●][ رابطة عشاق فالنسيا 2010 ~ 2011 ][ Amunt Valencia ][ ● - صفحة رقم 228 - نادي الهلال السعودي - شبكة الزعيم

VALENCIANISTA · #3406 15/05/2011, 04:00 AM

صيحوا

فيه صور زيادة بـ الرابط

الله يلعنك يا إيمري يازلابة

S

VALENCIANISTA · #3407 15/05/2011, 04:24 AM

! Gracias Vicente < حطوه عنوان

adios vicente < أو هذا

VALENCIANISTA · #3408 15/05/2011, 04:43 AM

صيحوا ، بس إكتموا الصوت لا هنتوا

hilalemooot · #3409 15/05/2011, 10:38 AM

.

ممكن ادخل

شلونكم فالنساوية عساكم طيبين ؟

يازين رابطتكم هادية ورايقه وناس فاهمة تستمتع وانت تناقشهم

المهم ماعلينا بالنسبة لـ فيسنتي اعتقد ان القرار المُتخذ طبيعي .. الولد نحبه ونعزه ومن الجيل الذهبي بس اللاعب يقضي ثلاث ارباع الموسم في غرفة العلاج .. من اكثر من 4 مواسم يلعب اول الموسم وآخر الموسم فقط .

بالنسبة للاعبين اللي راح يطلعون .. ما عندي شك ان الفريق يبيله تصفيه بس مو بالشكل اللي نسمع عنه .. فيه نوعية لاعبين ما اتمنى خروجهم .. ستانكي و ريكاردو مثلا .. ميغيل او برونو .. في بعض اللاعبين تحتاجهم كبدلاء .. وقت الاصابات الايقافات اذا بغيت تريح لاعبينك الاساسيين .. وشي طبيعي ان الاحتياطي ما يكون بمستوى الاساسي .. اضرب مثال علشان توصل فكرتي بشكل اوضح .. برونو وميغيل كلهم اظهرة يمين .. سرحتهم وجبت ظهير ايمن واحد وهذا المتوقع والمفروض .. في حيال غيابه طيب من يلعب محله ؟ .. تخترع يعني ؟! .. الدفاع يبيله غربله انا مع هالشي .. بس ما يعني هالموضوع انك تصفى على ثلاث قلوب دفاع وظهيرين لو غاب واحد والا اثنين منهم رحت فيها

خروج ادوريز ما اتمناه كذلك .. وش المشكلة لو كان عندي 4 مهاجمين ؟! اغلب اندية العالم يكون بسكوادها 4 مهاجمين وأكثر .. المانيو مثلا (روني - بربا - اوين - خافيير) .. انتر (ايتو - باتزيني - مليتو - باندييف) .. ميلن (ابرا - روبينيو - كاسانو - باتو) .. والامثله كثيرة .

اللي ابي اوصله الغربلة مطلوبة بالفريق .. لكن هالشي ما يعني انك تعدم الفريق وتخلي السكواد ضعيف .. لازم تخلي عندك لاعبين للأزمات .. لاعبين يرضون يجلسون بدلاء و وقت ما تحتاجهم يأدون اللي عليهم .. ولي عودة ان شاء الله بعد نهاية الموسم للحديث عن اللاعبين والمراكز بشكل مطول والمراكز اللي تحتاج تعزيز تحديداً .

بالنسبة لايمري الكلام فيه كثير .. الرجال بإمكانات عادية وميزانية محدودة وظروف صعبة قدر يلقط المركز الثالث .. ماهو مدرب واو و شو .. ولا طموح ولا هو حق بطولات كل هالاشياء اشوفها فيه .. بس لازلت مصرّ على رايي ايمري هو مدرب المرحلة هذي .. مدرب يقدر يمشي بالفريق ويحقق افضل نتائج ممكنة بظروف بسيطة .. بعد الموسم الجاي او موسمين ممكن يتم التفكير بمدرب بطولات واتمنى هيدينك بعد مايخلص التزامة مع تركيا .. أتمنى .

