شكراً " سـاهر " .. - صفحة رقم 2 - نادي الهلال السعودي - شبكة الزعيم

lawyer_9 · #16 29/07/2010, 07:47 PM

إقتباس

الرسالة الأصلية كتبت بواسطة marsal


	معليش لكن لست امعة كل من قال نظامي نجح صدقته ..!!! أجل ليه ما نصدق الخطوط السعودية و نصدق شركة الكهرباء مع ازمة الصيف وان السبب المواطن نفسه ..!!! ليه مانصدق وزارة الصحة التي تقول انها تعاقب المستشفيات المدمرة للحياة البشرية وما عمرنا شفنا مستشفى خاص مقفل ... وليه مانصدق سلطان الرياضة عندما يقول خطط مدروسة واخره نحن بأسفل القائمة يعني من جدك تبي مستشفى و لا دارة حكومية تقول لمشروع أقره الامير محمد بن نايف و أشاد به وزير الصحة ان الوضع مثل ماهو ما تغير ..!!!! يعني ما تعرف النفاق الحكومي بين الادارات وكل وحدة تغطي على الثاني وكل مسئول يسلك لنفسه ..

على كذا اجل ما نصدق الا كلامك طال عمرك !! ..
اللحين اقول لك طبيب ماله دخل في ساهر ، تقول لا كل واحد يغطى على الثاني !! ..
طبيب من بيحاسب لو قال عن ساهر ، وبعدين ليه وش فايده الطبيب لما يطلع ويصرح !! ..

مدري وش تحس فيه !! ..

إقتباس


	نظام ساهر فاشل و ان ما اعلن فشله فكل المشاريع الحكومية لا تعلن فشلها ...

وشلون فاشل .. وكل اللي في الرياض خفضوا نسبه السرعه !! ..
وهذا يدل على نجاحه وحقق المطلوب منه ! ..

إقتباس


	يكفي ان النظام من بداية تطبيقه حتى الان ظهرت عدة طرق للتحايل عليه أولها البخاخ و قالوا لا ينفع مع أنه ببلد من أنشى ساهر ينفع ..!!!!!

في اي مكان في العالم يوجد طرق عدة للتلاعب على اي نظام او تزوير ، حتى الفلوس تزور ، وحتى المواقع العالميه تخترق !! .. مافي شي كامل .. وبعدين كم عددهم اللي تقول عنهم بيستخدمون البخاخ ، 1 ، 2 100 ، عشره الف ، ميه الف ، في الرياض 6 مليون .. خل 100 الف يسون ذي الحركات ، ولو تبي احلف مايتعدون الف وبالكثير مررره .. !

إقتباس


	ثانيها : الجهاز الذي يحدد نقاط ساهر وهذا مدير المشروع اعترف فيها (ضمنأ) يعني قال ان المرور سيلاحق من يستخدم هذه الاجهزة دون تسميتها ..

إقتباس


	يعني من متعود على المخالفة سيشتري هذه الاجهزة الان او بالمستقبل و يكون محمي من المخالفات و الضعيف الهادي هو من يسدفع نصف ماله للمرور...

لا في طريقه اوفر لك بعد فكك اللوحات !! ..

إقتباس


	رابعا : نفسي واحد يجاوبني يمكن أكون أنا نظرتي (سوداويه ) للنظام وابغى اصحاب و عشاق سهر يخبروني بأجابة عن هذه الاسئلة ..!!!

ترا اسمه ساهر

..

إقتباس


	س3/ لو غطيت اللوحة بقطعة كرتون هل ممكن يصيدين ساهر ولا لا ؟؟

يمدحون كراتين التمر هـ الايام !! ..

إقتباس


	مجرد أسئلة أتوقع لن يتفق اثنين على أجابتها و السبب تخبط ساهر نفسه وعدم معرفة رجال المرور بالنظام نفسه ..

مشكلتك وانا اخوك ماتدري عن النظام ! .. المرور ماله دخل في ساهر ! .
ساهر شركه خاصه ومعروف ملاكها ..

