●][ رابطة عشاق فالنسيا 2010 ~ 2011 ][ Amunt Valencia ][ ● - صفحة رقم 231 - نادي الهلال السعودي - شبكة الزعيم

ץάмύйτ έмέя · #3451 18/05/2011, 03:31 AM

888

كاني ، ايالا ، باراخا ، البيلدا ، بلغرينو ، روفيتي ، كاربوني
، مارتشينا ، ايمار ، ميستا ، فيسنتي ، كارو ، انجولو

اساطير يحببـونك في الفريق

عاهات يكـرهونك بـ من اسس الفريق
اقسم بالله عيب هـ الصوره
والله اكثر من نص اللاعبيـن عاهات ومع ذلك ايمري هو الغلطان

VALENCIANISTA · #3452 18/05/2011, 03:40 AM

إقتباس

الرسالة الأصلية كتبت بواسطة هـ 9 ــلالـ 20 ــي


	وش دخل ايـري الحيـن سيلفا راح اعاره في فترة كيكي اصلا حتى بوجود مدرب ثاني ايسكو يحتاج لوقت عشان يلعب في الفريق الاول

على أساس إيمري كل مباراة حاطه أساسي صح؟

عطاه فرصة ثلاث مرّات وكل مباراة دخل سوّا شغل

تعيره ليش؟ عندك صانع لعب؟ ولا مادورو قد المهمة؟ ههههههههههههههههههه

ما أدري صراحة وش يفكر فيه هـ الإيمري !!

عنده جواهر بـ شباب النادي ومع ذلك مايلعبون ليش؟

ولا صح صح صح مادورو موجود! معليش آسف

إقتباس

الرسالة الأصلية كتبت بواسطة هـ 9 ــلالـ 20 ــي


	يعبث بـ التاريخ !!؟ اي تاريخ تتكلم عنه بعد سولير الي انهاء كل شي تاريخك حاليا مايطلب منك غير التواجد في الابطال لـ 3 سنوات على الاقل

إيه يعبث بـ تاريخ الفريق ومهازل الفريق هـ الموسم كلها بـ سببه هو

لا تضحك على نفسك وتقول مركز ثآلث .. لاحد يشوفك يا إبراهيم

أقسم بـ الله العظيم لو فياريآل ماوصل لـ نصف نهائي الدوري الأوروبي

إن تحلم بـ الثآلث ولا تقول فزنا عليهم 5 تراهم مسخروك في شوط

مباراة الكاس إذا ماتذكر ، هذا غير إنهم مبارينك ونص لعيبتهم مصابين

وراجع الأخبار اللي أنـت ترجمتها قبل مباراتنا معهم وتعرف

هذا غير إن إشبيليه والأتليتكو الموسم هذا سيئين جداً

ولا لو بـ وضعهم الطبيعي .. حتى دوري أوروربي تحلم فيه

إقتباس

الرسالة الأصلية كتبت بواسطة هـ 9 ــلالـ 20 ــي


	وبعد لاتنسى وش صار لنا في عهد سولير فالنسيا في موسمين يدخل بدون اي ميزانيه وبالعكس بفقدان اهم لاعبيه ويوصل لـ الابطال رغم وجود انديه تدفع بالهبل مثل الاتلتيكو ومع ذلك ماهو عاجبنا !!؟

مانسيت وعارف وش المصايب اللي تسبب فيها

لكن هل كان بـ يرضى بـ حماقات إيمري! أتحدى

عادي جداً إنك تدخل بدون ميزانية وتنافس

عندك الأرسنال نفس حكايتك مايدفع أبد ويبيع لعيبته بـ الكرتون

لكنه ينافس حتى آخر الدوري مع إن عنده عاهات للدفنة !

