●][ رابطة عشاق فالنسيا 2010 ~ 2011 ][ Amunt Valencia ][ ● - صفحة رقم 163 - نادي الهلال السعودي - شبكة الزعيم

الأمبراطور · #2431 16/02/2011, 02:32 AM

صور المباراة

N.ROOY · #2432 16/02/2011, 03:38 AM

إقتباس

الرسالة الأصلية كتبت بواسطة الأمبراطور


	السلآم عليكم هآردلك ,, تعآدل يقهر صراحه لا وراؤول مسجل هدفهم !! صرآحه الدفآع يرفع الضغط !! ريكاردو كوستا نسخه كربونيه من أحمد خليل !! لعب عقيم وتخليص عشوائي ومراقه اي كلآم ! .. نافاروا من شاف الربطات اللي يربطهآ على ساقه يغسل يده !! تارك راؤول يستلم ويلف ويشوت وهو يتفرج ! طبعا التشكيلة اللي بدأ فيها إيمري لحست مخي شوي .. يعني تينو وايفر وتوبال ومهاجمين والتشوري ! خوآكين إحتياط ويدخل الدقيقه 70 !!! دخول فيسنتي ماله اي لزوم .. لاعب التوازن عنده 0 وقلتها قبل .. فيسنتي ماراح يقدر يقدم لفالنسيا اللي نطمح له !

عليكم السلام هلا ابوجربوع .. خلص بياتك الشتوي ؟
انت تقصد ريكاردو ولا نافارو ؟ احمد ربك واشكر فضله ولا كان تقعد على
مادورو و ديالبرت تذكر الموسم الماضي واستغفر ربك

يا كبتن هي نفس تشكيلة الاتليتي محوريين هجوميين و وراهم محور دفاعي
وهذا اللي كنت ودي اشوفه من اول الموسم , الفريق فرق فالوسط كثير بانيقا
مع التينو شي خرافي

الحين يبقى توظيف الاسماء الباقين .. يلعب باثنين قدام وراهم صانع لعب ؟
ولا جناحين هجوميين و مهاجم واحد ؟
الفريق اليوم اللي خذلتنا الدكة مافيها مهاجم طيب ادوريز ماكان في يومه بعدين ؟
مالك الا تكمل فيه للاسف

كلام سليم جدا ً فيسنتي موب جاهز ابدا تروح تبدل تبديلك السقيم !
يعني هذا دلالة على ان خلاص البا صار ظهير رسميا ً ؟ حرام

رح رجع الكرت بس وخله يضحل بتسبد اللي باعك

إقتباس

الرسالة الأصلية كتبت بواسطة هـ 9 ــلالـ 20 ــي


	ماقلت شي غلط عشان ادخل بعد المباراة بمـده ادوريـز حمار وانتهينا ولو دخلت بعد يوميـن هذا الوصف الي يستحقـه وبعدين متى كان ادوريـز في يومه اصـلا !؟ اول مباراتين ضحك علينا بهدفين وانتهت القصـه وبعدين شفناه كيف يضيـع ويستهبل اذا ماتدري ترى فيسنتي كان مصاب وهذي اول مباراة يرجع فيها لـ الفريق بعد الاصابه وكان معتمد عليه ايمري ولكن الاصابه ابعدته وطبيعي اذا رجع بيلعبـه اما اذا تبغى يلعبه في المباريات وهو مصاب هـذي جـديده !!

ابراهيم اذا جيت ترد الله يرضى عليك ولع النور , طبيت فيني وانا حبيب

من جاب طاري انك غلطان ؟ بس ارجع بعد كل مباراة نتعثر فيها , حتى
مرات مباراة نفوز فيها شف التقطيع فاللعيبة هجوم ولا عيره

مهاجم مسجل لك بالدوري 9 والثاني متصدر الهدافين بالابطال ومافيه
الا قوة تسفيل

المشكلة لازالت واذكر من قبل الموسم تكلمت فيها مع علي او عمر
بنبتل نقارن اي مهاجم يجينا بفيا .. من الآخر انسى تقتنع بأي مهاجم

من جاب طاري خله يلعب اصلا ؟ انا قلت مابي اشوفه خله يلعب
اول وياخذ لياقة وحساسية ولعبه يعني التبديل الحين جايز لك يا كبتن ؟

لعلك ايضا ً تصف معي وتقدم ملفك فالمنصب اللي تبيه بحيث تجيب اللاعب
اللي يجوز لك وتحط الشكيلة اللي تعجبك وتفتح نادي باسمك وماصديقنا الا انا

زيدان5 · #2433 16/02/2011, 10:42 AM

هاردلك على التعادل
معوضين بالاياب
ابي ملخص كامل للمباراة لاهنتوا ...