مستمتع بنقاشكم

ץάмύйτ έмέя · #3410 15/05/2011, 03:53 PM

إقتباس


	الله يلعنك يا إيمري يازلابة

وش دخل ايمري
فيسنتي انتهى عقده والنادي هو الي مايبغى يجدد له

إقتباس


	ممكن ادخل شلونكم فالنساوية عساكم طيبين ؟ يازين رابطتكم هادية ورايقه وناس فاهمة تستمتع وانت تناقشهم

ما شاء الله علينا محترميـن

كل هـ الهدوء عشان مافيه احد والا كان شفت بلاوي

الله يحيك ،، نورت الرابطه

إقتباس


	المهم ماعلينا بالنسبة لـ فيسنتي اعتقد ان القرار المُتخذ طبيعي .. الولد نحبه ونعزه ومن الجيل الذهبي بس اللاعب يقضي ثلاث ارباع الموسم في غرفة العلاج .. من اكثر من 4 مواسم يلعب اول الموسم وآخر الموسم فقط .

اتفق معك
فيسنتي من سنين وهو يداوم في العياده
خلاص الجيل الذهبي انتهى دوره بعـد اعتزال باراخا
والله يعطيهم العافيه

إقتباس


	بالنسبة للاعبين اللي راح يطلعون .. ما عندي شك ان الفريق يبيله تصفيه بس مو بالشكل اللي نسمع عنه

بالعكس فالنسيا محتاج لـ غربله اكبر بعد
خلاص تعبنا من شوفة هـ العاهات
اقسم بالله بعد فضيحة شالكه تمنيت تسريح نص اللاعبين والحمدلله لورينتي وبروليو مابيقصرون
اذا تبغى تبني فريق قوي جيب لاعبين ممتازين في كل الخطوط اما بوضعنا الحالي القوه في جهه واحنا في جهه ثانيه

إقتباس


	بالنسبة للاعبين اللي راح يطلعون .. ما عندي شك ان الفريق يبيله تصفيه بس مو بالشكل اللي نسمع عنه .. فيه نوعية لاعبين ما اتمنى خروجهم .. ستانكي و ريكاردو مثلا .. ميغيل او برونو .. في بعض اللاعبين تحتاجهم كبدلاء .. وقت الاصابات الايقافات اذا بغيت تريح لاعبينك الاساسيين .. وشي طبيعي ان الاحتياطي ما يكون بمستوى الاساسي .. اضرب مثال علشان توصل فكرتي بشكل اوضح .. برونو وميغيل كلهم اظهرة يمين .. سرحتهم وجبت ظهير ايمن واحد وهذا المتوقع والمفروض .. في حيال غيابه طيب من يلعب محله ؟ .. تخترع يعني ؟! .. الدفاع يبيله غربله انا مع هالشي .. بس ما يعني هالموضوع انك تصفى على ثلاث قلوب دفاع وظهيرين لو غاب واحد والا اثنين منهم رحت فيها

انا اخالفك هنا
ستانكي ابدا ماينفع مع فالنسيا ومايستحق اصلا يندفع فيه مليون ونص
ريكاردو مثله مثل البقيه يومين تحت ويوم فوق ومع ذلك يبقى افضل قلوب الدفاع حاليا
الاثنين اذا راحوا اكيد بيجي الي افضل منهم

اما الاظهره اذا طلعوا الاثنين بيجي مكانهم اثنين بعد
وهذا الي مكتوب في الماركا وحتى من الاخبار السابقه واضح ان فالنسيا يفاوض ظهيرين (واحد كبير بالعمر والثاني صغير)
وحتى لو ما جاء ظهير بديل عادي ياخذون من فريق المستايا على الاقل احسن من العاهات الحاليه

إقتباس


	خروج ادوريز ما اتمناه كذلك .. وش المشكلة لو كان عندي 4 مهاجمين ؟! اغلب اندية العالم يكون بسكوادها 4 مهاجمين وأكثر .. المانيو مثلا (روني - بربا - اوين - خافيير) .. انتر (ايتو - باتزيني - مليتو - باندييف) .. ميلن (ابرا - روبينيو - كاسانو - باتو) .. والامثله كثيرة .