إقتباس

الرسالة الأصلية كتبت بواسطة هـ 9 ــلالـ 20 ــي


	من وين حكمت ان بانيغا رايح ؟ الخبر يقول يثير تساولات فقط عالعموم روحة بانيغا مالها دخل بـ ايمري والشغل كله عند بروليو واعتقد قريت قبل كم يوم ان الاداره تبغى تبيع بانيغا عشان تشتري اثنين في الوسط

بـ الله؟ تشتري إثنين؟ منهم بس علمني

عساهم كاريك وفليتشر ولا فابريغاس ولا أضعف الإيمان ويلشر

هذا وجهي إن ماجاك برونو نسخة لاعب وسط

ولا نفس عينة المتطور مادورو

الأشكال هذي يقدرها إيمري بـ الحييييل

إقتباس

الرسالة الأصلية كتبت بواسطة هـ 9 ــلالـ 20 ــي


	تنقهر من ايش !؟ طيب وش الي بيخليك ماتنقهر تحقيق بطوله والا المركز الثاني والا ايش بالضبط ؟

أرجع وأقولك يا إبراهيم أنا ماطالبت بـ بطولات حالياً

كل اللي أبيه ريحة منافسة إسم فريق مُنافس بس

ولا تقولي عاهات وزلايب و و الكلام اللي شبعنا منه

ترى مانشستر على سبيل المثال عنده أزلب من اللي عندك

ومع ذلك وين مانشستر؟ بطل دوري ، نصف نهائي كاس ، نهائي تشامبيونز

وفالنسيا؟ ثالث دوري ، مهزلتين بـ الكاس والأبطال

قسم بـ الله العظيم إنه جتني فترات كنت أتمنى الفريق يدحدر خامس وسادس

بس يطلع إيمري ويفكنا قسم بـ الله أمرضنا لين إكتفينا أمراض

المعذرة كان طلعت مني كلمة بدون ما أقصد

لكن الوضع جد ينرفز ويخليك تقول كلام ماتعنيه

ץάмύйτ έмέя · #3453 18/05/2011, 03:54 AM

إقتباس


	على أساس إيمري كل مباراة حاطه أساسي صح؟ عطاه فرصة ثلاث مرّات وكل مباراة دخل سوّا شغل تعيره ليش؟ عندك صانع لعب؟ ولا مادورو قد المهمة؟ ههههههههههههههههههه ما أدري صراحة وش يفكر فيه هـ الإيمري !! عنده جواهر بـ شباب النادي ومع ذلك مايلعبون ليش؟ ولا صح صح صح مادورو موجود! معليش آسف

لعب لكن وش قدم !؟
هي مباراة وحده وقدام فريق درجه ثالثه ابدع فيها غيرها كان تايه في الملعب
ماهو ذنب ايمري انه باقي صغير ويحتاج لـ تجربه اكثر عشان يدخل الفريق الاول

وبعدين منهم الجـواهر !!؟
تحسسني ان عندنا مثل مدرسة برشلـونه !؟
ترى اخر لاعب طلع من المدرسه سيلفا والحين عمره 24
والموسم الماضي لعب واحد في الظهير الايمن وكان عاهه

حاليا فيه اثنين معروفين ايسكو و باكو
والاثنين يحتاجون وقت للتواجد مع الفريق الاول

الي اتمنى وجوده مونتورو و روبيو
ونشوف كيف مستواهم واتمنى مايطلعون مقلب مثل ارون نيغويز

إقتباس


	إيه يعبث بـ تاريخ الفريق ومهازل الفريق هـ الموسم كلها بـ سببه هو لا تضحك على نفسك وتقول مركز ثآلث .. لاحد يشوفك يا إبراهيم أقسم بـ الله العظيم لو فياريآل ماوصل لـ نصف نهائي الدوري الأوروبي إن تحلم بـ الثآلث ولا تقول فزنا عليهم 5 تراهم مسخروك في شوط مباراة الكاس إذا ماتذكر ، هذا غير إنهم مبارينك ونص لعيبتهم مصابين وراجع الأخبار اللي أنـت ترجمتها قبل مباراتنا معهم وتعرف هذا غير إن إشبيليه والأتليتكو الموسم هذا سيئين جداً ولا لو بـ وضعهم الطبيعي .. حتى دوري أوروربي تحلم فيه

وش دخلني انا بـ مشاكل غيري
كل موسم وبعد مايحقق ايمري المطلوب تطلعون وتبررون ذلك بـ سوء مستوى الغير وهالشي نشوفه الحين لما يفوز الهلال بالدوري !.