ץάмύйτ έмέя · #2434 16/02/2011, 01:13 PM

إقتباس

الرسالة الأصلية كتبت بواسطة N.ROOY


	ابراهيم اذا جيت ترد الله يرضى عليك ولع النور , طبيت فيني وانا حبيب من جاب طاري انك غلطان ؟ بس ارجع بعد كل مباراة نتعثر فيها , حتى مرات مباراة نفوز فيها شف التقطيع فاللعيبة هجوم ولا عيره مهاجم مسجل لك بالدوري 9 والثاني متصدر الهدافين بالابطال ومافيه الا قوة تسفيل المشكلة لازالت واذكر من قبل الموسم تكلمت فيها مع علي او عمر بنبتل نقارن اي مهاجم يجينا بفيا .. من الآخر انسى تقتنع بأي مهاجم من جاب طاري خله يلعب اصلا ؟ انا قلت مابي اشوفه خله يلعب اول وياخذ لياقة وحساسية ولعبه يعني التبديل الحين جايز لك يا كبتن ؟ لعلك ايضا ً تصف معي وتقدم ملفك فالمنصب اللي تبيه بحيث تجيب اللاعب اللي يجوز لك وتحط الشكيلة اللي تعجبك وتفتح نادي باسمك وماصديقنا الا انا

اكيـد بعد المباراة بـ اتكلم في اللعيبـه الي ضيعوا الفريق
والا تبغاني امـدحهم يعني !؟
مدري وش تبغاني اقـول بعد ما اشـوف لاعب ضيع على الفريق مباراة
وفي مباراة امـس ضيع علينا التأهــل
وقبلها ضيـع علينا التقدم اكثر في الدوري

بالنسبـة لي ما قد قارنت مهاجمينا بـ فيا
انا ابغى مهاجم يعرف يتحرك ويعرف وش يسوي قدام الباب
اما تجيب لي مهاجم مايعرف الا بـ الرأس وبـ القدم صفر هـذا مايسمى لاعب اصـلا
قلتها سابقا المهاجميـن الاثنين الي عنـدنا عادييـن او متوسطيـن ولكن لو بقارن سولدادو بـ ادوريـز يعتبر سـولدادو اسطــوره
سولدادو على الاقـل تنتظر منه شي ويرجع لـ ورا ويعرف يناول صـح ويصنع لكن الحمار الثاني شغلته تخريب الهجمات فقــط

اما اهـدافه الـ 9 في الدوري
ترى الرقم عادي جدا وبالعكس مخجل لـ مهاجم لعب 22 مباراة
ولو مستغل الفرص السهله الي جته كان اهـدافه اكثر بـ كثير
ليتهم مخليـن ميكـو والله ارحــم

وبعدين انا الي ماهو عاجبني المهاجم فقـط
والحمدلله حتى الاداره ماهو عاجبها وضـع الهجـوم
لـ ذلك الي يسـويه لورينتي هو نفس الي ابغاه انا
عشان كـذا مايحتاج افتح لي نادي مثلك

إقتباس

الرسالة الأصلية كتبت بواسطة زيدان5


	هاردلك على التعادل معوضين بالاياب ابي ملخص كامل للمباراة لاهنتوا ...

faisal... · #2435 16/02/2011, 06:37 PM

هاردلك التعادل .

- لابد لايمري التخبط لايمكن يلعب مباراة وحدة صح.

- صار اللي خفت منه ان العبقري يطلع جوناس برا التشكيله ويقوم يحوس بالتغيير.

- خروج بانيقا اكبر الغلطات ودخول فيسنتي غلط كبير لاعب غايب كم شهر تلعبه مباراة مصيرية إلعن ام التفكير.

- كان الاجداء خروج ادويرز والعودة للخطه السابقه اللي يلعب به في الدوري.

- حطة خواكين على الدكة خطأ لاعب حاسملك المباراة الماضيه تكافئه بالدكة (والله عبقري).

- جوناس لازم يلعب المباراة القادمه (هي خاربة خاربة خلينا نعميها).

- وصولنا للدور هذا شي جيد ولو خصمنا مو شالكة كان ماعصبنا على الخروج.

