العلاج الطبيعي لين ينتهي الدور الاول من باب الاطمئنان

> بينجلد من البرشاويه

بس صورة الاصابه تقول انه بيغيب كم شهر موب كم اسبووع بسبع ارواح

مشاء الله
صراح بما اني مدريدي احس البرشا السنه ذي موب زي السنه اللي راحت يعني السنه ذي اشوف كانه سهل التغلب عليه

Newton · #2433 20/09/2010, 06:10 PM

لاشكر على واجب ياعييييآل .

كلها كم تصميم لمسموسه

صراحة تأثرت له وخاصة يوم يوم جلس ينطط وهو طائح

لـــــــــــــــــــــــــــــكن حال الكوووره تسذا ..~

قد شفنا خيير حنا يالارسناليين .~

كل يووم لاعب ينصاب برباط صليبي .~

حسسيت أنه حكر علينا الاصابة بالرباط الصلييبي.

ششششششششششطحه : لون التشيرت بتاعكم مادري وش يبغى في الحيآة .~
حاولوا تغييرونه

..][ مودة لكم بحجم اصابة مسموس

][..

B a R c A ™ · #2434 20/09/2010, 06:17 PM

ملآحظه بسيطه على أدآء الفريق في جميع المبآريآت !

كثرة الأهدآف والخلل اللي حآصل في المنآطق الدفآعيه , الموسم المآضي كآنت هالمشكله موجوده لكن مو بهالطريقه !
الفريق يسجل فيه بسهوله , برشلونه فريق هجومي وكل شي بس يكون فيه إنظبآط على الأقل , بيكي مدآفع هداف !
بس يتقدم كثير الله يهديه , ألفيس ظهير هجومي خطير بس أشوفه يتقدم أكثر من اللآزم !
بيب خطته في المبآرآة مو 4 - 3 - 3

تغيير مرآكز , إيجآبي و سلبي بنفس الوقت , يعني لو تلآحظ يكون 3 لآعبين دفآع !
اللي هم بويول وبوسكيتس وبيكي !
ألفيس ومآكسويل قدآم كأنهم أجنحه متأخرين ! صحيح فآيده كبيره بس هذي لمآ تلعب ضد فريق صغير ومستحيل يهجم !
أمس نلعب ضد الأتليتكو , يعني أي مرتده رآح تكون خطيره وأخطر من المتوقع
لو تلآحظ مآ فيه عمق دفآعي ! هدف غوفو في الأبطآل , طيب رآجعين من هجمه أوكي بس غطي منطقتك !!
هدف الهرقليين الثآني , !
أهدآف اللي يشوفهآ يقول كأن مآ فيه دفآع !
يآ ليت بيب يركز على هالنقطه , لأن الفريق يتقدم كثير للأمآم وهذآ شي سلبي ضد الفرق الكبيره !
أي هجمه مرتده ممكن تقتل الفريق !
و و وبس

مآ أدري وش أقول بعد
بس شي جآء في بآلي وقلته

20القناص18 · #2435 20/09/2010, 06:24 PM

إقتباس

الرسالة الأصلية كتبت بواسطة Abu_Saad


	والله شنيعه ياشباب الي يشوف هالصوره يكاد يجزم أنها كسر لكن طلعت خفيفة ولله الحمد .. يرجع بالسلامه وبإذن الله ماتتطول مدة إصابته ويعود في أقرب فرصة فلاعب بحجم ميسي يعتبر نقص كبير لأي فريق يلعب له مدة الإصابة كما تأكد لنا من الموقع الرسمي مثل ماتفضل بو سلطان إنها 15 يوم وغيابه عن مباراتين في الدوري بإذن الله لن تشكل صعوبة في الحصول على نقاطها .. الأهم تجهيزه تدريجياً وبشكل سليم حتى يعود ويشارك مع الفريق في التشامبيونز

صدقت والله وأنــآ أخووكـ
.
الاصــآبة تشووفهــآ تقوول كسر لكت الحمدلله عدت على خيير
.
حمدلله على السلآلآمة يــآ ميسي