الموسم الماضي فالنسيا وصل لـ ربع النهائي ومع ذلك حقق المرز الثالث وماتأثر الفريق
ماهي مشكلتي ان فياريال مايعرف يتعامل مع كثرة المشاركات

اما اشبيليه والاتلتيكو استعدوا افضل من فالنسيا ولكن ينقصهم مدرب مثل ايمري

إقتباس


	مانسيت وعارف وش المصايب اللي تسبب فيها لكن هل كان بـ يرضى بـ حماقات إيمري! أتحدى عادي جداً إنك تدخل بدون ميزانية وتنافس عندك الأرسنال نفس حكايتك مايدفع أبد ويبيع لعيبته بـ الكرتون لكنه ينافس حتى آخر الدوري مع إن عنده عاهات للدفنة !

الارسنال كم يدخل في السنه !!!؟
وبعد احب اسالك كم يطلع لاعب سنويا !!؟
وكم يتعاقد مع لاعب صغير سنويا !؟

حتى لورينتي نفسه اعترف بوجود خلل في مدرسة فالنسيا وطلع وقال في هالفتره لازم نعتمد على المدرسه وبالذات على اللاعبين الاسبان
الارسنال مايشتري كثير لكن معوضينها بـ اللاعبين الصغار
لكن احنا لا نشتري ولانشوف لاعبين صغار مميزين الا في السنتين لاعب واحد
حتى اساطير الفريق جايوا من فرق اخرى
باراخا ، فيسنتي ، كاني ، انغولو

إقتباس


	بـ الله؟ تشتري إثنين؟ منهم بس علمني عساهم كاريك وفليتشر ولا فابريغاس ولا أضعف الإيمان ويلشر هذا وجهي إن ماجاك برونو نسخة لاعب وسط ولا نفس عينة المتطور مادورو الأشكال هذي يقدرها إيمري بـ الحييييل

هذي تلوم فيها الاداره الرياضيه وايمر ماله دخل
الاداره الرياضيه تشوف ان بيع بانيغا وتعويضه بـ لاعبين في الوسط امر مفيد لـ النادي وهالشي راجع لـ بروليو
وبعدين لـ علمك مادورو هالموسم مالعب ولا 10 مباريات رغم انه افضل من كل العاهات الي في الدفاع بقيادة الكابيتانو !!
ولاتنسى بعد هالصفقه كانت في عهد الكبير كومااااان !!!

إقتباس


	أرجع وأقولك يا إبراهيم أنا ماطالبت بـ بطولات حالياً كل اللي أبيه ريحة منافسة إسم فريق مُنافس بس ولا تقولي عاهات وزلايب و و الكلام اللي شبعنا منه ترى مانشستر على سبيل المثال عنده أزلب من اللي عندك ومع ذلك وين مانشستر؟ بطل دوري ، نصف نهائي كاس ، نهائي تشامبيونز وفالنسيا؟ ثالث دوري ، مهزلتين بـ الكاس والأبطال قسم بـ الله العظيم إنه جتني فترات كنت أتمنى الفريق يدحدر خامس وسادس بس يطلع إيمري ويفكنا قسم بـ الله أمرضنا لين إكتفينا أمراض

مانشستر فيه ازلب !!؟
مثل من !؟
اصلا يكفيك الدفاع والحارس
بناء فريق قوي يبدء من الدفاع وهالشي ذكره حتى ايالا قبل فتره
اذا ماعندك دفاع لا تحلم بالمنافسه

ץάмύйτ έмέя · #3454 18/05/2011, 03:58 AM

هالضحكه اهداء لك ياعلي

ويقولك ايمري اصبر لبداية الموسم الجاي واحكم على شغلي مع اللاعبين الجدد

ץάмύйτ έмέя · #3455 18/05/2011, 04:04 AM

غــــــــــلاف الســوبر

المجلـــس يؤيد استمرار الفني
ايمري بــــ الإجماع
◗ تقرير بروليـو اشاد بــ عمل اوناي

"دعونا
نتطــــور
معــا "

المدرب يقبل التجديد

ץάмύйτ έмέя · #3456 18/05/2011, 04:05 AM

إقتباس


	المجلـــس يؤيد استمرار الفني ايمري بــــ الإجماع

علي هل كل الي في المجلس مايفهمون !!؟
و زي ماتعرف هم اقرب لـ فالنسيا ويعرفون كل شي عن عمل ايمـري