إقتباس


	أين باقي النسبة ليه مو 100 %؟؟ مادام هناك نسبة فهذا يعني ان ساهر ليس هو السبب بخفض نسبة الحوادث وان النسبة خفضت تلقائيا من نفسها ولو كان ساهر لكان نسبة 100 او 90%. هذا اذا صدقنا هذه النسبة ..

هههههههههههههههههه والله تعبت وانا ارد عليك ، تبيهم 100 % ..
انا معك في هـ النقطه

.. اجل 100 % .. امنع السيارات وقتها صدقني بتشوف 100 % ..

تحياتي ،،

marsal · #17 29/07/2010, 07:53 PM

^^^
معليش أنا عارضتك لكن بادب ياليت تتبع نفس الاسلوب ...

مو منطق اما اكون معكم ولا يستخدم ضدك أسلوب (الاهانه)..!!!!

أنا حر بالمعارضة و حر بقول ما أريد سواء عقلاني او غير عقلاني انت غير ملزم باقناعي وغير ملزم بردي و غير ملزم بصحته هو كلام عابر ...

لكن ملزم بالادب معي ..

إقتباس

الرسالة الأصلية كتبت بواسطة ماجد مقبل


	أعزائي جميل ان نتناقش ولا بأس ان نختلف .. لكن من الضروري ان نحترم بعضنا .. ولن نقبل اي موضوع فيه تجريح لأي عضو في هذه الشبكة،،، دمتم بحفظ الله ،،،

lawyer_9 · #18 29/07/2010, 08:01 PM

مدري من وين شفت غلطي عليك او قليت ادبـي يليت تخبرني علشان اعتذر لك قدام العالم .. !
ولكن رديت انا عليك بنفس طريقة ردك ، انت تستفز الواحد ، ورديت بنفس اسلوبك ..

على العموم ، كاني غلطت عليك ، فانا اعتذر .. ولا هوب عيب كون الواحد يعتذر ! ..

تحياتي ..

لايهمك حكيهم ياياسر · #19 29/07/2010, 08:08 PM

اي شكرا ساهر الا حسبنا الله ونعم الوكيل,,جيدين بس بأكل اموال هالمواطنين الضعيفين,,

لاحول ولا قوة الا بالله,,

وش ذنب الشايب الي اخذ مخالفة وهو ما يدري,,وبكرا راح تدبل عليه,,!

وش ذنب واحد معاه شخص مصاب ,, وبكرا راح تندبل عليه,,!

وش ذنب ووش ذنب,..!!

ما اقول الا حسبنا الله ونعم الوكيل,,

وسااااارق راح يسرقنا,,

كان هنا · #20 29/07/2010, 11:14 PM

إقتباس


	معليش لكن لست امعة كل من قال نظامي نجح صدقته ..!!! أجل ليه ما نصدق الخطوط السعودية و نصدق شركة الكهرباء مع ازمة الصيف وان السبب المواطن نفسه ..!!! ليه مانصدق وزارة الصحة التي تقول انها تعاقب المستشفيات المدمرة للحياة البشرية وما عمرنا شفنا مستشفى خاص مقفل ... وليه مانصدق سلطان الرياضة عندما يقول خطط مدروسة واخره نحن بأسفل القائمة

صحيح، أنت منت إمعة عشان تصدق كل شي ينقال ..
عشان كذا لازم أنت بنفسك تحكم عقلك وتشوف اللي يقولونه صح ولا يهكون ..
لما دائرة حكومية تقول لك كلام، وتشوف بالواقع شي يختلف، بإمكانك تعارض ..
لكن لما النظام يثبت جدواه، والعين المجردة تشوف هالشي، بهالوقت ما كنت إمعة، بالعكس كنت الكيّس اللي سمع وما صدق إلا بعد ما شاف.
صديقنا مرسال، أنت ساكن الرياض ؟

إقتباس


	يعني من جدك تبي مستشفى و لا دارة حكومية تقول لمشروع أقره الامير محمد بن نايف و أشاد به وزير الصحة ان الوضع مثل ماهو ما تغير ..!!!! يعني ما تعرف النفاق الحكومي بين الادارات وكل وحدة تغطي على الثاني وكل مسئول يسلك لنفسه ..