وإن شــآء الله آخر أصــآبة تجيكـ
.
وإن شــآء الله تررجع أحسن من أوول

F.C.Blaugrana · #2436 20/09/2010, 06:56 PM

الحمد لله .. دامها 15 يوم بس .. إن شاء الله سهالات

.. راحة ( إجباريّة ) لميسي
وشحن بطّارية له .. إضافة إلا إن الإصابة بتفتّح عيون بيب .. والإمّعي (( زوبي ))
للنّقص الكبييير الحاصل في كلّ خطوط الفريق ! .. أتمنّى ندخل في السّوق الشتوي
لأنّ العدد ما يأهّل للمنافسة ؛ من الأساس صعب إنّك تتخيل فريق كبير مثل البرسا
ما فيه بدلاء لـ تشافي / إنيستا / ميسي - أعمدة الفريق - بنصف مستوياتهم ! .

في الـ Barca TV جابوا ميسّي أمس متكّي على عكازات .. لكنّه يمشي على
رجوله .. اليوم جابوا تقرير ثاني عن إصابته .. ترك العكّازات

.. سلامات
يالمُعجزة .. أهم شيّ إنه ياخذ وقته .. فريقنا من دونه جابوا كآس العالم .. ما
علينا خوف من دونه ؛ خصوصاً مباريات دوري الأبطال .. التّأهل محسوم
فيها أمانةً .

--

همسة .. لجل عين تكرم مدينة

*تحياتي لأحلى زعيم* · #2437 20/09/2010, 07:22 PM

شكرا لكم يالرابطة على توضيح إصابة ميسي

وإن شاء الله نشوفه يلعب بعد المباراتين

Dr AbU NaWaF · #2438 20/09/2010, 08:17 PM

سلامونجي

كيف الاحوال ياشباب ... ان شاء الله بخير

حسيت فيكم امس وكأنكم كنتم محتاجين دكتور

بعد اصابة ميسي يعطيكم تشخيص
مبدائي للأصابة والا أنا غلطان " أطــلــع بـــرا "

الزبده الف مبرووك الفوز ... وهاردلكم اصابة ليونيل ميسي
يالله مو مشكلة جت سليمة هالمره ... والبرغوث بيريحهم اسبوعين وبيرجع زي
الحصان ماشاء الله عليه ... على الاقل خلو بعض الروابط تتغنى شوي الين تاكل على
راسها

عموما ماودي اتطرق بشكل كبير على الاصابة وعلى خشونة الاعب يوفالسي
فهو لاعب من خشته مبين عليه انه لاعب خشن لكن من بعد الصورتين الي شفتها
الاولى صورة أنتفاخ قدم ميسي + الصورة المقربه لتدخل بالكامل
بعد هالصورتين تجينا الاخبار ان الاعب راح يرجع بعد اسبوعين فما نقول غير
الحمد الله والشكر ... لان مثل هالتدخلات " القوية " مصير الاعب اما كسر في
المفصل ... او قطع في احد الاربطه في المفصل ايضا ... او في اسوء الاحوال ممكن
تسبب قطع في الرباط الصليبي في الركبه وهذا قد يحدث حتى لو لم يكن التدخل على
الركبة ... لان القطع في الرباط الصليبي الي في الركبه يجي بسبب التواء الركبة
اكثر من تعرضها للكدمات

حالت ميسي كان من الممكن ان تسبب في قطع في الرباط الصليبي لان واضح ان
القدم التوت ولكن الحمد الله كان الالتواء اكثر في الجزء السفلي من القدم " في جهة
المفصل " ولو كان التدخل اقوى من كذا " مع اني مااشوف اقوى من التدخل هذا "
كان من الممكن ان يسبب قطع في رباط الركبة

بعد هالكلام والمقدمه الطويلة ... مانقول غير " الحمد الله والشكر " وبأنتظارك يالبرغوث بعد اسبوعين

........