VALENCIANISTA · #3457 18/05/2011, 04:32 AM

إقتباس

الرسالة الأصلية كتبت بواسطة هـ 9 ــلالـ 20 ــي


	لعب لكن وش قدم !؟ هي مباراة وحده وقدام فريق درجه ثالثه ابدع فيها غيرها كان تايه في الملعب ماهو ذنب ايمري انه باقي صغير ويحتاج لـ تجربه اكثر عشان يدخل الفريق الاول

مهوب مهم لو قدام حواري لكن اللاعب أبرز موهبته صح ولا لأ؟

ليش ماتشركه في مباريات تكون سهلة عـ الفريق لو كـ بديل

تعطيه فرصة يطلع اللي عنده عـ الأقل

شف فابريغاس وعمره 16 كان يطقها أساسي مع الأرسنال

ليش؟ لـ أن فينغر كان واثق فيه وعارف إمكانياته

أسطورتك مايملى عينه غير برونو ومن هم على شاكلته

ثاني شيء .. باكو ، مونتورو ، روبيو ، اللاعب اللي أخذناه من الريآل

أقسم بـ الله مواهب بس تبي من يعطيها وجه . لكن شف وجه إيمري وإحلب لبن

إقتباس

الرسالة الأصلية كتبت بواسطة هـ 9 ــلالـ 20 ــي


	وش دخلني انا بـ مشاكل غيري كل موسم وبعد مايحقق ايمري المطلوب تطلعون وتبررون ذلك بـ سوء مستوى الغير وهالشي نشوفه الحين لما يفوز الهلال بالدوري !.

لا تقارن لي الهلال بـ فالنسيا بهـ النقطـة ياحبيّبي

الهلال من يومه وكل مايحقق بطولة لازم يشككون ويحطون أعذار

والمُحايد مقتنع إن الهلال وصل للدوري لـ أنه قوي ولافيه من يقدر يجاريه

لكن فالنسيا والكل شايف إنه سيء لـ درجة عاااالية جداً

ومع ذلك وصل للثآلث لـ أن المنافسين كانوا سيئين

لو كان موسمه كويس كان مافرق 21 نقطة عن الريآل الوصيف

إقتباس

الرسالة الأصلية كتبت بواسطة هـ 9 ــلالـ 20 ــي


	الارسنال كم يدخل في السنه !!!؟ وبعد احب اسالك كم يطلع لاعب سنويا !!؟ وكم يتعاقد مع لاعب صغير سنويا !؟ حتى لورينتي نفسه اعترف بوجود خلل في مدرسة فالنسيا وطلع وقال في هالفتره لازم نعتمد على المدرسه وبالذات على اللاعبين الاسبان الارسنال مايشتري كثير لكن معوضينها بـ اللاعبين الصغار لكن احنا لا نشتري ولانشوف لاعبين صغار مميزين الا في السنتين لاعب واحد حتى اساطير الفريق جايوا من فرق اخرى باراخا ، فيسنتي ، كاني ، انغولو

وش أبي بـ مداخيل الفريق؟ أنا أتكلم عن مستوى ومنافسة

عن آداء داخل الملعب

نقاشنا فني يابو خليل مهوب مادي أبد

كل الفرق مديونة ماوقفت على فالنسيا على فكرة

مانشستر يونايتد مديون بـ 752 مليون دولار تقريباً

مع ذلك فيه مخ جالس عـ الدكة وقادر يسوي كل شيء بـ أقل اللاعبين

كـ أسماء المانيو ماعنده نجوم بـ إستثناء روني وغيغز وفيديتش

البآقين كويسين ولكن ماهي لـ درجة النجومية أو القدرة عمل الفآرق

تبي زلايب مانشستر؟ طيب سجل عندك

براون ، أوشي ، غيبسون ، كوتشاك ، إيفانز ، رافا

هذولا بس اللي مرّوا بـ بآلي الحين

إقتباس

الرسالة الأصلية كتبت بواسطة هـ 9 ــلالـ 20 ــي


	هذي تلوم فيها الاداره الرياضيه وايمر ماله دخل الاداره الرياضيه تشوف ان بيع بانيغا وتعويضه بـ لاعبين في الوسط امر مفيد لـ النادي وهالشي راجع لـ بروليو وبعدين لـ علمك مادورو هالموسم مالعب ولا 10 مباريات رغم انه افضل من كل العاهات الي في الدفاع بقيادة الكابيتانو !! ولاتنسى بعد هالصفقه كانت في عهد الكبير كومااااان !!!