Vicente14 · #2436 17/02/2011, 11:29 AM

إقتباس


	- صار اللي خفت منه ان العبقري يطلع جوناس برا التشكيله ويقوم يحوس بالتغيير.

حنا غوناس ما شفناه ، يعني على ويش نطالب بوجوده و هو ما لعب أي مباراة مع فالنسيا و لا شفنا مستواه ...

صعب صعب يجازف و يلعبه في مباراة مثل مباراة في دوري الأبطال و دور إقصائي ، و هو ما لعب أي مباراة قبلها ، يمكن أقول كان أفضل لو إيمري لعبه في أحد المباريات اللي مضت في الدوري و هو موجود ...

الفريق بشكل عام قدم مستوى حلو في المباراة ، و كنا الطرف الأفضل ، و كان بإمكاننا نطلع بنتيجة أفضل من اللي طلعنا فيها ، و أعتقد أيضا بنكون الطرف الأفضل في مباراة الإياب ، و إن شاء الله بنحقق نتيجة إيجابية ...

إقتباس


	- وصولنا للدور هذا شي جيد ولو خصمنا مو شالكة كان ماعصبنا على الخروج

.

حنا ما طلعنا ، تو خير ، باقي مباراة و إن شاء الله بنتأهل من أرضهم

...

faisal... · #2437 17/02/2011, 05:28 PM

إقتباس


	حنا غوناس ما شفناه ، يعني على ويش نطالب بوجوده و هو ما لعب أي مباراة مع فالنسيا و لا شفنا مستواه ...

اخوي حسين انا كنت اطالب انه يلعب المباريات اللي راحت عشان زي هذي اللحظه وانا طالبت بوجوده عشان حنا متعادلين يعني زي الخسارة دامها على ملعبنا ولو كان موجود صدقني بيصنع الفارق اي لاعب بدل ادويرز بيسوي شي حتى ولو كان البزر حقنا.

إقتباس


	حنا ما طلعنا ، تو خير ، باقي مباراة و إن شاء الله بنتأهل من أرضهم ...

حسين إذا ماقدرت تفوز على ملعبك ماراح تفوز على ملعبهم الا إذا كان عندك لاعب خرافي يصنع الفارق او مدرب يعرف يقرى المباراة ويعرف يغير وهذا غير موجود في فالنسيا.

Vicente14 · #2438 17/02/2011, 07:28 PM

إقتباس


	اخوي حسين انا كنت اطالب انه يلعب المباريات اللي راحت عشان زي هذي اللحظه وانا طالبت بوجوده عشان حنا متعادلين يعني زي الخسارة دامها على ملعبنا ولو كان موجود صدقني بيصنع الفارق اي لاعب بدل ادويرز بيسوي شي حتى ولو كان البزر حقنا

كذا حنا متفقين ، و أنا بعد كنت أتمنى نشوف غوناس في المباريات اللي مضت بالدوري ، حتى لو يشارك ربع ساعة ، لكن يبدو إيمري عنده نظرة ثانية ، لذلك دامه ما لعبه أي مباراة قبل ، صعب يلعبه في مباراة مثل اللي مع شالكه و أنا مع إيمري إنه ما لعبه

...

إقتباس


	حسين إذا ماقدرت تفوز على ملعبك ماراح تفوز على ملعبهم الا إذا كان عندك لاعب خرافي يصنع الفارق او مدرب يعرف يقرى المباراة ويعرف يغير وهذا غير موجود في فالنسيا.

أنا ما أنكر إن الأرض و الجمهور عوامل تساعد على تحقيق نتائج إيجابية ، لكن الفريق اللي أفضل فنيا يقدر يتغلب على هذي العوامل

، و حنا فنيا أفضل من شالكه ، و فريقنا إن شاء الله هو اللي بيكون ماسك الكورة و هو اللي بيكون ضاغط و مستحوذ على زمام المباراة ، و إن شاء الله هو اللي بيفوز و بيتأهل

...

حنا إلى الحين ما خسرنا خارج أرضنا بدوري الأبطال ، لعبنا ثلاث ، تعادلنا ثنتين و فزنا بوحدة ...

و من جاء إيمري من موسم 2008-2009 ، ما خسرنا سوى مباراتين أوروبيتين ، وحدة خارج أرضنا و كانت بالدوري الأوروبي الموسم الماضي قدام كلوب بروج 1-0 في دور الـ 32 ، و تأهلنا لأن فزنا بالإياب بـ 3-0 ، و الثانية كانت قدام مان يونايتد الموسم هذا على أرضنا 1-0 ...

