●][ رابطة عشاق فالنسيا 2010 ~ 2011 ][ Amunt Valencia ][ ● - صفحة رقم 115 - نادي الهلال السعودي - شبكة الزعيم

N.ROOY · #1711 24/12/2010, 10:39 PM

إقتباس

الرسالة الأصلية كتبت بواسطة faisal...


	لكن العين بصيره والديون كثيره.

يالبى الحكم اللي تمشي على الارض

إقتباس

الرسالة الأصلية كتبت بواسطة faisal...


	تسمحلي ارد على اخوي محمد رامي صحيح مقدم مستويات وصحيح الدوري الفرنسي ضعيف (مع انه الرابع عالميا) لكن رامي يبقى افضل من الكديش اللي عندك ويميزه صلابته وطوله الفارع يعني العرضيات إن شاء الله ماتشيله هم شف مدافعينك كلهم مو بذاك الطول العالي بالله بسألك ايه افضل ديالبيرت او رامي مع اني ماكد شفتله ولا مبارات الا إني متيقن انه افضل من اللي عندنا لسبب انه اللي جايبه مو المدرب العبقري ايمري اللي جايب الاصلع وصحيح كلنا ودنا بمدافع بواصفات تيري لكن مد رجلينك على قد لحافك والسبب اللي خلاهم يجيبونه غير انه رخيص (قريت بمنتدى ثاني) انه الشركه المعلنه على قمصان فالنسيا تدفع جزء من الراتب او نصفه إذا جبت لاعب من فرنسا وبلجيكا وهولندا واللي حولهن فهذي كلها مغريات خلتهم يوقعون مع رامي ولا يوقعون معلاعب البايرن اللي ممكن انه يجي مع انهم جلسو معه كم مره عموما انا اشوف انها صفقه موفقه الا اذا خاترعلك العبقري وخلاه احتياط زي ستانكي زكلامك على اللاعبين العرب هذا رايك واحترمه لكن الشواهد تقول إنه فيه هناك مبدعين امثال زيدان وهو اكبر مثال والعرب على العموم مقدمين صوره طيبه مثل حاجي والشماخ والمهداوي وغيرهم.

اتفق معك في كثير من كلامك ونقطة اذا بنجيبه على الاقل افضل من الموجودين
هذي لاخلاف عليها بس نحط عليه آمال وانه هو ضالتنا لا بدري عليه

وايضا أتفق في نقطة الاولويات فالتعاقدات .. خلاص انت صديقي الجديد

إقتباس

الرسالة الأصلية كتبت بواسطة هـ 9 ــلالـ 20 ــي


	تفضل ديميكليس على رامي !!؟ ديميكليس اكبر نكبه على وجه الارض ولو فيه خير كان شفت الانديه تطلبه بعد ماطرده البايرن لكن ما اهتم فيه الا ملقا صاحب الترتيب 18 في الدوري الاسباني !! عاجبك ديميكليس لانه اساسي في الارجنتيني وماهو عاجبك رامي لانه اساسي في فرنسا !!

ابوخليل موب عشانك ماتبيه يطلع العالم كله عايفه العروض له موجودة , البايرن طرد
قبله لوسيو وطلع كلام انه مقلب شربه الانتر وشف وش مسوي .. فانقال مطرطع اذا مل
من شكل لاعب كرشه

تقارن الارجنتين بعظمتها في كرة القدم بفرنسا وكل لاعبينه الاساسيين مكروشين ؟
عطنا اسامي لها ثقلها في دفاع فرنسا حاليا ً .. مافيه ميكسيس ممكن ومرات بعد لك
عليه غيره سكودي وسكيلاتشي وذاك المطفوق حق الارسنال اذا مالعب أبورامي
فالمنتخب ذا الفترة متى بيلعب ؟

faisal... · #1712 24/12/2010, 11:09 PM

إقتباس


	حتى الاظهره يالغالي ماثيو ياكثر مايغيب بسبب الاصابه وهو الوحيد الي في اليسار اما اليميـن الاثنين فاشلين ميغيل و برونو

برهوم انا ماقلت انهم فلته ولانبي نغيرهم انا اقول ان فيه اولويات واشياء اهم وانا معك ونظرتك هي نظرتي حتى رامي اعتقد انه بيفيدنا كثير.

إقتباس


	ب صراحه نبي واحد ينشد فيه الظهر واكتشفت ان الفرنسيين من جنبهآ .. ماودي استعجل ب الحكم لكن لنا الله ..

يالمديرة ابسألك منهم الفرنسيين اللي نكبات عديهم لو سمحتي بعدين انا اشوف ان ماثيو مو نكبه بلعكس ممتاز لكن ماله بديل.