يا إلهي مادورو أحسن

عشانه دولي صح؟

ترى أسوأ مركز في هولندا المحور الدفاعي على حد علمي

ما أذكر إن فيه بـ مركزه غير دي يونغ لذلك طبيعي يكون دولي

ولا لو فيه واحد بس كويس بـ المحور غير دي يونغ

إن تلقى المتطور من بكره معتزل دولياً

ماعنده لسآن المهرّج؟ ليش مايتكلم ويقول بانيغا لاعب مهم

ليش تفرّط فيه؟ على أساس تبي تجيب بداله إثنين؟

خزعبلات هذي يابو خليل من بروليو

جب لي لاعب واحد ولا إثنين دام الكلام عن إثنين

أبي من يغطّي مكان بانيغا صح؟ مابي تكلمة عدد!

إقتباس

الرسالة الأصلية كتبت بواسطة هـ 9 ــلالـ 20 ــي


	هالضحكه اهداء لك ياعلي ويقولك ايمري اصبر لبداية الموسم الجاي واحكم على شغلي مع اللاعبين الجدد

هديتك مقبولة

لكن أرجع وأقولك دام هذا على دكتنا

ماطرت والله إني أتابع الفريق وأشقي نفسي بـ صراحة

إقتباس

الرسالة الأصلية كتبت بواسطة هـ 9 ــلالـ 20 ــي


	علي هل كل الي في المجلس مايفهمون !!؟ و زي ماتعرف هم اقرب لـ فالنسيا ويعرفون كل شي عن عمل ايمـري

أبو خليل

الله يرضآلي عليك إفهمني

إيمري والله مهوب مدرب قادر يرجع هيبة الفريق

مهما كانت الأسماء اللي يدربها

ولو تعطيه 10000000000 وتقول جب اللعيبة اللي تبي

المخ يبين قدامك سواءً بـ أساطير ولا زلايب

واللي ماقدر يحط تكتيك زي الناس مع زلايب

وش تنتظر منه لو تمسكه نجوم؟ يارجل يسحبون عليه صدقني

حتى نهاية الموسم مهوب عارف يثبت على تشكيلة

له عذر لما يُصاب لاعب .. لكن كذا مباراة كان الفريق جاهز كاملاً

ومع ذلك ماشفناه يستمر على تشكيلة مُعينة

وأبو العُرّيف كل مباراة يغيّر التكتيك بعد

زود ماهو يخبّص بـ التشكيل يخبص بـ التكتيك

ويا قلب لا تحزن

VALENCIANISTA · #3458 18/05/2011, 06:13 AM

الأسطورة إغناسيو أريغوي أثناء زيارته النادي أمس

" فالنسيا؟ محطّة مهمة في حياتي "

V

VALENCIANISTA · #3459 18/05/2011, 06:24 AM

سيزار على الـFACEBOOK

هلا بـ العيال ، اليوم عطلة

، سويناها وجبنا هدفنا اللي هو دوري الأبطال الموسم الجاي

مبروك لكم جميعاً .

F

ץάмύйτ έмέя · #3460 18/05/2011, 01:13 PM

إقتباس


	مهوب مهم لو قدام حواري لكن اللاعب أبرز موهبته صح ولا لأ؟ ليش ماتشركه في مباريات تكون سهلة عـ الفريق لو كـ بديل تعطيه فرصة يطلع اللي عنده عـ الأقل

طيب ايمري ما اعطاه الفرصه ؟
تراه لعب هـ الموسم 8 مباريات مع الفريق الاول

وبعد لاتنسى ان ايسكو عنده مشاركات مع الفريق الثاني واكثر من مره راح لهم وشارك في معسكر

إقتباس


	شف فابريغاس وعمره 16 كان يطقها أساسي مع الأرسنال ليش؟ لـ أن فينغر كان واثق فيه وعارف إمكانياته أسطورتك مايملى عينه غير برونو ومن هم على شاكلته