ادوريز ماله مكان في حالة التعاقد مع غاميرو
هو اسوء لاعب بين الاربعه ومابيلعب ابدا والافضل انك تكسب منه كم مليون قبل مايشيب ويعتزل

وبعد لا تنسى ان فالنسيا يعتمد اغلب الموسم على مهاجم واحد في التشكيل الاساسي وصعب جدا المهاجم الاحتياطي الرابع تجيه الفرصه

إقتباس


	اللي ابي اوصله الغربلة مطلوبة بالفريق .. لكن هالشي ما يعني انك تعدم الفريق وتخلي السكواد ضعيف .. لازم تخلي عندك لاعبين للأزمات .. لاعبين يرضون يجلسون بدلاء و وقت ما تحتاجهم يأدون اللي عليهم .. ولي عودة ان شاء الله بعد نهاية الموسم للحديث عن اللاعبين والمراكز بشكل مطول والمراكز اللي تحتاج تعزيز تحديداً .

بالعكس السكواد بيكون اقوى الموسم القادم
ويكفي كلام بروليو بانه بيجعل مجموعة الموسم القادم افضل من المجموعه الحاليه

إقتباس


	بالنسبة لايمري الكلام فيه كثير .. الرجال بإمكانات عادية وميزانية محدودة وظروف صعبة قدر يلقط المركز الثالث .. ماهو مدرب واو و شو .. ولا طموح ولا هو حق بطولات كل هالاشياء اشوفها فيه .. بس لازلت مصرّ على رايي ايمري هو مدرب المرحلة هذي .. مدرب يقدر يمشي بالفريق ويحقق افضل نتائج ممكنة بظروف بسيطة .. بعد الموسم الجاي او موسمين ممكن يتم التفكير بمدرب بطولات واتمنى هيدينك بعد مايخلص التزامة مع تركيا .. أتمنى .

هذا الكلام
ايمري جلس مع الفريق 3 مواسم وكلها دخلها والنادي في عز الازمه
من يوم جاء والنادي ماقد تعاقد مع لاعب ممتاز وبالعكس كان يبيع ومع ذلك مستوى الفريق ماينزل
خلال الـ 3 مواسم ماقد نفذوا له اي طلب وكان مهمته التدريب فقط ومع ذلك كل الاهداف محققها
يكفيك تشوف اسماء المدافعين وتشوف ترتيب الفريق وتعرف ان ايمري ناجح مع الفريق
وبعد لا انسى انه درب فريق جـديد هـ الموسم ومع ذلك احصائيات الفريق ومركزه لم يتغير عن الموسم الماضي

ايمري اختباره الحقيقي بيكون الموسم القادم اذا جلس مع فالنسيا او حتى انتقل لـ نادي عنده قدره ماليه مثل الاتلتيكو

faisal... · #3411 15/05/2011, 06:54 PM

إقتباس


	تكفووووووون قولولي إنهم يمزحون !!!!

بموقع كورة المباراة منقوله على +3 .

إقتباس


	الثورة فالنسيا يريد تغييـر نصف اللاعبيــن ! تعليقك !؟

لاحظ ابراهيم ان اللي بيغيرهم الفريق نصهم او اغلبهم انتقال جتهم عروض او انهاء عقد مافيه الايمكن الثنائي المرح ومادورو والظهيرين الدلوخ بس هم اللي مايبيهم وإن كان ديالبيرت ماسمعنا شي عنه إلى الحين وانا اقول ابدوا بالرأس الكبير اول شي ثم ديالبيرت ونافارو ومادورو هذولا يكفونني.

إقتباس


	عوآفي فيصل

الله يعافيك يا سعادة الريس.

إقتباس


	* علاقتي مع المهرّج لم تكُن جيدة ، أخرجني من حساباته مبكراً ولكني أحترم قراراته .

ماعليش يا فيسنتي انا احبك واكره ايمري لكن اللي طلعك اصاباتك الكثيره وانا اقترح على لورينتي انه مايشغل حريم بالعيادة وإذا لازم جبلك فلم رعب من النيجر ولا خل مكتب استقدام بالسعوديه يجبيلك وحدة

.