إقتباس


	يالبى الحكم اللي تمشي على الارض

تبي ترى عندي واجد

إقتباس


	.. خلاص انت صديقي الجديد

محمد بصراحه اتشرف وانت اول صديق لي بهذي الرابطه

إقتباس


	اتفق معك في كثير من كلامك ونقطة اذا بنجيبه على الاقل افضل من الموجودين هذي لاخلاف عليها بس نحط عليه آمال وانه هو ضالتنا لا بدري عليه وايضا أتفق في نقطة الاولويات فالتعاقدات

لا ياصديقي (ماصدق على طول

) محد قال انه ظالتنا بس نقول هو افضل الخيارات المتاحه بحسب مايقدم(على كلام إبراهيم) وبحكم انه لاعب منتخب اوربي كبير يعني هالمنتخبات بصعبه تنظم للمنتخب وانت اي كلام فيه صحافه وجماهير تحرق وناس بتحاسبك موزي عندنا (كلها خطط مدروسه والتشكيله من انديه معينه حتى تظعف النافس و الطفل المدلل ياخذ بطولات) وحنا بننتظر ونشوف وش يقدم لكن اللي متاكد منه انه افضل من العاهات.

VALENCIANISTA · #1713 25/12/2010, 01:02 AM

محمـّد من زمان ما إتفقنا على شيء بس هنا نتفق أخيراً

إبراهيم إسمح لي ! أنت ماخذ مقلب كبير بـ صدارة ليل !!

مسألة إنه متصدر تقوم تقول عآدل رمزي يشيل دفاع ! قالها محمّد بدررري علييييه !!

إذا بـ تحسبها كذا أجل ورا مايتعاقدون مع خيرات ؟ حتى الهلال متصدر

ترى ليل متصدر ومع ذلك دفاعه أي كلام !

ثآلث الترتيب رين مرماه إستقبل فقط 12 هدف ! والمتصدر 21 ! شف الفرق !!

لا تخلي صدراة فريقه تخليك تحطه نجم كبير على لا شيء !

تراه جيّد بـ الإنـذارات . شيّكت على كورة والولد فالها كروت

يعني بـ نظام التحكيم في أسبانيا بـ يروح فيها

وأنت عارف هنا من أي إحتكاك كرت

ولا يُقارن إطلاقاً بـ ديميكليس . فرق بين الثرى والثريا صدقني

عُوفيتم

ץάмύйτ έмέя · #1714 25/12/2010, 01:05 AM

إقتباس


	ابوخليل موب عشانك ماتبيه يطلع العالم كله عايفه العروض له موجودة

جب العروض الي جته !؟

إقتباس


	تقارن الارجنتين بعظمتها في كرة القدم بفرنسا وكل لاعبينه الاساسيين مكروشين ؟

تروح و ترجع على نفس هـ الكلام !!
من هي الاسماء الاساسيه (الافضل) مكروشه !؟
بلان بدء بـ اختيار الافضل وما عليه من الاسماء المنتهيه
وبعدين ترى رامي مستدعى لـ المنتخب حتى قبل بلان

إقتباس


	تقارن الارجنتين بعظمتها في كرة القدم بفرنسا وكل لاعبينه الاساسيين مكروشين ؟

لا بـ قارن بيـن الاجيال الحاليه
وشهـو منتخب الارجنتين حاليا !!؟
واذا مالعب ديميكليس اساسي بهالفتره متى بيلعـــب اجل ؟

إقتباس


	اتفق معك في كثير من كلامك ونقطة اذا بنجيبه على الاقل افضل من الموجودين هذي لاخلاف عليها بس نحط عليه آمال وانه هو ضالتنا لا بدري عليه

إقتباس


	لا ياصديقي (ماصدق على طول) محد قال انه ظالتنا بس نقول هو افضل الخيارات المتاحه بحسب مايقدم(على كلام إبراهيم) وبحكم انه لاعب منتخب اوربي كبير يعني هالمنتخبات بصعبه تنظم للمنتخب وانت اي كلام فيه صحافه وجماهير تحرق وناس بتحاسبك موزي عندنا (كلها خطط مدروسه والتشكيله من انديه معينه حتى تظعف النافس و الطفل المدلل ياخذ بطولات) وحنا بننتظر ونشوف وش يقدم لكن اللي متاكد منه انه افضل من العاهات.