وش دخل فابريغاس الحين
كل لاعب وله امكانات
فيه لاعبين يظهرون بسرعه وفيه لاعبين يحتاجون وقت
واصلا لو تشوف حركات ايسكو في الملعب تعرف انه يحتاج يروح لـ فريق متوسط ويلعب معهم بشكل دائم اما في فالنسيا مابيلقى الفرصه لان المدرب يبحث عن اللاعب الجاهز دائما

إقتباس


	ثاني شيء .. باكو ، مونتورو ، روبيو ، اللاعب اللي أخذناه من الريآل أقسم بـ الله مواهب بس تبي من يعطيها وجه . لكن شف وجه إيمري وإحلب لبن

من وين عرفت انهم مواهـب !!!!؟
تابعتهــم والا من رأسـك كذا !؟

اما اللاعب الي جانا من الريال لا تامل عليه كثير
لانه لو كان لاعب ممتاز مافرط فيه الريال
تقولي الريال مايهتم بالصغار اقولك هذاك اول الحيـن مهتمين وبقوه ويطلعون لاعبيـن كثير
وبعد لو كان لاعب ممتاز كان شفنا الصحف المدريديه تكلمت لكن ماحد جاب له خبر

احب اقولك في الصيف الماض كان فيه لاعب صغير بينتقل من الريال والصحافه المدريديه قومت الدنيا على الاداره وعلى طول جددوا عقـده

إقتباس


	ومع ذلك وصل للثآلث لـ أن المنافسين كانوا سيئين لو كان موسمه كويس كان مافرق 21 نقطة عن الريآل الوصيف

تبغى تنافس الريال الي دفع في سنتين فقط مايوازي قيمة ديون فالنسيا !!!!!!!!
ياحبيبي خلك منطقي شوي
وبعدين شوف الريال في موسمين دفع اكثر من 300 مليـون ومع ذلك لا دوري ولا ابطال
احنا بدون اي ميزانيه وبيبيع نجوم حققنا الاهم وهو الوصول لـ الابطال

إقتباس


	وش أبي بـ مداخيل الفريق؟ أنا أتكلم عن مستوى ومنافسة عن آداء داخل الملعب نقاشنا فني يابو خليل مهوب مادي أبد مانشستر يونايتد مديون بـ 752 مليون دولار تقريباً

الماده هي الي بتخلي مستوى الفريق فوق
الماده هي الي بتطرد العاهات الي عندك
الماده مابتخليك تطارد اللاعبين المنتهيه عقـودهم

ابغى اسالك كم تدفع شركي نايكي لـ مانشستر !؟
وبعد اتحداك تعرف كم عرضت شركة اديداس على فالنسيا هـ الموسم !؟
والله لو تعرف تضحك الين تنهبل
وبعد لاتنسى تشوف الريال كم يطلب حاليا من اديداس

كل الانديه في العالم عندها الماده ولكن فالنسيا يمشي بدونها

والـ 700 الي على مانشستر يقدر يسددها في موسمين بس وحتى بدون تقشف عكسنا الي انهتنا 500 مليـون وخلت الفريق يمشي بسياسة التقشف لـ 5 سنوات ويمكن اكثر بعد

إقتباس


	مع ذلك فيه مخ جالس عـ الدكة وقادر يسوي كل شيء بـ أقل اللاعبين كـ أسماء المانيو ماعنده نجوم بـ إستثناء روني وغيغز وفيديتش

وين راح سار و فردناند و كاريك

يكفيك عندك فريق اساسي كاامل
عكس فالنسيا الي مايملك حتى فريق اساسي

إقتباس


	يا إلهي مادورو أحسن عشانه دولي صح؟ ترى أسوأ مركز في هولندا المحور الدفاعي على حد علمي ما أذكر إن فيه بـ مركزه غير دي يونغ لذلك طبيعي يكون دولي ولا لو فيه واحد بس كويس بـ المحور غير دي يونغ إن تلقى المتطور من بكره معتزل دولياً

ايه احسـن من نافارو وديالبيرت مجتمعيـن
والله العظيم احسن ولا فيه مقارنه بينهم ابدا
على الاقل عنده مخ ماهو حمار

إقتباس


	ماعنده لسآن المهرّج؟ ليش مايتكلم ويقول بانيغا لاعب مهم ليش تفرّط فيه؟ على أساس تبي تجيب بداله إثنين؟ خزعبلات هذي يابو خليل من بروليو جب لي لاعب واحد ولا إثنين دام الكلام عن إثنين

