11/06/2011, 08:16 PM
|
 | عضو اللجنة الإعلاميه للرياضة العالمية | | تاريخ التسجيل: 23/08/2009
مشاركات: 1,453
| |
سآلخير 
موفقين يَ أهل الاختبارات , عسى تفرحون بعدها بـ أطلق نتآيج وبـ أطلق معدلآت ,، القلب دآعي لكم
’،
الى الحين ما فرحت بأي خبر من الأخبار اللي راحت لأن هـَ الأخبار ما تسمن ولات غني من جوع , خصوصا وانو
كل الأسماء اللي مرتبطين فيهآ بكثره موجود أندية كبيرة تنافسنا عليهم , وطالما اللاعب ما وقّع فـ لا تفرحون به كثير
ممكن البعض يفرح بـ ميول اللاعب كونه يميل للمان يونايتد مثل جونز وسالفة توقيعه على تيشيرت المانيو ومثل
تصريحات اشلي قبل كم اسبوع بأنه يفضّل اليونايتد , لأن المسألة في الغالب مسألة "مآل" والتوقيع مع أي لآعب
ضروري يكون بأسرع وقت لكثرة الأندية اللي تبي تعزز صفوفهآ , بالانتقالات الشتوية كان فيه مفاوضات لما كان
السير يبي هندرسون وكان فيه إحتمآليه يدخل ويلباك في الصفقه , وشفنا تصاريح الولد بأنه يعشق اليونايتد !! 
لكن مع هذا راح للغريم ليفربول , يعني لا تفرحون كثير بالأخبار القوية اللي تربطنا بأي لآعب مهما كانت كثرتها
الا لما نشوف اللاعب مشخص على الطاولة الخشبية .
للأسف ان هالشي محزني كثير بأننا الى الآن ما وقعنا مع لاعب ولا نزل شيء من الرسمي بأن اللاعب الفلاني
مانشستراوي , وبرضو شيء ثآني محزني الأخبار اللي قريتها عن مودريتش بأن النادي ما يبي يتركه رغم انه
ما راح يلعب بدوري الأبطال ودخول تشلسي والسيتي على الخط < الله ياخذ ذا الفريق الثاني اللي مع الخيل يَ شقرا
يمين بالله فريق يملل بـ افكاره وطموحاته المحدوده , نرجع لـ محور حديثنا اللي هو التقليل من احتمالية انتقال لوكا
حتى ولو ارتبطنا مثلا بـ سنايدر او نصري , فـ لوكا أفضل بـ مراحل من الاثنين بـ وجهة نظري لـ كذا
سبب , أهمها بأنه متأقل على الدوري الانجليزي وعلى احتكاكاته , وثانيها يلعب بـ رتم عالي طوال الموسم واذا قل
مستواه فـ هو يبقى من أهم اللاعبين على ارضية الملعب من خلال متابعتي له بالموسمين او الثلاثه اللي فاتت
وثالث الأسباب وأهمها واللي يفرق فيها عن سنايدر ونصري بأنه أنسب لنا من الاثنين ويملك أدوار دفاعية أكثر منهم
مثل ما شفناه مع توتنهام بعد قدوم VDV نشوف لوكا يضم للخلف مع هيدلستون ويترك مركز صناعة اللعب
وبرضو بأن طريقتنا وأسلوبنا ما نعتمد على صانع ألعاب , نشوف الصناعة من الأطراف سواء أظهره أو أجنحه
أو تكون عن طريق المهاجم الثاني اللي يلعب برى المنطقة خلف رأس الحربة مثل أدوار روني الثلث الأخير من الموسم
بـ هالأشياء أشوف ان لوكآ أنسب ’، كأني أشوف فترة الانتقالات بتنتهي وما جبنا اللي يعوض سكولز 
على طآري طيب الذكر واللي بنبتسي على فرقآه كثير الأيام اللي فآتت أتابع مباريات الدوري هالموسم اعادات
بشكل عام وأحب أستكن على مبارياتنا بالذات , جآبو قبل أمس اعادة مباراة الذهاب ضد ايفرتون اللي كآن سكولز
بوقتها منهبل وهو رمانة الوسط في هذيك الفترة , قسم بالله يجيني شعور غريب وانا أطالع باللاعب وبطريقة لعبه
باصات خورافيه , تحريك الوسط بأفضل شكل ممكن ويتحكم بـ طريقة بداية الهجمة , آخخ بس يَ الاشقر
’،
ههههه , على الطاري قآعد اتابع حاليا مباراة الذهاب برضو ضد ستوك مباراة تيتشاريتو  اللي سجل فيها هدفين
جت مع كلامكم عن خافيير شفت الكلام من أول ما نزل بالرابطة استغربت حبتين لما ذكروا بعض العيال بأنه
اما يتحسّن أو يروح لـ الريآل , هي وجهة نظر ونحترمها بكل تأكيد لكن شي مقبول لو نناقشها والنقاش فيها ما ينقص
من نظرة صآحب الرأي
خافيير معكم أشوف بأنه لاعب تنقصه بعض الأشياء مثل الكنترول والثقه بالنفس بشكل أكبر خارج المنطقه في
الوقت اللي يمسك فيه الكورة , لكن هالأشياء تجي مع الوقت خصوصا وإنه جاي من نآدي ودوري مغمور مقارنه
بالدوريات الأوروبيه لـ نادي يعتبر من أكبر الاندية على مستوى العالم ولـ دوري يعتبر هو الأفضل والأقوى , يعني
ما نلوم اللاعب اذا ظهر ببعض العيوب , بغض النظر عن معدل التسجيل اللي يُعتبر كبير جدا الا ان تمركزه دآخل
المنطقة يتفوق به على كثير من المهاجمين , لاعب ذكي يعرف كيف يبعد عن المدافعين ويتمركز بالشكل الأصح
ويتيح لصنآع اللعب بأنهم يقشرون له الكوره , أذكر له احصائية قالها فآرس عوض من فترة , قآل من 12 او 13
محاولة على المرمى مسجّل 9 أهداف ! تكفي هالمعلومة عشآن تعكس لكم بأنه لآعب خورافي وله مستقبل وما يرحم
ولا يتفلسف عند المرمى , أشوفه انزآغي الثاني , بس أهم شي يفكنا من التسللات
’،
موفقين يَ شبـاب .. وان شاء الله التعليق الجاي يكون مدموج معه فرحه وتبريكآت بالصفقات |
يجيب الله مطر ان شاء الله 
الوضع العادي