إقتباس


	ممكن ادخل

حياك بيت حاتم مفتوح

إقتباس


	ما شاء الله علينا محترميـن كل هـ الهدوء عشان مافيه احد والا كان شفت بلاوي الله يحيك ،، نورت الرابطه

لا يا ابراهيم حنا ناس محترمين ومؤدبين حتى لو اجتمعوا كلهم اما عن نفسي انا اكبر مؤدب حتى اني اتكتف قدام اللاب

.

إقتباس


	ادوريز ماله مكان في حالة التعاقد مع غاميرو هو اسوء لاعب بين الاربعه ومابيلعب ابدا والافضل انك تكسب منه كم مليون قبل مايشيب ويعتزل وبعد لا تنسى ان فالنسيا يعتمد اغلب الموسم على مهاجم واحد في التشكيل الاساسي وصعب جدا المهاجم الاحتياطي الرابع تجيه الفرصه

ابراهيم اتفق معك بهذي النقطه.

إقتباس


	بالنسبة للاعبين اللي راح يطلعون .. ما عندي شك ان الفريق يبيله تصفيه بس مو بالشكل اللي نسمع عنه .. فيه نوعية لاعبين ما اتمنى خروجهم .. ستانكي و ريكاردو مثلا .. ميغيل او برونو .. في بعض اللاعبين تحتاجهم كبدلاء .. وقت الاصابات الايقافات اذا بغيت تريح لاعبينك الاساسيين .. وشي طبيعي ان الاحتياطي ما يكون بمستوى الاساسي .. اضرب مثال علشان توصل فكرتي بشكل اوضح .. برونو وميغيل كلهم اظهرة يمين .. سرحتهم وجبت ظهير ايمن واحد وهذا المتوقع والمفروض .. في حيال غيابه طيب من يلعب محله ؟ .. تخترع يعني ؟! .. الدفاع يبيله غربله انا مع هالشي .. بس ما يعني هالموضوع انك تصفى على ثلاث قلوب دفاع وظهيرين لو غاب واحد والا اثنين منهم رحت فيها

ماعليش اخوي ترى فريقنا الرديف قوي وقيه لاعبين على شاكله ايسكو بس ينتظرون الفرصه وليش ما اكتفي بواحد قوي واخلي الاحتياط حقه من الرديف كذا بنصنع فريق قوي لسنين قدام ومايحتاج نصرف مبارلغ كثيرة.

.

VALENCIANISTA · #3412 15/05/2011, 07:08 PM

إقتباس

الرسالة الأصلية كتبت بواسطة hilalemooot


	. ممكن ادخل شلونكم فالنساوية عساكم طيبين ؟ يازين رابطتكم هادية ورايقه وناس فاهمة تستمتع وانت تناقشهم المهم ماعلينا بالنسبة لـ فيسنتي اعتقد ان القرار المُتخذ طبيعي .. الولد نحبه ونعزه ومن الجيل الذهبي بس اللاعب يقضي ثلاث ارباع الموسم في غرفة العلاج .. من اكثر من 4 مواسم يلعب اول الموسم وآخر الموسم فقط .

هلا وغلا

هـذاك أول يا أحمد .. فيسنتي الموسم هذا الأقل من ناحية إصاباتـه

غآلبية فترات الموسم الولد كان جاهز تقريباً ويبي له مباراتين ثلاث

ما أذكر إنه أُعطي فرصـة ماعدى مباراة الفيولا الودية والدوري منيب متأكد

زيادة على كذا قوق ماكان إيمري مهمشـه راح وتعآمل مع أكثر من لاعب بـ نفس الطريقـة

عندك لعيبة كثيير بـ مستوى عالي وإمكانيات كبييرة ليش الموسم هذا سيئين؟

الموضوع فيه إنَّ وكثييير شباب في أكثر من موقع يتكلمون عن علاقة إيمري معهم

بانيغا ، بابلو ، ماتا ، أدوريز والقائمة تطول

بانيغا العآم شفنا كيف كان .. وش سبب تراجع مستوآه غالب مباريات الموسم هذا؟

بابلو نفس الحكاية الموسم اللي راح أفضل من الموسم هذا مع إنه كذا مرة يكون علامة فارقة