راح اتكلم عن الفريق وبشكل مختصر ... وبالذات عن نقطتين هي الأهم شايفها هالموسم

النقطة الاولى

وهي نقطة خاصة بالدفاع ... ماتلاحظون ان فريقنا يسجل في مرماه في اخر ثلاث مبارايات من اول هجمة

؟؟؟ شيء غريب جدا جدا ... وكأن دفاعنا مايصحى الا بعد مايسجل في مرماه هدف .... هالامر حدث ثلاث مرات ... مرتين منها رجع الفريق بها في المباراة ... ومباراة واحده خرج منها الفريق خاسر ... بيب عليه الانتباه من هالنقطة ... لان شيء اكيد مثل هالنقطة راح تستغلها الفرق الكبيرة والرجوع في المباراة احتمال يكون صعب بالذات لمن يكون اللعب ضد فريق متكتل دفاعيا ويملك اسماء قوية دفاعيا

النقطة الثانية

وهي نقطة خاصة بالهجوم ... وهي تضييع الفرص السهله ... وبكل امانه ماراح اتكلم واقول وينك ياابرا ... والا بتكلم على فيا ... لكن بكل امانه وصدق ومن دون زعل هالأمر لاحظناه وبشكل كبير عقب بيع صامويل ايتو ... هالاسمراني مايرحم قدام القول ابدا ... وللأسف لا ابرا قدر يسوي الي سواه ايتو ... وفيا لازال في بداية المشوار .. برضو نفس الكلام على بيب يجب عليه ان ينهي هالمشكلة تماما .. لان واضح ان اصابة ميسي كانت ضريبة تضييع الفرص الي حدثت في مباراة الامس ومثل ماصرح يوهان كرويف وقال " ان لو الفريق حسم المباارة بتسجيل الاهداف لماتعرض ميسي للأصابة " ... ايضا بالاضافة وكما هو معروف ان كرة القدم لاتعترف الا بتسجيل الاهداف لذالك وش فائدة احتفاظنا بالكرة بشكل كبير وامتلاكنا للملعب ويجي على اخر الدقائق يسجل الاتلتيكو هدف التعادل ... بالنهاية نقطة هنا ونقطة هناك ... لافادنا امتلاكنا للملعب واستحواذنا على الكرة لكن الي ضيعنا هو تضييع الفرص لا اكثر ولا اقل
الاتليتكو يملك حارس بارع ... لكن مو معقولة تضيع 3 انفرادات في المباراة والي انسب لها رعونه المهاجمين بنسبة 50% وابداع الحارس في النصف الاخر

هذي نقطتين الي ودي اتكلم عليها وهي مايعانيه فريقنا في هالفترة ... وصدقوني لو انحلت هالمشكلتين على يد بيب والجهاز التدريبي أضمن لكم الثلاثية بحول الله

وبالتوفيق للفريق وأسف على الاطاله

Dr AbU NaWaF · #2439 20/09/2010, 08:34 PM

كريكتير الموندو في الصميم هالمره

الطريقة الوحيدة للأيقاف ليونيل ميسي

MD

ابو نواف

Dr AbU NaWaF · #2440 20/09/2010, 08:41 PM

أكد أن فريقه قد يعاني في قادم المناسبات
كرويف " لو فعلها الفريق لما أصيب ميسي "

الرئيس الفخري لنادي الكتلوني السيد يوهان كرويف تحدث عن مباراة برشلونة

وبالذات عن اصابة ميسي حيث قال " لو فعل ميسي وفيا او حتى بيدرو الصواب

بتسجيلهم للأهداف وليس بتضييعهم للفرص لما كنا سوف نشاهد ميسي يخرج بالعكاز

مصاب "

كرويف اضاف ايضا " ذهاب الفريق الى الكالدريون هو للعودة بالثلاث نقاط خاصة

ان الفريق يعاني على ارض هذا الملعب .. ولكن تفاجأنا بأن لاعبنا اصيب "