تتوقع أن الهلال الأحمر صرّح بإيعاز من وزارة الداخلية ؟!
طيب مستشفى الإيمان؟ مستشفى خاص! أيضاً أثبت جدوى نظام ساهر!
أعتقد أحد الأعضاء عندنا أخوه دكتور في مستشفى الإيمان، بإمكانك تسأله شخصياً.

طيب خلك من هذا كله

. يا أخي الحمدلله عندنا عيون وشفنا كل شيء بعيوننا. شفنا الرياض كيف كانت وشفناها كيف صارت.
أعيد لك كلامي كانك ما شفته :

إقتباس


	لكن الواقع والمشاهد أن الوضع المروري اختلف اختلاف جذري، في الرياض منذ تطبيق نظام ساهر لم أرى سوا حادث شنيع واحد في طريق الملك عبدالله ( شرق ) وهي منطقة خالية من الكاميرات .. ممكن تكون زرت الرياض من قبل، تعرف الدائري الشمالي وتعرف الدائري الشرقي وطريق خريص .. ممكن شفت الطيارات اللي تمشي على الأرض على الشمالي، والازدحام المهول في خريص .. هذي كلها تكاد تكون " اختفت " ولله الحمد ..

حبيبنا مرسال

، لو كنت شايل بخاطرك على ساهر بسبب تعرفة المخالفات، أو لائحة الجزاءات، بإمكانك تناقشها بدون ما تقلل من النظام ذاته

يعطيك العافية

الشلهوب -10- · #21 29/07/2010, 11:32 PM

ياشيخ وش شكرآ عليه على المخالفات الي علي تقريبا الحين 400

بس نقوله شكرا

انا فيصل الهلالي · #22 30/07/2010, 12:20 AM

أي شكرا الله يهديك لما النظام يمشي على الكل وقتها اشكرهم ولما نظام ساهر يستمر ولا يتم استبداله لانه حقق المطلوب وألا هو شفط جيوب المواطنين روح اشكرهم ولكن هل تعرف ماهو الشي الذي اخشى ان يطبقوه هو قانون الضرائب على عدد المسافة التي تقطعها السيارة مدري ليه حاس انهم سيطبقونه وطبعا راح يكون عذرهم وقتها تلوث الجو ....!!

فيصل الدعجاني · #23 30/07/2010, 01:23 AM

مشكوووور والله يعطيك العافية

انا معك بكل كلمه قلتها وقلت عدد الوفيات بنسبة 47% من العام الماضي هذا معدل زين

بس الحين يفكروون يحطوون ساهر على الطرق السريعه هذي عاد زودوها من جد

حوار عقلاني · #24 30/07/2010, 01:44 AM

على إن ظهري قٌصم من المخالفات !
وعلى الرغم قبل مده كنت من اللي كآرهين هالنظآم
لكن الآن قلبا وقالبا معهم!
يا إخوان رحت لم جده قبل أسبوع والله العظيم تهور ما بعده تهور وتلقآه بزر توه مستلم السياره!
تجي الرياض الله أكبر كل الناس ماشيه سيده !
على 7000 ريال والحين أقول الحمد لله إنها جاتني قبل لا يجيني حآدث ما تعدلت إلا منها والآن لاشعوريا حتى وأنا مسآفر ماأتعدى 110 كم

شكرا سآهر

شكرآ صآحب المقاله

عقـل الهلال · #25 30/07/2010, 01:54 AM

إقتباس


	لكن مستغرب انت تطالب بعقوبة ساهر و خايف على شعور من يقطع اشارة و يمكن يقضي على عائلة بكاملها !!! أيش الحنان هذا كله ..!! اذا الانسان ما يفرق معه مال ولا الف و لا الفين فهل النظام ناجح ان لم يعاقبه و يردعه !!!