وش الي افضل من العاهات و ماهو بـ ضالتنا !!
لاعب مطلـوب من ليفربول وميـلان ويوفنتوس وليـون ومرسيليا صار لاعب عادي
ولاعب مطلـوب من ملقا فقـــط صار لاعب مميز وقائد الدفاع و الملهم ووووووو الخ !!
سبحــان الله

طبعا اخبار اهتمام الانديه الكبيره بـ رامي ممليه اكبر الصحف الانجليزيه والفرنسيه و الاسبانيه

إقتباس


	ولا يُقارن إطلاقاً بـ ديميكليس . فرق بين الثرى والثريا صدقني

VALENCIANISTA · #1715 25/12/2010, 01:12 AM

لا ياصديقي (ماصدق على طول

) محد قال انه ظالتنا بس نقول هو افضل الخيارات المتاحه بحسب مايقدم(على كلام إبراهيم) وبحكم انه لاعب منتخب اوربي كبير يعني هالمنتخبات بصعبه تنظم للمنتخب وانت اي كلام فيه صحافه وجماهير تحرق وناس بتحاسبك موزي عندنا (كلها خطط مدروسه والتشكيله من انديه معينه حتى تظعف النافس و الطفل المدلل ياخذ بطولات) وحنا بننتظر ونشوف وش يقدم لكن اللي متاكد منه انه افضل من العاهات.[/QUOTE]

لاعب منتخب كبير أنا معك ! بس وش خلاّه ينضم !؟ الكل عارف بلان نص لعيبة المتخب مقرشعهم عشان مشاكل المونديآل

مهوب من ميزتن فيه وأتحدى

يارجال من عقب هدفه بـ مرمى فريقه فـ مباراة بوردو

ودرازن الكروت اللي ياخذها غسلت يدي منه

يبقى ديميكليس الخيار الأفضل .

إبراهيم لا تندفع . فيصل قآل أفض من العاهات مهوب أفضل العاهات

ץάмύйτ έмέя · #1716 25/12/2010, 01:17 AM

8

ايالا كان افضل لاعب يتفنن بتسجيل الاهـداف في مرمى فريقه !!
عابه هـ الشي !!!!!!!!؟

المدافع مهما كان كبير ومميز تجيه فترات يخطي فيها
وحتى في السعودديه تفاريس لما جاء في مبارياته الاولى سجل في الهــلال ومع ذلك كان افضل لاعب في الدفاع وكان شايل الدفاع لــ حاله !!

لذلك الي ياخذ بهالمسألة مع احترامي له مايعرف وشهي الكوره

اما الكروت اخـذ 5 كروت في 18 مباراة
و ما انطـرد و لا مباراة
مـدري وش الي مزعجك في الكروت
تراه يلعب في الدفاع و 5 كروت من 18 مباراة شي عادي جدا جدا

VALENCIANISTA · #1717 25/12/2010, 01:28 AM

^

لاحظ إني تكلمت عن الهدف بـ تريقة

والكروت معليش 5 رقم كبير !! فيه لعيبة تخلص مواسم بدون كرت واحد

وكـ مثآل للتوضيح موب للمقارنـة . قريت خبر بـ رابطة المانيو أعتقد عن فيرديناند

حاجة من ثنتين يا إنه من الموسم الماضي ما أخذ غير إنذار أو ما إنحسب عليه غير فاول واحد بس

طبعاً ماهنا مُقارنـة بينهم لكن مسألة خمس كروت قليل ! صعبة شوي

يارجُل هوساوي أنهى موسم كامل بدون إنذار ومن جاء للهلال ما أذكر إنه غاب للإيقاف !

إذا اللاعب معجبك بـ كيفك كل واحد له وجهة نظر ، لكن تعطيه هـ المدح هذا كله ! مايستاهل ربعه

ץάмύйτ έмέя · #1718 25/12/2010, 01:34 AM

8

ومقارنه بسيطه بـ بيكيه و كارفليـو
بيكيه لعب 13 مباراة اخذ 6 كروت صفر و انطرد مره
كارفليـو لعب 15 مباراة اخذ 8 كروت صفر وانطرد مره

والا حتى ذولي فاشليـن بعـد

اذا انت تبغى مدافع يطلع من الموسم بدون كروت فهـذي ااكد لك انها بتصير بـس معجزه
وهوساوي تراه يلعب في الدوري السعودي والا فرنسي ماهو مقياس والسعودي مقياس !!؟