ماتا مع إن الريكورد حقه ممتاز سجل 9 وصنع 11 الظاهر أو أكثر بس مهيب خطورة ماتا المعروفـة

أدوريز ضيّع كثيييير هـ الموسم نعم ، لكن إلى قبل مباراة شالكه كان الكل يشيد فيه

جت مباراة شالكه ماكان فـ يومه تروح ترزعه بـ الدكة 45863245 مباراة ! وش تستفيد أنـت كذا؟

علاقة إيمري مع غالبية لعيبة الفريق سيئة وأول من طلع وصرّح فيسنتي وقالها صريحة

والعالم الله من يطلع بكره ويصرّح بـ نفس كلام فيسنتي

إقتباس

الرسالة الأصلية كتبت بواسطة hilalemooot


	. بالنسبة للاعبين اللي راح يطلعون .. ما عندي شك ان الفريق يبيله تصفيه بس مو بالشكل اللي نسمع عنه .. فيه نوعية لاعبين ما اتمنى خروجهم .. ستانكي و ريكاردو مثلا .. ميغيل او برونو .. في بعض اللاعبين تحتاجهم كبدلاء .. وقت الاصابات الايقافات اذا بغيت تريح لاعبينك الاساسيين .. وشي طبيعي ان الاحتياطي ما يكون بمستوى الاساسي .. اضرب مثال علشان توصل فكرتي بشكل اوضح .. برونو وميغيل كلهم اظهرة يمين .. سرحتهم وجبت ظهير ايمن واحد وهذا المتوقع والمفروض .. في حيال غيابه طيب من يلعب محله ؟ .. تخترع يعني ؟! .. الدفاع يبيله غربله انا مع هالشي .. بس ما يعني هالموضوع انك تصفى على ثلاث قلوب دفاع وظهيرين لو غاب واحد والا اثنين منهم رحت فيها خروج ادوريز ما اتمناه كذلك .. وش المشكلة لو كان عندي 4 مهاجمين ؟! اغلب اندية العالم يكون بسكوادها 4 مهاجمين وأكثر .. المانيو مثلا (روني - بربا - اوين - خافيير) .. انتر (ايتو - باتزيني - مليتو - باندييف) .. ميلن (ابرا - روبينيو - كاسانو - باتو) .. والامثله كثيرة . اللي ابي اوصله الغربلة مطلوبة بالفريق .. لكن هالشي ما يعني انك تعدم الفريق وتخلي السكواد ضعيف .. لازم تخلي عندك لاعبين للأزمات .. لاعبين يرضون يجلسون بدلاء و وقت ما تحتاجهم يأدون اللي عليهم .. ولي عودة ان شاء الله بعد نهاية الموسم للحديث عن اللاعبين والمراكز بشكل مطول والمراكز اللي تحتاج تعزيز تحديداً .

هنا أتفق معك في نقطـة ستانكي وريكو كوستا

ستانكي مُعظم مبارياته قدّم مستوى وإنخفاض مستواه بعض الأحيان مايعني إنه فاشل

كوستا لعب إلى منتصف الموسم تقريباً وكان نجم الدفاع الأول وشال بلاوي

ومن أول ما بدا إيمري يستهبل معه ويطلعه مباراة ويدخله مباراة وكل مباراة معه مدافع مختلف

هنا طبيعي يجي دروب .. أول شيء اللاعب يبي له إستمراريـة هذا شيء أكيد وخالصين منه

ثاني شيء كل مباراة يلعبها مع إسم مختلف وهذي أكبر مشاكل دفاعنا من جاء إيمري

لا عمره ثبت على تشكيل معيّن للدفاع ولا ظنيت بـ يثبت على شيء !