علي متأكد انك تعرف وش وضع فالنسيا !؟
اجل ايمري ليش ما قالهم لا تبيعون فيا وسيلفا !!!؟
ياحبيبي الدلع واختيار اللاعبين وهالامور ماتشوفها الا في الانديه الكبيره والمرتاحه ماديا
اما فالنسيا هالشي مايعرفه ايمري المسكين
خذوا منه افضل ثنائي هجومي وقالوا له دبر نفسك وحتى معوض لـ صانع اللعب ماجابوا وتقولي ليش مايتكلم !!؟

اذا بغيت تتكلم عن امور بيع اللاعبين تكلم على بروليو و لورينتي لانهم هم المتحكمين في الموضوع فقـط

إقتباس


	بي من يغطّي مكان بانيغا صح؟ مابي تكلمة عدد!

طيب وش دراك عن خيارات بروليو
يمكن يجيب لاعب ينسيك بانيغا
لا تستعجل وان شاء الله نشوف فريق ممتاز الموسم الجاي

إقتباس


	هديتك مقبولة لكن أرجع وأقولك دام هذا على دكتنا ماطرت والله إني أتابع الفريق وأشقي نفسي بـ صراحة

هذي اول بشاره لـ الموسم الجاي

بديت اتفائل بـ ان الفريق بيكون له كلمه الموسم الجاي بس اهم شي تقنع عمر لا يتابع فالنسيا

إقتباس


	أبو خليل الله يرضآلي عليك إفهمني إيمري والله مهوب مدرب قادر يرجع هيبة الفريق مهما كانت الأسماء اللي يدربها

ليش حكمت عليه
ماقد درب فريق مكتمل من يوم مسك فالنسيا
اول موسم درب فريق منهار ومع ذلك اعاده وبقوه
في كل مواسمه يدرب فريق هجوميا عنده العناصر لكن دفاعيا مايملك اي شي ومع ذلك ماشي بشكل ممتاز

إقتباس


	واللي ماقدر يحط تكتيك زي الناس مع زلايب وش تنتظر منه لو تمسكه نجوم؟ يارجل يسحبون عليه صدقني

نجح مع زلايبنا و زلايب غيرنا
صعد الميريا و حقق المركز الثالث مع زلايبنا موسمين متتالييـن

J.Ħeиdeгsoи · #3461 18/05/2011, 07:53 PM

السلام عليكم

كيف حالكم ..!

فيه خبر يخصكم ويخصنا ..!
بخصووص جناحكم ماتا

على ذمة الكوب تالك : وكيل جناح فالنسيا ماتا قد غادر مدينة ليفربول بعد زيارة قصيره و قد ادعى انه التقى بكمولي

مصدر موثوق يؤكد خبر الكوب تالك و يضيف : ماتا يريد الانتقال إلى نادي اكبر من فالنسيا ،
تم اخبار اليفر بأن عليه دفع ٢٢.٥ مليون للبدأ بالصفقه

الصراحه انا اللاعب ما تابعته
يستاهل المبلغ المطلووب فيه ولا ..!

بدوون مجامله طبعاً

ץάмύйτ έмέя · #3462 19/05/2011, 02:31 AM

88
وعليكم السـلام ورحمـة الله وبركـاته
اهلين فيك

بدون مجامله يستاهل اكثر
وابدا ما اتوقع ان ماتا بينتقل لـ ليفربول لان فيه انديه تقدر تدفع اكثر من ليفربول مهتمه باللاعب مثل تشلسي و المان سيتي

ץάмύйτ έмέя · #3463 19/05/2011, 03:56 AM

لورينتي في مقابلة مع راديو 9 يوكد التوقيع مع الفيس

* الذيب مانويل لورينتي في الليلة الماضية اكد لـ راديـو 9 التوقيع مع حارس المرمى دييغو ألفيس للموسم المقبل ، وايضا قال بان الهدف التجديد لـ غوايتا .

* ذكر ان الديون وصلت لـ 370 مليون يورو .

* لورينتي ألمح أيضا الى وجود اتفاق شفهي مع الفرنسي كيفن غاميرو ، وذلك يضمن بان النادي يعمل على التعاقد مع اللاعب .