عموما 5 كروت في 18 مباراة شي عادي جـدا
وجبت لك مدافعين كبار جدا اخذوا اكثر بـ كثير وهذا مايقلل من امكانياته

faisal... · #1719 25/12/2010, 03:41 PM

إقتباس


	وش الي افضل من العاهات و ماهو بـ ضالتنا !! لاعب مطلـوب من ليفربول وميـلان ويوفنتوس وليـون ومرسيليا صار لاعب عادي ولاعب مطلـوب من ملقا فقـــط صار لاعب مميز وقائد الدفاع و الملهم ووووووو الخ !! سبحــان الله طبعا اخبار اهتمام الانديه الكبيره بـ رامي ممليه اكبر الصحف الانجليزيه والفرنسيه و الاسبانيه

ابراهيم يرحم والدينك هد شوي تبي تهاجم وبس ماتدري من اللي معك واللي ضدك انا اقول اني متوافق معك وانه افضل خيار موجود وبردي على (صديقي) قلت افضل من العاهات اقصد ديالبيرت ونافارو وكلامي انه مو ضالتنا اقصد ان فالنسيا فريق كبير نبي مدافعين كبار امثال تيري وكارفلهو وبويول وفردناند انا بصراحه ماقد شفت لرامي ولا مباراه بس لان نظرتك الفنيه تعجبني وواثق منها دافعت عن رامي معك ولانه احس فيه تقارب كبير بين نظرتي ونظرتك فبحكم اني لم اشاهده مقدر احكم عليه انه بيكون ظالتنا لابد يلعب ونحكم عليه واقرب مثال ستانكي اول مباراة لعبها شوارع وطلع الشوط الثاني ثم بعد لعب كم مباراه ضبط.

إقتباس


	تقوم تقول عآدل رمزي يشيل دفاع

ترى اسمه عادل رامي هذا وانت ماتعرف اسمه شانن حمله عليه

إقتباس


	V.R.1981 محمـّد من زمان ما إتفقنا على شيء بس هنا نتفق أخيراً إبراهيم إسمح لي ! أنت ماخذ مقلب كبير بـ صدارة ليل !! مسألة إنه متصدر تقوم تقول عآدل رمزي يشيل دفاع ! قالها محمّد بدررري علييييه !! إذا بـ تحسبها كذا أجل ورا مايتعاقدون مع خيرات ؟ حتى الهلال متصدر ترى ليل متصدر ومع ذلك دفاعه أي كلام ! ثآلث الترتيب رين مرماه إستقبل فقط 12 هدف ! والمتصدر 21 ! شف الفرق !! لا تخلي صدراة فريقه تخليك تحطه نجم كبير على لا شيء ! تراه جيّد بـ الإنـذارات . شيّكت على كورة والولد فالها كروت يعني بـ نظام التحكيم في أسبانيا بـ يروح فيها وأنت عارف هنا من أي إحتكاك كرت ولا يُقارن إطلاقاً بـ ديميكليس . فرق بين الثرى والثريا صدقني عُوفيتم

اخي الكريم الصدارة لاتعني الافضليه (هذا النصر تدر الدوري اسبوع) وكثره الكروت والتسجيل في مرماك لاتعني الفشل وانك غير جيد الكروت تخضع لوجه نظر الحكم هذا اسامه المولداقل كروت هذا الموسم هل يعني انه مدفع ممتاز وابعطيك مثال من عندك بالفريق ديالبيرت كم كرت اخذ وشف كوستا كم كرت اخذ هل هذا يعني ان ديالبيرت افضل من كوستا فعجبا على هذا المنطق واللاعب ممكن يكون غير جيد في فريق وينتقل ويبدع (مثال ادويرز انضم للمنتخب معنا) والشي الثاني هل فانسيا مثل ليل وهل الدوري الاسباني مثل الدوري الفرنسي واله الخصوم بنف المستوى وللمعلوميه قد يكون اللاعب مبدع مع فريق ثم ينتقل ولا يؤدي جيدا(مثاله سفيان فيقولي) فلا تحكمون على اللاعب قبل ان ياتي وإذا بغيت تحكم فاحكم بالمستوى الفني وليس بكثره الكروت والاهداف وكثره العروض هي ميزه للاعب ولا تدل على ما سيقدمه إطلاقا واللي يبغون ديميكليس إذا انه مبدع كما تقولون ليش البايرن يفرط فيه واللي سمعته وقريته ان البايرن بيعيره يعني ماراح يبيع وحنا نبي لاعب يطول معنا.

إقتباس


	إذا اللاعب معجبك بـ كيفك كل واحد له وجهة نظر ، لكن تعطيه هـ المدح هذا كله ! مايستاهل ربعه

اخوي حتى انتم عطيتوا ديميكليس مدح كبير وخليتوه خورافي وهو المنقذ وهو اللي بيحل كل مشاكلنا وبكلامكم لو جاء ديميكليس انه ماراح احد يقدر يسجل فينا .