يعني على مدار 3 مواسم ، إلى مباراة شالكه لعبنا تقريبا 25 مباراة أوروبية ما خسرنا إلا في ثنتين ، وحدة فقط كانت خارج الأرض ...

هالأمور يفترض تخلينا نتفاءل ، و إن شاء الله الأرض و الجمهور ما تفرق معنا كثير و نقدر نطلع من ألمانيا متأهلين ، و بعد المباراة إن شاء الله بتبارك لي و بتقول لي تفاؤلك كان في محله

...

ץάмύйτ έмέя · #2439 17/02/2011, 09:26 PM

غـــلاف الســوبر

100 مباراة في الدوري
إيمري لديه أفضل الأرقام في تاريخ فالنسيـا

.......... اونـــاي
بينيتـز

100 لقـاء ......... 99 لقــاء
النقاط .. 186 ......... النقاط .. 180
فاز .. 53 ......... فاز .. 53
تعادل .. 27 ......... تعادل .. 21
خسر .. 20 .......... خسـر .. 25
له .. 153 ........... لـه .. 165
عليه .. 79 ........... عليـه .. 119

خـوان ماتا
الــ '10' يريـد العـوده امام سبـورتنـغ

-----------

الارقاااااام تتكلــــــم
مـع مـلاحظـة الفرق الكبيـر بين عناصر فريقي بينيتـز و ايمـري
و لا زال ايمـري يرد !!

faisal... · #2440 17/02/2011, 10:33 PM

إقتباس


	صعب يلعبه في مباراة مثل اللي مع شالكه و أنا مع إيمري إنه ما لعبه

حسين ليش صعب اشوف مافيها صعوبه لانك راح تلعبه في مباراة ما وانت جايب ومقتنع فيه والنتيجه مو مرضيه وهو راح يكون بدل ادويرز يعني لو ماسوى شي ماراح يكون اردى من ادويرز.

إقتباس


	أنا ما أنكر إن الأرض و الجمهور عوامل تساعد على تحقيق نتائج إيجابية ، لكن الفريق اللي أفضل فنيا يقدر يتغلب على هذي العوامل ، و حنا فنيا أفضل من شالكه ، و فريقنا إن شاء الله هو اللي بيكون ماسك الكورة و هو اللي بيكون ضاغط و مستحوذ على زمام المباراة ، و إن شاء الله هو اللي بيفوز و بيتأهل ...

انا اقول وصولنا لهذي المرحله كويس وإذا تأهلنا إن شاء الله شي حلو وماني زعلان لو خرجنا بس شرط اننا نأدي كويس والارض والجماهير تسوي اشياء اقل شي تنرفز لاعبينك ولاتنسى شالكة غايب عنه كم لاعب حسب ما سمعت ولا شالكة اللي شفناه ماراح يأكل منا عيش.

إقتباس


	الارقاااااام تتكلــــــم مـع مـلاحظـة الفرق الكبيـر بين عناصر فريقي بينيتـز و ايمـري و لا زال ايمـري يرد !!

والتغييرات تتكلم بعد تبين ان المدرب مايعرف يقرا المباراة وان المدرب كتاب مفتوح كل واحد يقرا افكاره(قالها الشتالي) فلانقعد نفخم بالمدرب وهو من جنبها مره يصيب وعشرة يخيب صحيح انه هو المناسب في هذا الوقت لكن الفوز اللي حصل مو كله من خططه وانت تشوف وشلون يحوس بالخطط.

ץάмύйτ έмέя · #2441 17/02/2011, 11:45 PM

إقتباس


	والتغييرات تتكلم بعد تبين ان المدرب مايعرف يقرا المباراة وان المدرب كتاب مفتوح كل واحد يقرا افكاره(قالها الشتالي) فلانقعد نفخم بالمدرب وهو من جنبها مره يصيب وعشرة يخيب صحيح انه هو المناسب في هذا الوقت لكن الفوز اللي حصل مو كله من خططه وانت تشوف وشلون يحوس بالخطط.

صـح ايمري فااشل والدليـل الارقام
مدري كيف ماينسب الفوز له والنتائج السلبيه على طـول تنسب له !؟
واذا على كلام الشتالي ترى نواف معجب في تعدد الخـطط واكثر من مره يشيـد في ايمـري

عمـوما الارقام هي من تنصـف ايمـري
والارقام كاااااااافيــه