الموسم الجاي بـ يجي عادل رامي والشهادة لله شفت مباراة ليل والبي إس جي أمس

الولد بطل صراحة على اللي شفته كـ تغطية وكـ مساندة هجمة وقت الكورنر أو الأخطاء

إرتقاء بطل بـ صراحة

ومسألة ميغيل وبرونو خلني أول أقولك أنا من أفضّل

أنا أشوف ميغيل على دشارته أفضل بـ كثيير كـ مستوى وتحركات من المعوق برونو

وسبق وتكلمنا بهـ النقطـة قبل أنا ماعندي أي مشكلـة بـ خروج ميغيل

بـ حالة خروج برونو طبعاً والتعاقد مع ظهيرين زي ماتقول الأخبار

لكن خروجه على عماها مُغامرة كبيرة وغير محسوبة العواقب :

:

إقتباس

الرسالة الأصلية كتبت بواسطة hilalemooot


	. خروج ادوريز ما اتمناه كذلك .. وش المشكلة لو كان عندي 4 مهاجمين ؟! اغلب اندية العالم يكون بسكوادها 4 مهاجمين وأكثر .. المانيو مثلا (روني - بربا - اوين - خافيير) .. انتر (ايتو - باتزيني - مليتو - باندييف) .. ميلن (ابرا - روبينيو - كاسانو - باتو) .. والامثله كثيرة .

هنا الكلام .. الفريق أفضل لـه لو لعب 4-4-2 وكلنا عارفين كيف يتحسن الفريق فيها

فـ وجود ( سولدادو ، جوناس ، أدوريز ،غاميرو إن جاء ) أفضل للفريق

لـ أن بهـ الحالة يصير عندك 2 بُدلاء وهي أفضل من بقاء بديل واحد فقط وهذا غلط

حتى لو لعب الفريق 4-5-1 ليش أنقّص خياراتي على الدكة ؟

خروجه مقبول في حالة إنك تجيب لاعب مكانه ماتخليه فاضي بدون ماتغطيه

نجي لـ إبراهيم

إقتباس

الرسالة الأصلية كتبت بواسطة هـ 9 ــلالـ 20 ــي


	وش دخل ايمري فيسنتي انتهى عقده والنادي هو الي مايبغى يجدد له

فيسنتي قالها بـ العربي الفصيح علاقتي مع إيمري هي أهم أسباب خروجي

ومحد ينكر إنه هـ الموسم كان جاهز كثييير بس عشانه سربوت وداشر على قولتك مالعب

إيمري خلاص حطّه بـ راسه ومسألة وجوده اليوم مايندرى عنها والله يستر من المهرّج لا يستعبط

إقتباس

الرسالة الأصلية كتبت بواسطة هـ 9 ــلالـ 20 ــي


	ما شاء الله علينا محترميـن كل هـ الهدوء عشان مافيه احد والا كان شفت بلاوي

إقتباس

الرسالة الأصلية كتبت بواسطة هـ 9 ــلالـ 20 ــي


	اتفق معك فيسنتي من سنين وهو يداوم في العياده خلاص الجيل الذهبي انتهى دوره بعـد اعتزال باراخا والله يعطيهم العافيه

رآجع كلامي أعلاه

إقتباس

الرسالة الأصلية كتبت بواسطة هـ 9 ــلالـ 20 ــي


	ايمري اختباره الحقيقي بيكون الموسم القادم اذا جلس مع فالنسيا او حتى انتقل لـ نادي عنده قدره ماليه مثل الاتلتيكو

إيمري الموسم الجاي الله العالم إنه بـ يدرب نفسه

مُعظم الأندية تعاقدت مع مدربين وأولها الأتليتكو

خلّه يفاردز لـ ألميريا يرجعه مرة ثانية لـ الليغا

ץάмύйτ έмέя · #3413 15/05/2011, 07:40 PM

إقتباس


	بموقع كورة المباراة منقوله على +3 .

موقع الجزيره ما اعلن اي شي

إقتباس


	ماعليش يا فيسنتي انا احبك واكره ايمري لكن اللي طلعك اصاباتك الكثيره وانا اقترح على لورينتي انه مايشغل حريم بالعيادة وإذا لازم جبلك فلم رعب من النيجر ولا خل مكتب استقدام بالسعوديه يجبيلك وحدة .