ياجاعه هي كلها وجهات نظر ولا تفسد للود قضيه ممكن لاعب تمده وهو يستاهل وإذا جاك ماقدم شي فخلونا نصبر ونشوف مع ان مؤهلات النجاح متوفره في رامي ويمكن الادارة تاخذ ديميكليس إعاره لين يعتزل مدرب البايرن.

ץάмύйτ έмέя · #1720 25/12/2010, 04:11 PM

إقتباس


	ابراهيم يرحم والدينك هد شوي تبي تهاجم وبس ماتدري من اللي معك واللي ضدك انا اقول اني متوافق معك وانه افضل خيار موجود وبردي على (صديقي) قلت افضل من العاهات اقصد ديالبيرت ونافارو وكلامي انه مو ضالتنا اقصد ان فالنسيا فريق كبير نبي مدافعين كبار امثال تيري وكارفلهو وبويول وفردناند انا بصراحه ماقد شفت لرامي ولا مباراه بس لان نظرتك الفنيه تعجبني وواثق منها دافعت عن رامي معك ولانه احس فيه تقارب كبير بين نظرتي ونظرتك فبحكم اني لم اشاهده مقدر احكم عليه انه بيكون ظالتنا لابد يلعب ونحكم عليه واقرب مثال ستانكي اول مباراة لعبها شوارع وطلع الشوط الثاني ثم بعد لعب كم مباراه ضبط.

آســف يالغالي

انا الي نرفزني ان لاعب مطلوب من اكبر الانديه الاوروبيه صار لاعب عادي ومايقدر يشيل الدفاع ولاعب سيء وانطرد من البايرن ومافيه احد فكر فيه غير ملقا صار ممتاز وكبير !!!!!
يا فيصل بسألك ليه كل هـ الانديه تبغاه اذا هو فاشل وما يقدر ينظم دفاع !!؟

مسألة التقليل من رامي و النفخ في ديميكليس هـذي مدري وش اسميها بصراحه !!

إقتباس


	ترى اسمه عادل رامي هذا وانت ماتعرف اسمه شانن حمله عليه

ما عليك من الاســم
في اول رد لـ الغالي علي جاء وقال لما شفت درزن الكروت الي ماخذها غسلت يدي منه
انا توقعت انه ماخذ 8 كروت صفر في 13 مباراة و منطرد مباراة او مباراتيـن
ولكن تفاجات انه اخذ 5 كروت فقـط في 18 مباراة وما انطرد ولا مباراة !!!!!!!!!!
هي مسالة عدم قبول لـ رامي وهذا التفسير الوحيد

إقتباس


	اخوي حتى انتم عطيتوا ديميكليس مدح كبير وخليتوه خورافي وهو المنقذ وهو اللي بيحل كل مشاكلنا وبكلامكم لو جاء ديميكليس انه ماراح احد يقدر يسجل فينا . ياجاعه هي كلها وجهات نظر ولا تفسد للود قضيه ممكن لاعب تمده وهو يستاهل وإذا جاك ماقدم شي فخلونا نصبر ونشوف مع ان مؤهلات النجاح متوفره في رامي ويمكن الادارة تاخذ ديميكليس إعاره لين يعتزل مدرب البايرن.

هـذا الكلام
المـدح الكبير لـ ديميكليس خلاني احـس انه بويـول او بيكيه او كارفليـو
رامي سهل تقييمه وانتظروا اقرب مباراة لـ ليل اووووه صح نسيت ان الدوري الفرنسي ماهو مقياس

اجل انتظروا اقرب مباراة له مع المنتخب و شوفو مسـتــواه

اما ديميكليس مستحيل تشوفه في فالنسيا
اولا بسبب عمـره و ثانيا بسبب مستواه
وديميكليس مستواه الحالي يأهله للعب في ملقا فقـط

N.ROOY · #1721 25/12/2010, 05:55 PM

إقتباس

الرسالة الأصلية كتبت بواسطة faisal...