كرويف اوضح ان الفوز في هذه المباراة اعطت دروس كثيرة للفريق ومن اهمها

" ان الفريق اذا لم يحسم الامور بشكل سريع في اي مباراة فأنه سوف يعاني من جميع

الجهات " يقصد المعاناه في النتيجة وفي الاصابات

واضاف كرويف ايضا " بيب يجب عليه ان يطبق مبدأ التناوب في اللعب لكي يجد

لاعبين جاهزين امامه وقت مايحتاجهم "

بقية الخبر كان يتكلم عن اجاكس امستردام

sport

ابو نواف

ملاحظة " راح يتم تعديل الرد على نظام الصحيفة بحول الله "

‎βαƦ¢α 4 ξνξƦ · #2441 20/09/2010, 08:44 PM

السلام عليكم ورحمة الله وبركاته ~

مبروك الفوز اللي ماله طعم

.. قعدت ساعتين عقبها طفشان لين جا خبر عنها .. كنت متوقع 4 شهور وفوق

..

المهم اللوم على الحكم لانه ما مسك موازين المباراة ووزع الكروت كلن واللي يستحقه .. لين ما طفشنا لاعبين الاتلتك فالته اعصابهم .. كان فيه طرد مستحق ببداية الشوط الثاني تقريبا .. لكن ناسي لمن

..

عموما المستوى كان تمام امس

.. واقدر اقول ان الاتلتك كان امس ينتظر هفوات من لاعبي البرشا بس عشان نشوف خطورته .. هذا دليل ان لاعبينا امس كانوا مفوكسين مررره

يعني مركزين

..
المشكلة الوحيده وهي زي اللي قاله حازم وهي ارجاع الكرات بشكل كبير على وراء ..

اخيرا مبروك لكم

واهم شي شفنا ميسي يمشي بدون عكاز اليوم على خبر عزوز ..
دليل انه بيتحسن باذن الله

..

قفله اخيره :
استغرب منكم امس انك تردون على كل واحده خاش يستفز الفريق
او احد اللاعبين وتردون عليه !!
معروفين الناس اللي كذا بلغ عليهم بالايقونه الحمراء وصلى الله وبارك ..
انا امس النت تعبان عندي والا كان بلغتكم .. لكن عموما انتوا
عارفين هالاشياء والمفروض مسوينها بدون كلامي ..
خاص ان اليوزرات نقدر نقول عنها مو معروفة بالشبكة ..
خلاصة الكلام .. اذا شفت احد من خارج الرابطة وعاقل ومحترم المشجعين وتبون تردون عليه عادي .. اما اللي يستفز بلغ عليهم وحسسه انه رده هذا مو
موجود وبس

.. يعني امس تصفحت الرابطة بعد المباراة مباشرة قبل لايخرب
النت كنت اشوف الرابطة حوسه وردود كثيره بوقت قصير ..
واليوم اشوفها ممتازه بعد ماتحررت بعض الردود وانحذف بعضها

..

يلا نشوفكم على خير

ميلانو كوستا · #2442 20/09/2010, 09:14 PM

|| calcio 4 || لاتسيو يستضيف الميلان في قمة الجولة واليوفي في مواجهة باليرمو في لقاء ساخن , وجنوى يلاقي الفيولا .. تقديم + متابعة ||

شرفونا بحضوركم ..

Chicharito.14 · #2443 20/09/2010, 10:18 PM

إقتباس

الرسالة الأصلية كتبت بواسطة M!SS WILHEMSSON


	وعليييكم السسلام ورحمة الله وبركاته ,’ الله يبارك بأيامك وعقبال الإحتفآظ باللقب وخطف التشامبيونز ليغ كفو والله يا ʙᴀᴅᴙ كفيت ووفيت والله انا الدقيقه ماعرفها بس هي بعد صافرة الحكم يوم ميسي على النقاله