* لورينتي اكد ان الشركة الاسبانيه جوما هي من ستصنع اطقم الفريق لـ الموسم المقبل .

super

ץάмύйτ έмέя · #3464 19/05/2011, 08:15 AM

لورينتي : "نحن جميعا لدينا حلم تحقيق الالقاب"
مانـويل لورينتي اكـد التجديد لـ ايمري ودعمه له وتوجهه لـ تنفيذ الخطوات الأولى لـــ فالنسيا الجديد

أوناي إيمري سيستمر في فالنسيا اذا اراد ذلك ، مانويل لورينتي رئيس النادي اعلن قرار مجلس الاداره "بدء المفاوضات للشروع في التجديد مـع اوناي" بعد اجتماع الاداره اليـوم ، وهذا ما اكدته السـوبر بالامس وذكرت أن النادي قرر استمرار الباسكي .
المستشارين استمعـوا لـ تقرير بروليو فاسكويز الذي اعطى رايه "كان من الواضح أنه في صالح ايمري ، يجب علينا جميعا التحسـن ، ولكن من الواضح أن هناك العديد من النقاط في صالح استمرار ايمري".

في جلسة علنية اعترف لورينتي بان فالنسيا "كان على علم بـ شروط مدربين مختلفين "في الاسابيع الاخيرة.

كما قدمت Superdeporte في عددها الصادر يوم الاربعاء أربعة نقاط كانت في صالح التجديد مع أوناي إيمري. وهي
أولا : مدرب محترف ، دقيق في عمله ويقـوم بالتضحية بكل شي من اجل عمله .
ثانيا : في موسميـن حقق الاهداف الرياضيه في الدوري ، وهذه الاهداف مطلوبة من أجل
اقتصاد النادي لأنها تدر دخلا للمساعدة في تحقيق التوازن في الميزانية.
ثالثا : في ظل الصعوبات الاقتصادية ، نجح بـ التكيف مع اللاعبين الموجودين في النادي دون الحاجة لـ قول شي بالعلن ضد النادي .
رابعا : يقبل أعمال الادارات ألاخرى في النادي و لايتدخل بامور الاخرين .

وبعد ذلك سمح بـ اسئلة الصحفييـن

_ هل تعتقد بـ ضرورة تحسين الأهداف؟

لورينتي : نحن يجب أن نتحسن في مباريات خروج المغلـوب ، وفي الكأس لابد بان ندخل بجدية اكبر ، الدوري هو اهم المنافسات ، لدينا الحلم بـ الفوز بـ البطولات ، سنحسن مجمـوعة اللاعبيـــن و سنضع القواعد من اجل الوصول بعيدا في الكأس و دوري الابطـال .

* في الموسم القادم لن يكون الهدف في الدوري هو الكافي ، هو ضروري ولكنه غير كافي .

_ هل سوف تقدم سنة واحدة فقط لـ ايمري؟

لورينتي : هذا جزء من المفاوضات ، لن اعلن ذلك احترام لـ المدرب وممثله .

super

------

الاسئله كثيـره وترجمت الاكثر اهميه فقـط

ץάмύйτ έмέя · #3465 19/05/2011, 08:17 AM

إقتباس

الرسالة الأصلية كتبت بواسطة هـ 9 ــلالـ 20 ــي


	ثالثا : في ظل الصعوبات الاقتصادية ، نجح بـ التكيف مع اللاعبين الموجودين في النادي دون الحاجة لـ قول شي بالعلن ضد النادي

هـ النقطه كثير ذكرتها
ايمري ماعمره طلب لاعبين ومتأقلم مع المجمـوعه الي عنده لانه عارف وضع النادي
وماقد طلع في الاعلام وقال تراني طلبت لاعب في خانه معينه وقالو لي ضف وجهك

إقتباس

الرسالة الأصلية كتبت بواسطة هـ 9 ــلالـ 20 ــي


	لدينا الحلم بـ الفوز بـ البطولات ، سنحسن مجمـوعة اللاعبيـــن

الحمدلله حتى الرئيس عارف ان البلا من العاهات الي عنده
تبغى بطولات حسن مجموعة اللاعبين الي عندك وبعدين نافس