	والتسجيل في مرماك لاتعني الفشل وانك غير جيد الكروت تخضع لوجه نظر الحكم هذا اسامه المولداقل كروت هذا الموسم هل يعني انه مدفع ممتاز وابعطيك مثال من عندك بالفريق ديالبيرت كم كرت اخذ وشف كوستا كم كرت اخذ هل هذا يعني ان ديالبيرت افضل من كوستا فعجبا على هذا المنطق واللاعب ممكن يكون غير جيد في فريق وينتقل ويبدع (مثال ادويرز انضم للمنتخب معنا) والشي الثاني هل فانسيا مثل ليل وهل الدوري الاسباني مثل الدوري الفرنسي واله الخصوم بنف المستوى وللمعلوميه قد يكون اللاعب مبدع مع فريق ثم ينتقل ولا يؤدي جيدا(مثاله سفيان فيقولي) فلا تحكمون على اللاعب قبل ان ياتي وإذا بغيت تحكم فاحكم بالمستوى الفني وليس بكثره الكروت والاهداف وكثره العروض هي ميزه للاعب ولا تدل على ما سيقدمه إطلاقا واللي يبغون ديميكليس إذا انه مبدع كما تقولون ليش البايرن يفرط فيه واللي سمعته وقريته ان البايرن بيعيره يعني ماراح يبيع وحنا نبي لاعب يطول معنا.

مدافع ومسجلين في مرماك هذا الكم الهائل وتقولي مالها دخل !
والله ماله داعي راس الحربة هو اللي تسبب بالاهداف

اتفق مع كلام علي كله واختلف في قصة الكروت فقط اذا المدافع ماباخذ كروت من
ياخذ ؟

ومن قالك ان سفيان كان فلته في ناديه ؟ أذكر على الاخبار اللي جتنا وميلان يبونه
وناديه طلب 30 مليون قلت بس وروني اياه .. رح شف لقطاته الحين يمديك شي
يضحك والله

فيصل نقطة البايرن تكلمت عنها واكبر مثال حي لوسيو

إقتباس

الرسالة الأصلية كتبت بواسطة هـ 9 ــلالـ 20 ــي


	انا الي نرفزني ان لاعب مطلوب من اكبر الانديه الاوروبيه صار لاعب عادي ومايقدر يشيل الدفاع ولاعب سيء وانطرد من البايرن ومافيه احد فكر فيه غير ملقا صار ممتاز وكبير !!!!! يا فيصل بسألك ليه كل هـ الانديه تبغاه اذا هو فاشل وما يقدر ينظم دفاع !!؟ مسألة التقليل من رامي و النفخ في ديميكليس هـذي مدري وش اسميها بصراحه !!

علي .. طف الطرمبه اللي معك

القصة يا حبيّبي ميب ديميكليس يشيل القصة انه خبره بيفيدنا بدال مايعيث
المتنكر لاصله في دفاعنا , لو ادور مدافع يشيل كان قلت فيدتش ولا لوسيو
بس الكلام كله عن اللاعب المتوفر يعني الاحدايث الحين يا عادل يا ديميكلس
بختار الثاني وانا مغمض

ابراهيم محد ذكر انه فاشل وقلتلك تبي تجيبه أفضل من العاهات الموجودين اوكي
بس تقفل السوق عليه على أساس انه صفقه الموسم وحلال المشاكل نرجع نقول
بدري عليه في انتظار كبار اوروبا اللي يتصارعون عليه اللي من جد لو بغاه
احد منهم راح له وهو أحول

غير القدرة المادية لهم اللي نبطي نحطها

اليوفي تشيلسي الانتر كلهم مهتمين بديميكلس يا ابراهيم الله يعافيك

عافاكم كلام مستمتعين فيه مع التوقف لعل الآخرين يدلون بدلوهم

faisal... · #1722 25/12/2010, 07:06 PM

إقتباس


	آســف يالغالي انا الي نرفزني ان لاعب مطلوب من اكبر الانديه الاوروبيه صار لاعب عادي ومايقدر يشيل الدفاع ولاعب سيء وانطرد من البايرن ومافيه احد فكر فيه غير ملقا صار ممتاز وكبير !!!!! يا فيصل بسألك ليه كل هـ الانديه تبغاه اذا هو فاشل وما يقدر ينظم دفاع !!؟ مسألة التقليل من رامي و النفخ في ديميكليس هـذي مدري وش اسميها بصراحه !!

بالعكس لاتأسف ولا شي حنا ماجينا هنا الا لتبادل الاراء والطرح الجيد ومايصير تتنرفز لانها وجات نظر يعني يالغاليلو انت تحب اللون الازرق وان احب اللون الاحمر وقلتلك الازرق مب زين بنرفزك ياخوي اضبط اعصابك شوي لان لكل واحد وجه نظر مسي وهو مسي فيه ناس تقول انه ماينفع ولاهوب لاعب فونا اخوك الركاده زينه ارجع واقول العروض ليست مقياس لان اللاعب ممكن ينجح بمكان ويفشل بمكان وراح اعطيك مثال حي الارجنتيني دومنقيز وش كان مسوي مع روبن كازان والحين معنا وكذلك كوارزما وشيفا يوم جاء لتشلسي ويكفي اكبر رد عيهم يا ابراهيم انه لاعب منتخب فرنسا بطله العالم والمدرب ماراح يغامر بسمعته عشان ياخذ لاعب اي كلام وانا راح شوف له لقطات في الوتيوب (مع اني وثق برايك) او ياليت تنزلنا يا ابراهيم لقطات بكل حالاته الزين والشين.