أحس لو بشرح لك يا أخي مرسال ماراح ينفع فيك

عموماً كثيراً من تساؤلاتي حيال شخصك وشخصيتك أجبتها أنت بطريقة غير مباشرة

أخوكم ياااااي

lawyer_9 · #26 01/08/2010, 02:01 AM

للجميع اجمل تحيه على المشاركه ..

تحياتي ..

Z ! Z OO · #27 01/08/2010, 02:42 AM

بالنسبة لي لا آعترف بأي تقارير وآحصائيات تقام عندنا
صحيح أن فيه تغيير حاصل ولاكن ليس بنسب مهوله يحطونها من راسهم

التقارير هذي وضعت أولاً وأخيراً لأستمرار النظام ولكسب الملايين
نحن بلاد حارة وشعبها لايصبر في مثل تلك الأجواء فلذلك السرعة حل مميزة بالنسبة لنا
وهذا الأمر في أعتقادي صعب تغيره - لست ضد النظام ولاكنه صنع للتخويف

يعطيك العافية أخوي
..|

|

هلاليــ دوت كوم ـــه · #28 01/08/2010, 07:57 AM

القنآعة أوّلاً و آخراً ..!
إذآ لم توجد قنآعة لدى الشخص ..
فلآ سآهر و غيره .. يستطيع أن يصدّ هـ الشخص عن أفعاله !
ربمّآ يكفّ عن فعله وقت محدد وعندمآ تختفي تلك الأنظمة يعود كمآ كآن
نُريد أنظمة تعلّم الإنسآن الخطأ من الصوآب بِ قنآعة تآمّة دون إجبآر !
لِـ يبقى أثر تلك الأنظمة و إن أختفت ..

إقتباس

الرسالة الأصلية كتبت بواسطة Z ! Z OO

نحن بلاد حارة وشعبها لايصبر في مثل تلك الأجواء فلذلك السرعة حل مميزة بالنسبة لنا
وهذا الأمر في أعتقادي صعب تغيره - لست ضد النظام ولاكنه صنع للتخويف

أعتقد أننآ في زمن أستبدلنآ السيّارة ذو التقنيّة بدل الأنعآم ..!

.
.

في نهاية ردّي .. أقول : " شُكراً سآهر "
إذآ فعلاً أبنائنا لآ يسيرون بِ الشكل الصحيح إلا بالقوّة و الإجبآر , وأستطآعت سآهر أنْ تفعل ذلك بِ نظامـهـآ
.
.

Z ! Z OO · #29 01/08/2010, 09:48 AM

إقتباس

الرسالة الأصلية كتبت بواسطة هلاليــ دوت كوم ـــه


	أعتقد أننآ في زمن أستبدلنآ السيّارة ذو التقنيّة بدل الأنعآم ..!

لا أنكر ذلك لاكن يظل الأمر هذا متوارث من جيل إلى آخر
أن أجد نعمة التكييف لن يغير شى .. بعكس من تكون بلاده باردة طوآل العام
ولو جاء عندنا ليصاب بالجنون !! نفسيات الشعوب تختلف بأشياء عده ومنها المناخ

هلاليــ دوت كوم ـــه · #30 01/08/2010, 10:09 AM

إقتباس

الرسالة الأصلية كتبت بواسطة Z ! Z OO

لا أنكر ذلك لاكن يظل الأمر هذا متوارث من جيل إلى آخر

أن أجد نعمة التكييف لن يغير شى .. بعكس من تكون بلاده باردة طوآل العام
ولو جاء عندنا ليصاب بالجنون !! نفسيات الشعوب تختلف بأشياء عده ومنها المناخ

ربمآ أنت أحد الأشخآص الذين ليسَ لديهم القناعة بأنّ يغيّروا من أسلوب سيآقتهم ..!
و يبررون ذلك بِ أحد الأعذآر الوآهيّة !
^^ أسمح لي بذلك الكلآم
.
.
عُذراً على المرور الثآني