هذي النصيحه القيمه ارسلها لـ ناديه الجديد

إقتباس


	بانيغا ، بابلو ، ماتا ، أدوريز والقائمة تطول

علي

بانيغا كلنا نعرف وش سبب سوء مستواه هـ الموسم وهو بنفسه معترف انه سي
طبعا السبب معروف وهي دشرته الزايده
اجل فيه لاعب يجي التمرين وهو مكثر شرب اخر الليـل !!!!!!!

اما بابلـو كيف مايلعبه وهو من اكثر اللاعبيـن مشاركه مع الفريق
لـ علمك لعب هـ الموسم 35 مباراة في كل المسابقات 27 منها في الدوري

اما ادوريز مدري كيف برد عليك
ناس يقولون مجامله عشانه باسكي وانت تقول انه مهمشـه !!!!!!!!!

اما مااااتا بصراحه غريب
ماتا هـ الموسم مقد اداء رائع وحتى افضل من الموسم الماضي بمليـون مره
وايمري حتى وان ظلمه في اللعب في مركز صانع اللعب ولكن هذا النادي وهذي امكاناته
اجل فيه نادي ماعنده صانع لعـب !!!!!

إقتباس


	جت مباراة شالكه ماكان فـ يومه تروح ترزعه بـ الدكة 45863245 مباراة ! وش تستفيد أنـت كذا؟

اصلا المفروض بعد مباراة شالكه ينطرد من النادي ماهو يجلس احتياط بس
وبعدين كيف تبغاه يلعبه وسولدادو يقدم افضل المستويات ويسجل ارقام رائعه
وحتى جوناس مقدم مستوى ممتاز

إقتباس


	أنا أشوف ميغيل على دشارته أفضل بـ كثيير كـ مستوى وتحركات من المعوق برونو

المعوق افضل بـ كثير
على الاقل يعرف يدافع ماهو زي المحشش يطلع قدام ويترك مكانه فاضي

إقتباس


	فيسنتي قالها بـ العربي الفصيح علاقتي مع إيمري هي أهم أسباب خروجي ومحد ينكر إنه هـ الموسم كان جاهز كثييير بس عشانه سربوت وداشر على قولتك مالعب إيمري خلاص حطّه بـ راسه ومسألة وجوده اليوم مايندرى عنها والله يستر من المهرّج لا يستعبط

يعني فيسنتي بيجدد لو راح ايمـري !!!!!!!!!!!!!؟؟؟
وش دخل ايمري في التجديد
وبعد لورينتي هو الي مكلمه وقال مابنجدد معك
وبعد فيه مقابله كانت مع لورينتي قبل اكثر من شهرين ولما سالوه عن فيسنتي كان واضح من جوابه انه مابيجدد له

كيف تبغى ايمري يلعبه وعنده لاعب افضل منه بـ مليـون مره !!!؟
يعني الحيـن حتى انا اطالب بـ وجود البيلدا في التشكيل الاساسي والا ايمري يحاربه !!

حتى البيلدا رغم انه ما لعب كثير هـ الموسم مثله مثل فيسنتي ولكن بيجددون له وايمري ماله علاقه وكل هـ الشغل عند لورينتي وبروليـو

إقتباس


	إيمري الموسم الجاي الله العالم إنه بـ يدرب نفسه مُعظم الأندية تعاقدت مع مدربين وأولها الأتليتكو خلّه يفاردز لـ ألميريا يرجعه مرة ثانية لـ الليغا

لا تخاف مدرب مثل ايمـري بيلقى له فريق ممتاز يدربه
حتى لو ما كان الموسم الجاي بيكون الي بعده
والي خرب عليه انه الى الآن مستمر مع فالنسيا وانديه مثل اشبيليه والاتلتيكو موقعه مع مدربين قبل نهاية الموسم

مثل ماقلت اول اتمنى اشوفه مع الاتلتيكو
فريق بيعطيه الي يبغاه وبنشوف بعدها وش بيسـوي ايمـري