إقتباس


	هي مسالة عدم قبول لـ رامي وهذا التفسير الوحيد

ياجماعه خلو طرحنا راقي ولا كل واحد يتعصب لرايه يعني هم يسبون رامي عطونا الاسباب الفنيه اللي تخليكم ترفظونه وعطونا الاسباب الفنيه اللي تفضلون ديميكليس وابراهيم مثل ذلك لاتجون وتقولون هذا بالمنتخب وعروض وكروت غيره نبي يصير نقدكم فني بحت.

إقتباس


	اما ديميكليس مستحيل تشوفه في فالنسيا اولا بسبب عمـره و ثانيا بسبب مستواه وديميكليس مستواه الحالي يأهله للعب في ملقا فقـط

مع احترامي لك العمر مو عيب هذا سيزار وبيريس الفرنسي بفياريال.

إقتباس


	مدافع ومسجلين في مرماك هذا الكم الهائل وتقولي مالها دخل ! والله ماله داعي راس الحربة هو اللي تسبب بالاهداف

يا صديقي الاهداف كلها هو الجابها او هو اللي تسبب ب21 هدف لحاله موصحيح قديكون الحارس غير جيد وقد يكون الدفاع اللي مه نكبات ياجماعه تكلمو بالعقل والنطق والله لو هو نكبه لهادرجه مالقيته بالمنتخب ولا احد يعرض عليه عقد.

إقتباس


	ومن قالك ان سفيان كان فلته في ناديه ؟ أذكر على الاخبار اللي جتنا وميلان يبونه وناديه طلب 30 مليون قلت بس وروني اياه .. رح شف لقطاته الحين يمديك شي يضحك والله

كلامي على الكلام اللي سمعته وانا ماشفته لكن قالو زيدان موصي الريال به وانتر طالبه وباريس ومارسيليا وغيرهم هذا لايعني انه مو لاعب لكن قد لايكون اعطي الفرصه او لم يوفق.

إقتباس


	القصة يا حبيّبي ميب ديميكليس يشيل القصة انه خبره بيفيدنا بدال مايعيث المتنكر لاصله في دفاعنا , لو ادور مدافع يشيل كان قلت فيدتش ولا لوسيو بس الكلام كله عن اللاعب المتوفر يعني الاحدايث الحين يا عادل يا ديميكلس بختار الثاني وانا مغمض

الحين انت شفت مستواه يومك تقول بيعبث بدفاعنا ولا بس تعصب لرايك وبعدين الرجل ماتنكر لاصله هو من مواليد فرنسا وهم يعطون المواليد جنسيه وهذولا دعوه للمنتخب وذولاك سحبوا عليه وهو عنده طموح وده يرتقي بمستواه واختيارك لديميكليس هذا رايك وانا احترمه لكن واتفرضه فرض لكل شخص وجه نظر

.

إقتباس


	عافاكم كلام مستمتعين فيه مع التوقف لعل الآخرين يدلون بدلوهم

اضم صوتي لصوتك المديرة غايبه

وكلن عنده ظروف

ابوعبدالله الغامدي · #1723 25/12/2010, 07:35 PM

سؤال ع الطاير

هل تؤيد قدوم بينتيز وهل فعلا ايمري لايتعلم من اخطائه وهل تتوقع قدوم بويان للفالنس بنظام اعارة

ץάмύйτ έмέя · #1724 25/12/2010, 09:17 PM

إقتباس


	القصة يا حبيّبي ميب ديميكليس يشيل القصة انه خبره بيفيدنا بدال مايعيث المتنكر لاصله في دفاعنا , لو ادور مدافع يشيل كان قلت فيدتش ولا لوسيو بس الكلام كله عن اللاعب المتوفر يعني الاحدايث الحين يا عادل يا ديميكلس بختار الثاني وانا مغمض

لا يكون تنكره لـ اصله هو الي ماهو عاجبك !!؟
تراه انولد في فرنسا و عاش كل حياته هناك
و والله انه ذيب على الاقل اخذ له جنسيه تعـــزه !!
اما الجنسيه العربيه الله يخلف علينا بس