آسف أخوي تأخرت عليك كثير
اللقطة كانت جاهزة اول ما طلبته
بس الابلود عندي مدري وش به =(
يمكن لان جودة المقطع عالية
تفضل وآسف على القصور =(
اللقطة قصيرة اعذرني =(
.:: هنا ::.

germany4ever13 · #2444 20/09/2010, 11:43 PM

إقتباس

الرسالة الأصلية كتبت بواسطة ǍЪŎỏŎỏŎđỸ


	ملآحظه بسيطه على أدآء الفريق في جميع المبآريآت ! كثرة الأهدآف والخلل اللي حآصل في المنآطق الدفآعيه , الموسم المآضي كآنت هالمشكله موجوده لكن مو بهالطريقه ! الفريق يسجل فيه بسهوله , برشلونه فريق هجومي وكل شي بس يكون فيه إنظبآط على الأقل , بيكي مدآفع هداف ! بس يتقدم كثير الله يهديه , ألفيس ظهير هجومي خطير بس أشوفه يتقدم أكثر من اللآزم ! بيب خطته في المبآرآة مو 4 - 3 - 3 تغيير مرآكز , إيجآبي و سلبي بنفس الوقت , يعني لو تلآحظ يكون 3 لآعبين دفآع ! اللي هم بويول وبوسكيتس وبيكي ! ألفيس ومآكسويل قدآم كأنهم أجنحه متأخرين ! صحيح فآيده كبيره بس هذي لمآ تلعب ضد فريق صغير ومستحيل يهجم ! أمس نلعب ضد الأتليتكو , يعني أي مرتده رآح تكون خطيره وأخطر من المتوقع لو تلآحظ مآ فيه عمق دفآعي ! هدف غوفو في الأبطآل , طيب رآجعين من هجمه أوكي بس غطي منطقتك !! هدف الهرقليين الثآني , ! أهدآف اللي يشوفهآ يقول كأن مآ فيه دفآع ! يآ ليت بيب يركز على هالنقطه , لأن الفريق يتقدم كثير للأمآم وهذآ شي سلبي ضد الفرق الكبيره ! أي هجمه مرتده ممكن تقتل الفريق ! و و وبس مآ أدري وش أقول بعد بس شي جآء في بآلي وقلته

هلا وغلا

كل الكلام الي ذكرته اتفق معاك فيه ميه بالميه

وردي عليه بكلمتين "يايا توريه"

بس أكثر من كده ما اقدر اشرح

إقتباس

الرسالة الأصلية كتبت بواسطة Dr AbU NaWaF


	كريكتير الموندو في الصميم هالمره الطريقة الوحيدة للأيقاف ليونيل ميسي MD ابو نواف

دكتورنا الغالي

والله وحشتنا جدا جدا جدا وعسى المانع خير

على العموم عودا حميد واسفرت و انورت

وما شاء الله جاي مسخن على طول...الله يعطيك الصحة والعافية

Very Toxic · #2445 20/09/2010, 11:50 PM

إقتباس

الرسالة الأصلية كتبت بواسطة Abu_Saad


	والله شنيعه ياشباب الي يشوف هالصوره يكاد يجزم أنها كسر لكن طلعت خفيفة ولله الحمد .. يرجع بالسلامه وبإذن الله ماتتطول مدة إصابته ويعود في أقرب فرصة فلاعب بحجم ميسي يعتبر نقص كبير لأي فريق يلعب له مدة الإصابة كما تأكد لنا من الموقع الرسمي مثل ماتفضل بو سلطان إنها 15 يوم وغيابه عن مباراتين في الدوري بإذن الله لن تشكل صعوبة في الحصول على نقاطها .. الأهم تجهيزه تدريجياً وبشكل سليم حتى يعود ويشارك مع الفريق في التشامبيونز

يآساتر .. والله اللي يشوفها يقول على طول .. كــسر .. !!
بس الحمد لله جت سليمه .. ومده غيآبه .. حسب قنآه الجزيره
10 آيام .. وان شاء الله .. يرجع آحسن من آول .. !!