إقتباس


	ابراهيم محد ذكر انه فاشل وقلتلك تبي تجيبه أفضل من العاهات الموجودين اوكي بس تقفل السوق عليه على أساس انه صفقه الموسم وحلال المشاكل نرجع نقول بدري عليه في انتظار كبار اوروبا اللي يتصارعون عليه اللي من جد لو بغاه احد منهم راح له وهو أحول غير القدرة المادية لهم اللي نبطي نحطها

بالنسبة لي رامي حل لـ مشاكل الدفاع بجانب ستانكي و كوستا
والحمدلله اخبار رغبة اكبر الاندية الاوروبيه في اللاعب ممليه المواقع العالميه الموثوقه ومنها الماركا و ليكيب

إقتباس


	اليوفي تشيلسي الانتر كلهم مهتمين بديميكلس يا ابراهيم الله يعافيك

اتحدى تكون هـ الانديه فكرت فيه
والله يعافيك

إقتباس


	مع احترامي لك العمر مو عيب هذا سيزار وبيريس الفرنسي بفياريال.

يالغالي تعرف كم اعمار مدافعينا
نافارو 30
كوستا 29

لما تشوف الاعمار مستحيل تروح الاداره وتتعاقد مع لاعبين كبار مثل ديميكليس
وبتبحث عن لاعبين لـ المستقبل وطلعت اسماء كثييره مثل رامي و ميراندا و مدافع اسبانيول عمره 21 سنه
هـذا الي اقصـده بـ العمــر

إقتباس


	يا صديقي الاهداف كلها هو الجابها او هو اللي تسبب ب21 هدف لحاله موصحيح قديكون الحارس غير جيد وقد يكون الدفاع اللي مه نكبات ياجماعه تكلمو بالعقل والنطق والله لو هو نكبه لهادرجه مالقيته بالمنتخب ولا احد يعرض عليه عقد.

اصلا تواجـده في المنتخـب الى الآن ما اقنـع محمــد !!

عمـوما انا متأكـد مليـون بـ الميه
بـ اني باكسـب الرهـان مثل ماكسبته في مقارنة مادورو بـ العاهه ديالبيرت
وماني مستغرب ابـدا بان من فضل ديالبيرت على مادورو
بيفضـل ديميكليس على رامـــي

إقتباس

الرسالة الأصلية كتبت بواسطة ابوعبدالله الغامدي


	سؤال ع الطاير هل تؤيد قدوم بينتيز وهل فعلا ايمري لايتعلم من اخطائه وهل تتوقع قدوم بويان للفالنس بنظام اعارة

ماني مع قـدومه
ما راح يفيـد فالنسيا في هـ المرحله ، وطلباته كثيره
والنادي محتاج مـدرب طمــوح

اما ايمـري بالعكس تعلم كثير من اخطائه
اما بويان مستحيل يجي
النادي كان يفكر في استعارته لكن تجديده لـ العقد انهى كل الامــور
يعطيك الف عافيه يابو عبـدالله

ץάмύйτ έмέя · #1725 25/12/2010, 09:46 PM

"النادي كان ناجحا بالتعاقد مع رامي ، هو مدافع ممتاز"
ديارا و كـوستا يتحدثان عن المـدافع

فالنسيا نجـح بـ التوقيع مع عادل رامي ، النادي اغلق الصفقه مـع مدافع ليل والذي سينتقل في الصيف المقبل بـ 6 مليـون يورو لمـدة ثلاثة أو أربعة مواسم ، فالنسيا اختـار واحـدا من افضل المـدافعين في فرنسـا.

مـدافع التشي الحـالي ريكاردو كوستا والذي لعب مع رامـي في ليل تحـدث عن التعاقد مع اللاعب. وقال "عندما يتم التعاقد مع لاعب ممتـاز دائما تكون هناك أنباء طيبة ، في هذه الحالة ، رامي شريك كبير وعظيم ، لقد استمتعت بـ اللعب معه في ليل ومعا يمكننا تشكيل دفاع جيـد هنا "،ريكاردو كوستا الذي أصر على أن التعاقد مع رامي " شيء عظيم لانه يملك قـوة بدنيه عاليه ، مع قدرة كبيره على التحسـن"

من جانبه ، لاس ديارا لاعب مـدريد الذي تزامـل مع رامي في المنتخب الفرنسي ، الذي قال "المـوسم الماضي تحسـن بـ شكل كبيــر لــ يصبح واحد من أفضل المـدافعين في فرنسا ، ولديه قـوة بدنية يحسد عليها ، هو نجاح لــ فالنسيا هـذا الاختيــار . "

as